ਨੀਂਦ ਲੈਣ ਦੀ ਯੋਗਤਾ ਵੀ ਬਣ ਸਕਦੀ ਹੈ ਕਮਾਈ ਦਾ ਸਾਧਨ, ਇਹ ਕੰਪਨੀ ਦੇ ਰਹੀ ਹੈ ਸੌਣ ਦੇ ਪੈਸੇ, ਜਾਣੋ ਵੇਰਵਾ

Earn Money by Sleeping: ਨੀਂਦ ਦੀ ਗੱਲ ਹੋਵੇ ਤਾਂ ਸੌਣਾ ਕਿੰਨੂ ਪਸੰਦ ਨਹੀਂ ਹੈ। ਹਾਲਾਂਕਿ ਅਜੋਕੇ ਸਮੇਂ ਵਿੱਚ ਭੱਜਦੌੜ ਭਰੀ ਜ਼ਿੰਦਗੀ ਵਿੱਚ ਨੀਂਦ ਪੂਰੀ ਕਰਨ ਦਾ ਵੀ ਸਮਾਂ ਨਹੀਂ ਮਿਲਦਾ ਹੈ। ਸਗੋਂ ਪੈਸੇ ਕਮਾਉਣ ਲਈ ਰਾਤ-ਰਾਤ ਵੀ ਜਾਗਣਾ ਪੈਂਦਾ ਹੈ। ਸਾਡੇ ਵਿੱਚੋਂ ਬਹੁਤ ਸਾਰੇ ਦਿਨ ਦੇ ਜ਼ਿਆਦਾਤਰ ਘੰਟੇ ਕਿਸੇ ਨਾ ਕਿਸੇ ਕੰਮ ਵਿੱਚ ਬਿਤਾਉਂਦੇ ਹਨ ਅਤੇ ਸਾਡੀ ਜ਼ਿੰਦਗੀ ਉਸੇ ਕਮਾਈ ਨਾਲ ਚੱਲਦੀ ਹੈ। ਵਿਅਸਤ ਜੀਵਨ ਸ਼ੈਲੀ ਅਤੇ ਰੁਝੇਵਿਆਂ ਭਰੀ ਜ਼ਿੰਦਗੀ ਵਿੱਚ ਥਕਾਵਟ ਸਾਡੇ ਉੱਤੇ ਹਾਵੀ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ ਹਰਕੋਈ ਆਰਾਮਦਾਇਕ ਨੀਂਦ ਚਾਹੁੰਦਾ ਹੈ।

ਪਰ ਜੇਕਰ ਤੁਹਾਨੂੰ ਸੌਣ ਦੇ ਹੀ ਪੈਸੇ ਮਿਲਣ ਲੱਗ ਜਾਣ ਤਾਂ ਸ਼ਾਇਦ ਤੁਸੀਂ ਵੀ ਇਹ ਸੁਣ ਕੇ ਹੈਰਾਨ ਹੋਵੋਗੇ।ਯਾਨੀ ਤੁਸੀਂ ਸਿਰਫ਼ ਸੌਂਦੇਹੋ ਅਤੇ ਕੰਪਨੀ ਤੁਹਾਨੂੰ ਉਸ ਲਈ ਤਨਖਾਹ ਵੀ ਦੇਵੇ। ਤੁਹਾਨੂੰ ਇਹ ਮਜ਼ਾਕ ਲੱਗ ਸਕਦਾ ਹੈ ਪਰ ਇਹ ਸੱਚ ਹੈ।ਦਰਅਸਲ, ਅਮਰੀਕਾ ਵਿੱਚ ਕਈ ਅਜਿਹੀਆਂ ਕੰਪਨੀਆਂ ਹਨ, ਜਿਨ੍ਹਾਂ ਨੇ ਨੀਂਦ ਨਾਲ ਸਬੰਧਤ ਧਾਰਨਾ ਨੂੰ ਗਲਤ ਸਾਬਤ ਕੀਤਾ ਹੈ ਅਤੇ ਨੀਂਦ ਆਉਣ ਵਾਲੇ ਲੋਕਾਂ ਨੂੰ ਨੀਂਦ ਦੀਆਂ ਨੌਕਰੀਆਂ ਦੀ ਪੇਸ਼ਕਸ਼ ਕੀਤੀ ਹੈ। ਤੁਸੀਂ ਆਪਣੀ ਸੌਣ ਦੀ ਯੋਗਤਾ ਲਈ ਇਹਨਾਂ ਫਰਮਾਂ ਤੋਂ ਕਮਾਈ ਕਰ ਸਕਦੇ ਹੋ।

ਹਾਲ ਹੀ ਵਿੱਚ ਨਿਊਯਾਰਕ ਸਥਿਤ ਕੰਪਨੀਕੈਸਪਰ ਅਜਿਹੇ ਲੋਕਾਂ ਦੀ ਭਰਤੀ ਕਰ ਰਹੀ ਹੈ ਜੋ ਅਸਾਧਾਰਨ ਹਾਲਾਤਾਂ 'ਚ ਵੀ ਸੌਣ ਦੀ ਸਮਰੱਥਾ ਰੱਖਦੇ ਹਨ। ਕੰਪਨੀ ਨੇ ਇਨ੍ਹਾਂ ਨੂੰ 'ਕੈਸਪਰ ਸਲੀਪਰਸ'(Casper Sleepers) ਦਾ ਨਾਂ ਦਿੱਤਾ ਹੈ। ਉਨ੍ਹਾਂ ਨੇ ਹੋਰ ਲੋਕਾਂ ਨੂੰ ਵੀ ਸੌਣ ਲਈ ਪ੍ਰੇਰਿਤ ਕਰਨਾ ਹੈ। ਇਸ ਦੇ ਲਈ ਕੰਪਨੀ ਨੇ ਲੋਕਾਂ ਨੂੰ ਆਪਣੇ ਸਟੋਰ 'ਚ ਸੌਣ ਦਾ ਸੱਦਾ ਦਿੱਤਾ ਹੈ।

ਇਸ ਲਈ ਤੁਹਾਨੂੰ ਬੱਸ ਉੱਥੇ ਜਾ ਕੇ ਸੌਣਾ ਹੋਵੇਗਾ ਅਤੇ ਜੇਕਰ ਅਜਿਹੀ ਸਥਿਤੀ ਪੈਦਾ ਹੋ ਜਾਂਦੀ ਹੈ ਜਦੋਂ ਤੁਸੀਂ ਸੌਣ ਤੋਂ ਅਸਮਰੱਥ ਹੋ ਜਾਂਦੇ ਹੋ ਤਾਂ ਤੁਹਾਨੂੰ 'ਪ੍ਰੋਫੈਸ਼ਨਲ ਸਲੀਪਰ' ਦੇ ਤੌਰ 'ਤੇ Tik-Tok ਸਟਾਈਲ ਵਿੱਚ ਵੀਡੀਓ ਬਣਾ ਕੇ ਦੂਜੇ ਲੋਕਾਂ ਨਾਲ ਆਪਣਾ ਅਨੁਭਵ ਸਾਂਝਾ ਕਰਨਾ ਹੋਵੇਗਾ। ਇਨ੍ਹਾਂ ਵੀਡੀਓਜ਼ ਨੂੰ ਕੈਸਪਰ ਦੇ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਵੀ ਪੋਸਟ ਕਰਨਾ ਹੋਵੇਗਾ।

ਅਪਲਾਈ ਕਰ ਸਕਦੇ ਹਨ
ਇਸ ਕੰਮ ਲਈ ਅਪਲਾਈ ਕਰਨ ਦੇ ਚਾਹੁਵਾਨ ਇਹ ਜਾਣ ਲੈਣ ਕਿ ਕੰਪਨੀ ਦੀ ਮੰਗ ਹੈ ਕਿ ਚੁਣੇ ਗਏ ਉਮੀਦਵਾਰ ਨੂੰ ਵੱਧ ਤੋਂ ਵੱਧ ਸੌਣ ਦੀ ਇੱਛਾ ਹੋਣੀ ਚਾਹੀਦੀ ਹੈ। ਉਸ ਨੂੰ ਕੈਮਰੇ ਦੇ ਸਾਹਮਣੇ ਜਾਂ ਪਿੱਛੇ ਸੌਣ ਲਈ ਕਿਹਾ ਜਾ ਸਕਦਾ ਹੈ। ਬਿਨੈਕਾਰ ਦੀ ਉਮਰ 18 ਸਾਲ ਜਾਂ ਇਸ ਤੋਂ ਵੱਧ ਹੋਣੀ ਚਾਹੀਦੀ ਹੈ। ਦਿਲਚਸਪੀ ਰੱਖਣ ਵਾਲੇ ਉਮੀਦਵਾਰ Tik-Tok @Casper 'ਤੇ #CasperSleepers ਨਾਲ ਇੱਕ ਵਿਕਲਪਿਕ ਵੀਡੀਓ ਸਾਂਝਾ ਕਰਕੇ ਅਰਜ਼ੀ ਦੇ ਸਕਦੇ ਹਨ।

ਤੁਸੀਂ Casper ਦੀ ਅਧਿਕਾਰਤ ਵੈੱਬਸਾਈਟ (casper.com) 'ਤੇ ਜਾ ਕੇ ਵੀ ਇਸ ਲਈ ਅਰਜ਼ੀ ਦੇ ਸਕਦੇ ਹੋ। ਜੇਕਰ ਤੁਸੀਂ ਇੱਕ ਵਿਕਲਪਿਕ Tik-Tok ਵੀਡੀਓ ਸਪੁਰਦ ਕਰਦੇ ਹੋ, ਤਾਂ ਨੌਕਰੀ ਦੀ ਅਰਜ਼ੀ ਵਿੱਚ ਆਪਣਾ Tik-Tok ਹੈਂਡਲ ਅਤੇ ਵੀਡੀਓ ਦਾ ਲਿੰਕ ਐਡ ਕਰਨਾ ਜ਼ਰੂਰੀ ਹੋਵੇਗਾ।

ਹਾਲਾਂਕਿ ਭਾਰਤ 'ਚ ਇਸ ਤਰ੍ਹਾਂ ਦਾ Tik-Tok ਬੈਨ ਹੈ। ਤੁਹਾਨੂੰ ਇਸਵੈਬਸਾਈਟ 'ਤੇ ਪੇਸ਼ੇਵਰ ਸਲੀਪਰ ਦੀ ਇਸ ਨੌਕਰੀ ਬਾਰੇ ਹੋਰ ਜਾਣਕਾਰੀ ਵੀ ਮਿਲੇਗੀ। ਕੰਪਨੀ ਦਾ ਕਹਿਣਾ ਹੈ ਕਿ ਚੁਣੇ ਗਏ ਉਮੀਦਵਾਰਾਂ ਨੂੰ ਕੰਮ ਕਰਨ ਲਈ ਪਜਾਮਾ ਪਹਿਨਣ, ਕੈਸਪਰ ਦੇ ਉਤਪਾਦਾਂ ਤੱਕ ਮੁਫਤ ਪਹੁੰਚ ਕਰਨ ਅਤੇ ਆਪਣੇ ਕੰਮ ਦੇ ਘੰਟੇ ਨਿਰਧਾਰਤ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।