ਹੁਣ ਘਰ ਬੈਠੇ ਹੀ ਬਦਲੋ Voter Card 'ਚ ਆਪਣਾ ਪਤਾ, ਜਾਣਨ ਲਈ ਪੜ੍ਹੋ ਪੂਰੀ ਖ਼ਬਰ

ਜੇਕਰ ਤੁਸੀਂ ਕਿਸੇ ਕਾਰਨ ਕਰਕੇ ਆਪਣੇ ਜੱਦੀ ਘਰ ਨੂੰ ਛੱਡ ਕੇ ਕਿਤੇ ਹੋਰ ਚਲੇ ਗਏ ਹੋ, ਤਾਂ ਤੁਹਾਡਾ ਪਤਾ ਬਦਲ ਜਾਵੇਗਾ। ਇਸ ਤਰ੍ਹਾਂ ਹੋਣ ਨਾਲ ਤੁਹਾਡੇ ਮਨ ਵਿੱਚ ਇੱਕ ਹੀ ਸਵਾਲ ਆਵੇਗਾ ਕਿ ਆਪਣੇ ਨਵੇਂ ਪਤੇ ਦੀ ਵੋਟਰ ਆਈਡੀ ਕਿਵੇਂ ਬਣਾਈ ਜਾਵੇ ਅਤੇ ਇਸ ਨੂੰ ਬਣਾਉਣ ਲਈ ਕਿਹੜੇ ਕਿਹੜੇ ਦਸਤਾਵੇਜਾਂ ਦੀ ਲੋੜ ਪਵੇਗੀ।

ਹੁਣ ਤੁਹਾਨੂੰ ਇਸ ਸੰਬੰਧੀ ਚਿੰਤਾਂ ਕਰਨ ਦੀ ਲੋੜ ਨਹੀਂ। ਵੋਟਰ ਕਾਰਡ ਦਾ ਪਤਾ ਬਦਲਣ ਲਈ ਤੁਹਾਨੂੰ ਕਿਤੇ ਜਾਣ ਦੀ ਵੀ ਲੋੜ ਨਹੀਂ। ਅੱਜ ਦੇ ਇੰਟਰਨੈੱਟ ਦੇ ਯੁਗ ਵਿੱਚ ਤੁਸੀਂ ਘਰ ਬੈਠੇ ਹੀ ਆਪਣੀ ਵੋਟਰ ਕਾਰਡ ਦਾ ਪਤਾ ਬਦਲ ਸਕਦੇ ਹੋ।

ਜ਼ਿਕਰਯੋਗ ਹੈ ਕਿ ਸਾਲ ਦੇ ਸ਼ੁਰੂ ਵਿੱਚ ਪੰਜ ਰਾਜਾਂ ਵਿੱਚ ਵਿਧਾਨ ਸਭਾ ਚੋਣਾਂ ਹੋਣ ਜਾ ਰਹੀਆਂ ਹਨ। ਇਸ ਲਈ ਆਪਣੀ ਵੋਟ ਪਾਉਣ ਲਈ ਤਿਆਰ ਰਹੋ। ਜੇਕਰ ਤੁਸੀਂ ਪਹਿਲੀ ਵਾਰ ਵੋਟਰ ਹੋ, ਤਾਂ ਆਪਣਾ ਵੋਟਰ ਆਈਡੀ ਕਾਰਡ ਜਲਦੀ ਬਣਵਾਓ ਅਤੇ ਜੇ ਤੁਸੀਂ ਕਿਸੇ ਹੋਰ ਰਾਜ ਵਿੱਚ ਸਿਫਟ ਹੋ ਗਏ ਹੋ ਤਾਂ ਆਪਣਾ ਵੋਟਰ ਪਤਾ ਬਦਲ ਕੇ ਵੋਟ ਜ਼ਰੂਰ ਪਾਓ।

• ਸਭ ਤੋਂ ਪਹਿਲਾਂ ਤੁਹਾਨੂੰ ਨੈਸ਼ਨਲ ਵੋਟਰਜ਼ ਸਰਵਿਸ ਪੋਰਟਲ 'ਤੇ ਲੌਗਇਨ ਜਾਂ ਰਜਿਸਟਰ ਕਰਨਾ ਹੋਵੇਗਾ।

• ਇਸ ਤੋਂ ਬਾਅਦ ਵੋਟਰ ਸੂਚੀ ਵਿੱਚ ਐਂਟਰੀਆਂ ਦੀ ਸੁਧਾਈ' ਸੈਕਸ਼ਨ ਨੂੰ ਚੁਣਨਾ ਹੋਵੇਗਾ।

• ਨਵਾਂ ਪੇਜ ਖੁੱਲ੍ਹਣ 'ਤੇ ਤੁਹਾਨੂੰ ਫਾਰਮ 8 ਦਿਖਾਈ ਦੇਵੇਗਾ, ਜਿਸ 'ਤੇ ਤੁਹਾਨੂੰ ਕਲਿੱਕ ਕਰਨਾ ਹੋਵੇਗਾ।

• ਹੁਣ ਵੋਟਰ ਆਈਡੀ ਕਾਰਡ ਵਿੱਚ ਸੁਧਾਰ ਦਾ ਵਿਕਲਪ ਦਿਖਾਈ ਦੇਵੇਗਾ।

• ਇੱਥੇ ਪੁੱਛੀ ਗਈ ਸਾਰੀ ਲੋੜੀਂਦੀ ਜਾਣਕਾਰੀ ਭਰੋ ਅਤੇ ਆਪਣਾ ਪਤਾ ਵੀ ਭਰੋ।

• ਜਾਣਕਾਰੀ ਦੇਣ ਤੋਂ ਬਾਅਦ, ਤੁਹਾਨੂੰ ਕੁਝ ਦਸਤਾਵੇਜ਼ ਅਪਲੋਡ ਕਰਨੇ ਪੈਣਗੇ। ਜਿਸ ਵਿੱਚ ਐਡਰੈੱਸ ਪਰੂਫ ਦੇ ਤੌਰ 'ਤੇ ਆਧਾਰ, ਲਾਈਸੈਂਸ ਸ਼ਾਮਲ ਹੈ।

• ਹੁਣ ਤੁਸੀਂ ਜੋ ਵੀ ਜਾਣਕਾਰੀ ਬਦਲਣਾ ਚਾਹੁੰਦੇ ਹੋ ਉਸਨੂੰ ਚੁਣਨਾ ਹੈ। ਜੇਕਰ ਇਸ ਵਿੱਚ ਕੋਈ ਨਾਮ ਹੈ, ਤਾਂ ਨਾਮ ਵਾਲੀ ਟੈਬ ਨੂੰ ਚੁਣੋ ਅਤੇ ਜੇਕਰ ਕੋਈ ਹੋਰ ਚੀਜ਼ ਹੈ, ਤਾਂ ਉਸਦੀ ਟੈਬ ਨੂੰ ਚੁਣੋ।

• ਹੁਣ ਤੁਹਾਨੂੰ ਆਪਣਾ ਮੋਬਾਈਲ ਨੰਬਰ ਜਾਂ ਈਮੇਲ ਪਤਾ ਜਮ੍ਹਾ ਕਰਨਾ ਹੋਵੇਗਾ।

• ਹੁਣ ਸਬਮਿਟ ਆਪਸ਼ਨ 'ਤੇ ਕਲਿੱਕ ਕਰੋ। ਤਸਦੀਕ ਤੋਂ ਬਾਅਦ ਤੁਹਾਨੂੰ ਵੋਟਰ ਆਈਡੀ ਕਾਰਡ ਬਿਨਾਂ ਕਿਸੇ ਸਮੇਂ ਭੇਜ ਦਿੱਤਾ ਜਾਵੇਗਾ।