Home /News /lifestyle /

Arbi Patte Sabji Recipe: ਅਰਬੀ ਪੱਤੇ ਦੀ ਸਬਜ਼ੀ ਪੌਸ਼ਟਿਕ ਤੱਤਾਂ ਨਾਲ ਹੈ ਭਰਪੂਰ, ਜਾਣੋ ਬਣਾਉਣ ਦਾ ਤਰੀਕਾ

Arbi Patte Sabji Recipe: ਅਰਬੀ ਪੱਤੇ ਦੀ ਸਬਜ਼ੀ ਪੌਸ਼ਟਿਕ ਤੱਤਾਂ ਨਾਲ ਹੈ ਭਰਪੂਰ, ਜਾਣੋ ਬਣਾਉਣ ਦਾ ਤਰੀਕਾ

Arbi Patte Sabji Recipe: ਅਰਬੀ ਪੱਤੇ ਦੀ ਸਬਜ਼ੀ ਪੌਸ਼ਟਿਕ ਤੱਤਾਂ ਨਾਲ ਹੈ ਭਰਪੂਰ, ਜਾਣੋ ਬਣਾਉਣ ਦਾ ਤਰੀਕਾ (ਸੰਕੇਤਕ ਫੋਟੋ)

Arbi Patte Sabji Recipe: ਅਰਬੀ ਪੱਤੇ ਦੀ ਸਬਜ਼ੀ ਪੌਸ਼ਟਿਕ ਤੱਤਾਂ ਨਾਲ ਹੈ ਭਰਪੂਰ, ਜਾਣੋ ਬਣਾਉਣ ਦਾ ਤਰੀਕਾ (ਸੰਕੇਤਕ ਫੋਟੋ)

Arbi Patte Sabji Recipe: ਮੌਸਮ ਦੇ ਮੁਤਾਬਿਕ ਖਾਣ-ਪੀਣ ਦੀਆਂ ਚੀਜ਼ਾਂ ਤੇ ਕਈ ਤਰ੍ਹਾਂ ਦੇ ਪਕਵਾਨਾਂ ਦੀ ਵੀ ਆਮਦ ਹੁੰਦੀ ਹੈ। ਜਿਵੇਂ ਕਿ ਮੀਂਹ ਦਾ ਮੌਸਮ ਸ਼ੁਰੂ ਹੁੰਦੇ ਹੀ ਅਰਬੀ ਪੱਤੇ ਬਾਜ਼ਾਰ ਵਿੱਚ ਆਉਣੇ ਸ਼ੁਰੂ ਹੋ ਜਾਂਦੇ ਹਨ। ਅਰਬੀ ਦੇ ਪੱਤਿਆਂ ਤੋਂ ਕਈ ਤਰ੍ਹਾਂ ਦੇ ਭੋਜਨ ਪਕਵਾਨ ਬਣਾਏ ਜਾਂਦੇ ਹਨ। ਚਾਹੇ ਉਹ ਅਰਬੀ ਦੇ ਪੱਤਿਆਂ ਦੇ ਬਣੇ ਪਕੌੜੇ ਹੋਣ ਜਾਂ ਫਿਰ ਅਰਬੀ ਦੇ ਪੱਤਿਆਂ ਦੀ ਬਣੀ ਗ੍ਰੇਵੀ। ਅਸਲ ਵਿੱਚ, ਅਰਬੀ ਦੀ ਤਰ੍ਹਾਂ, ਇਸ ਦੇ ਪੱਤਿਆਂ ਵਿੱਚ ਵੀ ਬਹੁਤ ਸਾਰੇ ਪੌਸ਼ਟਿਕ ਤੱਤ ਹੁੰਦੇ ਹਨ। ਅਰਬੀ ਦੇ ਪੱਤੇ ਫਾਈਬਰ ਅਤੇ ਪ੍ਰੋਟੀਨ ਨਾਲ ਭਰਪੂਰ ਹੁੰਦੇ ਹਨ। ਸਟਾਰਚ ਰੋਧਕ ਹੋਣ ਤੋਂ ਇਲਾਵਾ, ਇਹ ਕਾਰਡੀਓਵੈਸਕੁਲਰ ਸਿਹਤ ਨੂੰ ਸੁਧਾਰਨ ਵਿੱਚ ਮਦਦਗਾਰ ਹੁੰਦੇ ਹਨ। ਅਰਬੀ ਦੇ ਪੱਤਿਆਂ ਦੇ ਸੇਵਨ ਨਾਲ ਅੱਖਾਂ ਦੀ ਸਿਹਤ ਵੀ ਠੀਕ ਰਹਿੰਦੀ ਹੈ।

ਹੋਰ ਪੜ੍ਹੋ ...
  • Share this:
Arbi Patte Sabji Recipe: ਮੌਸਮ ਦੇ ਮੁਤਾਬਿਕ ਖਾਣ-ਪੀਣ ਦੀਆਂ ਚੀਜ਼ਾਂ ਤੇ ਕਈ ਤਰ੍ਹਾਂ ਦੇ ਪਕਵਾਨਾਂ ਦੀ ਵੀ ਆਮਦ ਹੁੰਦੀ ਹੈ। ਜਿਵੇਂ ਕਿ ਮੀਂਹ ਦਾ ਮੌਸਮ ਸ਼ੁਰੂ ਹੁੰਦੇ ਹੀ ਅਰਬੀ ਪੱਤੇ ਬਾਜ਼ਾਰ ਵਿੱਚ ਆਉਣੇ ਸ਼ੁਰੂ ਹੋ ਜਾਂਦੇ ਹਨ। ਅਰਬੀ ਦੇ ਪੱਤਿਆਂ ਤੋਂ ਕਈ ਤਰ੍ਹਾਂ ਦੇ ਭੋਜਨ ਪਕਵਾਨ ਬਣਾਏ ਜਾਂਦੇ ਹਨ। ਚਾਹੇ ਉਹ ਅਰਬੀ ਦੇ ਪੱਤਿਆਂ ਦੇ ਬਣੇ ਪਕੌੜੇ ਹੋਣ ਜਾਂ ਫਿਰ ਅਰਬੀ ਦੇ ਪੱਤਿਆਂ ਦੀ ਬਣੀ ਗ੍ਰੇਵੀ। ਅਸਲ ਵਿੱਚ, ਅਰਬੀ ਦੀ ਤਰ੍ਹਾਂ, ਇਸ ਦੇ ਪੱਤਿਆਂ ਵਿੱਚ ਵੀ ਬਹੁਤ ਸਾਰੇ ਪੌਸ਼ਟਿਕ ਤੱਤ ਹੁੰਦੇ ਹਨ। ਅਰਬੀ ਦੇ ਪੱਤੇ ਫਾਈਬਰ ਅਤੇ ਪ੍ਰੋਟੀਨ ਨਾਲ ਭਰਪੂਰ ਹੁੰਦੇ ਹਨ। ਸਟਾਰਚ ਰੋਧਕ ਹੋਣ ਤੋਂ ਇਲਾਵਾ, ਇਹ ਕਾਰਡੀਓਵੈਸਕੁਲਰ ਸਿਹਤ ਨੂੰ ਸੁਧਾਰਨ ਵਿੱਚ ਮਦਦਗਾਰ ਹੁੰਦੇ ਹਨ। ਅਰਬੀ ਦੇ ਪੱਤਿਆਂ ਦੇ ਸੇਵਨ ਨਾਲ ਅੱਖਾਂ ਦੀ ਸਿਹਤ ਵੀ ਠੀਕ ਰਹਿੰਦੀ ਹੈ।

ਹੈਲਥਲਾਈਨ ਮੁਤਾਬਕ ਇਸ ਗੱਲ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿ ਅਰਬੀ ਦੇ ਕੱਚੇ ਪੱਤੇ ਖਾਣਾ ਬਹੁਤ ਨੁਕਸਾਨਦੇਹ ਹੋ ਸਕਦਾ ਹੈ। ਅਰਬੀ ਦੇ ਪੱਤਿਆਂ ਨੂੰ ਵੱਖ-ਵੱਖ ਰਾਜਾਂ ਵਿੱਚ ਵੱਖ-ਵੱਖ ਤਰੀਕਿਆਂ ਨਾਲ ਪਕਵਾਨ ਵਜੋਂ ਵਰਤਿਆ ਜਾਂਦਾ ਹੈ। ਉੱਤਰੀ ਭਾਰਤ ਵਿੱਚ ਅਰਬੀ ਦੇ ਪੱਤਿਆਂ ਨਾਲ ਬਣੇ ਡੰਪਲਿੰਗ ਨੂੰ ਬਹੁਤ ਪਸੰਦ ਕੀਤਾ ਜਾਂਦਾ ਹੈ, ਜਦੋਂ ਕਿ ਆਸਾਮ, ਉੜੀਸਾ ਵਿੱਚ ਚੌਲਾਂ ਨੂੰ ਅਰਬੀ ਦੇ ਪੱਤਿਆਂ ਵਿੱਚ ਬੰਨ੍ਹ ਕੇ ਪਕਾਇਆ ਜਾਂਦਾ ਹੈ। ਅੱਜ ਅਸੀਂ ਤੁਹਾਨੂੰ ਰਵਾਇਤੀ ਅਰਬੀ ਪੱਤਿਆਂ ਦੀ ਸਬਜ਼ੀ ਬਣਾਉਣ ਦੀ ਰੈਸਿਪੀ ਦੱਸਣ ਜਾ ਰਹੇ ਹਾਂ ਜੋ ਸੁਆਦ ਅਤੇ ਸਿਹਤ ਨਾਲ ਭਰਪੂਰ ਹੈ।

ਅਰਬੀ ਪੱਤੇ ਦੀ ਸਬਜ਼ੀ ਲਈ ਸਮੱਗਰੀ

  • ਅਰਬੀ ਪੱਤੇ - 3

  • ਉੜਦ ਦੀ ਦਾਲ - 150 ਗ੍ਰਾਮ

  • ਦਹੀਂ - 1 ਕੱਪ

  • ਪਿਆਜ਼ - 2

  • ਟਮਾਟਰ - 3

  • ਲਸਣ - 3-4 ਤੁਰੀਆਂ

  • ਹਰੀਆਂ ਮਿਰਚਾਂ ਕੱਟੀਆਂ ਹੋਈਆਂ - 2-3

  • ਕੜੀ ਪੱਤਾ - 8-10

  • ਲਾਲ ਮਿਰਚ ਪਾਊਡਰ - 1 ਚਮਚ

  • ਧਨੀਆ ਪਾਊਡਰ - 1 ਚਮਚ

  • ਹਲਦੀ - 1/2 ਚਮਚ

  • ਗਰਮ ਮਸਾਲਾ - 1/2 ਚਮਚ

  • ਹਰਾ ਧਨੀਆ ਕੱਟਿਆ ਹੋਇਆ - 3 ਚਮਚ

  • ਤੇਲ - ਲੋੜ ਅਨੁਸਾਰ

  • ਲੂਣ - ਸੁਆਦ ਅਨੁਸਾਰ


ਅਰਬੀ ਪੱਤੇ ਦੀ ਸਬਜ਼ੀ ਬਣਾਉਣ ਦਾ ਤਰੀਕਾ
ਅਰਬੀ ਪੱਤੇ ਦੀ ਸਬਜ਼ੀ ਬਣਾਉਣ ਲਈ ਸਭ ਤੋਂ ਪਹਿਲਾਂ ਅਰਬੀ ਦੇ ਪੱਤੇ ਲਓ ਅਤੇ ਉਨ੍ਹਾਂ ਨੂੰ ਧੋ ਕੇ ਸਾਫ਼ ਕਰੋ। ਹੁਣ ਅਰਬੀ ਦੇ ਪੱਤਿਆਂ ਨੂੰ ਸੁੱਕੇ ਕੱਪੜੇ ਨਾਲ ਪੂੰਝ ਲਓ। ਉੜਦ ਦੀ ਦਾਲ ਨੂੰ ਕੁਝ ਦੇਰ ਪਾਣੀ 'ਚ ਭਿਓਂ ਕੇ ਰੱਖੋ ਅਤੇ ਫਿਰ ਮਿਕਸਰ ਦੀ ਮਦਦ ਨਾਲ ਪੀਸ ਲਓ। ਹੁਣ ਅਰਬੀ ਦੇ ਪੱਤੇ ਲੈ ਕੇ ਉਨ੍ਹਾਂ ਨੂੰ ਸਮਤਲ ਜਗ੍ਹਾ 'ਤੇ ਰੱਖੋ ਅਤੇ ਇਸ ਵਿੱਚ ਪੀਸੀ ਹੋਈ ਉੜਦ ਦੀ ਦਾਲ ਨੂੰ ਪੱਤੇ ਦੇ ਉਲਟ ਪਾਸੇ ਫੈਲਾਓ। ਹੁਣ ਦਾਲ ਵਾਲੇ ਪੱਤਿਆਂ ਨੂੰ ਲਪੇਟ ਲਓ। ਇਸ ਤੋਂ ਬਾਅਦ ਇੱਕ ਵੱਡੇ ਭਾਂਡੇ ਵਿੱਚ ਲੋੜ ਅਨੁਸਾਰ ਪਾਣੀ ਭਰ ਕੇ ਗੈਸ 'ਤੇ ਗਰਮ ਕਰਨ ਲਈ ਰੱਖੋ। ਜਦੋਂ ਪਾਣੀ ਗਰਮ ਹੋ ਜਾਵੇ ਤਾਂ ਭਾਂਡੇ ਦੇ ਉੱਪਰ ਇੱਕ ਛਾਣਨੀ ਰੱਖੋ ਅਤੇ ਇਸ 'ਤੇ ਅਰਬੀ ਦੇ ਪੱਤੇ ਰੱਖ ਕੇ ਭਾਫ਼ ਦਿਓ।

ਪੱਤੇ ਅਤੇ ਦਾਲ ਪੂਰੀ ਤਰ੍ਹਾਂ ਪਕ ਜਾਣ ਤੱਕ ਪੱਤਿਆਂ ਨੂੰ ਉਬਾਲਿਆ ਜਾਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਪੱਤਿਆਂ ਨੂੰ ਕੱਢ ਲਓ ਅਤੇ ਉਨ੍ਹਾਂ ਦੇ ਟੁਕੜੇ ਕਰ ਲਓ। ਇਸ ਦੌਰਾਨ ਪਿਆਜ਼, ਟਮਾਟਰ ਅਤੇ ਲਸਣ ਦੇ ਬਾਰੀਕ ਟੁਕੜੇ ਲਓ। ਹੁਣ ਇੱਕ ਪੈਨ ਵਿੱਚ ਤੇਲ ਪਾ ਕੇ ਮੱਧਮ ਸੇਕ 'ਤੇ ਗਰਮ ਕਰੋ। ਜਦੋਂ ਤੇਲ ਗਰਮ ਹੋ ਜਾਵੇ ਤਾਂ ਅਰਬੀ ਦੇ ਪੱਤਿਆਂ ਦੇ ਟੁਕੜੇ ਪਾ ਕੇ ਭੁੰਨ ਲਓ। ਜਦੋਂ ਟੁਕੜੇ ਚੰਗੀ ਤਰ੍ਹਾਂ ਤਲੇ ਜਾਣ ਤਾਂ ਉਨ੍ਹਾਂ ਨੂੰ ਕਟੋਰੇ 'ਚ ਕੱਢ ਲਓ। ਹੁਣ ਇੱਕ ਹੋਰ ਪੈਨ ਵਿੱਚ ਥੋੜ੍ਹਾ ਜਿਹਾ ਤੇਲ ਪਾਓ ਅਤੇ ਇਸ ਵਿੱਚ ਪਿਆਜ਼, ਲਸਣ, ਹਰੀ ਮਿਰਚ ਅਤੇ ਕੜੀ ਪੱਤਾ ਪਾ ਕੇ ਭੁੰਨ ਲਓ। ਜਦੋਂ ਪਿਆਜ਼ ਨਰਮ ਹੋ ਜਾਵੇ ਤਾਂ ਇਸ 'ਚ ਲਾਲ ਮਿਰਚ ਪਾਊਡਰ, ਧਨੀਆ ਪਾਊਡਰ, ਹਲਦੀ ਪਾ ਕੇ ਮਿਕਸ ਕਰ ਲਓ।

ਹੁਣ ਦਹੀਂ ਵਿੱਚ ਪਾਣੀ ਪਾ ਕੇ ਤੇ ਰਿੜਕ ਕੇ ਉਸ ਨੂੰ ਪਤਲਾ ਕਰ ਲਓ। ਦਹੀਂ ਨੂੰ ਇੱਕ ਪੈਨ ਵਿੱਚ ਪਾਓ ਅਤੇ ਇਸ ਨੂੰ ਉਬਲਣ ਤੱਕ ਪੱਕਣ ਦਿਓ। ਇਸ ਤੋਂ ਬਾਅਦ ਇਸ ਵਿੱਚ ਤਲੇ ਹੋਏ ਅਰਬੀ ਦੇ ਪੱਤਿਆਂ ਦੇ ਟੁਕੜੇ ਪਾ ਦਿਓ। ਹੁਣ ਢੱਕ ਕੇ ਸਬਜ਼ੀ ਨੂੰ 5-7 ਮਿੰਟ ਤੱਕ ਪੱਕਣ ਦਿਓ। ਤੁਹਾਡੀ ਸੁਆਦੀ ਅਤੇ ਸਿਹਤਮੰਦ ਅਰਬੀ ਪੱਤਿਆਂ ਦੀ ਸਬਜ਼ੀ ਤਿਆਰ ਹੈ। ਪਰੋਸਣ ਤੋਂ ਪਹਿਲਾਂ ਇਸ ਨੂੰ ਬਾਰੀਕ ਕੱਟੇ ਹੋਏ ਧਨੀਏ ਦੀਆਂ ਪੱਤੀਆਂ ਨਾਲ ਗਾਰਨਿਸ਼ ਕਰੋ, ਫਿਰ ਰੋਟੀ ਜਾਂ ਪਰਾਠੇ ਨਾਲ ਸਰਵ ਕਰੋ।
Published by:rupinderkaursab
First published:

Tags: Food, Healthy Food, Lifestyle, Recipe

ਅਗਲੀ ਖਬਰ