Apple ਨੇ ਲਾਂਚ ਕੀਤਾ MacOS Ventura, ਕਮਾਲ ਦੇ ਫੀਚਰਸ ਨਾਲ ਲੈਸ ਹੈ ਨਵਾਂ ਆਪਰੇਟਿੰਗ ਸਿਸਟਮ

ਐਪਲ ਦੇ ਕੰਪਿਊਟਰ ਤੇ ਲੈਪਟਾਪ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਲਈ ਇੱਕ ਖੁਸ਼ਖਬਰ ਹੈ। ਐਪਲ ਨੇ macOS Ventura ਨੂੰ ਲਾਂਚ ਕਰ ਦਿੱਤਾ ਹੈ। ਨਵੇਂ ਓਪਰੇਟਿੰਗ ਸਿਸਟਮ ਦੇ ਨਾਲ ਕਈ ਨਵੇਂ ਫੀਚਰ ਵੀ ਐਡ ਕੀਤੇ ਗਏ ਹਨ। ਇਨ੍ਹਾਂ ਫੀਚਰਸ ਵਿੱਚ ਸਟੇਜ ਮੈਨੇਜਰ, ਆਡੀਓ ਕੰਟੈਂਟ ਲਈ ਲਾਈਵ ਕੈਪਸ਼ਨ, ਵੀਡੀਓਜ਼ ਲਈ ਲਾਈਵ ਟੈਕਸਟ ਅਤੇ ਮੈਸੇਜ ਐਡੀਟਿੰਗ ਦਾ ਵਿਕਲਪ ਸ਼ਾਮਲ ਹੈ। ਐਪਲ ਨੇ ਖੁਲਾਸਾ ਕੀਤਾ ਹੈ ਕਿ macOS Ventura ਇਸਦੇ ਇਨ-ਹਾਊਸ ਪੀਸੀ ਲਈ ਉਪਲਬਧ ਹੈ। ਇਹ ਨਵਾਂ macOS Ventura ਮੇਲ ਐਪ ਵਿੱਚ ਈਮੇਲ ਭੇਜਣ ਨੂੰ ਅਨਡੂ ਕਰਨ ਦੀ ਸਮਰੱਥਾ ਪ੍ਰਦਾਨ ਕਰਦਾ ਹੈ। ਉਪਭੋਗਤਾ ਮੇਲ ਐਪ ਵਿੱਚ ਭੇਜਣ ਦਾ ਸਮਾਂ ਵੀ ਨਿਰਧਾਰਤ ਕਰ ਸਕਦੇ ਹਨ। 'ਰਿਮਾਈਂਡ ਮੀ' ਅਤੇ 'ਫਾਲੋ ਅੱਪ' ਫੀਚਰਸ ਨੂੰ ਵੀ ਆਪਰੇਟਿੰਗ ਸਿਸਟਮ 'ਚ ਜੋੜਿਆ ਗਿਆ ਹੈ ਜੋ ਯੂਜ਼ਰਸ ਨੂੰ ਬਿਹਤਰ ਤਰੀਕੇ ਨਾਲ ਮੇਲ 'ਤੇ ਨਜ਼ਰ ਰੱਖਣ 'ਚ ਮਦਦ ਕਰੇਗਾ।

ਸੁਰੱਖਿਆ ਨੂੰ ਧਿਆਨ ਵਿੱਚ ਰਖਦੇ ਹੋਏ ਐਪਲ ਮੈਕ ਡਿਵਾਈਸ 'ਚ Passkey ਨਾਂ ਦਾ ਇੱਕ ਹੋ ਫੀਚਰ ਐਡ ਕੀਤਾ ਗਿਆ ਹੈ। ਪਾਸਵਰਡ ਨੂੰ ਬਦਲਣ ਲਈ ਤਿਆਰ ਕੀਤੀ ਗਈ, Passkey ਇੱਕ ਸੁਰੱਖਿਅਤ ਸਾਈਨ-ਇਨ ਪ੍ਰਕਿਰਿਆ ਹੈ। OS ਉਪਭੋਗਤਾਵਾਂ ਨੂੰ ਇੱਕ ਵੱਖਰੀ ਲਾਇਬ੍ਰੇਰੀ ਵਿੱਚ ਪੰਜ ਤੱਕ ਪਰਿਵਾਰਕ ਮੈਂਬਰਾਂ ਨਾਲ ਫੋਟੋਆਂ ਅਤੇ ਵੀਡੀਓ ਸ਼ੇਅਰ ਕਰਨ ਦੀ ਆਗਿਆ ਦਿੰਦਾ ਹੈ। macOS Ventura ਦੇ ਨਾਲ ਆਉਣ ਵਾਲਾ ਸਭ ਤੋਂ ਮਹੱਤਵਪੂਰਨ ਫੀਚਰ ਸਟੇਜ ਮੈਨੇਜਰ ਹੈ ਜੋ ਐਪਸ ਅਤੇ ਵਿੰਡੋਜ਼ ਨੂੰ ਆਪਣੇ ਆਪ ਵਿਵਸਥਿਤ ਕਰਨ ਵਿੱਚ ਮਦਦ ਕਰਦਾ ਹੈ। ਸਟੇਜ ਮੈਨੇਜਰ ਦੇ ਨਾਲ, ਉਪਭੋਗਤਾ ਆਪਣੇ ਐਕਟਿਵ ਐਪਸ ਨੂੰ ਸੈਂਟਰ ਵਿੱਚ ਅਤੇ ਹੋਰ ਓਪਨ ਐਪਸ ਨੂੰ ਸਕ੍ਰੀਨ ਦੇ ਖੱਬੇ ਪਾਸੇ ਰੱਖ ਸਕਦੇ ਹਨ।

ਇੰਝ ਡਾਉਨਲੋਡ ਕਰੋ ਨਵਾਂ MacOS Ventura

ਨਵਾਂ MacOS Ventura ਭਾਰਤ ਸਮੇਤ ਦੁਨੀਆ ਭਰ ਦੇ ਮੈਕ ਉਪਭੋਗਤਾਵਾਂ ਲਈ ਰੋਲਆਊਟ ਕੀਤਾ ਜਾ ਰਿਹਾ ਹੈ। ਜਿਹੜੇ ਲੋਕ ਡਾਉਨਲੋਡ ਕਰਨਾ ਚਾਹੁੰਦੇ ਹਨ ਉਹ ਐਪਲ ਮੀਨੂ 'ਤੇ ਜਾ ਕੇ ਅਤੇ ਫਿਰ ਸਿਸਟਮ ਪ੍ਰੈਫਰੈਂਸ 'ਤੇ ਕਲਿੱਕ ਕਰਕੇ ਅਪਡੇਟ ਦੇਖ ਸਕਦੇ ਹਨ ਤੇ ਇੱਥੋਂ ਹੀ ਡਾਉਨਲੋਡ ਕਰ ਸਕਦੇ ਹਨ।

ਐਪਲ ਦੇ ਇਨ੍ਹਾਂ ਇਨ-ਹਾਊਸ PC ਉੱਤੇ ਹੀ ਚੱਲ ਸਕੇਗਾ MacOS Ventura

-iMac 2017 ਤੇ ਉਸ ਤੋਂ ਬਾਅਦ ਦੇ ਸਾਰੇ ਮਾਡਲ

-iMac Pro 2017

-MacBook Air 2018 ਤੇ ਉਸ ਤੋਂ ਬਾਅਦ ਦੇ ਸਾਰੇ ਮਾਡਲ

-MacBook Pro 2017 ਤੇ ਉਸ ਤੋਂ ਬਾਅਦ ਦੇ ਸਾਰੇ ਮਾਡਲ

-Mac Pro 2019 ਤੇ ਉਸ ਤੋਂ ਬਾਅਦ ਦੇ ਸਾਰੇ ਮਾਡਲ

-Mac Studio 2022

-Mac Mini 2018 ਤੇ ਉਸ ਤੋਂ ਬਾਅਦ ਦੇ ਸਾਰੇ ਮਾਡਲ

-MacBook 2017