ਘਰ ਬੈਠੇ ਹੀ EPF ਖਾਤੇ 'ਚ ਨਵਾਂ ਬੈਂਕ ਖਾਤਾ ਅਪਡੇਟ ਕਰਨਾ ਹੋਇਆ ਸੰਭਵ, ਜਾਣੋ ਕਿਵੇਂ

ਔਨਲਾਈਨ ਬੈਂਕਿੰਗ ਦਾ ਪ੍ਰਭਾਵ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਘਰ ਬੈਠੇ ਲੈਣ-ਦੇਣ ਕਰਨ ਦੇ ਨਾਲ-ਨਾਲ ਹੁਣ ਤੁਸੀਂ ਆਪਣੇ ਬੈਂਕ ਵੇਰਵਿਆਂ ਨੂੰ ਵੀ ਅੱਪਡੇਟ ਕਰ ਸਕਦੇ ਹੋ। ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਆਪਣੇ ਗਾਹਕਾਂ ਨੂੰ ਔਨਲਾਈਨ ਆਪਣੇ ਬੈਂਕ ਵੇਰਵਿਆਂ ਨੂੰ ਅਪਡੇਟ ਕਰਨ ਦੀ ਸੁਵਿਧਾ ਦਿੰਦਾ ਹੈ। ਅਜਿਹੀ ਸਥਿਤੀ ਵਿੱਚ, ਤੁਸੀਂ ਆਪਣੇ ਬੈਂਕ ਖਾਤੇ ਨੂੰ ਬੜੀ ਹੀ ਆਸਾਨੀ ਨਾਲ, ਪੀਐਫ ਖਾਤੇ ਦੇ ਨਾਲ ਅਪਡੇਟ ਕਰ ਸਕਦੇ ਹੋ।

ਦੱਸ ਦੇਈਏ ਕਿ ਜੇਕਰ ਤੁਸੀਂ EPF ਖਾਤੇ 'ਚ ਬੈਂਕ ਖਾਤਾ ਅਪਡੇਟ ਨਹੀਂ ਕੀਤਾ ਹੈ ਤਾਂ ਪੈਸੇ ਕਢਵਾਉਣ 'ਚ ਦਿੱਕਤ ਆਵੇਗੀ। ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਗਾਹਕ ਪਹਿਲਾਂ ਹੀ ਪੀਐਫ ਖਾਤੇ ਨਾਲ ਜੁੜੇ ਬੈਂਕ ਖਾਤੇ ਨੂੰ ਬੰਦ ਕਰ ਚੁੱਕੇ ਹਨ, ਪਰ ਨਵੇਂ ਬੈਂਕ ਖਾਤੇ ਨੂੰ ਪੀਐਫ ਖਾਤੇ ਨਾਲ ਲਿੰਕ ਕਰਨਾ ਭੁੱਲ ਜਾਂਦੇ ਹਨ। ਜੇਕਰ ਤੁਹਾਡਾ ਪੁਰਾਣਾ ਜਾਂ ਗਲਤ ਖਾਤਾ ਨੰਬਰ EPFO ਨਾਲ ਰਜਿਸਟਰਡ ਹੈ, ਤਾਂ ਤੁਸੀਂ ਯੂਨੀਵਰਸਲ ਖਾਤਾ ਨੰਬਰ (UAN) ਰਾਹੀਂ ਔਨਲਾਈਨ ਆਪਣੇ ਨਵੇਂ ਬੈਂਕ ਖਾਤੇ ਨੂੰ ਅਪਡੇਟ ਕਰ ਸਕਦੇ ਹੋ।

ਜਾਣਕਾਰੀ ਲਈ ਦੱਸ ਦੇਈਏ ਕਿ ਯੂਨੀਵਰਸਲ ਖਾਤਾ ਨੰਬਰ (UAN) ਇੱਕ 12 ਅੰਕਾਂ ਦਾ ਵਿਲੱਖਣ ਪਛਾਣ ਨੰਬਰ ਹੈ। ਇਹ ਨੰਬਰ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਦੁਆਰਾ ਪ੍ਰਦਾਨ ਕੀਤਾ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਕਰਮਚਾਰੀ ਦਾ UAN ਉਹੀ ਰਹੇਗਾ, ਭਾਵੇਂ ਉਹ ਆਪਣੇ ਜੀਵਨ ਕਾਲ ਦੌਰਾਨ ਨੌਕਰੀ ਬਦਲਦਾ ਹੈ।

ਨਵੇਂ ਬੈਂਕ ਖਾਤੇ ਨੂੰ ਅਪਡੇਟ ਕਰਨ ਦਾ ਤਰੀਕਾ
•ਸਭ ਤੋਂ ਪਹਿਲਾਂ EPFO ਦੇ ਅਧਿਕਾਰਤ ਯੂਨੀਫਾਈਡ ਮੈਂਬਰ ਪੋਰਟਲ https://unifiedportal-mem.epfindia.gov.in/memberinterface/ 'ਤੇ ਜਾਓ।
•ਆਪਣਾ UAN ਅਤੇ ਪਾਸਵਰਡ ਦਰਜ ਕਰਕੇ ਇੱਥੇ ਲੌਗ ਇਨ ਕਰੋ।
•ਇਸ ਤੋਂ ਬਾਅਦ ਟਾਪ ਮੇਨੂ ਵਿੱਚ 'ਮੈਨੇਜ' ਵਿਕਲਪ 'ਤੇ ਜਾਓ, ਫਿਰ ਡ੍ਰੌਪ ਡਾਊਨ ਮੀਨੂ ਤੋਂ 'ਕੇਵਾਈਸੀ' ਨੂੰ ਚੁਣੋ।
•ਹੁਣ ਆਪਣਾ ਬੈਂਕ ਚੁਣੋ ਅਤੇ ਬੈਂਕ ਖਾਤਾ ਨੰਬਰ, ਨਾਮ ਅਤੇ IFSC ਕੋਡ ਦਰਜ ਕਰਕੇ 'ਸੇਵ' 'ਤੇ ਕਲਿੱਕ ਕਰੋ। ਇਸ ਤੋਂ ਮਗਰੋਂ ਤੁਹਾਡੀ ਬੇਨਤੀ ਨੂੰ ਮਨਜ਼ੂਰੀ ਲਈ ਲੰਬਿਤ KYC ਵਜੋਂ ਦਿਖਾਇਆ ਜਾਵੇਗਾ।
•ਇਸ ਤੋਂ ਬਾਅਦ ਸਬੰਧਤ ਦਸਤਾਵੇਜ਼ ਆਪਣੇ ਰੁਜ਼ਗਾਰਦਾਤਾ ਨੂੰ ਜਮ੍ਹਾਂ ਕਰਵਾਓ।
•ਇਸ ਜਾਣਕਾਰੀ ਨੂੰ ਰੁਜ਼ਗਾਰਦਾਤਾ ਦੁਆਰਾ ਮਨਜ਼ੂਰੀ ਦਿੱਤੇ ਜਾਣ ਤੋਂ ਬਾਅਦ, ਤੁਹਾਡੇ ਅਪਡੇਟ ਕੀਤੇ ਬੈਂਕ ਵੇਰਵੇ ਡਿਜ਼ੀਟਲ ਤੌਰ 'ਤੇ ਪ੍ਰਵਾਨਿਤ ਕੇਵਾਈਸੀ ਵਿੱਚ ਦਿਖਾਈ ਦੇਣਗੇ।