ਬ੍ਰਿਟੇਨ ਨੂੰ ਪਛਾੜ ਦੇਵੇਗਾ ਭਾਰਤੀ ਸ਼ੇਅਰ ਬਾਜ਼ਾਰ, ਛੇਤੀ ਹੋ ਸਕਦੈ TOP-5 ਵਿੱਚ ਸ਼ਾਮਲ

ਰਿਪੋਰਟ ਅਨੁਸਾਰ, ਭਾਰਤੀ ਸਟਾਰਟ-ਅਪ (Start-up) ਤੇਜ਼ੀ ਨਾਲ ਵਧ ਰਹੇ ਹਨ। ਆਉਣ ਵਾਲੇ ਦਿਨਾਂ ਵਿੱਚ ਇਨ੍ਹਾਂ ਦਾ ਆਕਾਰ ਬਹੁਤ ਵੱਡਾ ਹੋ ਜਾਵੇਗਾ। 2021 ਵਿੱਚ ਹੁਣ ਤੱਕ ਭਾਰਤੀ ਸਟਾਰਟ-ਅਪ ਨੇ ਆਈਪੀਓ ਰਾਹੀਂ 10 ਬਿਲੀਅਨ ਡਾਲਰ ਯਾਨੀ 75 ਹਜ਼ਾਰ ਕਰੋੜ ਰੁਪਏ ਤੋਂ ਵੱਧ ਦੇ ਫੰਡ ਇਕੱਠੇ ਕੀਤੇ ਹਨ।

ਸਟਾਕ ਮਾਰਕੀਟ: ਅਗਸਤ ਮਹੀਨੇ 4 ਆਈਪੀਓਜ਼ ਤੋਂ ਕੰਪਨੀਆਂ ਨੇ ਕਮਾਏ 14 ਹਜ਼ਾਰ ਕਰੋੜ ਤੋਂ ਉਪਰ

ਸਟਾਕ ਮਾਰਕੀਟ: ਅਗਸਤ ਮਹੀਨੇ 4 ਆਈਪੀਓਜ਼ ਤੋਂ ਕੰਪਨੀਆਂ ਨੇ ਕਮਾਏ 14 ਹਜ਼ਾਰ ਕਰੋੜ ਤੋਂ ਉਪਰ

  • Share this:
ਭਾਰਤ ਦਾ ਸ਼ੇਅਰ ਬਾਜ਼ਾਰ (Indian Share Market) ਬਾਜ਼ਾਰ ਮੁੱਲ ਦੇ ਲਿਹਾਜ਼ ਨਾਲ ਬ੍ਰਿਟੇਨ (Great Britain) ਨੂੰ ਪਛਾੜਨ ਦੇ ਨੇੜੇ ਆ ਗਿਆ ਹੈ। ਛੇਤੀ ਹੀ ਭਾਰਤੀ ਸ਼ੇਅਰ ਬਾਜ਼ਾਰ ਵਿਸ਼ਵ ਦੇ ਚੋਟੀ ਦੇ 5 ਮਾਰਕੀਟ ਮੁੱਲ ਕਲੱਬ (Top Five Maket Club) ਵਿੱਚ ਸ਼ਾਮਲ ਹੋ ਸਕਦਾ ਹੈ। ਰਿਕਾਰਡ ਘੱਟ ਵਿਆਜ਼ ਦਰਾਂ ਅਤੇ ਪ੍ਰਚੂਨ ਨਿਵੇਸ਼ ਭਾਰਤ ਦੇ ਸ਼ੇਅਰ ਬਾਜ਼ਾਰ (Share Market) ਨੂੰ ਰਿਕਾਰਡ ਉਚਾਈ 'ਤੇ ਲਿਜਾਣ ਵਿੱਚ ਮਹੱਤਵਪੂਰਣ ਭੂਮਿਕਾ ਨਿਭਾ ਰਹੇ ਹਨ। ਬਲੂਮਬਰਗ (Blumburg) ਦੀ ਰਿਪੋਰਟ ਅਨੁਸਾਰ, ਇਸ ਸਾਲ ਭਾਰਤ ਦਾ ਮਾਰਕੀਟ ਪੂੰਜੀਕਰਣ 37% ਵਧ ਕੇ 3.46 ਟ੍ਰਿਲੀਅਨ ਡਾਲਰ ਹੋ ਗਈ ਹੈ। ਇਸ ਦੇ ਨਾਲ ਹੀ, ਬ੍ਰਿਟੇਨ ਦੀ ਮਾਰਕੀਟ ਕੈਪ ਇਸ ਸਾਲ 9% ਵਧ ਕੇ 3.59 ਟ੍ਰਿਲੀਅਨ ਡਾਲਰ ਤੱਕ ਪਹੁੰਚ ਗਈ ਹੈ। ਜੇ ਅਸੀਂ ਸੈਕੰਡਰੀ ਸੂਚੀਆਂ ਅਤੇ ਜਮ੍ਹਾਂ ਰਸੀਦਾਂ ਨੂੰ ਵੇਖਦੇ ਹਾਂ, ਤਾਂ ਇਹ ਅੰਕੜਾ ਬਹੁਤ ਮਹੱਤਵਪੂਰਨ ਹੈ।

ਭਾਰਤ ਅਤੇ ਯੂਕੇ ਦੇ ਬਾਜ਼ਾਰ ਦੀ ਤੁਲਨਾ ਕਰਦੇ ਸਮੇਂ ਭਾਰਤ ਕਈ ਤਰੀਕਿਆਂ ਨਾਲ ਅੱਗੇ ਵੱਧ ਰਿਹਾ ਹੈ। ਭਾਰਤ ਦੀ ਉੱਚ ਵਿਕਾਸ ਸੰਭਾਵਨਾ ਅਤੇ ਕਿਰਿਆਸ਼ੀਲ ਤਕਨਾਲੋਜੀ ਖੇਤਰ ਦੇ ਕਾਰਨ, ਦੇਸ਼ ਵਿੱਚ ਸਟਾਰਟਅਪਸ ਤੇਜ਼ੀ ਨਾਲ ਵਧ ਰਹੇ ਹਨ। ਬਾਜ਼ਾਰ ਨੂੰ ਇਸ ਦਾ ਫਾਇਦਾ ਹੋ ਰਿਹਾ ਹੈ। ਇਹ ਇਸ ਲਈ ਵੀ ਮਹੱਤਵਪੂਰਨ ਹੈ ਕਿਉਂਕਿ ਇਸ ਵੇਲੇ ਚੀਨ ਤੋਂ ਨਿਵੇਸ਼ ਵਿੱਚ ਵੱਡੀ ਕਮੀ ਆਈ ਹੈ। ਇਸ ਦੇ ਨਾਲ ਹੀ ਬ੍ਰਿਟੇਨ ਲਈ ਬ੍ਰੈਕਸਿਟ ਨਾਲ ਜੁੜਿਆ ਮਾਮਲਾ ਬਾਜ਼ਾਰ ਨੂੰ ਪ੍ਰਭਾਵਤ ਕਰ ਰਿਹਾ ਹੈ।

ਗੋਲਡਮੈਨ ਸਾਕਸ (Goldman Socks) ਦੀ ਰਿਪੋਰਟ ਅਨੁਸਾਰ, ਭਾਰਤੀ ਸਟਾਰਟ-ਅਪ (Start-up) ਤੇਜ਼ੀ ਨਾਲ ਵਧ ਰਹੇ ਹਨ। ਆਉਣ ਵਾਲੇ ਦਿਨਾਂ ਵਿੱਚ ਇਨ੍ਹਾਂ ਦਾ ਆਕਾਰ ਬਹੁਤ ਵੱਡਾ ਹੋ ਜਾਵੇਗਾ। 2021 ਵਿੱਚ ਹੁਣ ਤੱਕ ਭਾਰਤੀ ਸਟਾਰਟ-ਅਪ ਨੇ ਆਈਪੀਓ ਰਾਹੀਂ 10 ਬਿਲੀਅਨ ਡਾਲਰ ਯਾਨੀ 75 ਹਜ਼ਾਰ ਕਰੋੜ ਰੁਪਏ ਤੋਂ ਵੱਧ ਦੇ ਫੰਡ ਇਕੱਠੇ ਕੀਤੇ ਹਨ।

ਮੰਨਿਆ ਜਾ ਰਿਹਾ ਹੈ ਕਿ ਆਈਪੀਓ ਬਾਜ਼ਾਰ (IPO Market) ਅਗਲੇ ਦੋ ਸਾਲਾਂ ਤੱਕ ਇਸੇ ਤਰ੍ਹਾਂ ਗਰਮ ਰਹੇਗਾ। ਆਉਣ ਵਾਲੇ 36 ਮਹੀਨਿਆਂ ਵਿੱਚ ਘੱਟੋ-ਘੱਟ 150 ਕੰਪਨੀਆਂ ਦੇ ਬਾਜ਼ਾਰ ਵਿੱਚ ਸੂਚੀਬੱਧ ਹੋਣ ਦੀ ਉਮੀਦ ਹੈ। ਇਨ੍ਹਾਂ ਕੰਪਨੀਆਂ ਦੀ ਕੁੱਲ ਮਾਰਕੀਟ ਕੈਪ 400 ਬਿਲੀਅਨ ਡਾਲਰ ਦੇ ਨੇੜੇ ਹੋਵੇਗੀ। ਸਾਫ਼ ਹੈ, ਇਸ ਨਾਲ ਬੀਐਸਈ (BSE) ਦੀ ਕੁੱਲ ਮਾਰਕੀਟ ਕੈਪ (Market cap) ਵਿੱਚ ਵੱਡੀ ਛਲਾਂਗ ਲੱਗੇਗੀ।

ਰਿਪੋਰਟ ਅਨੁਸਾਰ, ਭਾਰਤੀ ਸ਼ੇਅਰ ਬਾਜ਼ਾਰ ਦੀ ਕੁੱਲ ਕੀਮਤ ਇਸ ਸਮੇਂ ਲਗਭਗ 3.5 ਟ੍ਰਿਲੀਅਨ ਡਾਲਰ ਹੈ। ਅਗਲੇ ਤਿੰਨ ਸਾਲਾਂ ਵਿੱਚ 150 ਕੰਪਨੀਆਂ ਦੇ ਸੂਚੀਬੱਧ ਹੋਣ ਤੋਂ ਬਾਅਦ, 2024 ਤੱਕ ਕੁੱਲ ਮਾਰਕੀਟ ਕੈਪ ਵਧ ਕੇ 5 ਟ੍ਰਿਲੀਅਨ ਡਾਲਰ ਹੋ ਜਾਵੇਗਾ। ਵਰਤਮਾਨ ਵਿੱਚ ਯੂਕੇ ਪੰਜਵੇਂ ਨੰਬਰ ਤੇ ਹੈ, ਜਿਸ ਦੀ ਮਾਰਕੀਟ ਕੈਪ ਭਾਰਤ ਦੇ 3.6 ਟ੍ਰਿਲੀਅਨ ਡਾਲਰ ਤੋਂ ਥੋੜ੍ਹੀ ਜ਼ਿਆਦਾ ਹੈ।

ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਭਾਰਤ ਜਲਦੀ ਹੀ ਬ੍ਰਿਟੇਨ ਨੂੰ ਪਿੱਛੇ ਛੱਡ ਕੇ ਪੰਜਵੇਂ ਸਥਾਨ 'ਤੇ ਆ ਜਾਵੇਗਾ। ਸਟਾਰਟਅਪਸ ਆਈਪੀਓ ਦੀ ਗੱਲ ਕਰੀਏ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਪੇਟੀਐਮ, ਓਯੋ, ਓਲਾ, ਫਲਿੱਪਕਾਰਟ ਵਰਗੀਆਂ ਕੰਪਨੀਆਂ ਦੇ ਆਈਪੀਓ ਲਈ ਤਿਆਰੀਆਂ ਚੱਲ ਰਹੀਆਂ ਹਨ।
Published by:Krishan Sharma
First published: