World UFO Day: ਕੀ ਦੂਜੀ ਦੁਨੀਆ 'ਚ ਮੌਜੂਦ ਹਨ ਏਲੀਅਨ? ਅਮਰੀਕੀ ਸਰਕਾਰ ਇਸ ਨੂੰ ਲੈ ਕੇ ਹੋਈ ਗੰਭੀਰ

ਫਲਾਇੰਗ ਸਾਸਰ ਯੂਐਫਓ (World UFO Day) ਜਾਂ ਅਣਪਛਾਤੇ ਫਲਾਇੰਗ ਆਬਜੈਕਟ ਦੀ ਕਦੇ ਵੀ ਅਧਿਕਾਰਤ ਤੌਰ 'ਤੇ ਪੁਸ਼ਟੀ ਨਹੀਂ ਕੀਤੀ ਗਈ ਹੈ। ਕਈ ਵਾਰ ਅਮਰੀਕਾ ਅਤੇ ਦੁਨੀਆ ਦੇ ਹੋਰ ਦੇਸ਼ਾਂ ਵਿਚ ਅਜਿਹੀਆਂ ਅਜੀਬੋ-ਗਰੀਬ ਵਸਤੂਆਂ ਨੂੰ ਦੇਖਣ ਦੀਆਂ ਘਟਨਾਵਾਂ ਨੂੰ ਭਰਮ ਕਰਾਰ ਦਿੱਤਾ ਗਿਆ ਅਤੇ ਜੇਕਰ ਇਨ੍ਹਾਂ ਦੀ ਜਾਂਚ ਕੀਤੀ ਗਈ ਤਾਂ ਕਈਆਂ ਵਿੱਚ ਕੁੱਝ ਸਾਫ ਜਵਾਬ ਸਾਹਮਣੇ ਨਹੀਂ ਆਏ। ਪਰ ਜਿਨ੍ਹਾਂ ਨੇ ਅਜਿਹੀਆਂ ਕਹਾਣੀਆਂ ਤੋਂ ਫਿਲਮਾਂ ਬਣਾਈਆਂ ਅਤੇ ਨਾਵਲ ਲਿਖੇ, ਉਨ੍ਹਾਂ ਨੂੰ ਯਕੀਨੀ ਤੌਰ 'ਤੇ ਮਸਾਲਾ ਮਿਲਿਆ ਅਤੇ ਏਲੀਅਨਜ਼ ਅਤੇ ਯੂਐਫਓ 'ਤੇ ਬਹੁਤ ਸਾਰੀਆਂ ਫਿਲਮਾਂ ਬਣੀਆਂ ਜਿਨ੍ਹਾਂ ਨੇ ਕਾਫੀ ਕਮਾਈ ਵੀ ਕੀਤੀ। ਇਸ ਸਭ ਦੇ ਵਿਚਕਾਰ, ਵਿਸ਼ਵ ਯੂਐਫਓ ਦਿਵਸ ਹਰ ਸਾਲ 2 ਜੁਲਾਈ ਨੂੰ ਦੁਨੀਆ ਵਿੱਚ ਮਨਾਇਆ ਜਾਂਦਾ ਹੈ ਅਤੇ ਇਸ ਵਾਰ ਵੀ ਮਨਾਇਆ ਜਾ ਰਿਹਾ ਹੈ।

ਵਿਸ਼ਵ UFO ਦਿਵਸ ਅਣਜਾਣ ਫਲਾਇੰਗ ਸਾਸਰਾਂ ਬਾਰੇ ਲੋਕਾਂ ਵਿੱਚ ਜਾਗਰੂਕਤਾ ਫੈਲਾਉਣ ਲਈ ਮਨਾਇਆ ਜਾਂਦਾ ਹੈ। UFOs ਨੂੰ ਕਿਸੇ ਦੂਜੇ ਸੰਸਾਰਾਂ ਨਾਲ ਸਬੰਧਤ ਮੰਨਿਆ ਜਾਂਦਾ ਹੈ ਜੋ ਬ੍ਰਹਿਮੰਡ ਦੇ ਦੂਜੇ ਹਿੱਸਿਆਂ ਵਿੱਚ ਫੈਲੇ ਜੀਵਨ ਤੋਂ ਆਉਂਦੇ ਹਨ। ਇਸ ਦਾਅਵੇ ਦਾ ਸਮਰਥਨ ਕਰਨ ਲਈ ਬਹੁਤ ਘੱਟ ਨਿਰਣਾਇਕ ਸਬੂਤ ਹਨ ਕਿ ਬ੍ਰਹਿਮੰਡ ਦੇ ਕਿਸੇ ਹੋਰ ਹਿੱਸੇ ਵਿੱਚ 'ਬੁੱਧੀਮਾਨ' ਏਲੀਅਨ ਰਹਿੰਦੇ ਹਨ। ਪਰ ਇਹ ਦਿਨ ਸਾਰੇ UFO ਉਤਸ਼ਾਹੀਆਂ ਨੂੰ ਦੁਨੀਆ ਭਰ ਦੇ ਉਨ੍ਹਾਂ ਲੋਕਾਂ ਨਾਲ ਆਪਣੀਆਂ ਖੋਜਾਂ ਅਤੇ ਕਲਪਨਾ ਨੂੰ ਸਾਂਝਾ ਕਰਨ ਦਾ ਮੌਕਾ ਮਿਲਦਾ ਹੈ, ਜੋ UFO ਤੇ ਏਲੀਅਨ ਵਿੱਚ ਯਕੀਨ ਕਰਦੇ ਹਨ।

ਪਰ ਪਿਛਲੇ ਇੱਕ ਸਾਲ ਵਿੱਚ, UFOs ਦੇ ਸਬੰਧ ਵਿੱਚ ਹਾਲਾਤ ਬਹੁਤ ਬਦਲ ਗਏ ਹਨ। ਪਿਛਲੇ ਮਹੀਨੇ ਹੀ, ਨਾਸਾ ਨੇ ਫੈਸਲਾ ਕੀਤਾ ਹੈ ਕਿ ਉਹ UFOs ਦੀ ਜਾਂਚ ਕਰਨ ਲਈ ਇੱਕ ਵੱਖਰੀ ਟੀਮ ਬਣਾਏਗਾ। ਪਿਛਲੇ ਮਹੀਨੇ, ਯੂਐਸ ਕਾਂਗਰਸ ਨੇ ਯੂਐਫਓ ਬਾਰੇ ਇੱਕ ਜਨਤਕ ਸੁਣਵਾਈ ਕੀਤੀ, ਜਦੋਂ ਕਿ ਪਿਛਲੇ ਸਾਲ ਇੱਕ ਯੂਐਸ ਖੁਫੀਆ ਰਿਪੋਰਟ ਵਿੱਚ 144 ਅਜਿਹੀਆਂ ਘਟਨਾਵਾਂ ਦਰਜ ਕੀਤੀਆਂ ਗਈਆਂ ਸਨ ਜਿਨ੍ਹਾਂ ਵਿੱਚ ਯੂਐਫਓ ਦੇ ਨਜ਼ਰ ਆਉਣ ਦਾ ਸ਼ੱਕ ਸੀ ਅਤੇ ਉਨ੍ਹਾਂ ਬਾਰੇ ਕਿਸੇ ਕੋਲ ਕਈ ਸਪਸ਼ਟ ਜਵਾਬ ਨਹੀਂ ਸੀ।

ਸਰਕਾਰਾਂ ਇਸ ਮੁੱਦੇ ਨੂੰ ਲੈ ਕੇ ਗੰਭੀਰ

ਇਹ ਪਹਿਲੀ ਵਾਰ ਹੈ ਜਦੋਂ ਅਮਰੀਕੀ ਸਰਕਾਰ ਅਤੇ ਨਾਸਾ ਵਰਗੀ ਵੱਡੀ ਵਿਗਿਆਨਕ ਸੰਸਥਾ ਖੁੱਲ੍ਹੇਆਮ UFO ਦਾ ਜ਼ਿਕਰ ਕਰ ਰਹੀ ਹੈ ਅਤੇ ਉਨ੍ਹਾਂ ਨੂੰ ਗੰਭੀਰਤਾ ਨਾਲ ਲੈ ਰਹੀ ਹੈ। ਅਮਰੀਕੀ ਕਾਂਗਰਸ ਵਿੱਚ ਹੋਈ ਜਨਤਕ ਸੁਣਵਾਈ ਵਿੱਚ ਵੀ ਕੁਝ ਸਵਾਲਾਂ ਦੇ ਜਵਾਬ ਨਹੀਂ ਦਿੱਤੇ ਗਏ। ਹਾਂ, ਪਤਾ ਲੱਗਾ ਕਿ ਫੌਜ ਕੋਲ ਬਹੁਤੀ ਜਾਣਕਾਰੀ ਨਹੀਂ ਹੈ ਅਤੇ ਨਾ ਹੀ ਉਹ ਇਸ ਬਾਰੇ ਕੋਈ ਸਪੱਸ਼ਟ ਜਾਂ ਠੋਸ ਸਬੂਤ ਹਾਸਲ ਕਰ ਸਕੇ ਹਨ। ਸਰਕਾਰੀ ਏਜੰਸੀਆਂ ਕੋਲ ਘੱਟ ਅੰਕੜੇ ਅਤੇ ਅਣਪਛਾਤੀਆਂ ਘਟਨਾਵਾਂ ਦੀ ਗਿਣਤੀ ਜ਼ਿਆਦਾ ਹੈ। ਪਰ UFOs ਨਾਲ ਸਭ ਤੋਂ ਵੱਡੀ ਸਮੱਸਿਆ ਡੇਟਾ ਦੀ ਘਾਟ ਹੈ। ਕਈ ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਇਸ ਖੇਤਰ ਵਿੱਚ ਡੇਟਾ ਦੀ ਵੱਡੀ ਘਾਟ ਹੈ।ਇਸ ਦੇ ਨਾਲ ਹੀ, ਇਸ ਮਾਮਲੇ ਵਿੱਚ ਜਾਣਕਾਰੀ ਦੇ ਸਰੋਤ ਦਾ ਪਤਾ ਨਹੀਂ ਹੈ। ਹੁਣ ਤੱਕ ਵਾਪਰੀਆਂ ਘਟਨਾਵਾਂ ਬਾਰੇ ਸਪੱਸ਼ਟ ਅਤੇ ਪੂਰੀ ਜਾਣਕਾਰੀ ਨਹੀਂ ਮਿਲ ਸਕੀ ਹੈ ਕਿਉਂਕਿ ਘਟਨਾ ਕਿੱਥੇ ਅਤੇ ਕਦੋਂ ਵਾਪਰੀ ਹੈ, ਇਸ ਬਾਰੇ ਪਹਿਲਾਂ ਨਹੀਂ ਦੱਸਿਆ ਜਾ ਸਕਦਾ।

ਜਾਗਰੂਕਤਾ ਅਤੇ ਅੰਕੜਿਆਂ ਦੀ ਲੋੜ ਹੈ

ਇਸ ਦਿਨ ਨੂੰ ਮਨਾਉਣ ਦਾ ਇੱਕ ਮੁੱਖ ਉਦੇਸ਼ ਦੁਨੀਆ ਵਿੱਚ ਕਿਤੇ ਵੀ ਵਾਪਰਨ ਵਾਲੀਆਂ ਘਟਨਾਵਾਂ ਦਾ ਡਾਟਾ ਇਕੱਠਾ ਕਰਨਾ ਹੈ। ਇਸ ਤੋਂ ਇਲਾਵਾ ਜਾਗਰੂਕਤਾ ਫੈਲਾ ਕੇ ਹੀ ਅਜਿਹੀਆਂ ਘਟਨਾਵਾਂ ਪ੍ਰਤੀ ਲੋਕਾਂ ਨੂੰ ਵੱਧ ਤੋਂ ਵੱਧ ਜਾਗਰੂਕ ਕੀਤਾ ਜਾ ਸਕਦਾ ਹੈ ਅਤੇ ਅਜਿਹੀਆਂ ਘਟਨਾਵਾਂ ਵਿੱਚ ਕੋਈ ਭੁਲੇਖਾ ਨਹੀਂ ਰਹਿਣਾ ਚਾਹੀਦਾ ਅਤੇ ਲੋਕਾਂ ਨੂੰ ਵੱਧ ਤੋਂ ਵੱਧ ਜਾਣਕਾਰੀ ਸਾਂਝੀ ਕਰਨੀ ਚਾਹੀਦੀ ਹੈ।

ਸਿਰਫ 2 ਜੁਲਾਈ ਨੂੰ ਹੀ ਕਿਉਂ ਮਨਾਇਆ ਜਾਂਦਾ ਹੈ World UFO Day

ਇੱਕ ਸਵਾਲ ਇਹ ਵੀ ਹੈ ਕਿ ਵਿਸ਼ਵ ਯੂਐਫਓ ਦਿਵਸ ਸਿਰਫ਼ 2 ਜੁਲਾਈ ਨੂੰ ਹੀ ਕਿਉਂ ਮਨਾਇਆ ਜਾਂਦਾ ਹੈ। ਦਸ ਦੇਈਏ ਕਿ ਕਈ ਥਾਵਾਂ 'ਤੇ ਇਹ 24 ਜੂਨ ਨੂੰ ਵੀ ਮਨਾਇਆ ਜਾਂਦਾ ਹੈ, ਪਰ ਵਧੇਰੇ ਪ੍ਰਸਿੱਧੀ 2 ਜੁਲਾਈ ਨੂੰ ਮਿਲੀ ਹੈ। 2 ਜੁਲਾਈ, 1947 ਨੂੰ, ਯੂਐਸ ਏਅਰ ਫੋਰਸ ਦਾ ਗੁਬਾਰਾ ਨਿਊ ਮੈਕਸੀਕੋ ਵਿੱਚ ਰੋਜ਼ਵੇਲ ਦੇ ਨੇੜੇ ਤਬਾਹ ਹੋ ਗਿਆ ਸੀ, ਇਸ ਬਾਰੇ ਚਰਚਾ ਇਹ ਰਹੀ ਕਿ ਇਸ ਦੀ ਟੱਕਰ ਕਿਸੇ UFO ਨਾਲ ਹੋਈ ਸੀ। ਉਸ ਵੇਲੇ ਯੂਐਫਓ ਨੂੰ ਲੈ ਕੇ ਕਾਫੀ ਚਰਚਾ ਬਣੀ ਹੋਈ ਸੀ। ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਧਰਤੀ ਉੱਤੇ ਜੀਵਨ ਦੀ ਅਨੁਕੂਲਤਾ ਇੱਕ ਬਹੁਤ ਹੀ ਦੁਰਲੱਭ ਕਿਸਮ ਦੀ ਸਥਿਤੀ ਹੈ, ਜੋ ਅਰਬਾਂ, ਲੱਖਾਂ ਸਾਲਾਂ ਦੀਆਂ ਪ੍ਰਕਿਰਿਆਵਾਂ ਦੁਆਰਾ ਵਿਕਸਤ ਹੋਈ ਹੈ। ਪਰ ਬ੍ਰਹਿਮੰਡ ਦੀ ਵਿਸ਼ਾਲਤਾ ਨੂੰ ਦੇਖਦੇ ਹੋਏ, ਇਹ ਦਾਅਵਾ ਨਹੀਂ ਕੀਤਾ ਜਾ ਸਕਦਾ ਹੈ ਕਿ ਧਰਤੀ ਤੋਂ ਬਾਹਰ ਜੀਵਨ ਦੀ ਕੋਈ ਸੰਭਾਵਨਾ ਨਹੀਂ ਹੈ, ਭਾਵ ਧਰਤੀ ਤੋਂ ਬਾਹਰ ਬ੍ਰਹਿਮੰਡ ਦੇ ਹੋਰ ਕੋਨਿਆਂ ਵਿੱਚ ਬੁੱਧੀਮਾਨ ਜੀਵਨ ਮੌਜੂਦ ਨਹੀਂ ਹੈ। ਸੱਚਾਈ ਇਹ ਹੈ ਕਿ ਅਸੀਂ ਅਜੇ ਤੱਕ ਆਪਣੇ ਸੋਲਰ ਸਿਸਟਮ ਨੂੰ ਚੰਗੀ ਤਰ੍ਹਾਂ ਨਹੀਂ ਸਮਝ ਸਕੇ ਹਾਂ।