ਅਪ੍ਰੈਲ ਮਹੀਨੇ ‘ਚ Tata ਤੇ Honda ਲਾਂਚ ਕਰਨ ਜਾ ਰਹੀਆਂ ਨਵੀਆਂ ਕਾਰਾਂ, ਜਾਣੋ ਕੀ ਹੋ ਸਕਦੀਾਆਂ ਹਨ ਖਾਸੀਅਤਾਂ

Electronic Cars: ਅਪ੍ਰੈਲ ਮਹੀਨੇ ਵਿੱਚ ਕਈ ਕਾਰ ਨਿਰਮਾਤਾ ਕਈ ਨਵੀਆਂ ਕਾਰਾਂ ਲਾਂਚ ਕਰਨ ਜਾ ਰਹੇ ਹਨ। ਸਭ ਤੋਂ ਪਹਿਲਾਂ, 4 ਅਪ੍ਰੈਲ ਨੂੰ, ਨਵੀਂ Honda HR-V SUV ਨੂੰ ਗਲੋਬਲੀ ਤੌਰ 'ਤੇ ਪੇਸ਼ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਬਾਅਦ 6 ਅਪ੍ਰੈਲ ਨੂੰ ਟਾਟਾ ਮੋਟਰਸ (Tata Motors) ਨਵੀਂ ਇਲੈਕਟ੍ਰਿਕ ਕਾਰ ਨੂੰ ਲਾਂਚ ਕਰੇਗੀ।

ਟਾਟਾ ਨੇ ਇਸ ਤੋਂ ਪਹਿਲਾਂ ਨਵੀਂ ਇਲੈਕਟ੍ਰਿਕ ਕਾਰ ਦਾ ਟੀਜ਼ਰ ਜਾਰੀ ਕੀਤਾ ਸੀ।

ਦੱਸ ਦੇਈਏ ਕਿ ਹੌਂਡਾ (Honda) 4 ਅਪ੍ਰੈਲ ਨੂੰ ਉੱਤਰੀ ਅਮਰੀਕੀ ਬਾਜ਼ਾਰਾਂ ਲਈ 2023 HR-V SUV ਨੂੰ ਲਾਂਚ ਕਰੇਗੀ। ਆਪਣੇ ਗਲੋਬਲ ਡੈਬਿਊ ਤੋਂ ਪਹਿਲਾਂ, ਆਟੋਮੇਕਰ ਨੇ ਕਾਰ ਦੇ ਡਿਜ਼ਾਈਨ ਨੂੰ ਪ੍ਰਗਟ ਕਰਦੇ ਹੋਏ ਕਈ ਡਿਜ਼ਾਈਨ ਸਕੈਚ ਜਾਰੀ ਕੀਤੇ ਹਨ।

SUV ਦੀ ਫਰੰਟ ਸਟ੍ਰਿਪ ਨੂੰ ਇੱਕ S-ਆਕਾਰ ਦੇ ਜਾਲ ਵਿੱਚ ਡਿਜ਼ਾਇਨ ਕੀਤਾ ਗਿਆ ਹੈ। ਇਸ ਡਿਜ਼ਾਈਨ ਨੂੰ ਪੂਰੀ ਤਰ੍ਹਾਂ ਨਾਲ ਅਪਡੇਟ ਕੀਤਾ ਗਿਆ ਹੈ। ਇਸ ਡਿਜ਼ਾਈਨ ਬੰਪਰ, ਸਕੁਏਰਿਸ਼ ਹੈੱਡਲੈਂਪਸ ਤੇ ਵੱਡੀ ਗ੍ਰਿਲ ਨੂੰ ਪੂਰੀ ਤਰ੍ਹਾਂ ਨਾਲ ਅੱਪਡੇਟ ਕੀਤਾ ਗਿਆ ਹੈ। ਇਸ ਰੀਡਿਜ਼ਾਈਨ ਟੇਲਗੇਟ ਅਤੇ ਟੇਲਲੈਂਪਸ ਮਿਲਦਾ ਹੈ। ਇਸਦਾ ਯੂਐਸ ਸੰਸਕਰਣ ਯੂਰਪ-ਸਪੀਕ ਮਾਡਲ ਤੋਂ ਲੰਬਾ ਹੋਵੇਗਾ।

ਇਹ ਹੋਵੇਗਾ HR-V ਦਾ ਇੰਟੀਰੀਅਰ
ਇਸ ਦੇ ਇੰਟੀਰੀਅਰ ਦੀ ਗੱਲ ਕਰੀਏ ਤਾਂ 2023 Honda HR-V 'ਚ ਕੈਬਿਨ ਲੇਆਉਟ ਅਤੇ ਨਵੀਂ ਸਿਵਿਕ ਵਰਗੀਆਂ ਕਈ ਅਪਡੇਟ ਕੀਤੀਆਂ ਵਿਸ਼ੇਸ਼ਤਾਵਾਂ ਮਿਲਣਗੀਆਂ। ਇਸ ਵਾਰ SUV ਨੂੰ ਹਾਈਬ੍ਰਿਡ ਪਾਵਰਟ੍ਰੇਨ ਦੇ ਨਾਲ ਪੇਸ਼ ਕੀਤਾ ਜਾ ਸਕਦਾ ਹੈ। ਇਹ Honda ਦੇ HEV ਸਿਸਟਮ ਦੇ ਨਾਲ ਆਉਣ ਦੀ ਸੰਭਾਵਨਾ ਹੈ, ਜਿਸ ਵਿੱਚ ਦੋ ਇਲੈਕਟ੍ਰਿਕ ਮੋਟਰਾਂ ਅਤੇ ਇੱਕ 1.5L iMMD ਪੈਟਰੋਲ ਇੰਜਣ ਮਿਲਦਾ ਹੈ। ਇਸ ਦੀ ਸੰਯੁਕਤ ਪਾਵਰ 109bhp ਹੋਵੇਗੀ। ਨਵੀਂ Honda SUV ਨੂੰ ਨਵੀਂ ਸਿਵਿਕ ਤੋਂ ਉਧਾਰ ਲਏ 2.0-ਲੀਟਰ, 4-ਸਿਲੰਡਰ ਪੈਟਰੋਲ (158bhp) ਅਤੇ 1.5-ਲੀਟਰ, 4-ਸਿਲੰਡਰ ਟਰਬੋ ਪੈਟਰੋਲ (180bhp) ਇੰਜਣ ਹੋ ਸਕਦੇ ਹਨ।

ਇਹ ਹੋਵੇਗੀ ਟਾਟਾ ਦੀ ਨਵੀਂ ਕਾਰ
ਟਾਟਾ ਮੋਟਰਸ (Tata Motors) ਨੇ ਅਜੇ ਤੱਕ ਆਉਣ ਵਾਲੇ ਮਾਡਲ ਦੇ ਨਾਂ ਦਾ ਖੁਲਾਸਾ ਨਹੀਂ ਕੀਤਾ ਹੈ। ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਇਹ ਲੰਬੀ ਰੇਂਜ ਦੀ Tata Nexon EV ਜਾਂ Tata Sierra EV ਹੋ ਸਕਦੀ ਹੈ। ਆਟੋਮੇਕਰ ਕਈ ਇਲੈਕਟ੍ਰਿਕ ਕਾਰਾਂ 'ਤੇ ਕੰਮ ਕਰ ਰਿਹਾ ਹੈ ਜਿਸ ਵਿਚ ਅਪਡੇਟ ਕੀਤੀ ਟਿਗੋਰ ਈਵੀ, ਅਲਟਰੋਜ਼ ਈਵੀ ਅਤੇ ਪੰਚ ਈਵੀ ਸ਼ਾਮਿਲ ਹਨ। ਨਵੀਂ ਟਾਟਾ ਇਲੈਕਟ੍ਰਿਕ ਕਾਰ ਬ੍ਰਾਂਡ ਦੀ ਅਪਡੇਟ ਕੀਤੀ Ziptron ਤਕਨੀਕ ਨਾਲ ਆਉਣ ਦੀ ਸੰਭਾਵਨਾ ਹੈ।