ਸਰਦੀਆਂ ਵਿੱਚ ਇਹ ਸਬਜ਼ੀਆਂ ਦਿੰਦੀਆਂ ਹਨ ਮੋਟਾ ਮੁਨਾਫ਼ਾ, ਸ਼ੁਰੂ ਕਰੋ ਖੇਤੀ 'ਤੇ ਕਰੋ ਕਮਾਈ

ਆਪਣਾ ਕਾਰੋਬਾਰ ਸ਼ੁਰੂ ਕਰਨ ਲਈ ਬਹੁਤ ਵਾਰ ਲੋਕਾਂ ਕੋਲ ਸਹੀ ਬਿਜਨੈੱਸ ਆਈਡਿਆ ਨਹੀਂ ਹੁੰਦਾ ਜਾਂ ਫਿਰ ਕਈ ਵਾਰ ਬਹੁਤ ਪੂੰਜੀ ਨਹੀਂ ਹੁੰਦੀ। ਜੇਕਰ ਤੁਸੀਂ ਵੀ ਆਪਣਾ ਕੋਈ ਕਾਰੋਬਾਰ ਸ਼ੁਰੂ ਕਰਨ ਬਾਰੇ ਸੋਚ ਰਹੇ ਹੋ ਤਾਂ ਅੱਜ ਅਸੀਂ ਤੁਹਾਨੂੰ ਖੇਤੀ ਨਾਲ ਜੁੜੇ ਇਸ ਕਾਰੋਬਾਰ ਬਾਰੇ ਦੱਸਦੇ ਹਾਂ ਜਿਸ ਵਿੱਚ ਘੱਟ ਲਾਗਤ ਨਾਲ ਮੋਟਾ ਮੁਨਾਫ਼ਾ ਕਮਾਇਆ ਜਾ ਸਕਦਾ ਹੈ। ਖੇਤੀ ਬਹੁਤ ਲੋਕਾਂ ਵੱਲੋਂ ਅਪਣਾਇਆ ਜਾਣ ਵਾਲਾ ਧੰਦਾ ਬਣਦਾ ਜਾ ਰਿਹਾ ਹੈ। ਸਰਦੀਆਂ ਵਿੱਚ ਕਈ ਮੌਸਮੀ ਸਬਜ਼ੀਆਂ ਦੀ ਮੰਗ ਵੱਧ ਜਾਂਦੀ ਹੈ ਅਤੇ ਜੇ ਤੁਸੀਂ ਇਹਨਾਂ ਦੀ ਖੇਤੀ ਕਰਦੇ ਹੋ ਤਾਂ ਤੁਹਾਨੂੰ ਵਧੀਆ ਮੁਨਾਫ਼ਾ ਹੋ ਸਕਦਾ ਹੈ।

ਆਓ ਜਾਣਦੇ ਹਾਂ ਕਿ ਸਰਦੀਆਂ ਵਿੱਚ ਤੁਸੀਂ ਕਿਹੜੀਆਂ ਸਬਜ਼ੀਆਂ ਦੀ ਕਾਸ਼ਤ ਕਰਕੇ ਕਮਾਈ ਕਰ ਸਕਦੇ ਹੋ:

1. ਪਾਲਕ: ਸਰਦੀਆਂ ਸ਼ੁਰੂ ਹੁੰਦੇ ਹੀ ਪਾਲਕ ਦਾ ਸੀਜ਼ਨ ਸ਼ੁਰੂ ਹੋ ਜਾਂਦਾ ਹੈ। ਇਸਨੂੰ ਠੰਡ ਵਿੱਚ ਹੀ ਉਗਾਇਆ ਜਾਂਦਾ ਹੈ। ਪਰ ਤੁਸੀਂ ਪਾਲਕ ਨੂੰ ਸਾਰਾ ਸਾਲ ਵੀ ਉਗਾ ਸਕਦੇ ਹੋ। ਬਾਕੀ ਸਮੇਂ ਦੇ ਮੁਕਾਬਲੇ ਸਰਦੀਆਂ ਵਿੱਚ ਪਾਲਕ ਵਧੇਰੇ ਪੈਦਾਵਾਰ ਦਿੰਦੀ ਹੈ। ਜੇਕਰ ਤੁਸੀਂ ਵੀ ਪਾਲਕ ਦੀ ਖੇਤੀ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਪੰਜਾਬ ਗ੍ਰੀਨ ਅਤੇ ਪੰਜਾਬ ਸਿਲੈਕਸ਼ਨ ਕਿਸਮਾਂ ਦੇ ਬੀਜ ਦੀ ਵਰਤੋਂ ਹੀ ਕਰਨੀ ਚਾਹੀਦੀ ਹੈ। ਇਹ ਵੱਧ ਝਾੜ ਦੇਣ ਵਾਲੀਆਂ ਕਿਸਮਾਂ ਹਨ। ਇਸ ਦੀ ਮੰਗ ਜ਼ਿਆਦਾ ਹੋਣ ਕਰਕੇ ਤੁਸੀਂ ਇਸ ਤੋਂ ਵਧੀਆ ਕਮਾਈ ਕਰ ਸਕਦੇ ਹੋ।

2. ਸਰ੍ਹੋਂ: ਸਰ੍ਹੋਂ ਦਾ ਸਾਗ ਹਰ ਇੱਕ ਨੂੰ ਪਸੰਦ ਹੁੰਦਾ ਹੈ ਅਤੇ ਇਹ ਸਿਰਫ ਸਰਦੀਆਂ ਵਿੱਚ ਹੀ ਮਿਲਦਾ ਹੈ। ਜੇਕਰ ਤੁਸੀਂ ਸਰ੍ਹੋਂ ਬੀਜਦੇ ਹੋ ਤਾਂ ਇਸਦੇ ਦੋ ਫਾਇਦੇ ਹੁੰਦੇ ਹਨ। ਇੱਕ ਤਾਂ ਤੁਸੀਂ ਸਾਗ ਲਈ ਇਸਦੇ ਪੱਤੇ ਵੇਚ ਸਕਦੇ ਹੋ ਅਤੇ ਦੂਸਰਾ ਫਸਲ ਪੱਕਣ 'ਤੇ ਸਰ੍ਹੋਂ ਦੇ ਬੀਜ ਵੇਚ ਸਕਦੇ ਹੋ। ਸਰ੍ਹੋਂ ਦੀ ਖੇਤੀ ਲਈ ਦੋਮਟ ਮਿੱਟੀ ਨੂੰ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਵਧੀਆ ਝਾੜ ਲਈ ਸਰ੍ਹੋਂ ਦੀਆਂ ਕ੍ਰਾਂਤੀ, ਮਾਇਆ, ਵਰੁਣ ਆਦਿ ਕਿਸਮਾਂ ਪ੍ਰਮੁੱਖ ਹਨ। ਜਿੱਥੇ ਪਾਣੀ ਵਧੀਆ ਹੈ ਉੱਥੇ ਸਰ੍ਹੋਂ ਦੀ ਬਿਜਾਈ ਲਈ ਪ੍ਰਤੀ ਹੈਕਟੇਅਰ 5 ਤੋਂ 6 ਕਿਲੋ ਬੀਜ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।

3. ਬੈਂਗਣ: ਸਰਦੀਆਂ ਵਿੱਚ ਇੱਕ ਹੋਰ ਫਸਲ ਹੈ ਬੈਂਗਣ ਦੀ ਜਿਸ ਤੋਂ ਵਧੀਆ ਕਮਾਈ ਹੁੰਦੀ ਹੈ। ਇਸ ਲਈ ਤੁਹਾਨੂੰ ਪਹਿਲਾਂ ਪਨੀਰੀ ਤਿਆਰ ਕਰਨੀ ਪੈਂਦੀ ਹੈ ਅਤੇ ਫਿਰ ਇਸਨੂੰ ਖੇਤਾਂ ਵਿੱਚ ਬੀਜਿਆ ਜਾਂਦਾ ਹੈ। ਇਸਦੇ ਪੌਦਿਆਂ ਨੂੰ ਆਸਾਨੀ ਨਾਲ ਖਰੀਦਿਆ ਜਾ ਸਕਦਾ ਹੈ। ਬੈਂਗਣ ਦੇ ਪੌਦਿਆਂ ਨੂੰ ਖੇਤਾਂ ਵਿੱਚ ਲਗਾਉਂਦੇ ਸਮੇਂ ਘੱਟੋ-ਘੱਟ ਡੇਢ ਤੋਂ ਡੇਢ ਫੁੱਟ ਦੀ ਦੂਰੀ ਰੱਖਣੀ ਚਾਹੀਦੀ ਹੈ। ਇਹਨਾਂ ਨੂੰ ਆਮ ਤੌਰ 'ਤੇ ਇੱਕ ਲਾਈਨ ਵਿੱਚ ਬੀਜਿਆ ਜਾਂਦਾ ਹੈ। ਵਧੀਆ ਝਾੜ ਲਈ ਪੂਸਾ ਪਰਪਲ ਕਲੋਵ, ਪੂਸਾ ਪਰਪਲ ਕਲੱਸਟਰ, ਪੂਜਾ ਕ੍ਰਾਂਤੀ, ਮੁਕਤਕੇਸ਼ੀ ਅੰਨਾਮਲਾਈ, ਬਨਾਰਸ ਜੈੱਟ ਆਦਿ ਕਿਸਮਾਂ ਦੀ ਬਿਜਾਈ ਕਰਨੀ ਚਾਹੀਦੀ ਹੈ।

4. ਮੇਥੀ: ਮੇਥੀ ਸਾਡੇ ਸਰੀਰ ਨੂੰ ਕਈ ਤਰ੍ਹਾਂ ਦੇ ਲਾਭ ਪ੍ਰਦਾਨ ਕਰਦੀ ਹੈ। ਸਰਦੀਆਂ ਵਿੱਚ ਮੇਥੀ ਦੀ ਮੰਗ ਵੀ ਵਧਦੀ ਹੈ ਅਤੇ ਇਸਦੀ ਖੇਤੀ ਕਰਕੇ ਵੀ ਕਮਾਈ ਕੀਤੀ ਜਾ ਸਕਦੀ ਹੈ। ਇਸਦੀ ਫਸਲ ਨੂੰ ਸਰ੍ਹੋਂ ਦੀ ਤਰ੍ਹਾਂ ਕਈ ਵਾਰ ਕੱਟਿਆ ਜਾ ਸਕਦਾ ਹੈ। ਜਦੋਂ ਇੱਕ ਵਾਰ ਫੁੱਲ ਆਉਣੇ ਸ਼ੁਰੂ ਹੋ ਜਾਣ ਤਾਂ ਇਸਨੂੰ ਪੱਕਣ ਤੇ ਇਸਦੇ ਬੀਜਾਂ ਨੂੰ ਬਾਜ਼ਾਰ ਵਿੱਚ ਵੇਚ ਕੇ ਪੈਸੇ ਕਮਾਏ ਜਾ ਸਕਦੇ ਹਨ। ਇਸ ਤਰ੍ਹਾਂ ਇਹ ਫਸਲ ਵੀ ਡਬਲ ਮੁਨਾਫ਼ਾ ਦਿੰਦੀ ਹੈ।