ਮਹੀਨਿਆਂ ਤੋਂ ਨਹੀਂ ਮਿਲੀ ਸੀ ਐਂਕਰ ਨੂੰ ਸੈਲਰੀ, Live ਬੁਲਟਿਨ ‘ਚ ਰੋ ਕੇ ਦੁਨੀਆ ਨੂੰ ਦੱਸੀ ਚੈਨਲ ਦੀ ਅਸਲੀਅਤ

ਅਕਸਰ ਤੁਸੀਂ ਨਿਊਜ਼ ਚੈਨਲਾਂ 'ਤੇ ਬਹਿਸ ਨਾਲ ਜੁੜੇ ਵੀਡੀਓ ਦੇਖੇ ਹੋਣਗੇ। ਜਿੱਥੇ ਕੁਝ ਮਹਿਮਾਨ ਕੁਝ ਅਜਿਹਾ ਕਹਿੰਦੇ ਹਨ ਜੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਜਾਂਦਾ ਹੈ। ਕਈ ਵਾਰ ਪੱਤਰਕਾਰਾਂ ਦੀ ਵੀਡੀਓ ਵੀ ਵਾਇਰਲ ਹੋ ਜਾਂਦੀ ਹੈ। ਜਿਵੇਂ ਕਿ ਪਾਕਿਸਤਾਨੀ ਐਂਕਰਜ਼ ਵਿਚਕਾਰ ਲੜਾਈ ਦੀ ਵੀਡੀਓ ਕਈ ਦਿਨਾਂ ਤੋਂ ਚਰਚਾ ਦਾ ਵਿਸ਼ਾ ਬਣੀ ਰਹੀ ਸੀ। ਹਾਲ ਹੀ ਵਿਚ ਜ਼ੈਂਬੀਆ (Zambia) ਵਿੱਚ ਇੱਕ ਟੀਵੀ ਚੈਨਲ ਦੇ ਹੋਸਟ ਦੀ ਵੀਡੀਓ ਖੂਬ ਹੰਗਾਮਾ ਮਚਾ ਰਹੀ ਹੈ।

ਦਰਅਸਲ, ਇਹ ਵੀਡੀਓ ਜ਼ੈਂਬੀਆ ਦੇ ਚੈਨਲ ਕੇਬੀਐਨ ਟੀਵੀ (KBN TV) ਦੇ ਐਂਕਰ ਕਬੀਡਾ ਕਾਲੀਮੀਨਾ (Kabinda Kalimina) ਦਾ ਹੈ। ਜਿਨ੍ਹਾਂ ਨੇ ਆਮ ਵਾਂਗ ਨਿਊਜ਼ ਬੁਲੇਟਿਨ ਨੂੰ ਪੜ੍ਹਨਾ ਸ਼ੁਰੂ ਕੀਤਾ ਪਰ ਅਚਾਨਕ ਕੁਝ ਅਜਿਹਾ ਕਿਹਾ ਕਿ ਚੈਨਲ ਵਿੱਚ ਮੌਜੂਦ ਸਾਰੇ ਕਰਮਚਾਰੀ ਅਤੇ ਚੈਨਲ ਦੇ ਦਰਸ਼ਕ ਹੈਰਾਨ ਰਹਿ ਗਏ।

ਜਾਣਕਾਰੀ ਅਨੁਸਾਰ ਐਂਕਰ ਨੇ ਲਾਈਵ ਨਿਊਜ਼ ਬੁਲੇਟਿਨ ਦੌਰਾਨ ਆਪਣਾ ਦੁੱਖ ਜ਼ਾਹਰ ਕੀਤਾ ਅਤੇ ਚੈਨਲ ਦੇ ਪ੍ਰਬੰਧਨ ‘ਤੇ ਗੰਭੀਰ ਦੋਸ਼ ਲਗਾਏ। ਉਨ੍ਹਾਂ ਨੇ ਆਨ ਏਅਰ (On air show) ਵਿੱਚ ਕਿਹਾ ਕਿ ਖ਼ਬਰਾਂ ਤੋਂ ਪਰਾਂ ਦੇਵੀ ਅਤੇ ਸੱਜਣੋ, ਅਸੀਂ ਇਨਸਾਨ ਹਾਂ। ਸਾਨੂੰ ਤਨਖਾਹ ਮਿਲਣੀ ਚਾਹੀਦੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਬਦਕਿਸਮਤੀ ਨਾਲ, KBN ਨੇ ਸਾਨੂੰ ਤਨਖਾਹ ਨਹੀਂ ਦਿੱਤੀ ... ਸ਼ੇਰੋਨ ਅਤੇ ਮੇਰੇ ਸਮੇਤ ਹੋਰਨਾਂ ਸਾਰਿਆਂ ਨੂੰ ਅਦਾਇਗੀ ਨਹੀਂ ਕੀਤੀ ਗਈ। ਸਾਡੀਆਂ ਤਨਖਾਹਾਂ ਅਦਾ ਕਰਨੀਆਂ ਪੈਣਗੀਆਂ।"

ਇਸ ਘਟਨਾ ਤੋਂ ਤੁਰੰਤ ਬਾਅਦ ਕਲੀਮੀਨਾ ਨੂੰ ਨਿਊਜ਼ ਚੈਨਲ ਤੋਂ ਹਟਾ ਦਿੱਤਾ ਗਿਆ। ਪਰ ਉਸ ਤੋਂ ਬਾਅਦ ਵੀ ਕਲੀਮੀਨਾ ਨੂੰ ਉਸ ਦੇ ਕੰਮਾਂ 'ਤੇ ਕੋਈ ਪਛਤਾਵਾ ਨਹੀਂ ਹੋਇਆ। ਚੈਨਲ ਤੋਂ ਕੱਢੇ ਜਾਣ ਤੋਂ ਬਾਅਦ, ਉਸ ਨੇ ਆਪਣੀ ਫੇਸਬੁੱਕ 'ਤੇ ਵਿਸਫੋਟਕ ਵੀਡੀਓ ਸਾਂਝੀ ਕੀਤੀ ਅਤੇ ਲਿਖਿਆ, "ਹਾਂ ਮੈਂ ਲਾਈਵ ਟੀਵੀ 'ਤੇ ਅਜਿਹਾ ਕੀਤਾ, ਇਸ ਲਈ ਕਿ ਬਹੁਤੇ ਪੱਤਰਕਾਰ ਬੋਲਣ ਤੋਂ ਡਰਦੇ ਹਨ ਪਰ ਇਸਦਾ ਮਤਲਬ ਇਹ ਨਹੀਂ ਕਿ ਪੱਤਰਕਾਰਾਂ ਨੂੰ ਬੋਲਣਾ ਨਹੀਂ ਚਾਹੀਦਾ।"

ਇਸ ਘਟਨਾ ਦਾ ਇਹ ਵੀਡੀਓ ਫੇਸਬੁੱਕ 'ਤੇ ਹਜ਼ਾਰਾਂ ਵਾਰ ਦੇਖਿਆ ਗਿਆ ਹੈ। ਬਹੁਤ ਸਾਰੇ ਲੋਕਾਂ ਨੇ ਕੇਬੀਐਨ ਟੀਵੀ ਦੇ ਕਰਮਚਾਰੀਆਂ ਦੇ ਹੱਕ ਵਿੱਚ ਆਪਣੀ ਆਵਾਜ਼ ਵੀ ਬੁਲੰਦ ਕੀਤੀ ਅਤੇ ਮੰਗ ਕੀਤੀ ਕਿ ਕਰਮਚਾਰੀਆਂ ਦੀਆਂ ਤਨਖਾਹਾਂ ਦੀ ਅਦਾਇਗੀ ਕੀਤੀ ਜਾਵੇ।

ਕੇਬੀਐਨ ਟੀਵੀ ਦੇ ਚੀਫ ਐਗਜ਼ੀਕਿਊਟਿਵ ਕੈਨੇਡੀ ਮੈਮਬਵੇ (Kennedy Mambwe) ਨੇ ਫੇਸਬੁੱਕ 'ਤੇ ਇਕ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਕੇਬੀਐਨ ਟੀਵੀ, ਮੁੱਖ ਖ਼ਬਰ ਬੁਲੇਟਿਨ ਦੀ ਬਜਾਏ ਸਾਡੇ ਪਾਰਟ-ਟਾਈਮ ਪੇਸ਼ਕਾਰ ਵੱਲੋਂ ਸ਼ਰਾਬ ਪੀ ਕੇ ਇਸ ਕਿਸਮ ਦਾ ਵਿਵਹਾਰ ਕਰਨਾ ਸੋਸ਼ਲ ਮੀਡੀਆ ਉਤੇ ਵਾਇਰਲ ਹੋ ਰਹੇ ਵੀਡੀਓ ਤੋਂ  ਹੈਰਾਨ ਹਾਂ। ਉਸਨੇ ਅੱਗੇ ਦੱਸਿਆ ਕਿ ਕਿਸੇ ਵੀ ਹੋਰ ਸੰਸਥਾ ਦੀ ਤਰ੍ਹਾਂ ਕੇਬੀਐਨ ਟੀ ਵੀ ਦੇ ਸਾਰੇ ਕਰਮਚਾਰੀਆਂ ਨੂੰ ਆਪਣੀਆਂ ਸ਼ਿਕਾਇਤਾਂ ਅੱਗੇ ਰੱਖਣ ਦਾ ਬਹੁਤ ਵਧੀਆ ਪ੍ਰਬੰਧ ਹੈ। ਚੈਨਲ ਨੇ ਕਬੀਡਾ ਕਾਲੀਮੀਨਾ ਦੇ ਅਜਿਹੇ ਵਿਵਹਾਰ ਦੀ ਸਖਤ ਨਿੰਦਾ ਕੀਤੀ ਹੈ।