ਬੇਹਦ ਜ਼ਹਿਰੀਲਾ ਹੁੰਦੈ ਸੇਬ ਦਾ ਬੀਜ, ਖਾਣ ਨਾਲ ਕੋਮਾ ਜਾਂ ਹੋ ਸਕਦੀ ਹੈ ਮੌਤ

Apple Seeds Can Be Poisonous: ਕਿਹਾ ਜਾਂਦਾ ਹੈ ਕਿ ਜੇਕਰ ਤੁਸੀਂ ਹਰ ਰੋਜ਼ ਇੱਕ ਸੇਬ ਦਾ ਸੇਵਨ ਕਰਦੇ ਹੋ, ਤਾਂ ਤੁਸੀਂ ਸਾਰੀ ਉਮਰ ਡਾਕਟਰ ਤੋਂ ਦੂਰ ਰਹੋਗੇ। ਪਰ ਇਹ ਫਲ ਜਿੰਨਾ ਫਾਇਦੇਮੰਦ ਹੈ, ਇਸ ਦਾ ਬੀਜ ਸਿਹਤ ਨੂੰ ਓਨਾ ਹੀ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ। ਜੀ ਹਾਂ, ਮਾਹਿਰਾਂ ਨੇ ਪਾਇਆ ਹੈ ਕਿ ਇਸ ਵਿੱਚ ਕੁਝ ਤੱਤ ਅਜਿਹੇ ਹੁੰਦੇ ਹਨ ਜੋ ਜੇਕਰ ਜ਼ਿਆਦਾ ਮਾਤਰਾ ਵਿੱਚ ਸਰੀਰ ਵਿੱਚ ਪਹੁੰਚ ਜਾਣ ਤਾਂ ਮਨੁੱਖ ਦੀ ਮੌਤ ਹੋ ਸਕਦੀ ਹੈ। ਹੈਲਥਲਾਈਨ ਮੁਤਾਬਕ ਸੇਬ ਦੇ ਬੀਜਾਂ (Apple Seeds ) ਵਿੱਚ ਐਮੀਗਡਾਲਿਨ ਨਾਮ ਦਾ ਇੱਕ ਪਲਾਂਟ ਕੰਪਾਊਂਡ ਪਾਇਆ ਜਾਂਦਾ ਹੈ ਜੋ ਛੱਡੇ ਜਾਂਦੇ ਹਨ। ਸਾਇਨਾਈਡ ਦੱਸ ਦੇਈਏ ਕਿ ਸਾਇਨਾਈਟ ਇੱਕ ਹਾਨੀਕਾਰਕ ਜ਼ਹਿਰ ਹੈ। ਜੇਕਰ ਇਹ ਮਨੁੱਖ ਦੇ ਪਾਚਨ ਤੰਤਰ ਵਿੱਚ ਮੌਜੂਦ ਐਨਜ਼ਾਈਮਜ਼ ਦੇ ਸੰਪਰਕ ਵਿੱਚ ਆ ਜਾਵੇ ਤਾਂ ਵਿਅਕਤੀ ਕੋਮਾ ਵਿੱਚ ਜਾ ਸਕਦਾ ਹੈ ਅਤੇ ਉਸਦੀ ਮੌਤ ਵੀ ਹੋ ਸਕਦੀ ਹੈ।

ਮਾਹਿਰਾਂ ਮੁਤਾਬਕ ਸੇਬ ਦੇ ਬੀਜ ਇੰਨੇ ਖਤਰਨਾਕ ਹਨ ਕਿ ਇਸ ਨੂੰ ਖਾਣ ਨਾਲ ਤੁਹਾਡੀ ਜਾਨ ਵੀ ਜਾ ਸਕਦੀ ਹੈ। ਹਾਲਾਂਕਿ, ਜੇਕਰ ਤੁਸੀਂ ਗਲਤੀ ਨਾਲ ਸਿਰਫ ਇੱਕ ਜਾਂ ਦੋ ਬੀਜਾਂ ਨੂੰ ਨਿਗਲ ਲਿਆ ਹੈ, ਤਾਂ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ। ਪਰ ਜੇਕਰ ਤੁਸੀਂ ਬੀਜਾਂ ਨੂੰ ਜ਼ਿਆਦਾ ਮਾਤਰਾ 'ਚ ਚਬਾ ਕੇ ਖਾ ਲਿਆ ਹੈ ਤਾਂ ਇਸ ਨਾਲ ਤੁਹਾਡੀ ਸਿਹਤ ਖਰਾਬ ਹੋ ਸਕਦੀ ਹੈ। ਸੇਬ ਦੇ ਬੀਜਾਂ ਦਾ ਸੇਵਨ ਥੋੜੀ ਮਾਤਰਾ ਵਿੱਚ ਕਰਨ ਨਾਲ ਚੱਕਰ ਆਉਣੇ, ਸਿਰ ਦਰਦ, ਉਲਟੀਆਂ, ਪੇਟ ਦਰਦ ਜਾਂ ਕਮਜ਼ੋਰੀ ਵਰਗੇ ਲੱਛਣ ਹੋ ਸਕਦੇ ਹਨ।

ਦੱਸ ਦੇਈਏ ਕਿ ਸੇਬ ਦੇ 1 ਗ੍ਰਾਮ ਬੀਜ ਵਿੱਚ 1 ਤੋਂ 4 ਮਿਲੀਗ੍ਰਾਮ ਐਮੀਗਡਾਲਿਨ ਤੱਤ ਹੁੰਦਾ ਹੈ। ਜਦੋਂ ਕਿ ਇਸ ਵਿੱਚ ਲਗਭਗ 0.6 ਮਿਲੀਗ੍ਰਾਮ ਸਾਈਨਾਈਟ ਹੁੰਦਾ ਹੈ ਜੋ ਬਹੁਤ ਘੱਟ ਹੁੰਦਾ ਹੈ। ਜਦੋਂ ਕਿ ਸਾਇਨਾਈਡ ਦੀ 50-300 ਮਿਲੀਗ੍ਰਾਮ ਖੁਰਾਕ ਘਾਤਕ ਹੋ ਸਕਦੀ ਹੈ। ਯਾਨੀ 85 ਤੋਂ 500 ਸੇਬ ਦੇ ਬੀਜ ਖਾਣ ਨਾਲ ਇਨਸਾਨ ਦੀ ਮੌਤ ਜਾਂ ਕੋਮਾ ਵਿੱਚ ਜਾਣ ਦੀ ਸੰਭਾਵਨਾ ਹੋ ਸਕਦੀ ਹੈ।

ਕਾਬਲੇਗੌਰ ਹੈ ਕਿ ਸੇਬ ਤੋਂ ਇਲਾਵਾ ਖੁਰਮਾਨੀ, ਚੈਰੀ, ਆੜੂ, ਪਲੱਮ ਵਰਗੇ ਫਲਾਂ ਦੇ ਬੀਜ ਵੀ ਜਾਨਲੇਵਾ ਬਣ ਸਕਦੇ ਹਨ। ਹਾਲਾਂਕਿ, ਇਨ੍ਹਾਂ ਬੀਜਾਂ 'ਤੇ ਬਹੁਤ ਮਜ਼ਬੂਤ ​​ਪਰਤ ਹੁੰਦੀ ਹੈ, ਜਿਸ ਕਾਰਨ ਐਮੀਗਡਾਲਿਨ ਤੱਤ ਆਸਾਨੀ ਨਾਲ ਬਾਹਰ ਨਹੀਂ ਆਉਂਦੇ ਅਤੇ ਇਹ ਇਸ ਦੇ ਅੰਦਰ ਬੰਦ ਰਹਿੰਦੇ ਹਨ।