Home /News /lifestyle /

CCI ਵੱਲੋਂ Amazon ਦੇ ਦੋ ਵੱਡੇ ਵਿਕਰੇਤਾਵਾਂ 'ਤੇ ਛਾਪੇ, CAIT ਨੇ ਕੀਤੀ ਸ਼ਲਾਘਾ

CCI ਵੱਲੋਂ Amazon ਦੇ ਦੋ ਵੱਡੇ ਵਿਕਰੇਤਾਵਾਂ 'ਤੇ ਛਾਪੇ, CAIT ਨੇ ਕੀਤੀ ਸ਼ਲਾਘਾ

Diwali Special: Amazon 'ਤੇ ਮਿਲ ਰਿਹਾ ਜ਼ਬਰਦਸਤ ਡਿਸਕਾਊਂਟ, 1200 'ਚ ਖਰੀਦੋ ਇਹ ਬਰਤਨ

Diwali Special: Amazon 'ਤੇ ਮਿਲ ਰਿਹਾ ਜ਼ਬਰਦਸਤ ਡਿਸਕਾਊਂਟ, 1200 'ਚ ਖਰੀਦੋ ਇਹ ਬਰਤਨ

ਭਾਰਤੀ ਮੁਕਾਬਲੇਬਾਜ਼ੀ ਕਮਿਸ਼ਨ (CCI) ਨੇ ਇੱਕ ਵੱਡੀ ਕਾਰਵਾਈ ਕਰਦਿਆਂ ਕੰਪਨੀ ਦੇ ਪ੍ਰਮੁੱਖ ਵਿਕਰੇਤਾ ਕਲਾਉਡਟੇਲ ਅਤੇ ਅਪਾਰੀਓ ਦੇ ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਹੈ।

  • Share this:

    ਨਵੀਂ ਦਿੱਲੀ- ਦਿੱਗਜ ਈ-ਕਾਮਰਸ ਕੰਪਨੀ ਐਮਾਜ਼ਾਨ (Amazon) ਨੂੰ ਵੱਡਾ ਝਟਕਾ ਲੱਗਾ ਹੈ। ਭਾਰਤੀ ਮੁਕਾਬਲੇਬਾਜ਼ੀ ਕਮਿਸ਼ਨ (CCI) ਨੇ ਇੱਕ ਵੱਡੀ ਕਾਰਵਾਈ ਕਰਦਿਆਂ ਕੰਪਨੀ ਦੇ ਪ੍ਰਮੁੱਖ ਵਿਕਰੇਤਾ ਕਲਾਉਡਟੇਲ ਅਤੇ ਅਪਾਰੀਓ ਦੇ ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਹੈ। ਦੋਵਾਂ 'ਤੇ ਕਾਨੂੰਨ ਦੀ ਉਲੰਘਣਾ ਕਰਨ ਅਤੇ ਕਾਰੋਬਾਰ 'ਚ ਪਾਰਦਰਸ਼ਤਾ ਨਾ ਰੱਖਣ ਦਾ ਦੋਸ਼ ਹੈ। ਵਪਾਰੀਆਂ ਦੇ ਸੰਗਠਨ ਕਨਫੈਡਰੇਸ਼ਨ ਆਫ ਆਲ ਇੰਡੀਆ ਟਰੇਡਰਜ਼ (CAIT) ਨੇ ਸੀਸੀਆਈ ਦੇ ਇਸ ਕਦਮ ਦੀ ਸ਼ਲਾਘਾ ਕੀਤੀ ਹੈ।

    ਸੀਸੀਆਈ ਦੀ ਕਾਰਵਾਈ 'ਤੇ ਟਿੱਪਣੀ ਕਰਦਿਆਂ ਵਪਾਰੀਆਂ ਦੀ ਸੰਸਥਾ ਸੀਏਆਈਟੀ ਦੇ ਰਾਸ਼ਟਰੀ ਜਨਰਲ ਸਕੱਤਰ ਪ੍ਰਵੀਨ ਖੰਡੇਲਵਾਲ ਨੇ ਕਿਹਾ ਕਿ ਪਿਛਲੇ ਤਿੰਨ ਸਾਲਾਂ ਤੋਂ ਸੀਏਆਈਟੀ ਈ-ਕਾਮਰਸ ਕੰਪਨੀਆਂ ਐਮਾਜ਼ਾਨ ਅਤੇ ਫਲਿੱਪਕਾਰਟ ਦੇ ਅਭਿਆਸਾਂ ਵਿਰੁੱਧ ਇਤਰਾਜ਼ ਉਠਾ ਰਹੀ ਹੈ। ਵੱਖ-ਵੱਖ ਅਦਾਲਤਾਂ ਵਿੱਚ ਐਮਾਜ਼ਾਨ ਅਤੇ ਫਲਿੱਪਕਾਰਟ ਦੀਆਂ ਦੇਰੀ ਦੀਆਂ ਚਾਲਾਂ ਵਿਰੁੱਧ ਲੜਨ ਦੇ ਨਾਲ, ਸੀਏਆਈਟੀ ਨੇ ਸੀਸੀਆਈ ਨੂੰ ਵੀ ਸ਼ਿਕਾਇਤ ਕੀਤੀ ਹੈ।


    ਸ਼ਿਕਾਇਤਾਂ ਦੀ ਪੁਸ਼ਟੀ

    CAIT ਦੇ ਕੌਮੀ ਪ੍ਰਧਾਨ ਬੀ.ਸੀ.ਭਾਰਤੀ, ਕੌਮੀ ਜਨਰਲ ਸਕੱਤਰ ਪ੍ਰਵੀਨ ਖੰਡੇਲਵਾਲ ਅਤੇ ਕੌਮੀ ਸਕੱਤਰ ਸੁਮਿਤ ਅਗਰਵਾਲ ਨੇ ਸਾਂਝਾ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਸ਼ਿਕਾਇਤਾਂ ਨਾਲ ਸਬੰਧਤ ਸਾਰੇ ਦਸਤਾਵੇਜ਼ ਅਤੇ ਕੰਪਿਊਟਰ ਰਿਕਾਰਡ ਦੋਵਾਂ ਵਿਕਰੇਤਾਵਾਂ ਤੋਂ ਜ਼ਬਤ ਕੀਤੇ ਜਾਣ ਤਾਂ ਜੋ ਉਨ੍ਹਾਂ ਨਾਲ ਕੋਈ ਛੇੜਛਾੜ ਨਾ ਹੋ ਸਕੇ। ਰਿਕਾਰਡਾਂ ਨੂੰ ਜ਼ਬਤ ਕਰਨਾ ਕਲਾਉਡਟੇਲ ਅਤੇ ਅਪਾਰੀਓ ਸਮੇਤ ਐਮਾਜ਼ਾਨ ਦੇ ਖਿਲਾਫ CAIT  ਦੁਆਰਾ ਲਗਾਏ ਗਏ ਦੋਸ਼ਾਂ ਦੀ ਵੱਡੇ ਪੱਧਰ 'ਤੇ ਪੁਸ਼ਟੀ ਕਰੇਗਾ।

    ਹੋਰ ਰਿਟੇਲਰਾਂ ਦੀ ਵੀ ਜਾਂਚ ਹੋਵੇ

    ਸੀਏਆਈਟੀ ਨੇ ਮੰਗ ਕੀਤੀ ਹੈ ਕਿ ਇਨ੍ਹਾਂ ਦੋ ਤੋਂ ਇਲਾਵਾ ਐਮਾਜ਼ਾਨ ਦੇ 20 ਚੋਟੀ ਦੇ ਵਿਕਰੇਤਾਵਾਂ ਦੀ ਵੀ ਸਹੀ ਜਾਂਚ ਹੋਣੀ ਚਾਹੀਦੀ ਹੈ। ਐਮਾਜ਼ਾਨ ਐਫਡੀਆਈ ਨੀਤੀ ਦੀ ਉਲੰਘਣਾ ਕਰ ਰਿਹਾ ਹੈ ਅਤੇ ਲੰਬੇ ਸਮੇਂ ਤੋਂ ਭਾਰਤ ਵਿੱਚ ਏਕਾਧਿਕਾਰ ਸਥਾਪਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। CAIT ਨੇ ਦੋਸ਼ ਲਗਾਇਆ ਹੈ ਕਿ ਐਮਾਜ਼ਾਨ ਦੇ ਈ-ਕਾਮਰਸ ਪੋਰਟਲ 'ਤੇ ਕੋਈ ਪਾਰਦਰਸ਼ਤਾ ਨਹੀਂ ਹੈ। ਇਸ ਨਾਲ ਦੇਸ਼ ਦੇ ਛੋਟੇ ਰਿਟੇਲਰਾਂ ਅਤੇ ਗਾਹਕਾਂ ਨੂੰ ਭਾਰੀ ਨੁਕਸਾਨ ਹੁੰਦਾ ਹੈ।

    ਸੀਏਆਈਟੀ ਨੇ ਦੋਸ਼ ਲਾਇਆ ਹੈ ਕਿ ਐਮਾਜ਼ਾਨ ਅਤੇ ਫਲਿੱਪਕਾਰਟ ਦੇ ਦੁਰਵਿਵਹਾਰ ਕਾਰਨ ਮੋਬਾਈਲ, ਐਫਐਮਸੀਜੀ, ਕੰਜ਼ਿਊਮਰ ਡਿਊਰੇਬਲਸ, ਰੈਡੀਮੇਡ ਗਾਰਮੈਂਟਸ, ਬਿਊਟੀ ਕੇਅਰ ਪ੍ਰੋਡਕਟਸ, ਘੜੀਆਂ, ਤੋਹਫ਼ੇ ਦੀਆਂ ਵਸਤੂਆਂ, ਫਰਨੀਸ਼ਿੰਗ ਫੈਬਰਿਕਸ ਆਦਿ ਦੇ ਰਿਟੇਲ ਵਪਾਰੀਆਂ ਨੂੰ ਭਾਰੀ ਨੁਕਸਾਨ ਹੋਇਆ ਹੈ।

    Published by:Ashish Sharma
    First published:

    Tags: Amazon, Confederation Of All India Traders (CAIT), Raid