ਘਿਓ ਬਣਾਉਂਦੇ ਸਮੇਂ ਸੜ ਜਾਵੇ ਤਾਂ ਇੰਝ ਕਰੋ ਬਦਬੂ ਨੂੰ ਦੂਰ, ਕੰਮ ਆਉਣਗੇ ਇਹ ਕਿਚਨ ਹੈਕ

Desi Ghee Tips: ਮੱਖਣ ਤੋਂ ਦੇਸੀ ਘਿਓ ਬਣਾਉਂਦੇ ਸਮੇਂ ਕਈ ਵਾਰ ਸਾਡੇ ਕੋਲੋਂ ਘਿਓ ਸੜ ਜਾਂਦਾ ਹੈ ਜਾਂ ਜਦੋਂ ਅਸੀਂ ਖਰਾਬ ਹੋਣ ਤੋਂ ਬਚਾਉਣ ਲਈ ਪੁਰਾਣੇ ਘਿਓ ਨੂੰ ਦੁਬਾਰਾ ਗਰਮ ਕਰਦੇ ਹਾਂ, ਤਾਂ ਅਸੀਂ ਅਚਾਨਕ ਘਿਓ ਨੂੰ ਸਾੜ ਦਿੰਦੇ ਹਾਂ। ਇਹ ਸੜਿਆ ਹੋਇਆ ਘਿਓ ਨਾ ਸਿਰਫ ਦਿੱਖ ਵਿਚ ਕਾਲਾ ਹੋ ਜਾਂਦਾ ਹੈ, ਸਗੋਂ ਸੜਨ ਦੀ ਬਦਬੂ ਵੀ ਆਉਂਦੀ ਹੈ। ਸੜੇ ਹੋਏ ਘਿਓ ਦੀ ਬਦਬੂ ਨੂੰ ਦੂਰ ਕਰਨ ਅਤੇ ਇਸ ਦੇ ਰੰਗ ਨੂੰ ਥੋੜ੍ਹਾ ਸਾਫ਼ ਕਰਨ ਲਈ ਅਸੀਂ ਤਿੰਨ ਸਭ ਤੋਂ ਵਧੀਆ ਤਰੀਕੇ ਵਰਤਾਂਗੇ। ਦੇਸੀ ਘਿਓ ਇੰਨਾ ਮਹਿੰਗਾ ਅਤੇ ਸਿਹਤਮੰਦ ਹੈ ਕਿ ਸਾੜਨ ਦੇ ਬਾਅਦ ਵੀ ਅਸੀਂ ਇਸ ਨੂੰ ਇਸ ਤਰ੍ਹਾਂ ਸੁੱਟ ਕੇ ਆਪਣਾ ਨੁਕਸਾਨ ਨਹੀਂ ਕਰ ਸਕਦੇ। ਇਸ ਲਈ ਤੁਸੀਂ ਇਨ੍ਹਾਂ ਕਿਚਨ ਟਿਪਸ ਨੂੰ ਅਪਣਾ ਸਕਦੇ ਹੋ।

ਇਹਨਾਂ ਗੱਲਾਂ ਨੂੰ ਧਿਆਨ ਵਿੱਚ ਰੱਖੋ : ਘਿਓ ਨੂੰ ਗਰਮ ਕਰਨ ਤੋਂ ਪਹਿਲਾਂ ਹੇਠਾਂ ਥੋੜ੍ਹਾ ਪਾਣੀ ਪਾ ਦਿਓ। ਇਸ ਕਾਰਨ ਘਿਓ ਕੜਾਹੀ ਦੇ ਹੇਠਾਂ ਨਹੀਂ ਚਿਪਕਦਾ। ਘਿਓ ਨੂੰ ਹਮੇਸ਼ਾ ਘੱਟ ਅੱਗ 'ਤੇ ਉਬਾਲੋ। ਘਿਓ ਨੂੰ ਪੂਰੀ ਤਰ੍ਹਾਂ ਨਾ ਪਕਾਓ, ਨਹੀਂ ਤਾਂ ਸੜਨ ਦਾ ਖਤਰਾ ਹਮੇਸ਼ਾ ਬਣਿਆ ਰਹਿੰਦਾ ਹੈ।

ਇਲਾਇਚੀ

ਦੇਸੀ ਘਿਓ ਦਾ ਸਵਾਦ ਬਦਲਣ ਲਈ ਤੁਸੀਂ ਇਲਾਇਚੀ ਦੀ ਵਰਤੋਂ ਕਰ ਸਕਦੇ ਹੋ। ਇਲਾਇਚੀ ਦੀ ਖੁਸ਼ਬੂ ਘਿਓ ਨੂੰ ਸਵਾਦ ਦਿੰਦੀ ਹੈ। ਇਸ ਦੇ ਲਈ ਤੁਹਾਨੂੰ ਸਿਰਫ 5 ਤੋਂ 6 ਇਲਾਇਚੀ ਦੇਸੀ ਘਿਓ 'ਚ ਪਕਾਉਣੀ ਹੈ। ਤੁਸੀਂ ਚਾਹੋ ਤਾਂ ਇਸ 'ਚ ਕੇਵੜਾ ਵੀ ਪਾ ਸਕਦੇ ਹੋ। ਹਾਲਾਂਕਿ ਕੇਵੜੇ ਵਾਲੇ ਘਿਓ ਦੀ ਵਰਤੋਂ ਤੁਸੀਂ ਮਿੱਠੀਆਂ ਚੀਜ਼ਾਂ 'ਚ ਹੀ ਕਰ ਸਕੋਗੇ।

ਪਾਨ ਦੇ ਪੱਤੇ

ਦੇਸੀ ਘਿਓ ਦੀ ਬਦਬੂ ਨੂੰ ਦੂਰ ਕਰਨ ਲਈ ਤੁਸੀਂ ਪਾਨ ਦੇ ਪੱਤੇ ਦੀ ਵਰਤੋਂ ਕਰ ਸਕਦੇ ਹੋ। ਹਾਲਾਂਕਿ, ਇਹ ਤੁਹਾਨੂੰ ਥੋੜਾ ਅਜੀਬ ਲੱਗ ਸਕਦਾ ਹੈ, ਪਰ ਇਹ ਇੱਕ ਕਮਾਲ ਦਾ ਕੰਮ ਆਉਣ ਵਾਲਾ ਕਿਚਨ ਹੈਕ ਹੈ। ਇਸ ਨੂੰ ਅਪਣਾਉਣ ਲਈ ਸੜੇ ਹੋਏ ਭਾਂਡੇ ਵਿਚੋਂ ਘਿਓ ਕੱਢ ਕੇ ਕਿਸੇ ਹੋਰ ਭਾਂਡੇ ਵਿਚ ਪਾ ਲਓ। ਫਿਰ ਇਸ ਵਿਚ 1 ਤੋਂ 2 ਪਾਨ ਦੇ ਪੱਤੇ ਪਾ ਕੇ ਕੁਝ ਦੇਰ ਲਈ ਛੱਡ ਦਿਓ। ਅਜਿਹਾ ਕਰਨ ਨਾਲ ਘਿਓ ਦੀ ਬਦਬੂ ਘੱਟ ਜਾਵੇਗੀ ਅਤੇ ਤੁਸੀਂ ਇਸ ਨੂੰ ਕਈ ਤਰੀਕਿਆਂ ਨਾਲ ਇਸਤੇਮਾਲ ਕਰ ਸਕਦੇ ਹੋ।