Home /News /lifestyle /

ਅਮਰਨਾਥ ਯਾਤਰਾ ਨਾਲ ਜੁੜਿਆ ਵੱਡਾ ਅਪਡੇਟ: ਹਰ ਯਾਤਰੀ ਨੂੰ ਦਿੱਤਾ ਜਾਵੇਗਾ RFID ਟੈਗ ਕਾਰਡ, ਜ਼ਰੂਰ ਪੜ੍ਹੋ

ਅਮਰਨਾਥ ਯਾਤਰਾ ਨਾਲ ਜੁੜਿਆ ਵੱਡਾ ਅਪਡੇਟ: ਹਰ ਯਾਤਰੀ ਨੂੰ ਦਿੱਤਾ ਜਾਵੇਗਾ RFID ਟੈਗ ਕਾਰਡ, ਜ਼ਰੂਰ ਪੜ੍ਹੋ

Shri Amarnath : ਹਰ ਯਾਤਰੀ ਨੂੰ ਦਿੱਤਾ ਜਾਵੇਗਾ RFID ਟੈਗ ਕਾਰਡ, ਜ਼ਰੂਰ ਪੜ੍ਹੋ  (ਫਾਈਲ ਫੋਟੋ)

Shri Amarnath : ਹਰ ਯਾਤਰੀ ਨੂੰ ਦਿੱਤਾ ਜਾਵੇਗਾ RFID ਟੈਗ ਕਾਰਡ, ਜ਼ਰੂਰ ਪੜ੍ਹੋ (ਫਾਈਲ ਫੋਟੋ)

Shri Amarnath Shrine Board: ਜੇਕਰ ਤੁਸੀਂ ਸ਼੍ਰੀ ਅਮਰਨਾਥ ਦੀ ਯਾਤਰਾ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਸ਼੍ਰੀ ਅਮਰਨਾਥ ਸ਼ਰਾਈਨ ਬੋਰਡ (SASB) ਨੇ ਆਨਲਾਈਨ ਰਜਿਸਟ੍ਰੇਸ਼ਨ ਨਾਲ ਸਬੰਧਤ ਇੱਕ ਘੋਸ਼ਣਾ ਕੀਤੀ ਹੈ। ਬੋਰਡ ਨੇ ਕਿਹਾ ਹੈ ਕਿ ਅਗਲੇ ਮਹੀਨੇ (ਅਪ੍ਰੈਲ) ਤੋਂ ਬੈਂਕਾਂ ਰਾਹੀਂ ਆਨਲਾਈਨ ਰਜਿਸਟ੍ਰੇਸ਼ਨ ਕਰਵਾਈ ਜਾ ਸਕਦੀ ਹੈ। ਇਸ ਤੋਂ ਇਲਾਵਾ ਯਾਤਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਬੋਰਡ ਨੇ ਕਿਹਾ ਕਿ ਯਾਤਰਾ ਲਈ ਜਾਣ ਵਾਲੇ ਵਾਹਨਾਂ ਦੀ ਆਵਾਜਾਈ ਨੂੰ ਆਰਐਫਆਈਡੀ ਆਧਾਰਿਤ ਸਿਸਟਮ ਨਾਲ ਟਰੈਕ ਕੀਤਾ ਜਾਵੇਗਾ।

ਹੋਰ ਪੜ੍ਹੋ ...
  • Share this:
    Shri Amarnath Shrine Board: ਜੇਕਰ ਤੁਸੀਂ ਸ਼੍ਰੀ ਅਮਰਨਾਥ ਦੀ ਯਾਤਰਾ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਸ਼੍ਰੀ ਅਮਰਨਾਥ ਸ਼ਰਾਈਨ ਬੋਰਡ (SASB) ਨੇ ਆਨਲਾਈਨ ਰਜਿਸਟ੍ਰੇਸ਼ਨ ਨਾਲ ਸਬੰਧਤ ਇੱਕ ਘੋਸ਼ਣਾ ਕੀਤੀ ਹੈ। ਬੋਰਡ ਨੇ ਕਿਹਾ ਹੈ ਕਿ ਅਗਲੇ ਮਹੀਨੇ (ਅਪ੍ਰੈਲ) ਤੋਂ ਬੈਂਕਾਂ ਰਾਹੀਂ ਆਨਲਾਈਨ ਰਜਿਸਟ੍ਰੇਸ਼ਨ ਕਰਵਾਈ ਜਾ ਸਕਦੀ ਹੈ। ਇਸ ਤੋਂ ਇਲਾਵਾ ਯਾਤਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਬੋਰਡ ਨੇ ਕਿਹਾ ਕਿ ਯਾਤਰਾ ਲਈ ਜਾਣ ਵਾਲੇ ਵਾਹਨਾਂ ਦੀ ਆਵਾਜਾਈ ਨੂੰ ਆਰਐਫਆਈਡੀ ਆਧਾਰਿਤ ਸਿਸਟਮ ਨਾਲ ਟਰੈਕ ਕੀਤਾ ਜਾਵੇਗਾ।

    SASB ਦੇ ਵਧੀਕ ਸੀਈਓ ਰਾਹੁਲ ਸਿੰਘ ਨੇ ਜੰਮੂ ਦੇ ਡਿਵੀਜ਼ਨਲ ਕਮਿਸ਼ਨਰ ਰਾਘਵ ਲੰਗਰ ਦੀ ਪ੍ਰਧਾਨਗੀ ਹੇਠ ਹੋਈ ਉੱਚ ਪੱਧਰੀ ਮੀਟਿੰਗ ਦੌਰਾਨ ਆਉਣ ਵਾਲੀ ਯਾਤਰਾ ਦੇ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ। ਉਸਨੇ ਕਿਹਾ, "ਔਨਲਾਈਨ ਰਜਿਸਟ੍ਰੇਸ਼ਨ ਅਪ੍ਰੈਲ 2022 ਵਿੱਚ ਸ਼ੁਰੂ ਹੋਵੇਗੀ ਅਤੇ ਪ੍ਰਤੀ ਦਿਨ 20,000 ਰਜਿਸਟ੍ਰੇਸ਼ਨਾਂ ਦੀ ਸੀਮਾ ਹੋਵੇਗੀ।" ਉਨ੍ਹਾਂ ਦੱਸਿਆ ਕਿ ਯਾਤਰਾ ਦੇ ਦਿਨਾਂ ਦੌਰਾਨ ਨਿਰਧਾਰਤ ਕਾਊਂਟਰਾਂ ’ਤੇ ਮੌਕੇ ’ਤੇ ਹੀ ਰਜਿਸਟ੍ਰੇਸ਼ਨ ਵੀ ਕੀਤੀ ਜਾਵੇਗੀ।

    ਲੋੜੀਂਦੇ ਪਖਾਨੇ ਅਤੇ ਵਾਟਰ ਕੂਲਰ ਲਗਾਉਣ ਦੀਆਂ ਹਦਾਇਤਾਂ

    ਸਿੰਘ ਨੇ ਕਿਹਾ ਕਿ ਅਮਰਨਾਥ ਯਾਤਰੀਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਬੋਰਡ ਨੇ ਇਸ ਸਾਲ ਦੀ ਯਾਤਰਾ ਦੌਰਾਨ ਵਾਹਨਾਂ ਅਤੇ ਸ਼ਰਧਾਲੂਆਂ ਦੀ ਆਵਾਜਾਈ 'ਤੇ ਨਜ਼ਰ ਰੱਖਣ ਲਈ ਰੇਡੀਓ ਫ੍ਰੀਕੁਐਂਸੀ ਆਈਡੈਂਟੀਫਿਕੇਸ਼ਨ (ਆਰਐਫਆਈਡੀ) ਦੀ ਵਰਤੋਂ ਕਰਨ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਸਾਰੇ ਸ਼ਰਧਾਲੂਆਂ ਨੂੰ ਆਰਐਫਆਈਡੀ ਟੈਗ ਕਾਰਡ ਜਾਰੀ ਕੀਤੇ ਜਾਣਗੇ। ਡਿਵੀਜ਼ਨਲ ਕਮਿਸ਼ਨਰ ਨੇ ਡਿਪਟੀ ਕਮਿਸ਼ਨਰਾਂ ਨੂੰ ਸ਼ਰਧਾਲੂਆਂ ਦੀ ਸਹੂਲਤ ਲਈ ਰੂਟ 'ਤੇ ਲੋੜੀਂਦੀ ਗਿਣਤੀ ਵਿੱਚ ਪਖਾਨੇ ਅਤੇ ਵਾਟਰ ਕੂਲਰ ਲਗਾਉਣ ਦੇ ਨਿਰਦੇਸ਼ ਦਿੱਤੇ।

    ਦੱਸ ਦੇਈਏ ਕਿ ਕੋਵਿਡ-19 ਮਹਾਂਮਾਰੀ ਦੇ ਕਾਰਨ, 2020 ਅਤੇ 2021 ਵਿੱਚ ਸਾਲਾਨਾ ਤੀਰਥ ਯਾਤਰਾ ਦਾ ਆਯੋਜਨ ਪ੍ਰਤੀਕ ਆਧਾਰ 'ਤੇ ਕੀਤਾ ਗਿਆ ਸੀ। ਇਸ ਲਈ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਵਾਰ ਸ਼ਰਧਾਲੂਆਂ ਦੀ ਗਿਣਤੀ ਪਿਛਲੇ ਸਾਲਾਂ ਦੇ ਮੁਕਾਬਲੇ ਜ਼ਿਆਦਾ ਹੋ ਸਕਦੀ ਹੈ।
    Published by:rupinderkaursab
    First published:

    Tags: Amarnath, Amarnath Yatra, Business, Business idea, Businessman, Online, Registration

    ਅਗਲੀ ਖਬਰ