ਸਰਕਾਰੀ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਰਹੇ ਵਿਦਿਆਰਥੀਆਂ ਲਈ ਇਹ ਹਨ 4 YouTube ਚੈਨਲ, ਕਮਾਲ ਦਾ ਹੈ ਕੰਟੈਂਟ

Best Youtube Channels to prepare for Government Exams: ਕਹਿੰਦੇ ਹਨ ਸਿੱਖਣ ਵਾਲੇ ਕੋਲ ਕਈ ਰਾਹ ਹੁੰਦੇ ਹਨ ਅਤੇ ਨਹੀਂ ਸਿੱਖਣ ਵਾਲੇ ਕੋਲ ਕਈ ਬਹਾਨੇ। ਅੱਜ ਕੁੱਝ ਵੀ ਸਿੱਖਣਾ ਅਤੇ ਜਾਨਣਾ ਬਹੁਤ ਹੀ ਆਸਾਨ ਹੈ। ਤੁਸੀਂ YouTube 'ਤੇ ਜਾ ਕੇ ਕੁੱਝ ਵੀ ਸਰਚ ਕਰ ਸਕਦੇ ਹੋ ਅਤੇ ਉਸ ਬਾਰੇ ਤੁਹਾਨੂੰ ਪੂਰੀ ਜਾਣਕਾਰੀ ਮਿਲ ਜਾਂਦੀ ਹੈ। YouTube ਦੁਨੀਆਂ ਭਰ ਵਿੱਚ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਪਲੇਟਫਾਰਮ ਹੈ ਜਿੱਥੇ ਹਰ ਮਿੰਟ 500 ਘੰਟੇ ਦਾ ਵੀਡੀਓ ਕੰਟੈਂਟ ਅਪਲੋਡ ਹੁੰਦਾ ਹੈ। ਦੁਨੀਆਂ ਭਰ ਵਿੱਚ YouTube 'ਤੇ 250 ਕਰੋੜ ਯੂਜ਼ਰਸ ਹਨ।

ਟਿਊਬਿਕਸ ਦੇ ਅਨੁਸਾਰ, ਅੱਜ ਯੂਟਿਊਬ 'ਤੇ 50 ਮਿਲੀਅਨ ਤੋਂ ਵੱਧ ਚੈਨਲ ਹਨ। ਲੋਕ ਵੱਖ-ਵੱਖ ਵਿਸ਼ਿਆਂ 'ਤੇ ਵੀਡੀਓ ਬਣਾਉਂਦੇ ਹਨ ਅਤੇ ਉਨ੍ਹਾਂ ਨੂੰ ਪਲੇਟਫਾਰਮ 'ਤੇ ਅਪਲੋਡ ਕਰਦੇ ਹਨ ਅਤੇ ਵੱਡੀ ਗਿਣਤੀ ਵਿਚ ਉਪਭੋਗਤਾ ਇਸ ਨੂੰ ਦੇਖਦੇ ਹਨ। ਇਹ ਗਿਣਤੀ ਲਗਾਤਾਰ ਵੱਧ ਰਹੀ ਹੈ ਅਤੇ ਇਸ ਦੀ ਲੋਕਪ੍ਰਿਅਤਾ 'ਚ ਕੋਈ ਕਮੀ ਨਹੀਂ ਆਈ ਹੈ। ਯੂਟਿਊਬ ਦੇ ਹਿੱਟ ਹੋਣ ਦਾ ਮੁੱਖ ਕਾਰਨ ਇਸ ਦੇ ਜ਼ਰੀਏ ਕ੍ਰੀਏਟਰ ਦੀ ਆਮਦਨ ਹੈ। ਚੈਨਲ ਜਿੰਨਾ ਜ਼ਿਆਦਾ ਪ੍ਰਸਿੱਧ ਹੋਵੇਗਾ ਅਤੇ ਇਸ 'ਤੇ ਜਿੰਨੇ ਜ਼ਿਆਦਾ ਘੰਟੇ ਵੀਡੀਓ ਸਮਗਰੀ ਦੇਖੀ ਜਾਂਦੀ ਹੈ, ਉਹ ਚੈਨਲ ਓਨਾ ਹੀ ਜ਼ਿਆਦਾ ਪੈਸਾ ਕਮਾਉਂਦਾ ਹੈ।

ਅੱਜ ਅਸੀਂ ਤੁਹਾਨੂੰ ਭਾਰਤ ਦੇ 4 ਅਜਿਹੇ YouTube ਚੈਨਲਾਂ ਬਾਰੇ ਦੱਸ ਰਹੇ ਹਾਂ ਜਿੱਥੇ ਤੁਸੀਂ ਆਪਣੇ ਗਿਆਨ ਵਿੱਚ ਵਾਧਾ ਕਰ ਸਕਦੇ ਹੋ ਅਤੇ ਤੁਹਾਨੂੰ ਵੱਖ-ਵੱਖ ਪ੍ਰੀਖਿਆਵਾਂ ਲਈ ਤਿਆਰ ਕਰਦੇ ਹਨ।

Study IQ Education: ਇਸ ਚੈਨਲ 'ਤੇ 8 ਲੱਖ ਤੋਂ ਜ਼ਿਆਦਾ Subscribers ਹਨ ਅਤੇ ਇਹ ਚੈਨਲ ਭਾਰਤ ਵਿੱਚ ਸਭ ਤੋਂ ਵੱਡ ਵੇਖੇ ਜਾਣ ਵਾਲੇ ਚੈਨਲਾਂ ਵਿੱਚੋਂ ਇੱਕ ਹੈ। ਇਸ ਨੂੰ ਹਰ ਮਹੀਨੇ 60 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾਂਦਾ ਹੈ। ਇਹ ਚੈਨਲ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਸਰਕਾਰੀ ਪ੍ਰੀਖਿਆਵਾਂ ਲਈ ਸਿਖਲਾਈ ਦੇਣ ਲਈ ਕੰਟੈਂਟ ਬਣਾਉਂਦਾ ਹੈ। ਇਨ੍ਹਾਂ ਵਿੱਚ UPSC, SSC CGL, ਬੈਂਕ ਪੀ.ਓ. ਸ਼ਾਮਿਲ ਹਨ।

Wifi Study: 2014 ਵਿੱਚ ਸ਼ੁਰੂ ਕੀਤਾ ਗਿਆ ਇਹ ਚੈਨਲ ਐਜੂਕੇਸ਼ਨ ਚੈਨਲਾਂ ਵਿੱਚ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਇਹ ਚੈਨਲ ਵੀ ਸਰਕਾਰੀ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਰਹੇ ਵਿਦਿਆਰਥੀਆਂ ਲਈ ਵੀਡੀਓ ਸਮੱਗਰੀ ਤਿਆਰ ਕਰਦਾ ਹੈ। ਚੈਨਲ ਵਿਸ਼ੇਸ਼ ਪ੍ਰੀਖਿਆਵਾਂ ਦੇ ਨਵੇਂ ਪੈਟਰਨ ਅਤੇ ਸਿਲੇਬਸ ਦੇ ਅਨੁਸਾਰ ਸਾਰੇ ਵਿਸ਼ਿਆਂ ਨੂੰ ਕਵਰ ਕਰਦਾ ਹੈ।

Unacademy: ਇਹ ਇੱਕ ਪੂਰਾ ਸਿੱਖਿਆ ਦਾ ਮੰਚ ਹੈ। Unacademy ਜ਼ਰੀਏ ਤੁਸੀਂ ਕਈ ਪ੍ਰੀਖਿਆਵਾਂ ਲਈ ਗਿਆਨ ਪ੍ਰਾਪਤ ਕਰ ਸਕਦੇ ਹੋ। ਇਸ ਨੇ JEE, UPSC ਅਤੇ ਬੈਂਕਿੰਗ ਵਰਗੀਆਂ ਖਾਸ ਪ੍ਰੀਖਿਆਵਾਂ ਦੇ ਆਧਾਰ 'ਤੇ ਵੱਖਰੇ YouTube ਚੈਨਲ ਵੀ ਬਣਾਏ ਹਨ। ਹਰ ਚੈਨਲ ਦਾ ਆਪਣਾ ਇੱਕ ਖਾਸ ਇਮਤਿਹਾਨ 'ਤੇ ਫੋਕਸ ਹੈ। ਇਸ 'ਤੇ ਨਿਯਮਤ ਲਾਈਵ ਸੈਸ਼ਨ ਆਯੋਜਿਤ ਕੀਤੇ ਜਾਂਦੇ ਹਨ। ਵਿਦਿਆਰਥੀ ਵੀਡੀਓ ਸੈਕਸ਼ਨ ਤੋਂ ਪੁਰਾਣੇ ਵੀਡੀਓ ਵੀ ਦੇਖ ਸਕਦੇ ਹਨ।

FWS - FunWithScience: ਜੇਕਰ ਤੁਸੀਂ ਸਾਇੰਸ ਵਿੱਚ ਦਿਲਚਸਪੀ ਰੱਖਦੇ ਹੋ ਅਤੇ ਤੁਹਾਨੂੰ ਹਮੇਸ਼ਾ ਇਹ ਜਾਣਨ ਦੀ ਇੱਛਾ ਰਹਿੰਦੀ ਹੈ ਕਿ ਕੋਈ ਚੀਜ਼ ਕਿਵੇਂ ਕੰਮ ਕਰਦੀ ਹੈ ਤਾਂ ਇਹ ਚੈਨਲ FWS - FunWithScience ਵਿਗਿਆਨ ਅਤੇ ਪ੍ਰਯੋਗਾਂ ਨੂੰ ਉਜਾਗਰ ਕਰਨ ਵਾਲਾ ਇੱਕ ਵਧੀਆ ਚੈਨਲ ਹੈ।