Business Idea: ਘਰ ਦੀ ਛੱਤ ਤੇ ਕਰੋ ਇਸ ਚੀਜ਼ ਦੀ ਖੇਤੀ, ਘੱਟ ਮਿਹਨਤ 'ਚ ਹੋਵੇਗੀ ਦੁੱਗਣੀ ਕਮਾਈ

Business Idea: ਬਹੁਤ ਵਾਰ ਖੇਤੀ ਵਿੱਚ ਰੁਝਾਨ ਰੱਖਣ ਵਾਲੇ ਨੌਜਵਾਨ ਇਸ ਲਈ ਖੇਤੀ ਨਹੀਂ ਕਰ ਪਾਉਂਦੇ ਕਿਉਂਕਿ ਉਹਨਾਂ ਦੇ ਕੋਲ ਖੇਤੀ ਲਈ ਜ਼ਮੀਨ ਨਹੀਂ ਹੁੰਦੀ। ਜੇਕਰ ਤੁਸੀਂ ਵੀ ਖੇਤੀ ਦੇ ਸ਼ੋਕੀਨ ਹੋ ਅਤੇ ਖੇਤੀ ਕਰਕੇ ਪੈਸੇ ਕਮਾਉਣਾ ਚਾਹੁੰਦੇ ਹੋ ਪਰ ਤੁਹਾਡੇ ਕੋਲ ਵੀ ਖੇਤੀ ਲਈ ਜ਼ਮੀਨ ਨਹੀਂ ਹੈ ਤਾਂ ਅੱਜ ਅਸੀਂ ਤੁਹਾਨੂੰ ਬਿਨਾਂ ਖੇਤਾਂ ਦੇ, ਬਿਨਾਂ ਮਿੱਟੀ ਦੇ ਖੇਤੀ ਕਰਨ ਬਾਰੇ ਇੱਕ ਕਾਰੋਬਾਰੀ ਵਿਚਾਰ ਬਾਰੇ ਦੱਸਾਂਗੇ ਜਿਸ ਨਾਲ ਤੁਸੀਂ ਆਪਣੇ ਘਰ ਦੀ ਛੱਤ 'ਤੇ ਖੇਤੀ ਕਰਕੇ ਕਮਾਈ ਕਰ ਸਕਦੇ ਹੋ।

ਜੀ ਹਾਂ, ਖੇਤੀ ਦੇ ਇਸ ਸਿਸਟਮ ਨੂੰ ਹਾਈਡ੍ਰੋਪੋਨਿਕਸ (Hydroponics) ਕਹਿੰਦੇ ਹਨ ਇਸ ਵਿੱਚ ਮਿੱਟੀ ਦੀ ਬਿਲਕੁਲ ਵੀ ਵਰਤੋਂ ਨਹੀਂ ਹੁੰਦੀ ਅਤੇ ਪੌਦਿਆਂ ਲਈ ਜ਼ਰੂਰੀ ਪੌਸ਼ਟਿਕ ਤੱਤ ਪਾਣੀ ਦੀ ਮਦਦ ਨਾਲ ਸਿੱਧੇ ਪੌਦਿਆਂ ਦੀਆਂ ਜੜ੍ਹਾਂ ਤੱਕ ਪਹੁੰਚਾਏ ਜਾਂਦੇ ਹਨ। ਤੁਸੀਂ ਇਸ ਤਰ੍ਹਾਂ ਖੇਤੀ ਕਰਨ ਲਈ ਪੌਦਿਆਂ ਨੂੰ ਪਾਈਪਾਂ ਵਿੱਚ ਉਗਾਉਂਦੇ ਹੋ ਅਤੇ ਸਾਰੇ ਪੋਸ਼ਕ ਤੱਤ ਪਾਣੀ ਰਹੀ ਪੌਦੇ ਦੀਆਂ ਜੜਾਂ ਤੱਕ ਪਹੁੰਚਦੇ ਹਨ।

ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਇਹ ਕੰਮ ਕਈ ਵੱਡਿਆਂ ਕੰਪਨੀਆਂ ਕਰ ਰਹੀਆਂ ਹਨ ਜਿਹਨਾਂ ਵਿੱਚ Letsextra Agritech Bitmines Innovations, Future Farms, Hamari Krishi ਮੁੱਖ ਨਾਮ ਹਨ। ਤੁਸੀਂ ਇਹਨਾਂ ਵਿਚੋਂ ਕਿਸੇ ਕੋਲੋਂ ਵੀ ਇਸਦੀ ਜਾਣਕਾਰੀ ਅਤੇ ਤਰੀਕਾ ਖਰੀਦ ਸਕਦੇ ਹੋ। ਜੇਕਰ ਤੁਸੀਂ 400 ਪੌਦਿਆਂ ਵਾਲੇ 10 ਟਾਵਰ ਖਰੀਦਦੇ ਹੋ ਤਾਂ ਤੁਹਾਨੂੰ 1 ਲੱਖ ਰੁਪਏ ਦਾ ਨਿਵੇਸ਼ ਕਰਨਾ ਪਵੇਗਾ। ਇਸ ਦੀ ਸਹੀ ਵਰਤੋਂ ਨਾਲ ਤੁਹਾਨੂੰ ਇਸ ਤੋਂ ਬਾਅਦ ਸਿਰਫ ਬੀਜ ਅਤੇ ਪੋਸ਼ਟਿਕ ਤੱਤ ਹੀ ਖਰੀਦਣੇ ਪੈਣਗੇ।

ਇਸਨੂੰ ਮੌਸਮ ਦੀ ਮਾਰ ਤੋਂ ਬਚਾਉਣ ਲਈ ਨੈੱਟ ਸੀਡ ਜਾਂ ਪੌਲੀ ਹਾਊਸ ਦੀ ਵਰਤੋਂ ਕਰਨੀ ਪੈ ਸਕਦੀ ਹੈ। ਇਸ ਤਕਨੀਕ ਰਾਹੀਂ ਨਿਯੰਤਰਿਤ ਵਾਤਾਵਰਨ ਵਿੱਚ ਖੇਤੀ ਕੀਤੀ ਜਾਂਦੀ ਹੈ। ਜ਼ਿਆਦਾਤਰ ਕਿਸਾਨ ਮਹਿੰਗੀਆਂ ਫਸਲਾਂ ਬੀਜ ਕੇ ਹਰ ਸਾਲ 3 ਲੱਖ ਰੁਪਏ ਤੱਕ ਕਮਾ ਰਹੇ ਹਨ।