Airtel prepaid recharge hike : ਇੰਨੇ ਰੁਪਏ ਮਹਿੰਗੇ ਹੋਏ ਪ੍ਰੀਪੇਡ ਪਲਾਨ, ਵੇਖੋ ਪੂਰੀ ਸੂਚੀ

ਵਧਦੀ ਮਹਿੰਗਾਈ ਦੇ ਦੌਰ 'ਚ ਏਅਰਟੈੱਲ ਯੂਜ਼ਰਸ ਨੂੰ ਇਕ ਹੋਰ ਝਟਕਾ ਲੱਗਾ ਹੈ। ਜਲਦੀ ਹੀ ਭਾਰਤੀ ਏਅਰਟੈੱਲ ਨੇ ਆਪਣੇ ਪ੍ਰੀ-ਪੇਡ ਰੀਚਾਰਜ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ। ਹੁਣ ਏਅਰਟੈੱਲ ਯੂਜ਼ਰਸ ਨੂੰ ਆਪਣੇ ਮੋਬਾਇਲ ਦੇ ਰੀਚਾਰਜ ਲਈ ਜ਼ਿਆਦਾ ਪੈਸੇ ਦੇਣੇ ਪੈਣਗੇ। ਕੰਪਨੀ ਮੁਤਾਬਕ 9 ਸਰਕਲਾਂ 'ਚ ਪ੍ਰੀ-ਪੇਡ ਰੀਚਾਰਜ ਮਹਿੰਗਾ ਹੋ ਗਿਆ ਹੈ। ਇਸ ਵਾਧੇ ਤੋਂ ਬਾਅਦ ਹੁਣ ਗਾਹਕਾਂ ਨੂੰ 99 ਰੁਪਏ ਦੇ ਰੀਚਾਰਜ ਲਈ 155 ਰੁਪਏ ਦੇਣੇ ਹੋਣਗੇ। ਇਸ ਦਾ ਮਤਲਬ ਹੈ ਕਿ ਹੁਣ ਗਾਹਕਾਂ ਨੂੰ ਸਿੰਗਲ ਰੀਚਾਰਜ ਲਈ 56 ਰੁਪਏ ਜ਼ਿਆਦਾ ਦੇਣੇ ਹੋਣਗੇ।

ਪਹਿਲਾਂ ਵੀ ਵਾਧਾ ਹੋਇਆ ਸੀ

ਭਾਰਤੀ ਏਅਰਟੈੱਲ ਨੇ ਆਪਣੇ ਰੀਚਾਰਜ ਪਲਾਨ 'ਚ ਘੱਟੋ-ਘੱਟ ਰਿਚਾਰਜ 'ਚ ਇਹ ਵਾਧਾ ਕੀਤਾ ਹੈ। ਕੀਮਤ ਵਧਾਉਣ ਦੇ ਐਲਾਨ ਤੋਂ ਬਾਅਦ ਹੁਣ ਗਾਹਕਾਂ ਨੂੰ ਘੱਟੋ-ਘੱਟ 155 ਰੁਪਏ ਦਾ ਰੀਚਾਰਜ ਕਰਨਾ ਹੋਵੇਗਾ। ਇਸ ਤੋਂ ਪਹਿਲਾਂ ਕੰਪਨੀ ਨੇ ਆਪਣੇ 7 ਸਰਕਲਾਂ 'ਚ ਦਰਾਂ 'ਚ ਵਾਧੇ ਦਾ ਐਲਾਨ ਕੀਤਾ ਸੀ, ਜਦਕਿ 2 'ਚ ਹੁਣ ਅਜਿਹਾ ਕੀਤਾ ਗਿਆ ਹੈ।

ਕੁੱਲ ਮਿਲਾ ਕੇ ਕੰਪਨੀ ਨੇ ਆਪਣੇ 9 ਸਰਕਲਾਂ 'ਚ ਪਲਾਨ ਦੀਆਂ ਕੀਮਤਾਂ 'ਚ ਵਾਧੇ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਪਹਿਲਾਂ ਕੰਪਨੀ ਨੇ ਉੜੀਸਾ ਅਤੇ ਹਰਿਆਣਾ ਵਿੱਚ ਦਰਾਂ ਵਿੱਚ ਵਾਧਾ ਕੀਤਾ ਸੀ।

ਸਵਾਲ ਇਹ ਹੈ ਕਿ ਟੈਲੀਕਾਮ ਕੰਪਨੀਆਂ ਨੂੰ ਰੀਚਾਰਜ ਪਲਾਨ ਦੀ ਕੀਮਤ ਕਿਉਂ ਵਧਾਉਣੀ ਪਈ ਹੈ। ਦਰਅਸਲ, ਇਸ ਸੈਕਟਰ ਦੀਆਂ 3 ਵਿੱਚੋਂ 2 ਕੰਪਨੀਆਂ ਮੁਨਾਫੇ ਲਈ ਸੰਘਰਸ਼ ਕਰ ਰਹੀਆਂ ਹਨ। ਖਾਸ ਕਰਕੇ ਵੋਡਾਫੋਨ-ਆਈਡੀਆ ਵੱਡੇ ਕਰਜ਼ੇ ਦੇ ਬੋਝ ਨਾਲ ਜੂਝ ਰਹੀ ਹੈ। ਰਿਲਾਇੰਸ ਜੀਓ ਅਤੇ ਭਾਰਤੀ ਏਅਰਟੈੱਲ ਦਾ ਸ਼ੁੱਧ ਕਰਜ਼ਾ-ਤੋਂ-ਏਬਿਟਡਾ ਵੀ ਤਿੰਨ ਗੁਣਾ ਤੋਂ ਵੱਧ ਹੈ।

ਵਿੱਤੀ ਪੱਧਰ 'ਤੇ ਸੰਘਰਸ਼ ਕਰਨ ਦੇ ਬਾਵਜੂਦ, ਕੰਪਨੀਆਂ ਲਗਾਤਾਰ 5G ਨੈੱਟਵਰਕ 'ਚ ਨਿਵੇਸ਼ ਕਰ ਰਹੀਆਂ ਹਨ। ਜਿਓ ਅਤੇ ਏਅਰਟੈੱਲ ਸਪੈਕਟਰਮ ਨਿਲਾਮੀ ਤੋਂ ਬਾਅਦ ਦੇਸ਼ ਭਰ ਵਿੱਚ ਵੱਖ-ਵੱਖ ਖੇਤਰਾਂ ਵਿੱਚ 5ਜੀ ਸੇਵਾਵਾਂ ਸ਼ੁਰੂ ਕਰ ਰਹੇ ਹਨ।