• Home
  • »
  • News
  • »
  • lifestyle
  • »
  • 1002 WOMEN CLEAR THEIR FIRST EVER NDA EXAM AMONG 8000 SUCCESSFUL CANDIDATES GH AP AS

1,002 ਔਰਤਾਂ ਨੇ ਕੀਤੀ ਪਹਿਲੀ ਵਾਰ NDA ਪ੍ਰੀਖਿਆ ਪਾਸ, ਹਰ ਪਾਸੇ ਹੋ ਰਹੀ ਸ਼ਲਾਘਾ

NDA ਪਹਿਲਾਂ ਹੀ ਆਪਣੇ ਮੌਜੂਦਾ 18 ਵਿੱਚ ਦੋ ਹੋਰ ਸਕੁਐਡਰਨ ਜੋੜਨ ਅਤੇ ਫੌਜੀ ਕੈਡਿਟਾਂ ਦੀ ਸਾਲਾਨਾ ਭਰਤੀ ਨੂੰ ਵਧਾਉਣ ਲਈ ਕੰਮ ਕਰ ਰਿਹਾ ਹੈ। ਇੰਟੈਗਰੇਟਿਡ ਡਿਫੈਂਸ ਸਟਾਫ ਹੈੱਡਕੁਆਰਟਰ (HQ-IDS) ਦੇ ਸਾਬਕਾ ਸਹਾਇਕ ਚੀਫ਼ ਆਫ਼ ਇੰਟੈਗਰੇਟਿਡ ਡਿਫੈਂਸ ਸਟਾਫ (ਏਸੀਆਈਡੀਐਸ) ਮੇਜਰ ਜਨਰਲ ਅਰਵਿੰਦ ਭਾਟੀਆ (ਸੇਵਾਮੁਕਤ) ਨੇ ਨਿਊਜ਼ 18 ਨੂੰ ਦੱਸਿਆ ਕਿ ਐਨਡੀਏ ਵਿੱਚ ਲਗਭਗ 120-150 ਮਹਿਲਾ ਕੈਡਿਟਾਂ ਨੂੰ ਸ਼ਾਮਲ ਕਰਨ ਦਾ ਵਿਚਾਰ ਸੀ।

1,002 ਔਰਤਾਂ ਨੇ ਕੀਤੀ ਪਹਿਲੀ ਵਾਰ NDA ਪ੍ਰੀਖਿਆ ਪਾਸ, ਹਰ ਪਾਸੇ ਹੋ ਰਹੀ ਸ਼ਲਾਘਾ

  • Share this:
ਇਹ ਪਹਿਲੀ ਵਾਰ ਹੈ ਜਦੋਂ ਮਹਿਲਾ ਉਮੀਦਵਾਰ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ (ਯੂਪੀਐਸਸੀ) ਦੁਆਰਾ 14 ਨਵੰਬਰ ਨੂੰ ਲਈ ਗਈ ਪ੍ਰੀਖਿਆ ਵਿੱਚ ਸ਼ਾਮਲ ਹੋਈਆਂ ਸਨ। ਉਨ੍ਹਾਂ ਦੇ ਨਤੀਜੇ ਬੁੱਧਵਾਰ ਨੂੰ ਐਲਾਨੇ ਗਏ। ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਹਜ਼ਾਰ ਤੋਂ ਵੱਧ ਔਰਤਾਂ ਨੇ ਨੈਸ਼ਨਲ ਡਿਫੈਂਸ ਅਕੈਡਮੀ (ਐਨਡੀਏ) ਦੀ ਪ੍ਰੀਖਿਆ ਪਾਸ ਕੀਤੀ ਹੈ।

ਨਿਊਜ਼ 18 ਨੂੰ ਮਿਲੀ ਜਾਣਕਾਰੀ ਅਨੁਸਾਰ ਕੁੱਲ 8000 ਸਫਲ ਉਮੀਦਵਾਰਾਂ ਵਿੱਚੋਂ ਇੱਕ ਹਜ਼ਾਰ ਤੋਂ ਵੱਧ ਔਰਤਾਂ ਨੇ ਐਨਡੀਏ ਦੀ ਪ੍ਰੀਖਿਆ ਪਾਸ ਕੀਤੀ ਹੈ। ਇਹ 1,002 ਮਹਿਲਾ ਉਮੀਦਵਾਰ ਹੁਣ ਸਰਵਿਸਿਜ਼ ਸਿਲੈਕਸ਼ਨ ਬੋਰਡ ਅਤੇ ਉਨ੍ਹਾਂ ਦੇ ਮੈਡੀਕਲ ਟੈਸਟਾਂ ਲਈ ਹਾਜ਼ਰ ਹੋਣਗੀਆਂ, ਜਿਸ ਤੋਂ ਬਾਅਦ ਇਨ੍ਹਾਂ ਵਿੱਚੋਂ 19 ਨੂੰ ਅਗਲੇ ਸਾਲ ਦੇ ਐਨਡੀਏ ਕੋਰਸ ਲਈ ਸ਼ਾਰਟਲਿਸਟ ਕੀਤਾ ਜਾਵੇਗਾ।

ਨਿਊਜ਼ 18 ਨੇ ਸਭ ਤੋਂ ਪਹਿਲਾਂ ਇਹ ਰਿਪੋਰਟ ਦਿੱਤੀ ਸੀ ਕਿ ਲਗਭਗ 20 ਮਹਿਲਾ ਕੈਡਿਟਾਂ ਨੂੰ ਪਹਿਲੀ ਵਾਰ ਐਨਡੀਏ ਵਿੱਚ ਸ਼ਾਮਲ ਕੀਤਾ ਜਾਵੇਗਾ ਤਾਂ ਜੋ ਉਹ ਬਾਅਦ ਵਿੱਚ ਫੌਜ, ਨੇਵੀ ਅਤੇ ਭਾਰਤੀ ਹਵਾਈ ਸੈਨਾ ਵਿੱਚ ਅਫਸਰ ਵਜੋਂ ਸੇਵਾ ਕਰ ਸਕਣ।

ਨੈਸ਼ਨਲ ਡਿਫੈਂਸ ਅਕੈਡਮੀ ਅਗਲੇ ਸਾਲ ਕੁੱਲ 400 ਕੈਡਿਟਾਂ ਦੀ ਭਰਤੀ ਕਰੇਗੀ, ਜਿਨ੍ਹਾਂ 'ਚੋਂ ਫੌਜ 10 ਔਰਤਾਂ ਸਮੇਤ 208 ਉਮੀਦਵਾਰ ਲਵੇਗੀ। ਜਲ ਸੈਨਾ ਤਿੰਨ ਔਰਤਾਂ ਸਮੇਤ 42 ਉਮੀਦਵਾਰਾਂ ਨੂੰ ਦਾਖ਼ਲ ਕਰੇਗੀ, ਜਦੋਂ ਕਿ ਭਾਰਤੀ ਹਵਾਈ ਸੈਨਾ 120 ਉਮੀਦਵਾਰਾਂ ਨੂੰ ਦਾਖ਼ਲ ਕਰੇਗੀ, ਜਿਨ੍ਹਾਂ ਵਿੱਚੋਂ ਛੇ ਔਰਤਾਂ ਹੋਣਗੀਆਂ।

ਇੱਥੇ ਰਾਜ ਸਭਾ ਵਿੱਚ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ ਰੱਖਿਆ ਰਾਜ ਮੰਤਰੀ ਅਜੈ ਭੱਟ ਨੇ ਦੱਸਿਆ ਕਿ ਪ੍ਰੀਖਿਆ ਲਈ ਬਿਨੈਕਾਰਾਂ ਦੀ ਕੁੱਲ ਗਿਣਤੀ 5,75,856 ਸੀ, ਜਿਨ੍ਹਾਂ ਵਿੱਚੋਂ 1,77,654 ਔਰਤਾਂ ਸਨ। ਅਸਲ ਵਿੱਚ ਐਨਡੀਏ ਆਪਣਾ ਬੁਨਿਆਦੀ ਢਾਂਚਾ ਵਿਕਸਤ ਕਰ ਰਿਹਾ ਹੈ। ਉਹ ਇੱਕ ਮਜ਼ਬੂਤ ​​ਸੁਰੱਖਿਆ ਜਾਲ ਸਥਾਪਤ ਕਰ ਰਿਹਾ ਹੈ ਅਤੇ ਮਹਿਲਾ ਟ੍ਰੇਨਰਾਂ, ਗਾਇਨੀਕੋਲੋਜਿਸਟ ਸਮੇਤ ਡਾਕਟਰਾਂ ਅਤੇ ਹੋਰ ਲੋੜੀਂਦੇ ਸਹਾਇਕ ਸਟਾਫ ਦੀ ਨਿਯੁਕਤੀ ਸ਼ੁਰੂ ਕਰ ਰਿਹਾ ਹੈ। ਇਹ ਅਗਲੇ ਸਾਲ ਪਹਿਲੀ ਵਾਰ ਆਪਣੇ ਕੈਂਪਸ ਵਿੱਚ ਮਹਿਲਾ ਕੈਡਿਟਾਂ ਦਾ ਸਵਾਗਤ ਕਰਨ ਲਈ ਹੋਰ ਜ਼ਰੂਰੀ ਕਦਮ ਚੁੱਕ ਰਿਹਾ ਹੈ।

ਖੜਕਵਾਸਲਾ, ਪੁਣੇ ਵਿੱਚ ਸਥਿਤ, ਐਨਡੀਏ ਦਾ ਰਸਮੀ ਉਦਘਾਟਨ 1955 ਵਿੱਚ ਕੀਤਾ ਗਿਆ ਸੀ। ਇਸ ਵਿੱਚ ਵਰਤਮਾਨ ਵਿੱਚ ਕੁੱਲ 18 ਸਕੁਐਡਰਨ ਹਨ, ਹਰ ਇੱਕ ਵਿੱਚ ਲਗਭਗ 120 ਕੈਡੇਟ ਹਨ। ਸੰਸਥਾ ਵਿੱਚ ਇਸ ਸਮੇਂ ਆਪਣੇ ਛੇ ਕਾਰਜਕਾਲਾਂ ਵਿੱਚ ਲਗਭਗ 2,020 ਕੈਡੇਟ ਹਨ। ਕੈਡਿਟ 12ਵੀਂ ਜਮਾਤ ਦੀਆਂ ਬੋਰਡ ਪ੍ਰੀਖਿਆਵਾਂ ਤੋਂ ਬਾਅਦ ਆਪਣੀ ਪ੍ਰੀ-ਕਮਿਸ਼ਨ ਸਿਖਲਾਈ ਲਈ NDA ਵਿੱਚ ਸ਼ਾਮਲ ਹੁੰਦੇ ਹਨ।

ਸਰਕਾਰੀ ਸੂਤਰਾਂ ਦੇ ਅਨੁਸਾਰ, ਹਰ ਸਾਲ ਛੇ ਲੱਖ ਤੋਂ ਵੱਧ ਉਮੀਦਵਾਰ ਚਾਰ ਐਨਡੀਏ ਦਾਖਲਾ ਅਤੇ ਸੰਯੁਕਤ ਰੱਖਿਆ ਸੇਵਾਵਾਂ ਪ੍ਰੀਖਿਆਵਾਂ ਲਈ ਅਰਜ਼ੀ ਦਿੰਦੇ ਹਨ। ਪ੍ਰੀਖਿਆਵਾਂ UPSC ਦੁਆਰਾ ਕਰਵਾਈਆਂ ਜਾਂਦੀਆਂ ਹਨ। ਸਤੰਬਰ ਵਿੱਚ, ਸੁਪਰੀਮ ਕੋਰਟ ਨੇ ਫੈਸਲਾ ਸੁਣਾਇਆ ਕਿ ਔਰਤਾਂ ਨੂੰ ਇਸ ਸਾਲ ਤੋਂ ਹੀ ਐਨਡੀਏ ਵਿੱਚ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ। ਹਾਲਾਂਕਿ ਕੇਂਦਰ ਦੀ ਮੰਗ ਸੀ ਕਿ ਇਸ ਨੂੰ ਅਗਲੇ ਸਾਲ ਤੋਂ ਸ਼ੁਰੂ ਕੀਤਾ ਜਾਵੇ, ਜਿਸ ਨੂੰ ਅਦਾਲਤ ਨੇ ਰੱਦ ਕਰ ਦਿੱਤਾ।

ਹੁਣ ਤੱਕ, ਮਹਿਲਾ ਅਧਿਕਾਰੀ ਆਫੀਸਰਜ਼ ਟਰੇਨਿੰਗ ਅਕੈਡਮੀ (OTA), ਚੇਨਈ ਤੋਂ ਫੌਜ ਵਿੱਚ ਸ਼ਾਮਲ ਹੋਈਆਂ ਅਤੇ ਭਾਰਤੀ ਜਲ ਸੈਨਾ ਅਕੈਡਮੀ ਅਤੇ ਹਵਾਈ ਸੈਨਾ ਅਕੈਡਮੀ ਤੋਂ ਨੇਵੀ ਅਤੇ ਆਈਏਐਫ ਵਿੱਚ ਸ਼ਾਮਲ ਹੋਈਆਂ ਸਨ।

ਔਰਤਾਂ ਨੇ ਗ੍ਰੈਜੂਏਸ਼ਨ ਤੋਂ ਬਾਅਦ ਇਨ੍ਹਾਂ ਅਕੈਡਮੀਆਂ ਵਿੱਚ ਦਾਖਲਾ ਲਿਆ। NDA ਪਹਿਲਾਂ ਹੀ ਆਪਣੇ ਮੌਜੂਦਾ 18 ਵਿੱਚ ਦੋ ਹੋਰ ਸਕੁਐਡਰਨ ਜੋੜਨ ਅਤੇ ਫੌਜੀ ਕੈਡਿਟਾਂ ਦੀ ਸਾਲਾਨਾ ਭਰਤੀ ਨੂੰ ਵਧਾਉਣ ਲਈ ਕੰਮ ਕਰ ਰਿਹਾ ਹੈ। ਇੰਟੈਗਰੇਟਿਡ ਡਿਫੈਂਸ ਸਟਾਫ ਹੈੱਡਕੁਆਰਟਰ (HQ-IDS) ਦੇ ਸਾਬਕਾ ਸਹਾਇਕ ਚੀਫ਼ ਆਫ਼ ਇੰਟੈਗਰੇਟਿਡ ਡਿਫੈਂਸ ਸਟਾਫ (ਏਸੀਆਈਡੀਐਸ) ਮੇਜਰ ਜਨਰਲ ਅਰਵਿੰਦ ਭਾਟੀਆ (ਸੇਵਾਮੁਕਤ) ਨੇ ਨਿਊਜ਼ 18 ਨੂੰ ਦੱਸਿਆ ਕਿ ਐਨਡੀਏ ਵਿੱਚ ਲਗਭਗ 120-150 ਮਹਿਲਾ ਕੈਡਿਟਾਂ ਨੂੰ ਸ਼ਾਮਲ ਕਰਨ ਦਾ ਵਿਚਾਰ ਸੀ।
Published by:Amelia Punjabi
First published: