Axis Bank ਦਾ ਕ੍ਰੈਡਿਟ ਕਾਰਡ ਹੋ ਗਿਆ ਹੈ ਗੁੰਮ, ਤਾਂ ਘਰ ਬੈਠੇ ਕਰੋ ਬਲਾਕ

ਭਾਰਤ ਵਿੱਚ ਡਿਜੀਟਲ ਭੁਗਤਾਨ ਦੀ ਵਰਤੋਂ ਵਧੀ ਹੈ। ਦੇਸ਼ ਦੇ ਵੱਡੇ ਸ਼ਹਿਰਾਂ ਦੇ ਨਾਲ-ਨਾਲ ਛੋਟੇ ਕਸਬਿਆਂ ਵਿੱਚ ਵੀ ਕ੍ਰੈਡਿਟ ਕਾਰਡ ਦਾ ਰੁਝਾਨ ਵਧਿਆ ਹੈ। ਜੇਕਰ ਅਚਾਨਕ ਤੁਹਾਡਾ ਐਕਸਿਸ ਬੈਂਕ ਕ੍ਰੈਡਿਟ ਕਾਰਡ ਗੁੰਮ ਹੋ ਜਾਂਦਾ ਹੈ, ਤਾਂ ਤੁਹਾਡੇ ਲਈ ਮੁਸੀਬਤ ਖੜ੍ਹੀ ਹੋ ਸਕਦੀ ਹੈ। ਕਾਂਟੈਕਟਲੈੱਸ ਤਕਨਾਲੋਜੀ (Contactless Technologyy) ਵਾਲੇ ਕਾਰਡਾਂ ਲਈ ਪਿੰਨ ਦੀ ਵੀ ਲੋੜ ਨਹੀਂ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ, ਤੁਹਾਨੂੰ ਐਕਸਿਸ ਬੈਂਕ ਕ੍ਰੈਡਿਟ ਕਾਰਡ ਨੂੰ ਬਲਾਕ ਕਰਨ ਦੀ ਪ੍ਰਕਿਰਿਆ ਨੂੰ ਜਾਣਨਾ ਚਾਹੀਦਾ ਹੈ। ਤੁਸੀਂ ਐਕਸਿਸ ਬੈਂਕ ਦੇ ਕ੍ਰੈਡਿਟ ਕਾਰਡ ਨੂੰ ਕਈ ਤਰੀਕਿਆਂ ਨਾਲ ਬਲਾਕ ਕਰ ਸਕਦੇ ਹੋ।

Axis ਕਾਰਡ ਨੂੰ SMS ਰਾਹੀਂ ਵੀ ਕਰ ਸਕਦੇ ਹੋ ਬਲਾਕ

ਖਾਸ ਗੱਲ ਇਹ ਹੈ ਕਿ ਤੁਸੀਂ ਐਕਸਿਸ ਬੈਂਕ ਦੇ ਕ੍ਰੈਡਿਟ ਕਾਰਡ ਨੂੰ SMS ਰਾਹੀਂ ਵੀ ਬਲਾਕ ਕਰ ਸਕਦੇ ਹੋ। ਇਹ ਮੈਸੇਜ ਭੇਜਣਾ ਬਹੁਤ ਆਸਾਨ ਹੈ। ਆਪਣੇ ਕਾਰਡ ਨੂੰ ਬਲਾਕ ਕਰਨ ਲਈ, BLOCK XXXX ਨੂੰ 5676782 'ਤੇ ਭੇਜੋ। ਇੱਥੇ XXXX ਤੁਹਾਡੇ ਕਾਰਡ ਨੰਬਰ ਦੇ ਆਖਰੀ 4 ਅੰਕ ਹਨ। ਕ੍ਰੈਡਿਟ ਕਾਰਡ ਨਾਲ ਰਜਿਸਟਰ ਕੀਤੇ ਮੋਬਾਈਲ ਨੰਬਰ ਤੋਂ SMS ਭੇਜਣਾ ਯਕੀਨੀ ਬਣਾਓ ਤਾਂ ਹੀ ਕਾਰਡ ਬਲਾਕ ਹੋ ਸਕੇਗਾ।

Axis ਮੋਬਾਈਲ ਐਪ ਰਾਹੀਂ-

ਐਕਸਿਸ ਬੈਂਕ ਦੇ ਮੋਬਾਈਲ ਐਪ ਵਿੱਚ, ਤੁਹਾਨੂੰ ਬੈਂਕਿੰਗ 'ਤੇ ਕਲਿੱਕ ਕਰਨਾ ਹੋਵੇਗਾ, ਹੁਣ ਸਰਵਿਸਿਜ਼ ਵਿਕਲਪ 'ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ਕ੍ਰੈਡਿਟ ਕਾਰਡ 'ਤੇ ਜਾਓ। ਅਗਲੀ ਸਕ੍ਰੀਨ 'ਤੇ ਤੁਹਾਨੂੰ Block & Replace Card ਚੁਣਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਸੀਂ ਫੌਰਨ ਆਪਣਾ ਕਾਰਡਬਲਾਕ ਕਰ ਦਿਓ।

ਇੰਟਰਨੈਟ ਬੈਂਕਿੰਗ ਦੁਆਰਾ-

ਸਭ ਤੋਂ ਪਹਿਲਾਂ ਐਕਸਿਸ ਬੈਂਕ ਇੰਟਰਨੈਟ ਬੈਂਕਿੰਗ ਵਿੱਚ ਲੌਗਇਨ ਕਰੋ। ਯੂਜ਼ਰ ਆਈਡੀ ਅਤੇ ਪਾਸਵਰਡ ਦਰਜ ਕਰੋ ਅਤੇ ਅਕਾਉਂਟ 'ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ਤੁਸੀਂ ਮਾਈ ਕਾਰਡਸ ਅਤੇ ਫਿਰ ਮੋਰ ਸਰਵਿਸਿਜ਼ 'ਤੇ ਜਾ ਕੇ ਕਾਰਡ ਨੂੰ ਬਲਾਕ ਕਰ ਸਕਦੇ ਹੋ।

ਕਾਂਟੈਕਟਲੈੱਸ ਕਾਰਡ ਨਾਲ 5000 ਰੁਪਏ ਤੱਕ ਦੇ ਭੁਗਤਾਨ ਲਈ ਪਿੰਨ ਜ਼ਰੂਰੀ ਹੁੰਦੀ ਹੈ

ਦੱਸ ਦੇਈਏ ਕਿ ਕਾਂਟੈਕਟਲੈੱਸ ਟੈਕਨਾਲੋਜੀ ਨਾਲ ਲੈਸ ਕਾਰਡ 'ਟੈਪ ਐਂਡ ਪੇ' ਦੀ ਸਹੂਲਤ ਵੀ ਦਿੰਦਾ ਹੈ, ਯਾਨੀ ਕਾਰਡ ਨੂੰ ਸਵਾਈਪ ਕੀਤੇ ਬਿਨਾਂ POS ਮਸ਼ੀਨ 'ਤੇ ਟੈਪ ਕਰ ਕੇ ਭੁਗਤਾਨ ਕੀਤਾ ਜਾ ਸਕਦਾ ਹੈ। ਤੁਸੀਂ ਪਿੰਨ ਦਰਜ ਕੀਤੇ ਬਿਨਾਂ ਕਾਂਟੈਕਟਲੈੱਸ ਕਾਰਡ ਨਾਲ 5000 ਰੁਪਏ ਤੱਕ ਦਾ ਭੁਗਤਾਨ ਕਰ ਸਕਦੇ ਹੋ। ਇਸ ਲਈ ਕਾਰਡ ਚੋਰੀ ਹੁੰਦਿਆਂ ਜਾਂ ਗੁੰਮ ਹੁੰਦਿਆਂ ਹੀ ਕਾਰਡ ਨੂੰ ਬਲਾਕ ਕਰਨਾ ਯਕੀਨੀ ਬਣਾਓ।