DBS Bank Launch ਕਰੇਗਾ Green Debit Card, ਫਲਾਈਟ ਬੁਕਿੰਗ ਤੇ ਹੋਟਲ ਬੁਕਿੰਗ 'ਤੇ ਮਿਲੇਗਾ Discount

ਪ੍ਰਾਈਵੇਟ ਸੈਕਟਰ ਦੇ DBS ਬੈਂਕ ਇੰਡੀਆ ਨੇ 99% ਰੀਸਾਈਕਲ ਕੀਤੇ ਪੌਲੀਵਿਨਾਇਲ ਕਲੋਰਾਈਡ (ਪੀਵੀਸੀ) ਮਟੀਰੀਅਲ ਦੀ ਵਰਤੋਂ ਕਰ ਕੇ ਬਣੇ ਈਕੋ-ਫਰੈਂਡਲੀ ਅੰਤਰਰਾਸ਼ਟਰੀ ਡੈਬਿਟ ਕਾਰਡਾਂ ਨੂੰ ਲਾਂਚ ਕਰਨ ਲਈ ਔਨਲਾਈਨ ਯਾਤਰਾ ਪਲੇਟਫਾਰਮ EaseMyTrip ਨਾਲ ਸਾਂਝੇਦਾਰੀ ਕੀਤੀ ਹੈ।

Digibank EaseMyTrip ਗ੍ਰੀਨ ਡੈਬਿਟ ਕਾਰਡ (Green Debit Card) ਗਾਹਕਾਂ ਨੂੰ ਯਾਤਰਾ ਸੰਬੰਧੀ ਵਿਸ਼ੇਸ਼ ਆਫਰਸ ਦੀ ਪੇਸ਼ਕਸ਼ ਕਰੇਗਾ ਅਤੇ ਉਹਨਾਂ ਨੂੰ ਉਹਨਾਂ ਦੇ ਕਾਰਬਨ ਫੁੱਟਪ੍ਰਿੰਟ ਨੂੰ ਘਟਾਉਣ ਲਈ ਉਤਸ਼ਾਹਿਤ ਕਰਦੇ ਹੋਏ ਵਾਤਾਵਰਣ-ਅਨੁਕੂਲ ਅਭਿਆਸਾਂ ਨੂੰ ਅਪਣਾਉਣ ਲਈ ਇਨਾਮ ਵੀ ਦੇਵੇਗਾ।

ਫਲਾਈਟ ਟਿਕਟ ਬੁਕਿੰਗ 'ਤੇ ਮਿਲੇਗੀ 10% ਦੀ ਛੋਟ : Digibank EaseMyTrip ਵੈੱਬਸਾਈਟ ਅਤੇ EaseMyTrip ਗ੍ਰੀਨ ਡੈਬਿਟ ਕਾਰਡ (Green Debit Card) ਰਾਹੀਂ ਮੋਬਾਈਲ ਐਪ ਰਾਹੀਂ ਕੀਤੀ ਗਈ ਬੁਕਿੰਗ ਲਈ ਸਭ ਤੋਂ ਵਧੀਆ ਆਫਰਸ ਪੇਸ਼ ਕਰੇਗਾ। ਇਕ ਬਿਆਨ 'ਚ ਕਿਹਾ ਗਿਆ ਹੈ ਕਿ ਫਲਾਈਟ ਟਿਕਟ ਬੁਕਿੰਗ 'ਤੇ 10 ਫੀਸਦੀ (2000 ਰੁਪਏ ਤੱਕ) ਦੀ ਛੋਟ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਯਾਤਰਾ ਦੌਰਾਨ ਤੁਹਾਡੇ ਰਹਿਣ ਦੇ ਟਿਕਾਣਿਆਂ ਲਈਂ ਵੀ ਆਫਰਸ ਦੀ ਪੇਸ਼ਕਸ਼ ਕੀਤੀ ਜਾ ਰਹੀ ਹੈ। ਦਸ ਦੇਈਏ ਕਿ ਚੋਣਵੇਂ ਈਕੋ-ਫ੍ਰੈਂਡਲੀ ਹੋਟਲਾਂ ਅਤੇ ਰਿਜ਼ੋਰਟਾਂ 'ਚ ਰਹਿਣ 'ਤੇ 17 ਫੀਸਦੀ ਤੱਕ ਦੀ ਛੋਟ ਦਿੱਤੀ ਜਾਵੇਗੀ।

ਹਰ ਤਿਮਾਹੀ ਵਿੱਚ ਇੱਕ ਏਅਰਪੋਰਟ ਲੌਂਜ ਵਿਜ਼ਿਟ ਦਾ ਮੌਕਾ : ਯਾਤਰਾ ਬੈਨੀਫਿਟ ਦੇ ਰੂਪ ਵਿੱਚ EaseMyTrip ਗ੍ਰੀਨ ਡੈਬਿਟ ਕਾਰਡ (Green Debit Card) ਦੇ ਮੈਂਬਰਾਂ ਨੂੰ ਪੂਰੇ ਭਾਰਤ ਵਿੱਚ ਪ੍ਰਤੀ ਤਿਮਾਹੀ ਵਿੱਚ ਇੱਕ ਏਅਰਪੋਰਟ ਲਾਉਂਜ ਦੀ ਵਿਜ਼ਿਟ ਮਿਲੇਗੀ। ਇਹ ਕਾਰਡ ਭਾਰਤ ਅਤੇ ਵਿਦੇਸ਼ਾਂ ਵਿੱਚ ਕਿਸੇ ਵੀ ਬੈਂਕ ਦੇ ATM ਤੋਂ ਪ੍ਰਤੀ ਦਿਨ 1.5 ਲੱਖ ਰੁਪਏ ਤੱਕ ਦੀ ਨਿਕਾਸੀ ਦੀ ਇਜਾਜ਼ਤ ਦਿੰਦਾ ਹੈ ਅਤੇ ਭਾਰਤ ਅਤੇ ਵਿਦੇਸ਼ਾਂ ਵਿੱਚ ਵਪਾਰੀ ਦੁਕਾਨਾਂ 'ਤੇ 1.5 ਲੱਖ ਰੁਪਏ ਤੱਕ ਦੀ ਖਰੀਦਦਾਰੀ ਦੀ ਇਜਾਜ਼ਤ ਦਿੰਦਾ ਹੈ।

ਗਾਹਕ ਡਿਜੀਬੈਂਕ ਐਪ ਰਾਹੀਂ ਅਪਲਾਈ ਕਰ ਸਕਦੇ ਹਨ : ਪ੍ਰੈਸ ਰਿਲੀਜ਼ ਦੇ ਅਨੁਸਾਰ, ਮੌਜੂਦਾ ਡਿਜੀਬੈਂਕ ਗਾਹਕ ਡਿਜੀਬੈਂਕ ਐਪ ਰਾਹੀਂ ਇਸ ਕੋ-ਬ੍ਰਾਂਡਡ ਡੈਬਿਟ ਕਾਰਡ ਲਈ ਅਰਜ਼ੀ ਦੇ ਸਕਦੇ ਹਨ, ਜਦੋਂ ਕਿ ਨਵੇਂ ਗਾਹਕ ਕੁਝ ਕਲਿੱਕਾਂ ਵਿੱਚ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹਨ ਅਤੇ ਆਪਣਾ ਡਿਜੀਬੈਂਕ ਖਾਤਾ ਖੋਲ੍ਹਣ ਵੇਲੇ ਇਸ ਦੀ ਵਰਤੋਂ ਕਰਨ ਲਈ ਅਰਜ਼ੀ ਦੇ ਸਕਦੇ ਹਨ।