Home Hacks: ਵਰਤੇ ਹੋਏ ਗ੍ਰੀਨ ਟੀ ਬੈਗ ਨੂੰ ਸੁੱਟਣ ਤੋਂ ਪਹਿਲਾਂ ਜਾਣੋ ਇਸ ਦੇ ਫਾਇਦੇ

ਸਾਡੇ ਵਿੱਚੋਂ ਬਹੁਤ ਸਾਰੇ ਚਾਹ ਪੀਣਾ ਪਸੰਦ ਕਰਦੇ ਹਨ। ਅੱਜਕੱਲ੍ਹ ਬਜ਼ਾਰ ਵਿੱਚ ਚਾਹ ਦੀਆਂ ਕਈ ਕਿਸਮਾਂ ਅਤੇ ਸੁਆਦ ਉਪਲਬਧ ਹਨ। ਅੱਜ ਗੱਲ ਕਰਦੇ ਹਾਂ ਗ੍ਰੀਨ ਟੀ ਦੀ। ਤੁਸੀਂ ਚਾਹ ਬਣਾਉਣ ਲਈ ਬਾਜ਼ਾਰਾਂ 'ਚ ਮਿਲਣ ਵਾਲੇ ਟੀ ਬੈਗਸ ਦੀ ਵਰਤੋਂ ਜ਼ਰੂਰ ਕੀਤੀ ਹੋਵੇਗੀ। ਚਾਹ ਬਣਾਉਣ ਦਾ ਇਹ ਸਭ ਤੋਂ ਆਸਾਨ ਤਰੀਕਾ ਹੈ ਪਰ ਟੀ ਬੈਗ ਦੀ ਵਰਤੋਂ ਕਰਨ ਤੋਂ ਬਾਅਦ ਅਸੀਂ ਉਨ੍ਹਾਂ ਨੂੰ ਬੇਕਾਰ ਸਮਝ ਕੇ ਸੁੱਟ ਦਿੰਦੇ ਹਾਂ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਵਰਤੇ ਗਏ ਗ੍ਰੀਨ ਟੀ ਬੈਗ ਤੁਹਾਡੇ ਲਈ ਬਹੁਤ ਫਾਇਦੇਮੰਦ ਹੋ ਸਕਦੇ ਹਨ? ਇਸ ਦੀ ਵਰਤੋਂ ਸਕਿਨ ਅਤੇ ਵਾਲਾਂ ਨੂੰ ਸੁੰਦਰ ਬਣਾਉਣ ਲਈ ਕੀਤੀ ਜਾਂਦੀ ਹੈ। ਅੱਜ ਅਸੀਂ ਤੁਹਾਨੂੰ ਵਰਤੇ ਹੋਏ ਗ੍ਰੀਨ ਟੀ ਬੈਗ ਦੇ ਉਪਯੋਗਾਂ ਬਾਰੇ ਦੱਸਣ ਜਾ ਰਹੇ ਹਾਂ।

- ਚਿਹਰੇ ਦੀ ਸਕਿਨ 'ਤੇ ਤਾਜ਼ਗੀ ਲਿਆਉਂਦਾ ਹੈ
ਇੱਕ ਕਟੋਰੀ ਵਿੱਚ ਪਹਿਲਾਂ ਤੋਂ ਵਰਤੇ ਗਏ ਗ੍ਰੀਨ ਟੀ ਬੈਗ ਵਿੱਚੋਂ ਗ੍ਰੀਨ ਟੀ ਨੂੰ ਕੱਢ ਲਓ। ਇਸ ਤੋਂ ਬਾਅਦ ਇਸ 'ਚ ਬਰਾਬਰ ਮਾਤਰਾ 'ਚ ਸ਼ਹਿਦ ਅਤੇ ਬੇਕਿੰਗ ਸੋਡਾ ਮਿਲਾ ਕੇ ਪੇਸਟ ਬਣਾ ਲਓ, ਤੁਹਾਡਾ ਫੇਸ ਪੈਕ ਤਿਆਰ ਹੈ। ਇਸ ਫੇਸ ਪੈਕ ਦੀ ਵਰਤੋਂ ਤੁਸੀਂ ਹਫ਼ਤੇ ਵਿੱਚ ਇੱਕ ਵਾਰ ਕਰ ਸਕਦੇ ਹੋ। ਗ੍ਰੀਨ ਟੀ ਤੁਹਾਡੇ ਚਿਹਰੇ ਦੀ ਚਮੜੀ ਨੂੰ ਕੱਸਦੀ ਹੈ ਅਤੇ ਬੇਕਿੰਗ ਸੋਡਾ ਚਿਹਰੇ ਤੋਂ ਧੂੜ ਅਤੇ ਗੰਦਗੀ ਨੂੰ ਸਾਫ਼ ਕਰਨ ਦਾ ਕੰਮ ਕਰਦਾ ਹੈ। ਇਸ ਦੇ ਨਾਲ ਹੀ ਸ਼ਹਿਦ ਤੁਹਾਡੀ ਚਮੜੀ ਦੀ ਚਮਕ ਵੀ ਵਧਾਉਂਦਾ ਹੈ।

-ਮੂੰਹ ਦੇ ਛਾਲਿਆਂ ਵਿੱਚ ਲਾਭਦਾਇਕ
ਕੁਝ ਲੋਕਾਂ ਨੂੰ ਅਕਸਰ ਮੂੰਹ ਵਿੱਚ ਛਾਲੇ ਹੋਣ ਦੀ ਸਮੱਸਿਆ ਹੁੰਦੀ ਹੈ। ਅਜਿਹੇ 'ਚ ਚਾਹ ਬਣਾਉਣ 'ਚ ਇਸਤੇਮਾਲ ਹੋਣ ਵਾਲੇ ਗ੍ਰੀਨ ਟੀ ਬੈਗ ਨਾਲ ਮੂੰਹ ਦੇ ਛਾਲਿਆਂ ਤੋਂ ਛੁਟਕਾਰਾ ਮਿਲ ਸਕਦਾ ਹੈ। ਵਰਤੋਂ ਕੀਤੇ ਗਏ ਕੋਲਡ ਗ੍ਰੀਨ ਟੀ ਬੈਗ ਨੂੰ ਆਪਣੇ ਮੂੰਹ ਦੇ ਛਾਲੇ 'ਤੇ 5 ਤੋਂ 10 ਮਿੰਟ ਲਈ ਰੱਖੋ, ਅਜਿਹਾ ਕਰਨ ਨਾਲ ਟੀ ਬੈਗ ਵਿਚ ਮੌਜੂਦ ਤੱਤ ਤੁਹਾਨੂੰ ਮੂੰਹ ਦੇ ਛਾਲਿਆਂ ਤੋਂ ਛੁਟਕਾਰਾ ਪਾਉਣ ਵਿਚ ਮਦਦ ਕਰਨਗੇ।

- ਵਾਲਾਂ ਵਿੱਚ ਚਮਕ ਲਿਆਉਂਦਾ ਹੈ

ਗ੍ਰੀਨ ਟੀ ਬੈਗ ਚਮੜੀ ਲਈ ਜਿੰਨਾ ਫਾਇਦੇਮੰਦ ਹੈ, ਵਾਲਾਂ ਲਈ ਵੀ ਜ਼ਿਆਦਾ ਫਾਇਦੇਮੰਦ ਹੈ। ਵਾਲਾਂ ਵਿਚ ਇਸ ਦੀ ਵਰਤੋਂ ਕਰਨ ਲਈ, ਤੁਹਾਨੂੰ ਕੁਝ ਟੀ ਬੈਗ ਲੈਣੇ ਹਨ, ਉਨ੍ਹਾਂ ਨੂੰ ਪਾਣੀ ਵਿਚ 15 ਮਿੰਟ ਲਈ ਉਬਾਲੋ ਅਤੇ ਰਾਤ ਭਰ ਉਸੇ ਪਾਣੀ ਵਿਚ ਛੱਡ ਦਿਓ। ਦੂਜੇ ਦਿਨ ਸਵੇਰੇ ਗਿੱਲੇ ਵਾਲਾਂ 'ਤੇ ਟੀ-ਬੈਗ ਦਾ ਪਾਣੀ ਪਾਓ ਅਤੇ ਇਸ ਨੂੰ 10 ਮਿੰਟ ਤੱਕ ਲੱਗਾ ਰਹਿਣ ਦਿਓ ਅਤੇ ਇਸ ਤੋਂ ਬਾਅਦ ਵਾਲਾਂ ਨੂੰ ਚੰਗੀ ਤਰ੍ਹਾਂ ਧੋ ਲਓ। ਇਹ ਵਾਲਾਂ ਲਈ ਵਧੀਆ ਕੰਡੀਸ਼ਨਰ ਦਾ ਕੰਮ ਕਰਦਾ ਹੈ।

- ਅੱਖਾਂ ਨੂੰ ਸੁੰਦਰ ਬਣਾਉਂਦਾ ਹੈ
ਅਸੀਂ ਆਪਣੀਆਂ ਅੱਖਾਂ ਦੀ ਸੁੰਦਰਤਾ ਨੂੰ ਵਧਾਉਣ ਲਈ ਵਰਤੇ ਗਏ ਗ੍ਰੀਨ ਟੀ ਬੈਗ ਦੀ ਮੁੜ ਵਰਤੋਂ ਕਰ ਸਕਦੇ ਹਾਂ। ਇਸ ਦੇ ਲਈ ਤੁਹਾਨੂੰ ਗ੍ਰੀਨ ਟੀ ਬੈਗ ਨੂੰ ਕੁਝ ਦੇਰ ਲਈ ਫਰਿੱਜ 'ਚ ਰੱਖਣਾ ਹੋਵੇਗਾ। ਜਦੋਂ ਇਹ ਚੰਗੀ ਤਰ੍ਹਾਂ ਠੰਢਾ ਹੋ ਜਾਵੇ ਤਾਂ ਇਸ ਨੂੰ ਅੱਖਾਂ 'ਤੇ ਰੱਖੋ। ਗ੍ਰੀਨ ਟੀ ਵਿੱਚ ਮੌਜੂਦ ਟੈਨਿਨ ਅੱਖਾਂ ਦੇ ਹੇਠਾਂ ਕਾਲੇ ਘੇਰਿਆਂ ਅਤੇ ਸੋਜ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦੇ ਹਨ, ਜੋ ਅੱਖਾਂ ਦੀ ਸੁੰਦਰਤਾ ਨੂੰ ਵਧਾਉਂਦੇ ਹਨ।

- ਮੁਹਾਸੇ ਤੋਂ ਛੁਟਕਾਰਾ
ਵਰਤੇ ਗਏ ਗ੍ਰੀਨ ਟੀ ਬੈਗ ਵਿੱਚ ਮੌਜੂਦ ਐਂਟੀਆਕਸੀਡੈਂਟ ਅਤੇ ਐਂਟੀਬਾਇਓਟਿਕ ਗੁਣ ਮੁਹਾਸੇ ਤੋਂ ਛੁਟਕਾਰਾ ਪਾਉਣ ਵਿੱਚ ਮਦਦ ਕਰਦੇ ਹਨ। ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਗ੍ਰੀਨ ਟੀ ਬੈਗ ਬੈਕਟੀਰੀਆ ਨੂੰ ਨਸ਼ਟ ਕਰਨ ਵਿੱਚ ਮਦਦਗਾਰ ਹੁੰਦੇ ਹਨ। ਵਰਤੇ ਹੋਏ ਗ੍ਰੀਨ ਟੀ ਬੈਗ ਨੂੰ ਠੰਡਾ ਕਰਕੇ ਚਿਹਰੇ 'ਤੇ ਲਗਾਉਣ ਨਾਲ ਮੁਹਾਸੇ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲਦਾ ਹੈ।