Chaitra Navratri 2023: ਨਵਾਂ ਵਾਹਨ ਖ਼ਰੀਦਣਾ ਚਾਹੁੰਦੇ ਹੋ ਤਾਂ ਚੈਤਰ ਨਵਰਾਤਰੀ ਦਾ ਕਰੋ ਇੰਤਜ਼ਾਰ, ਜਾਣੋ ਖ਼ਰੀਦਦਾਰੀ ਦਾ ਸ਼ੁੱਭ ਮਹੂਰਤ 

Chaitra Navratri 2023: ਚੈਤਰ ਨਵਰਾਤਰੀ ਆਉਣ ਵਾਲੀ ਹੈ। ਨਵਰਾਤਰੀ ਦੇ ਇਨ੍ਹਾਂ ਨੌਂ ਦਿਨਾਂ ਵਿੱਚ ਮਾਂ ਦੁਰਗਾ ਦੇ ਨੌਂ ਰੂਪਾਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਹ ਤਿਉਹਾਰ ਪੂਰੇ ਦੇਸ਼ ਵਿੱਚ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਘਰਾਂ ਵਿੱਚ ਨਵਰਾਤਰੀ ਦੀਆਂ ਤਿਆਰੀਆਂ ਸ਼ੁਰੂ ਹੋ ਚੁੱਕੀਆਂ ਹਨ। ਨਵਰਾਤਰੀ ਦੇ ਦਿਨ ਬਹੁਤ ਹੀ ਸ਼ੁਭ ਅਤੇ ਪਵਿੱਤਰ ਮੰਨੇ ਜਾਂਦੇ ਹਨ। ਨਵਰਾਤਰੀ ਦੌਰਾਨ ਕੁਝ ਚੀਜ਼ਾਂ ਖਰੀਦ ਕੇ ਘਰ ਲਿਆਉਣਾ ਵੀ ਸ਼ੁਭ ਮੰਨਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਪਰਿਵਾਰ 'ਚ ਸੁੱਖ, ਸ਼ਾਂਤੀ ਆਉਂਦੀ ਹੈ।

ਵੈਸੇ ਤਾਂ ਚੈਤਰ ਦੇ ਮਹੀਨੇ ਨੂੰ ਖਰਮਾਸ ਦਾ ਮਹੀਨਾ ਮੰਨਿਆ ਜਾਂਦਾ ਹੈ ਤੇ ਲੋਕ ਇਸ ਦੌਰਾਨ ਸ਼ੁਭ ਕੰਮ ਨਹੀਂ ਕਰਦੇ ਤੇ ਨਾ ਹੀ ਕੋਈ ਖਰੀਦਦਾਰੀ ਕਰਦੇ ਹਨ ਪਰ ਹੋਏ, ਬਹੁਤ ਸਾਰੇ ਲੋਕ ਇਸ ਮਹੀਨੇ ਵਿੱਚ ਸ਼ੁਭ ਕੰਮ ਨਹੀਂ ਕਰਦੇ ਹਨ। ਇਸ ਮਹੀਨੇ ਵਾਹਨ ਵੀ ਨਾ ਖਰੀਦੋ। ਪਰ ਜੇਕਰ ਤੁਸੀਂ ਨਵਰਾਤਰੀ ਦੇ ਸ਼ੁਭ ਦਿਨਾਂ ਦੌਰਾਨ ਵਾਹਨ ਖਰੀਦਣਾ ਚਾਹੁੰਦੇ ਹੋ, ਤਾਂ ਕੁਝ ਦਿਨ ਅਜਿਹੇ ਹਨ ਜਿਨ੍ਹਾਂ ਵਿੱਚ ਤੁਸੀਂ ਵਾਹਨ ਖਰੀਦ ਸਕਦੇ ਹੋ। ਆਓ ਜਾਣਦੇ ਹਾਂ ਕਿ ਕਿਹੜੇ ਸ਼ੁਭ ਮਹੂਰਤ ਵਿੱਚ ਤੁਸੀਂ ਖਰੀਦਦਾਰੀ ਕਰ ਸਕਦੇ ਹੋ।

-24 ਮਾਰਚ ਨੂੰ ਸਵੇਰੇ 1:22 ਵਜੇ ਤੋਂ ਰਵੀ ਯੋਗ ਅਸ਼ਵਨੀ ਨਛੱਤਰ ਵਿੱਚ ਹੋਵੇਗਾ। ਚੰਦਰਮਾ ਮੇਖ ਰਾਸ਼ਈ ਵਿੱਚ ਹੋਵੇਗਾ ਤੇ ਇਸ ਦਿਨ ਵਾਹਨ ਖਰੀਦਣਾ ਸ਼ੁਭ ਰਹੇਗਾ।

-27 ਮਾਰਚ ਨੂੰ ਸਰਵਰਥ ਸਿੱਧੀ ਅਤੇ ਅੰਮ੍ਰਿਤ ਸਿੱਧੀ ਯੋਗ ਹੋਵੇਗਾ। ਰੋਹਿਣੀ ਨਛੱਤਰ ਦਾ ਪ੍ਰਭਾਵ ਬਣਿਆ ਰਹੇਗਾ। ਇਸ ਦਿਨ ਆਯੁਸ਼ਮਾਨ ਯੋਗ ਵੀ ਪ੍ਰਬਲ ਹੋਵੇਗਾ ਅਤੇ ਚੰਦਰਮਾ ਬ੍ਰਿਖ ਰਾਸ਼ੀ ਵਿੱਚ ਹੋਵੇਗਾ। ਅਜਿਹੇ 'ਚ ਵਾਹਨ ਖਰੀਦਣਾ ਸੁਖਦ ਰਹੇਗਾ।

-30 ਮਾਰਚ ਨੂੰ ਸਰਵਰਥ ਸਿੱਧੀ ਯੋਗ ਦੇ ਨਾਲ ਅੰਮ੍ਰਿਤ ਸਿੱਧੀ ਯੋਗ ਹੋਵੇਗਾ। ਇਸ ਦਿਨ ਰਾਮ ਨੌਮੀ ਦਾ ਵੀ ਪਵਿੱਤਰ ਦਿਨ ਹੈ। ਇਸ ਦਿਨ ਚੰਦਰਮਾ ਮਿਥੁਨ ਰਾਸ਼ੀ ਵਿੱਚ ਹੋਵੇਗਾ। ਇਸ ਤੋਂ ਇਲਾਵਾ ਗੁਰੂ ਪੁਸ਼ਯ ਯੋਗ ਵੀ 30 ਮਾਰਚ ਨੂੰ ਰਾਤ 11:59 ਤੋਂ ਸ਼ੁਰੂ ਹੋ ਕੇ 31 ਮਾਰਚ ਦੇ ਸੂਰਜ ਚੜ੍ਹਨ ਤੱਕ ਰਹੇਗਾ। ਇਸ ਯੋਗ ਵਿੱਚ ਕੁਝ ਵੀ ਖਰੀਦਣਾ ਸ਼ੁਭ ਹੋਵੇਗਾ।

ਚੈਤਰਾ ਘਟਸਥਾਪਨਾ 2023 ਲਈ ਸ਼ੁਭ ਮਹੂਰਤ :

ਚੈਤਰ ਨਵਰਾਤਰੀ, 22 ਮਾਰਚ, 2023, ਕਲਸ਼ ਸਥਾਪਤ ਕਰਨ ਦਾ ਸ਼ੁਭ ਮਹੂਰਤ ਸਵੇਰੇ 06.23 ਤੋਂ ਸਵੇਰੇ 7.32 ਵਜੇ ਤੱਕ ਹੈ। ਘਟਸਥਾਪਨ ਦੇ ਸ਼ੁਭ ਮਹੂਰਤ ਦੀ ਮਿਆਦ 01 ਘੰਟਾ 09 ਮਿੰਟ ਹੋਵੇਗੀ।