ਗਰਮੀਆਂ ਵਿੱਚ ਵਿਆਹ ਤੋਂ ਬਾਅਦ ਠੰਡੇ ਥਾਂ 'ਤੇ ਮਨਾਓ ਹਨੀਮੂਨ, ਜਾਣੋ ਵਧੀਆ Destinations

Honeymoon Travel Destinations: ਵਿਆਹਾਂ ਦਾ ਸੀਜ਼ਨ ਚੱਲ ਰਿਹਾ ਹੈ ਅਤੇ ਜੇਕਰ ਤੁਸੀਂ ਆਉਣ ਵਾਲੇ ਮਹੀਨਿਆਂ ਵਿੱਚ ਵਿਆਹ ਕਰਨ ਜਾ ਰਹੇ ਹੋ, ਤਾਂ ਕੁਝ ਅਜਿਹੀਆਂ ਥਾਵਾਂ ਬਾਰੇ ਜਾਣੋ, ਜੋ ਗਰਮੀਆਂ ਦੇ ਵਿਆਹ ਦੇ ਹਨੀਮੂਨ ਨੂੰ ਠੰਡਾ ਬਣਾਉਣ ਵਿੱਚ ਮਦਦ ਕਰਨਗੇ। ਕਿਉਂਕਿ ਵਿਆਹ ਤੋਂ ਬਾਅਦ ਦੇ ਪਹਿਲੇ ਕੁਝ ਦਿਨ ਕਿਸੇ ਵੀ ਜੋੜੇ ਲਈ ਬਹੁਤ ਖਾਸ ਹੁੰਦੇ ਹਨ। ਇਹ ਜੋੜਾ ਇਕ ਦੂਜੇ ਨਾਲ ਵਧੀਆ ਸਮਾਂ ਬਿਤਾਉਣ ਦੇ ਨਜ਼ਰੀਏ ਨਾਲ ਹਨੀਮੂਨ ਦੀ ਯੋਜਨਾ ਬਣਾਉਂਦਾ ਹੈ। ਹਾਲਾਂਕਿ ਪੂਰਾ ਦੇਸ਼ ਸੁੰਦਰ ਹੈ, ਪਰ ਚਾਰੇ ਦਿਸ਼ਾਵਾਂ ਵਿੱਚ ਕਈ ਅਜਿਹੀਆਂ ਖਾਸ ਅਤੇ ਆਕਰਸ਼ਕ ਥਾਵਾਂ ਹਨ, ਜੋ ਨਵੇਂ ਜੋੜੇ ਲਈ ਸਭ ਤੋਂ ਵਧੀਆ ਹੋ ਸਕਦੀਆਂ ਹਨ। ਅਸੀਂ ਤੁਹਾਨੂੰ ਹਰ ਦਿਸ਼ਾ ਦੇ ਕੁਝ ਖਾਸ ਸਥਾਨ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਨੂੰ ਤੁਸੀਂ ਆਪਣੇ ਬਜਟ, ਛੁੱਟੀਆਂ ਅਤੇ ਸਹੂਲਤ ਦੇ ਹਿਸਾਬ ਨਾਲ ਚੁਣ ਸਕਦੇ ਹੋ।

ਇੱਥੋਂ ਕਰੋ ਰਿਸ਼ਤੇ ਦੀ ਇੱਕ ਯਾਦਗਾਰ ਸ਼ੁਰੂਆਤ

ਗੋਆ — ਕੋਈ ਵੀ ਨਵਾਂ ਜੋੜਾ ਘੱਟ ਤੋਂ ਘੱਟ ਇੱਕ ਵਾਰ ਗੋਆ ਦੀ ਸੈਰ 'ਤੇ ਜਾਣਾ ਚਾਹੁੰਦਾ ਹੈ। ਜੇਕਰ ਵਿਆਹ ਤੋਂ ਬਾਅਦ ਗੋਆ ਘੁੰਮਣ ਦਾ ਪਹਿਲਾ ਸਥਾਨ ਹੈ ਤਾਂ ਇਸ ਤੋਂ ਵਧੀਆ ਹੋਰ ਕੀ ਹੋ ਸਕਦਾ ਹੈ। ਹਾਲਾਂਕਿ, ਗੋਆ ਦੀ ਗੱਲ ਕਰੀਏ ਤਾਂ ਇੱਥੋਂ ਦਾ ਦਿਨ ਝੁਲਸਣ ਵਾਲਾ ਹੁੰਦਾ ਹੈ ਤੇ ਰਾਤਾਂ ਨੂੰ ਲੰਬੀਆਂ ਪਾਰਟੀਆਂ ਚੱਲਦੀਆਂ ਹਨ।

ਮੁੰਨਾਰ, ਕੇਰਲ - ਜਿਹੜੇ ਜੋੜੇ ਸਾਹਸੀ ਖੇਡਾਂ, ਬਾਈਕ ਸਵਾਰੀ, ਟ੍ਰੈਕਿੰਗ ਵਿੱਚ ਦਿਲਚਸਪੀ ਰੱਖਦੇ ਹਨ, ਉਨ੍ਹਾਂ ਨੂੰ ਹਨੀਮੂਨ ਲਈ ਮੁੰਨਾਰ ਜਾਣਾ ਚਾਹੀਦਾ ਹੈ। ਤਿੰਨ ਨਦੀਆਂ ਨਾਲ ਘਿਰੇ ਇਸ ਪਹਾੜੀ ਸਟੇਸ਼ਨ ਵਿੱਚ ਇਰਾਵੀਕੁਲਮ ਨੈਸ਼ਨਲ ਪਾਰਕ, ​​ਟੀ ਮਿਊਜ਼ੀਅਮ, ਮੱਟੂਪੇਟੀ ਡੈਮ ਵਰਗੇ ਆਕਰਸ਼ਕ ਸਥਾਨ ਹਨ।

ਊਟੀ, ਤਾਮਿਲਨਾਡੂ - ਪਹਾੜੀ ਇਲ਼ਾਕਿਆਂ ਵਿੱਚ ਊਟੀ ਹਿੱਲ ਸਟੇਸ਼ਨ ਹਮੇਸ਼ਾ ਸੈਲਾਨੀਆਂ ਵਿੱਚ ਪ੍ਰਸਿੱਧ ਰਿਹਾ ਹੈ। ਹਰੇ-ਭਰੇ ਨਜ਼ਾਰੇ ਅਤੇ ਸਾਫ਼ ਅਸਮਾਨ ਦੇ ਵਿਚਕਾਰ, ਬੱਦਲਾਂ ਨਾਲ ਗੱਲ ਕਰਨ ਦੀ ਇੱਛਾ ਇਸ ਪਹਾੜੀ ਸਟੇਸ਼ਨ 'ਤੇ ਪੂਰੀ ਹੋਵੇਗੀ। ਇੱਥੋਂ ਦੇ ਨੀਲਗਿਰੀ ਪਹਾੜ, ਝੀਲ ਅਤੇ ਚਾਹ ਦੇ ਬਾਗ ਮਨਮੋਹਕ ਲੱਗਦੇ ਹਨ।

ਗੰਗਟੋਕ, ਸਿੱਕਮ - ਜੇਕਰ ਤੁਸੀਂ ਜੋੜੇ ਦੇ ਦੋਵੇਂ ਜੀਅ ਕੁਦਰਤ ਪ੍ਰੇਮੀ ਹਨ ਅਤੇ ਸ਼ਹਿਰਾਂ ਦੀ ਭੀੜ-ਭੜੱਕੇ ਤੋਂ ਦੂਰ ਇਕਾਂਤ ਵਿੱਚ ਸਮਾਂ ਬਿਤਾਉਣਾ ਚਾਹੁੰਦੇ ਹਨ, ਤਾਂ ਗੰਗਟੋਕ ਸਭ ਤੋਂ ਵਧੀਆ ਵਿਕਲਪ ਸਾਬਤ ਹੋਵੇਗਾ। ਇੱਥੇ ਝਰਨਾ, ਰੋਪ-ਵੇਅ, ਸਨਸੈਟ ਪੁਆਇੰਟ ਅਤੇ ਹਰਿਆਲੀ ਇਸ ਜੋੜੇ ਨੂੰ ਬਹੁਤ ਸਾਰੀਆਂ ਯਾਦਾਂ ਦੇਣਗੀਆਂ।

ਸ਼ਿਲਾਂਗ, ਮੇਘਾਲਿਆ - ਭਾਰਤ ਦੇ ਸੁੰਦਰ ਅਤੇ ਆਕਰਸ਼ਕ ਪਹਾੜੀ ਸਟੇਸ਼ਨਾਂ ਵਿੱਚੋਂ ਸ਼ਿਲਾਂਗ ਆਪਣੀ ਕੁਦਰਤੀ ਸੁੰਦਰਤਾ ਲਈ ਵੀ ਜਾਣਿਆ ਜਾਂਦਾ ਹੈ। ਇੱਥੋਂ ਦੀਆਂ ਪਾਰਦਰਸ਼ੀ ਨਦੀਆਂ ਅਤੇ ਝਰਨੇ ਕੁਦਰਤੀ ਰੋਮਾਂਚ ਦੀ ਤੁਹਾਡੀ ਇੱਛਾ ਨੂੰ ਪੂਰਾ ਕਰਦੇ ਹਨ। ਜੇਕਰ ਤੁਸੀਂ ਪੂਰਬ ਵੱਲ ਜਾਣਾ ਚਾਹੁੰਦੇ ਹੋ, ਤਾਂ ਗੰਗਟੋਕ ਅਤੇ ਸ਼ਿਲਾਂਗ ਬਾਰੇ ਜ਼ਰੂਰ ਸੋਚੋ।

ਲੇਹ, ਲੱਦਾਖ - ਜੋ ਜੋੜੇ ਗਰਮੀ ਤੋਂ ਰਾਹਤ ਪਾਉਣਾ ਚਾਹੁੰਦੇ ਹਨ ਅਤੇ ਚਿੱਟੀ ਬਰਫ਼ ਨਾਲ ਢਕੇ ਹੋਏ ਸੁੰਦਰ ਮੈਦਾਨਾਂ ਨੂੰ ਦੇਖਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਇੱਥੇ ਹਨੀਮੂਨ ਲਈ ਜਾਣਾ ਚਾਹੀਦਾ ਹੈ। ਨੁਬਰਾ ਵੈਲੀ, ਪ੍ਰਾਚੀਨ ਮੱਠ, ਰਾਇਲ ਲੇਹ ਪੈਲੇਸ, ਪਯਾਂਗ ਗੋਮਪਾ, ਪੈਂਗੋਂਗ ਤਸੋ ਵਰਗੇ ਵਿਸ਼ੇਸ਼ ਸਥਾਨ ਦੇਖਣ ਲਈ ਆਕਰਸ਼ਕ ਹਨ।

ਮਨਾਲੀ, ਹਿਮਾਚਲ - ਮਨਾਲੀ ਨੂੰ ਹਨੀਮੂਨ ਜੋੜਿਆਂ ਦਾ 'ਹੌਟ ਡੈਸਟੀਨੇਸ਼ਨ' ਮੰਨਿਆ ਜਾਂਦਾ ਹੈ। ਗਰਮੀਆਂ ਦੇ ਮੌਸਮ ਵਿੱਚ ਇੱਥੇ ਦੀ ਠੰਢਕ ਆਰਾਮ ਅਤੇ ਸਕੂਨ ਦਿੰਦੀ ਹੈ। ਹਮਤਾ ਪਾਸ, ਹਿਡਿੰਬਾ ਮੰਦਿਰ ਅਤੇ ਸੋਲਾਂਗ ਪਾਸ ਮਨਾਲੀ ਦੀਆਂ ਖੂਬਸੂਰਤ ਥਾਵਾਂ ਵਿੱਚੋਂ ਇੱਕ ਹਨ।

ਲੋਨਾਵਾਲਾ, ਮਹਾਰਾਸ਼ਟਰ - ਤੇਜ਼ ਗਰਮੀ ਤੋਂ ਰਾਹਤ ਪਾਉਣ ਲਈ ਲੋਨਾਵਾਲਾ ਜਾਣ ਦਾ ਵਿਕਲਪ ਵੀ ਜੋੜੇ ਲਈ ਚੰਗਾ ਸਾਬਤ ਹੋਵੇਗਾ। ਮਾਨਸੂਨ ਦੌਰਾਨ ਇਸ ਹਿੱਲ ਸਟੇਸ਼ਨ ਦੀ ਖੂਬਸੂਰਤੀ ਦੇਖਣ ਯੋਗ ਹੁੰਦੀ ਹੈ।