• Home
  • »
  • News
  • »
  • lifestyle
  • »
  • BUY THIS LARGEST PRIVATE SECTOR BANK STOCK FOR TARGET PRICE OF RUPEES 1650 GH AP AS

ICICI ਸਕਿਓਰਿਟੀਜ਼ ਨੇ ਦਿੱਤੀ HDFC ਦੇ ਸ਼ੇਅਰ ਖਰੀਦਣ ਦੀ ਸਲਾਹ, ਮਿਲੇਗਾ ਵਧੀਆ ਮੁਨਾਫ਼ਾ

HDFC ਬੈਂਕ ਦੇ ਚੌਥੀ ਤਿਮਾਹੀ ਦੇ ਨਤੀਜੇ ਦਰਸਾਉਂਦੇ ਹਨ ਕਿ ਇਸਦੇ ਕ੍ਰੈਡਿਟ ਆਫਟੇਕ ਯਾਨੀ ਲੋਨ ਦੀ ਮੰਗ ਵਿੱਚ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਮਾਰਜਿਨ ਵੀ ਚੰਗਾ ਰਿਹਾ ਹੈ। ICICI ਸਕਿਓਰਿਟੀਜ਼ ਦਾ ਕਹਿਣਾ ਹੈ ਕਿ ਪਿਛਲੀ ਤਿਮਾਹੀ 'ਚ ਬੈਂਕ ਦੀ ਸ਼ੁੱਧ ਵਿਆਜ ਆਮਦਨ (NIM) ਇਕ ਸਾਲ ਪਹਿਲਾਂ ਦੇ ਮੁਕਾਬਲੇ 10.2 ਫੀਸਦੀ ਵਧ ਕੇ 18,872 ਕਰੋੜ ਰੁਪਏ ਹੋ ਗਈ।

  • Share this:
HDFC ਬੈਂਕ 13.7 ਲੱਖ ਕਰੋੜ ਰੁਪਏ ਦੀ ਲੋਨ ਬੁੱਕ ਵਾਲਾ ਨਿੱਜੀ ਖੇਤਰ ਦਾ ਪ੍ਰਮੁੱਖ ਬੈਂਕ ਹੈ। HDFC ਬੈਂਕ ਨੇ ਪਿਛਲੇ ਕਈ ਸਾਲਾਂ ਵਿੱਚ 4 ਪ੍ਰਤੀਸ਼ਤ ਦੀ ਸ਼ੁੱਧ ਵਿਆਜ ਆਮਦਨ (NIM) ਅਤੇ 15 ਪ੍ਰਤੀਸ਼ਤ ਦੀ ਇਕੁਇਟੀ 'ਤੇ ਵਾਪਸੀ ਦਰਜ ਕੀਤੀ ਹੈ।

ਹਾਲ ਹੀ ਵਿੱਚ ਇਸ ਬੈਂਕ ਨੇ HDFC ਹੋਲਡਿੰਗਸ ਲਿਮਟਿਡ ਦੇ ਨਾਲ ਰਿਵਰਸ ਰਲੇਵੇਂ ਦਾ ਐਲਾਨ ਕੀਤਾ ਹੈ। ਬੈਂਕ ਨੇ ਆਪਣੇ ਪ੍ਰਤੀਯੋਗੀ ਬੈਂਕਾਂ ਨਾਲੋਂ ਬਿਹਤਰ ਰਿਟਰਨ ਅਨੁਪਾਤ ਕਾਇਮ ਰੱਖਿਆ ਹੈ। ਇਸ ਨਾਲ ਐਚਡੀਐਫਸੀ ਬੈਂਕ ਦਾ ਪ੍ਰੀਮੀਅਮ ਮੁਲਾਂਕਣ ਹੋਇਆ ਹੈ। ਇਸ ਨੇ ਵੱਖ-ਵੱਖ ਪੜਾਵਾਂ 'ਤੇ ਸਥਿਰ ਵਾਧਾ ਦਿਖਾਇਆ ਹੈ।

ICICI ਸਕਿਓਰਿਟੀਜ਼ ਬ੍ਰੋਕਰੇਜ ਦੇ ਅਨੁਸਾਰ, ਬੈਂਕ ਨੇ ਵਿੱਤੀ ਸਾਲ 2022 ਦੀ ਚੌਥੀ ਤਿਮਾਹੀ ਦੇ ਨਤੀਜਿਆਂ ਵਿੱਚ ਬਿਹਤਰ ਵਾਧਾ ਦਿਖਾਇਆ ਹੈ। ਇਸ ਨਤੀਜੇ ਦੇ ਮੱਦੇਨਜ਼ਰ, ਇਸ ਬ੍ਰੋਕਰੇਜ ਫਰਮ ਨੇ 12 ਮਹੀਨਿਆਂ ਦੀ ਮਿਆਦ ਵਿੱਚ ਇਸ ਸਟਾਕ ਲਈ 1,650 ਰੁਪਏ ਦਾ ਟੀਚਾ ਨਿਰਧਾਰਤ ਕਰਕੇ ਖਰੀਦ ਰੇਟਿੰਗ ਨੂੰ ਬਰਕਰਾਰ ਰੱਖਿਆ ਹੈ। HDFC ਬੈਂਕ ਦੇ ਸ਼ੇਅਰ 11 ਮਈ 2022 ਨੂੰ 1,348.60 ਰੁਪਏ 'ਤੇ ਬੰਦ ਹੋਏ। ਬੀਤੇ ਕੱਲ੍ਹ ਕਰੀਬ 3.12 ਵਜੇ, ਬੀਐਸਈ 'ਤੇ ਸਟਾਕ 3.22 ਫੀਸਦੀ ਦੀ ਗਿਰਾਵਟ ਨਾਲ 1304.75 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਸੀ।

ਦੱਸ ਦੇਈਏ ਕਿ HDFC ਬੈਂਕ ਦੇ ਚੌਥੀ ਤਿਮਾਹੀ ਦੇ ਨਤੀਜੇ ਦਰਸਾਉਂਦੇ ਹਨ ਕਿ ਇਸਦੇ ਕ੍ਰੈਡਿਟ ਆਫਟੇਕ ਯਾਨੀ ਲੋਨ ਦੀ ਮੰਗ ਵਿੱਚ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਮਾਰਜਿਨ ਵੀ ਚੰਗਾ ਰਿਹਾ ਹੈ। ICICI ਸਕਿਓਰਿਟੀਜ਼ ਦਾ ਕਹਿਣਾ ਹੈ ਕਿ ਪਿਛਲੀ ਤਿਮਾਹੀ 'ਚ ਬੈਂਕ ਦੀ ਸ਼ੁੱਧ ਵਿਆਜ ਆਮਦਨ (NIM) ਇਕ ਸਾਲ ਪਹਿਲਾਂ ਦੇ ਮੁਕਾਬਲੇ 10.2 ਫੀਸਦੀ ਵਧ ਕੇ 18,872 ਕਰੋੜ ਰੁਪਏ ਹੋ ਗਈ।

ਇਸ ਦੇ ਨਾਲ ਹੀ ਤਿਮਾਹੀ ਆਧਾਰ 'ਤੇ ਇਸ 'ਚ 2.3 ਫੀਸਦੀ ਦਾ ਵਾਧਾ ਹੋਇਆ ਹੈ। ਬੈਂਕ ਨੇ 2021 ਦੀ ਚੌਥੀ ਤਿਮਾਹੀ (ਜਨਵਰੀ-ਮਾਰਚ) ਵਿੱਚ 8,186.50 ਕਰੋੜ ਰੁਪਏ ਦਾ ਸ਼ੁੱਧ ਲਾਭ ਕਮਾਇਆ ਸੀ, ਜਦੋਂ ਕਿ ਇਹ ਵਿੱਤੀ ਸਾਲ 2022 ਦੀ ਚੌਥੀ ਤਿਮਾਹੀ ਵਿੱਚ ਵੱਧ ਕੇ 10,055.2 ਕਰੋੜ ਰੁਪਏ ਹੋ ਗਿਆ ਸੀ।

HDFC ਬੈਂਕ ਨੇ ਹਾਲ ਹੀ ਵਿੱਚ ਨਤੀਜਾ ਜਾਰੀ ਕਰਨ ਤੋਂ ਬਾਅਦ ਲਾਭਅੰਸ਼ ਦਾ ਐਲਾਨ ਕੀਤਾ ਸੀ। ਇਸ ਦੇ ਲਈ 13 ਮਈ 2022 ਦੀ ਰਿਕਾਰਡ ਤਰੀਕ ਤੈਅ ਕੀਤੀ ਗਈ ਹੈ। ਇਸ ਦਾ ਮਤਲਬ ਹੈ ਕਿ ਜਿਹੜੇ ਨਿਵੇਸ਼ਕ ਇਸ ਮਿਤੀ ਨੂੰ ਬੈਂਕ ਦੇ ਸ਼ੇਅਰ ਰੱਖਣਗੇ, ਉਹ ਲਾਭਅੰਸ਼ ਪ੍ਰਾਪਤ ਕਰਨ ਦੇ ਹੱਕਦਾਰ ਹੋਣਗੇ। ਬੈਂਕ ਨੇ 1 ਰੁਪਏ ਦੇ ਫੇਸ ਵੈਲਿਊ ਵਾਲੇ ਸ਼ੇਅਰਾਂ 'ਤੇ ਨਿਵੇਸ਼ਕਾਂ ਨੂੰ 1550 ਫੀਸਦੀ ਲਾਭਅੰਸ਼ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਦਾ ਮਤਲਬ ਹੈ ਕਿ ਹਰੇਕ ਸ਼ੇਅਰ ਲਈ 15.5 ਰੁਪਏ ਦਾ ਲਾਭਅੰਸ਼ ਮਿਲੇਗਾ।

ਜ਼ਿਕਰਯੋਗ ਹੈ ਕਿ ਬੈਂਕਾਂ ਦਾ ਮੁੱਖ ਕੰਮ ਕਰਜ਼ਾ ਦੇ ਕੇ ਮੁਨਾਫ਼ਾ ਕਮਾਉਣਾ ਹੈ। ਇਸ ਤੋਂ ਇਲਾਵਾ ਉਹ ਗਾਹਕਾਂ ਨੂੰ ਬੈਂਕ ਵਿੱਚ ਜਮ੍ਹਾਂ ਰਾਸ਼ੀ ਦਾ ਵਿਆਜ ਵੀ ਦਿੰਦਾ ਹੈ। ਨਾਲ ਹੀ, ਭਾਰਤੀ ਰਿਜ਼ਰਵ ਬੈਂਕ ਤੋਂ ਕਰਜ਼ਾ ਲੈਣ ਦੀ ਸਥਿਤੀ ਵਿੱਚ, ਉਸਨੂੰ ਵਿਆਜ ਦੇਣਾ ਪੈਂਦਾ ਹੈ। ਸ਼ੁੱਧ ਵਿਆਜ ਆਮਦਨ (NIM) ਭੁਗਤਾਨ ਕੀਤੇ ਵਿਆਜ ਅਤੇ ਪ੍ਰਾਪਤ ਕੀਤੇ ਵਿਆਜ ਵਿੱਚ ਅੰਤਰ ਨੂੰ ਦਰਸਾਉਂਦੀ ਹੈ। ਇਹ ਸ਼ੁੱਧ ਵਿਆਜ ਆਮਦਨ ਦਰਸਾਉਂਦੀ ਹੈ ਕਿ ਬੈਂਕ ਨੇ ਵਿਆਜ ਲਈ ਕਿੰਨੀ ਕਮਾਈ ਕੀਤੀ।
Published by:Amelia Punjabi
First published: