• Home
  • »
  • News
  • »
  • lifestyle
  • »
  • BUSINESS IDEA USE THE EMPTY ROOF OF THE HOUSE AND EARN MONEY FROM IT KNOW HOW

ਘਰ ਦੀ ਖਾਲੀ ਛੱਤ ਦੀ ਵਰਤੋਂ ਕਰੋ ਤੇ ਲੱਖਾਂ ਰੁਪਏ ਕਮਾਓ, ਨਾਲੇ ਮਿਲਦੀ ਸਬਸਿਡੀ, ਜਾਣੋ ਕਿਵੇਂ

Business Idea : ਭਾਵੇਂ ਸ਼ਹਿਰ ਹੋਵੇ ਜਾਂ ਪਿੰਡ, ਹਰ ਪਾਸੇ ਬਿਜਲੀ ਦੀ ਮੰਗ ਦਿਨੋਂ-ਦਿਨ ਵੱਧ ਰਹੀ ਹੈ। ਸੋਲਰ ਪੈਨਲ ਲਗਾਉਣ ਲਈ ਕੇਂਦਰ ਸਰਕਾਰ ਤੋਂ 30 ਫੀਸਦੀ ਸਬਸਿਡੀ ਵੀ ਮਿਲਦੀ ਹੈ ਅਤੇ ਇਸ 'ਤੇ ਲਗਭਗ 1 ਲੱਖ ਰੁਪਏ ਦਾ ਖਰਚ ਆਉਂਦਾ ਹੈ।

ਘਰ ਦੀ ਖਾਲੀ ਛੱਤ ਦੀ ਵਰਤੋਂ ਕਰੋ ਤੇ ਇਸ ਤੋਂ ਲੱਖਾਂ ਰੁਪਏ ਕਮਾਓ, ਨਾਲੇ ਮਿਲਦੀ ਸਬਸਿਡੀ, ਜਾਣੋ ਕਿਵੇਂ( ਸੰਕੇਤਕ ਤਸਵੀਰ)

  • Share this:
    ਅੱਜ ਅਸੀਂ ਤੁਹਾਨੂੰ ਅਜਿਹਾ ਕਾਰੋਬਾਰੀ ਆਈਡੀਆ ਦੇ ਰਹੇ ਹਾਂ, ਜਿੱਥੇ ਤੁਸੀਂ ਆਪਣੇ ਘਰ ਦੀ ਖਾਲੀ ਛੱਤ ਦੀ ਵਰਤੋਂ ਕਰ ਸਕਦੇ ਹੋ ਅਤੇ ਇਸ ਤੋਂ ਲੱਖਾਂ ਰੁਪਏ ਕਮਾ ਸਕਦੇ ਹੋ। ਅਸੀਂ ਤੁਹਾਨੂੰ ਸੋਲਰ ਪੈਨਲ ਕਾਰੋਬਾਰ ਬਾਰੇ ਦੱਸ ਰਹੇ ਹਾਂ। ਇਹ ਕਿਤੇ ਵੀ ਇੰਸਟਾਲ ਕੀਤਾ ਜਾ ਸਕਦਾ ਹੈ। ਤੁਸੀਂ ਇਸ ਨੂੰ ਆਪਣੀ ਛੱਤ 'ਤੇ ਲਗਾ ਕੇ ਬਿਜਲੀ ਬਣਾ ਸਕਦੇ ਹੋ ਅਤੇ ਬਿਜਲੀ ਵਿਭਾਗ ਨੂੰ ਸਪਲਾਈ ਕਰ ਸਕਦੇ ਹੋ। ਇਸ ਨਾਲ ਤੁਹਾਨੂੰ ਵੱਡੀ ਕਮਾਈ ਹੋਣ ਦੀ ਸੰਭਾਵਨਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਭਾਵੇਂ ਸ਼ਹਿਰ ਹੋਵੇ ਜਾਂ ਪਿੰਡ, ਹਰ ਪਾਸੇ ਬਿਜਲੀ ਦੀ ਮੰਗ ਦਿਨੋਂ-ਦਿਨ ਵੱਧ ਰਹੀ ਹੈ। ਸੋਲਰ ਪੈਨਲ ਲਗਾਉਣ ਲਈ ਕੇਂਦਰ ਸਰਕਾਰ ਤੋਂ 30 ਫੀਸਦੀ ਸਬਸਿਡੀ ਵੀ ਮਿਲਦੀ ਹੈ ਅਤੇ ਇਸ 'ਤੇ ਲਗਭਗ 1 ਲੱਖ ਰੁਪਏ ਦਾ ਖਰਚ ਆਉਂਦਾ ਹੈ।

    ਇਸ ਦਾ ਕਿੰਨਾ ਮੁਲ ਹੋਵੇਗਾ

    ਸਰਕਾਰ ਲੋਕਾਂ ਨੂੰ ਸੋਲਰ ਪਲਾਂਟ ਲਗਾਉਣ ਲਈ ਲਗਾਤਾਰ ਉਤਸ਼ਾਹਿਤ ਕਰ ਰਹੀ ਹੈ। ਕੁਝ ਰਾਜਾਂ ਨੇ ਉਦਯੋਗਿਕ ਖੇਤਰ ਵਿੱਚ ਸੋਲਰ ਪਲਾਂਟਾਂ ਨੂੰ ਲਾਜ਼ਮੀ ਕਰ ਦਿੱਤਾ ਹੈ। ਤੁਹਾਡੇ ਕੋਲ ਸੂਰਜੀ ਉਤਪਾਦ ਵੇਚਣ ਦਾ ਕਾਰੋਬਾਰ ਸ਼ੁਰੂ ਕਰਨ ਦਾ ਵੀ ਵੱਡਾ ਮੌਕਾ ਹੈ। ਇਹਨਾਂ ਵਿੱਚ, ਤੁਸੀਂ ਸੋਲਰ ਪੀਵੀ, ਸੋਲਰ ਥਰਮਲ ਸਿਸਟਮ, ਸੋਲਰ ਐਟਿਕ ਫੈਨ, ਸੋਲਰ ਕੂਲਿੰਗ ਸਿਸਟਮ ਦਾ ਕਾਰੋਬਾਰ ਸ਼ੁਰੂ ਕਰ ਸਕਦੇ ਹੋ। ਖਾਸ ਗੱਲ ਇਹ ਹੈ ਕਿ ਸੂਰਜੀ ਊਰਜਾ ਨਾਲ ਜੁੜਿਆ ਕਾਰੋਬਾਰ ਸ਼ੁਰੂ ਕਰਨ ਲਈ ਭਾਰਤੀ ਸਟੇਟ ਬੈਂਕ ਸਮੇਤ ਕਈ ਬੈਂਕਾਂ ਦੀ ਐਸਐਮਈ ਸ਼ਾਖਾ ਤੋਂ ਕਰਜ਼ਾ ਲਿਆ ਜਾ ਸਕਦਾ ਹੈ। ਇਹ ਖਰਚਾ ਰਾਜ ਤੋਂ ਰਾਜ ਵਿੱਚ ਵੱਖ-ਵੱਖ ਹੁੰਦਾ ਹੈ। ਪਰ ਸਰਕਾਰ ਦੀ ਸਬਸਿਡੀ ਤੋਂ ਬਾਅਦ ਇੱਕ ਕਿਲੋਵਾਟ ਦਾ ਸੋਲਰ ਪਲਾਂਟ ਮਹਿਜ਼ 60 ਤੋਂ 70 ਹਜ਼ਾਰ ਰੁਪਏ ਵਿੱਚ ਲੱਗ ਜਾਂਦਾ ਹੈ।

    1 ਲੱਖ ਰੁਪਏ ਤੱਕ ਦੀ ਕਮਾਈ

    ਇਸ ਕਾਰੋਬਾਰ ਨੂੰ ਸ਼ੁਰੂ ਕਰਨ ਲਈ ਸ਼ੁਰੂਆਤੀ ਨਿਵੇਸ਼ ਬਹੁਤ ਘੱਟ ਹੈ। ਪਰ ਫਿਰ ਵੀ, ਜੇਕਰ ਤੁਹਾਡੇ ਕੋਲ ਪੈਸਾ ਨਹੀਂ ਹੈ, ਤਾਂ ਬਹੁਤ ਸਾਰੇ ਬੈਂਕ ਇਸ ਨੂੰ ਵਿੱਤ ਦਿੰਦੇ ਹਨ। ਇਸਦੇ ਲਈ, ਤੁਸੀਂ ਸੋਲਰ ਸਬਸਿਡੀ ਸਕੀਮ, ਕੁਸੁਮ ਯੋਜਨਾ, ਰਾਸ਼ਟਰੀ ਸੂਰਜੀ ਊਰਜਾ ਮਿਸ਼ਨ ਦੇ ਤਹਿਤ ਬੈਂਕ ਤੋਂ SME ਲੋਨ ਲੈ ਸਕਦੇ ਹੋ। ਇੱਕ ਅੰਦਾਜ਼ੇ ਮੁਤਾਬਕ ਇਹ ਕਾਰੋਬਾਰ ਇੱਕ ਮਹੀਨੇ ਵਿੱਚ ਆਸਾਨੀ ਨਾਲ 30,000 ਰੁਪਏ ਤੋਂ ਲੈ ਕੇ 1 ਲੱਖ ਰੁਪਏ ਤੱਕ ਕਮਾ ਲਵੇਗਾ।

    ਸੋਲਰ ਪੈਨਲ ਦੇ ਫਾਇਦੇ

    ਸੋਲਰ ਪੈਨਲਾਂ ਦੀ ਉਮਰ 25 ਸਾਲ ਹੁੰਦੀ ਹੈ। ਤੁਸੀਂ ਇਸ ਪੈਨਲ ਨੂੰ ਆਪਣੀ ਛੱਤ 'ਤੇ ਆਸਾਨੀ ਨਾਲ ਇੰਸਟਾਲ ਕਰ ਸਕਦੇ ਹੋ। ਇਸ ਨਾਲ ਤੁਹਾਨੂੰ ਬਿਜਲੀ ਮੁਫਤ ਮਿਲੇਗੀ। ਇਸ ਦੇ ਨਾਲ, ਤੁਸੀਂ ਗਰਿੱਡ ਰਾਹੀਂ ਸਰਕਾਰ ਜਾਂ ਕੰਪਨੀ ਨੂੰ ਬਚੀ ਹੋਈ ਬਿਜਲੀ ਵੀ ਵੇਚ ਸਕਦੇ ਹੋ। ਮਤਲਬ ਮੁਫਤ ਵਿੱਚ ਕਮਾਈ। ਜੇਕਰ ਤੁਸੀਂ ਆਪਣੇ ਘਰ ਦੀ ਛੱਤ 'ਤੇ ਦੋ ਕਿਲੋਵਾਟ ਦਾ ਸੋਲਰ ਪੈਨਲ ਲਗਾਉਂਦੇ ਹੋ, ਤਾਂ ਦਿਨ ਵਿੱਚ 10 ਘੰਟੇ ਧੁੱਪ ਰਹਿਣ ਦੀ ਸਥਿਤੀ ਵਿੱਚ, ਇਹ ਲਗਭਗ 10 ਯੂਨਿਟ ਬਿਜਲੀ ਪੈਦਾ ਕਰੇਗਾ। ਜੇਕਰ ਅਸੀਂ ਮਹੀਨੇ ਦਾ ਹਿਸਾਬ ਕਰੀਏ ਤਾਂ ਦੋ ਕਿਲੋਵਾਟ ਦੇ ਸੋਲਰ ਪੈਨਲਾਂ ਤੋਂ ਲਗਭਗ 300 ਯੂਨਿਟ ਬਿਜਲੀ ਪੈਦਾ ਹੋਵੇਗੀ।

    ਰੱਖ-ਰਖਾਅ

    ਸੋਲਰ ਪੈਨਲਾਂ ਦੇ ਰੱਖ-ਰਖਾਅ ਵਿੱਚ ਕੋਈ ਖਾਸ ਸਮੱਸਿਆ ਨਹੀਂ ਹੈ। ਇਸ ਦੀ ਬੈਟਰੀ ਨੂੰ ਹਰ 10 ਸਾਲ ਬਾਅਦ ਬਦਲਣਾ ਪੈਂਦਾ ਹੈ। ਇਸ ਦੀ ਕੀਮਤ ਕਰੀਬ 20 ਹਜ਼ਾਰ ਰੁਪਏ ਹੈ। ਤੁਸੀਂ ਸੋਲਰ ਪੈਨਲਾਂ ਨੂੰ ਇੱਕ ਥਾਂ ਤੋਂ ਦੂਜੀ ਥਾਂ 'ਤੇ ਵੀ ਲਿਜਾ ਸਕਦੇ ਹੋ।
    Published by:Sukhwinder Singh
    First published: