Bajaj 'ਤੇ Triumph ਮਿਲ ਕੇ ਦੇਣਗੇ Royal Enfield ਨੂੰ ਟੱਕਰ, ਲਾਂਚ ਕਰਨਗੇ 350cc ਬਾਈਕ 

ਪ੍ਰੀਮੀਅਮ ਸੈਗਮੈਂਟ ਬਾਈਕ ਨਿਰਮਾਤਾ ਕੰਪਨੀ ਟ੍ਰਾਇੰਫ ਨੇ ਬਜਾਜ ਨਾਲ ਸਾਂਝੇਦਾਰੀ ਕੀਤੀ ਹੈ, ਜਿਸ ਤੋਂ ਬਾਅਦ ਇਹ ਇੱਕ ਮਿਡ ਸਾਈਜ਼ ਪ੍ਰੀਮੀਅਮ ਬਾਈਕ ਲਾਂਚ ਕਰੇਗੀ। ਹਾਲ ਹੀ 'ਚ ਦੋਵਾਂ ਦੀ ਸਾਂਝੇਦਾਰੀ 'ਚ ਤਿਆਰ ਕੀਤੇ ਜਾ ਰਹੇ ਉਤਪਾਦਾਂ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।

ਬਜਾਜ ਅਤੇ ਟ੍ਰਾਇੰਫ ਇੱਕ ਨਵੇਂ ਉਤਪਾਦ 'ਤੇ ਇਕੱਠੇ ਕੰਮ ਕਰ ਰਹੇ ਹਨ, ਜਿਸ ਨੂੰ ਜਲਦੀ ਹੀ ਪੇਸ਼ ਕੀਤਾ ਜਾਵੇਗਾ। ਜਾਣਕਾਰੀ ਮੁਤਾਬਕ ਇਹ ਰੈਟਰੋ ਕਲਾਸਿਕ ਸਕ੍ਰੈਂਬਲਰ ਅਤੇ ਲੋਅ ਰਾਈਡਿੰਗ ਕਰੂਜ਼ਰ ਹੋਵੇਗੀ। ਭਾਰਤੀ ਅਤੇ ਅੰਗਰੇਜ਼ੀ ਕੰਪਨੀ ਦੁਆਰਾ ਤਿਆਰ ਕੀਤੇ ਜਾ ਰਹੇ ਇਸ ਆਉਣ ਵਾਲੇ ਡਿਜ਼ਾਈਨ 'ਚ ਕਈ ਫੀਚਰਸ ਦੇਖਣ ਨੂੰ ਮਿਲਣਗੇ। ਇਸ 'ਚ ਕਾਫੀ ਦਮਦਾਰ ਲੁੱਕ ਵੀ ਦੇਖਣ ਨੂੰ ਮਿਲੇਗਾ।

ਇਸ ਸਾਲ ਦੇ ਸ਼ੁਰੂ ਵਿਚ, ਬਜਾਜ-ਟ੍ਰਾਈਫ ਦੀ ਸਾਂਝੇਦਾਰੀ ਦੇ ਤਹਿਤ ਤਿਆਰ ਕੀਤੀ ਗਈ ਸਕ੍ਰੈਂਬਲਰ ਬਾਈਕ ਨੂੰ ਇਕ ਟੈਸਟ ਦੌਰਾਨ ਦੇਖਿਆ ਗਿਆ ਸੀ, ਜਿਸ ਕਾਰਨ ਇਸ ਬਾਈਕ ਨੂੰ ਰੋਡਸਟਰ ਵੇਰੀਐਂਟ ਨਾਲ ਜੋੜਿਆ ਗਿਆ ਸੀ। ਸਪਾਟ ਫੋਟੋ ਦੇ ਅਨੁਸਾਰ, ਆਉਣ ਵਾਲੀ ਬਾਈਕ ਵਿੱਚ 19-ਇੰਚ ਦਾ ਫਰੰਟ ਵ੍ਹੀਲ ਹੈ ਜਦੋਂ ਕਿ ਪਿਛੇ 17-ਇੰਚ ਦਾ ਪਹੀਆ ਹੈ। ਇਹ ਬਜਾਜ-ਟ੍ਰਾਇੰਫ ਬਾਈਕ 350 ਸੀਸੀ ਸੈਗਮੈਂਟ 'ਚ ਦਾਖਲ ਹੋਣ ਦੀ ਤਿਆਰੀ ਕਰ ਰਹੀ ਹੈ, ਜਿਸ 'ਤੇ ਫਿਲਹਾਲ ਰਾਇਲ ਐਨਫੀਲਡ ਦਾ ਕਬਜ਼ਾ ਹੈ। 350 ਸੀਸੀ ਦੇ ਹਿੱਸੇ ਵਿੱਚ ਰਾਇਲ ਐਨਫੀਲਡ ਕਲਾਸਿਕ ਅਤੇ ਇਸ ਦੀਆਂ ਹੋਰ ਬਾਈਕਾਂ ਦਾ ਦਬਦਬਾ ਹੈ। ਇੰਨਾ ਹੀ ਨਹੀਂ, ਰਾਇਲ ਐਨਫੀਲਡ ਇਸ ਸੈਗਮੈਂਟ 'ਚ ਥੰਡਰ, ਸਕ੍ਰੈਂਬਲਰ ਅਤੇ ਹਿਮਾਲੀਅਨ ਵਰਗੀਆਂ ਬਾਈਕਸ ਰਖਦੀ ਹੈ।

ਬਜਾਜ-ਟ੍ਰਾਇੰਫ ਦੀ ਆਉਣ ਵਾਲੀ ਮੋਟਰਸਾਈਕਲ ਮੀਡੀਅਮ ਸੈਗਮੈਂਟ ਵਾਲੀ ਬਾਈਕ ਹੋਵੇਗੀ ਅਤੇ ਇਹ ਸਿੰਗਲ ਸਿਲੰਡਰ ਪ੍ਰੀਮੀਅਮ ਮੋਟਰਸਾਈਕਲ ਹੋਵੇਗੀ। ਹਾਲਾਂਕਿ ਟ੍ਰਾਇੰਫ ਸਿੰਗਲ ਸਿਲੰਡਰ ਮੋਟਰਸਾਈਕਲਾਂ ਦਾ ਨਿਰਮਾਣ ਵੀ ਕਰ ਰਹੀ ਹੈ, ਪਰ ਬਜਾਜ ਕੋਲ ਘੱਟ ਕੀਮਤ 'ਤੇ ਸਿੰਗਲ ਸਿਲੰਡਰ ਮੋਟਰਸਾਈਕਲਾਂ ਦਾ ਨਿਰਮਾਣ ਕਰਨ ਦੀ ਮੁਹਾਰਤ ਹੈ।

ਅਜਿਹੇ 'ਚ ਦੋਵੇਂ ਕੰਪਨੀਆਂ ਮਿਲ ਕੇ ਕੁਝ ਨਵਾਂ ਕਰਨ ਦੀ ਯੋਜਨਾ ਬਣਾ ਰਹੀਆਂ ਹਨ ਅਤੇ ਘੱਟ ਤੋਂ ਘੱਟ ਕੀਮਤ 'ਚ ਦਮਦਾਰ ਫੀਚਰਸ ਵਾਲੀ ਬਾਈਕ ਪੇਸ਼ ਕਰਨ ਬਾਰੇ ਸੋਚ ਰਹੀਆਂ ਹਨ। Bajaj-Triumph ਬਾਈਕ ਦੀ ਕੀਮਤ 3.5 ਲੱਖ ਤੋਂ 4.5 ਲੱਖ ਰੁਪਏ ਦੇ ਵਿਚਕਾਰ ਹੋਣ ਦੀ ਉਮੀਦ ਹੈ। ਕੰਪਨੀ 2022 ਦੇ ਅਖੀਰ ਤੱਕ ਜਾਂ 2023 ਦੇ ਅੱਧ ਤੱਕ ਇੱਕ ਨਵੀਂ ਰੋਡਸਟਰ ਸਟਾਈਲ ਬਾਈਕ ਵੀ ਲਾਂਚ ਕਰੇਗੀ।