Viral Video: ਮਿਆਮੀ 'ਚ ਸਿੱਖ ਨੌਜਵਾਨ ਨੇ ਹਿੱਪ-ਹੌਪ ਡਾਂਸ ਨਾਲ ਕਰਵਾਈ ਬੱਲੇ-ਬੱਲੇ

ਨੱਚਣ ਦੀ ਕੋਈ ਭਾਸ਼ਾ ਨਹੀਂ ਹੁੰਦੀ, ਕਿਸੇ ਧਰਮ ਜਾਂ ਜਾਤ ਦੀ ਕੋਈ ਬੰਦਿਸ਼ ਨਹੀਂ ਹੈ। ਅਮਰੀਕਾ ਦੇ ਮਿਆਮੀ ਦਾ ਇੱਕ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ 'ਚ ਪੱਗੜੀ ਵਾਲਾ ਸਿੱਖ ਵਿਅਕਤੀ ਜ਼ਬਰਦਸਤ ਹਿੱਪ-ਹਾਪ ਡਾਂਸ ਕਰਦਾ ਨਜ਼ਰ ਆ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਇਨ੍ਹੀਂ ਦਿਨੀਂ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਵੀਡੀਓ ਵਿੱਚ ਪੀਲੀ ਪੱਗ ਵਾਲਾ ਇੱਕ ਪੰਜਾਬੀ ਮੁੰਡਾ ਸਭ ਤੋਂ ਪਹਿਲਾਂ ਅਮਰੀਕਾ ਦੇ ਮਿਆਮੀ ਦੀ ਸੜਕ 'ਤੇ ਕੁਝ ਬ੍ਰਿਟਿਸ਼ ਲੋਕਾਂ ਦੇ ਡਾਂਸ ਦੀ ਤਾਰੀਫ਼ ਕਰਦਾ ਨਜ਼ਰ ਆ ਰਿਹਾ ਹੈ। ਪਰ ਫਿਰ ਉਹ ਖੁਦ ਨੂੰ ਰੋਕ ਨਹੀਂ ਸਕਿਆ ਅਤੇ ਖੁਦ ਵੀ ਅਜਿਹਾ ਡਾਂਸ ਕੀਤਾ ਕਿ ਹਰ ਕੋਈ ਦੇਖਦਾ ਹੀ ਰਹਿ ਗਿਆ।

ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਗਈ ਵੀਡੀਓ 'ਚ ਉਹ ਫਲੋਰੀਡਾ ਦੇ ਮਿਆਮੀ 'ਚ ਸੜਕ ਦੇ ਕਿਨਾਰੇ ਇਕ ਹਿੱਪ ਹੌਪ ਡਾਂਸ ਗਰੁੱਪ ਦੇ ਨੇੜੇ ਆਉਂਦਾ ਦਿਖਾਈ ਦੇ ਰਿਹਾ ਹੈ। ਜਦੋਂ ਉਸਨੂੰ ਸ਼ਾਮਲ ਹੋਣ ਲਈ ਉਤਸ਼ਾਹਿਤ ਕੀਤਾ ਜਾਂਦਾ ਹੈ ਤਾਂ ਉਹ ਆਪਣੀਆਂ ਡਾਂਸ ਦੀਆਂ ਚਾਲਾਂ ਨਾਲ ਸਾਰਿਆਂ ਨੂੰ ਹੈਰਾਨ ਕਰ ਦਿੰਦਾ ਹੈ ਅਤੇ ਉਸਦੇ ਆਲੇ ਦੁਆਲੇ ਦੇ ਲੋਕ ਬਹੁਤ ਤਾਰੀਫ਼ ਕਰ ਰਹੇ ਹਨ।

View this post on Instagram

A post shared by Saminder Singh Dhindsa (@turbanmagic)

ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ 'ਤੇ turbanmagic ਨਾਮ ਦੇ ਅਕਾਊਂਟ 'ਤੇ ਸ਼ੇਅਰ ਕੀਤਾ ਗਿਆ ਹੈ। ਇਸ ਨੂੰ ਕਰੀਬ 5 ਲੱਖ ਲੋਕਾਂ ਨੇ ਦੇਖਿਆ ਹੈ। ਵੀਡੀਓ ਦੇ ਕੈਪਸ਼ਨ 'ਚ ਲਿਖਿਆ ਹੈ ਕਿ ਇਸ ਦੀ ਸ਼ੂਟਿੰਗ ਮਿਆਮੀ 'ਚ ਕੀਤੀ ਗਈ ਹੈ। ਇਸ ਵਿੱਚ ਨੱਚਣ ਵਾਲੇ ਵਿਅਕਤੀ ਦਾ ਨਾਂ ਸਮਿੰਦਰ ਸਿੰਘ ਢੀਂਡਸਾ ਹੈ। ਇੰਸਟਾਗ੍ਰਾਮ ਬਾਇਓ ਦੇ ਅਨੁਸਾਰ, ਸ੍ਰੀ ਸਮਿੰਦਰ ਸਿੰਘ ਢੀਂਡਸਾ ਆਪਣੀ ਯੂਨੀਵਰਸਿਟੀ ਵਿੱਚ ਭੰਗੜਾ ਟੀਮ ਅਤੇ ਭੰਗੜਾ ਗਰੁੱਪ ਦੇ ਵਰਜੀਨੀਆ ਸਕੂਲ ਦੇ ਮੈਂਬਰ ਹਨ। ਪਰ ਇੰਗਲਿਸ਼ ਬੀਟ 'ਤੇ ਉਸ ਦਾ ਡਾਂਸ ਵੀ ਕਾਫੀ ਸੁਰਖੀਆਂ ਬਟੋਰ ਰਿਹਾ ਹੈ।