• Home
  • »
  • News
  • »
  • lifestyle
  • »
  • DIWALI 2021 FIVE THINGS TO KEEP IN MIND BEFORE BUYING GOLD ON DHANTERAS DETAILS HERE GH AP

Dhanteras 2021: ਧਨਤੇਰਸ ਦੇ ਦਿਨ ਸੋਨਾ ਖਰੀਦਣ ਤੋਂ ਪਹਿਲਾਂ ਇਨ੍ਹਾਂ 5 ਗੱਲਾਂ ਦਾ ਰੱਖੋ ਖਾਸ ਧਿਆਨ, ਹੋਵੇਗਾ ਲਾਭ

ਸੁਨਿਆਰੇ ਦੀਆਂ ਦੁਕਾਨਾਂ ਜਾਂ ਗਹਿਣਿਆਂ ਦੀਆਂ ਦੁਕਾਨਾਂ ਵੀ ਗਾਹਕਾਂ ਨੂੰ ਆਕਰਸ਼ਿਤ ਕਰਨ ਲਈ ਕੁਝ ਵਿਸ਼ੇਸ਼ ਆਫਰ ਜਾਂ ਛੋਟਾਂ ਦਿੰਦੀਆਂ ਹਨ। ਜੇਕਰ ਤੁਸੀਂ ਇਸ ਸਾਲ ਸੋਨੇ ਵਿੱਚ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਹੇ ਹੋ ਤਾਂ 5 ਮਹੱਤਵਪੂਰਨ ਗੱਲਾਂ ਹਨ ਜੋ ਤੁਹਾਨੂੰ ਧਿਆਨ ਵਿੱਚ ਰੱਖਣੀਆਂ ਚਾਹੀਦੀਆਂ ਹਨ...

Dhanteras 2021: ਧਨਤੇਰਸ ਦੇ ਦਿਨ ਸੋਨਾ ਖਰੀਦਣ ਤੋਂ ਪਹਿਲਾਂ ਇਨ੍ਹਾਂ 5 ਗੱਲਾਂ ਦਾ ਰੱਖੋ ਖਾਸ ਧਿਆਨ, ਹੋਵੇਗਾ ਲਾਭ

  • Share this:
ਇਸ ਸਾਲ ਧਨਤੇਰਸ ਜਾਂ ਧਨਤਰਯੋਦਸ਼ੀ ਅੱਜ ਯਾਨੀ 2 ਨਵੰਬਰ, 2021 ਨੂੰ ਮਨਾਈ ਜਾਵੇਗੀ। ਧਨਤੇਰਸ ਦਾ ਅਰਥ ਹੈ ਦੌਲਤ ਤੇ ਖੁਸ਼ਹਾਲੀ। ਇਸ ਦਿਨ ਸੋਨਾ, ਚਾਂਦੀ ਅਤੇ ਭਾਂਡੇ ਖਰੀਦੇ ਜਾਂਦੇ ਹਨ। ਇਹ ਦਿਨ ਦੀਵਾਲੀ ਦੀ ਸ਼ੁਰੂਆਤ ਨੂੰ ਦਰਸਾਉਂਦਾ ਹੈ ਤੇ ਸੋਨੇ ਅਤੇ ਹੋਰ ਕੀਮਤੀ ਧਾਤਾਂ ਵਿੱਚ ਨਿਵੇਸ਼ ਕਰਨ ਲਈ ਇੱਕ ਸ਼ੁਭ ਦਿਨ ਮੰਨਿਆ ਜਾਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੋਨੇ ਜਾਂ ਚਾਂਦੀ ਦੀ ਮੰਗ ਹਰ ਸਾਲ ਵੱਧ ਜਾਂਦੀ ਹੈ ਕਿਉਂਕਿ ਭਾਰਤੀ ਇਸ ਸ਼ੁਭ ਦਿਨ 'ਤੇ ਗਹਿਣਿਆਂ ਜਾਂ ਸਿੱਕਿਆਂ ਦੇ ਰੂਪ 'ਚ ਪੀਲੀ ਧਾਤੂ ਨੂੰ ਖਰੀਦਣ ਲਈ ਆਉਂਦੇ ਹਨ।

ਸੁਨਿਆਰੇ ਦੀਆਂ ਦੁਕਾਨਾਂ ਜਾਂ ਗਹਿਣਿਆਂ ਦੀਆਂ ਦੁਕਾਨਾਂ ਵੀ ਗਾਹਕਾਂ ਨੂੰ ਆਕਰਸ਼ਿਤ ਕਰਨ ਲਈ ਕੁਝ ਵਿਸ਼ੇਸ਼ ਆਫਰ ਜਾਂ ਛੋਟਾਂ ਦਿੰਦੀਆਂ ਹਨ। ਜੇਕਰ ਤੁਸੀਂ ਇਸ ਸਾਲ ਸੋਨੇ ਵਿੱਚ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਹੇ ਹੋ ਤਾਂ 5 ਮਹੱਤਵਪੂਰਨ ਗੱਲਾਂ ਹਨ ਜੋ ਤੁਹਾਨੂੰ ਧਿਆਨ ਵਿੱਚ ਰੱਖਣੀਆਂ ਚਾਹੀਦੀਆਂ ਹਨ...

ਹਮੇਸ਼ਾ ਹਾਲਮਾਰਕ ਵਾਲੇ ਗਹਿਣੇ ਖਰੀਦੋ : ਹਾਲਮਾਰਕ ਵਾਲੇ ਗਹਿਣੇ ਸੋਨੇ ਦੀ ਸ਼ੁੱਧਤਾ ਦੀ ਗਾਰੰਟੀ ਦਿੰਦੇ ਹਨ, ਇਸ ਲਈ ਹਾਲਮਾਰਕ ਵਾਲਾ ਸੋਨਾ ਨੂੰ ਖਰੀਦਣਾ ਸੁਰੱਖਿਅਤ ਮੰਨਿਆ ਜਾਂਦਾ ਹੈ। ਹਾਲਮਾਰਕਿੰਗ ਸੋਨੇ ਦੀ ਸ਼ੁੱਧਤਾ ਦੀ ਪੁਸ਼ਟੀ ਕਰਨ ਦੀ ਪ੍ਰਕਿਰਿਆ ਹੈ। ਭਾਰਤੀ ਮਿਆਰ ਬਿਊਰੋ (BIS) ਹਾਲਮਾਰਕ ਵਾਲੇ ਸੋਨੇ ਨੂੰ ਪ੍ਰਮਾਣਿਤ ਕਰਨ ਵਾਲੀ ਏਜੰਸੀ ਹੈ।

ਸੋਨੇ ਦੀਆਂ ਕੀਮਤਾਂ ਦਾ ਨਿਰਧਾਰਨ : ਇਹ ਸੋਨੇ ਦੀ ਸ਼ੁੱਧਤਾ 'ਤੇ ਅਧਾਰਤ ਹੈ ਭਾਵ ਇਹ ਸੋਨੇ ਦੀ ਗੁਣਵੱਤਾ ਦੇ ਅਨੁਸਾਰ ਬਦਲਦਾ ਹੈ। 24 ਕੈਰਟ ਸੋਨਾ ਸਭ ਤੋਂ ਸ਼ੁੱਧ ਗੁਣਵੱਤਾ ਵਾਲਾ ਹੈ ਤੇ ਇਸ ਲਈ ਸਭ ਤੋਂ ਵੱਧ ਚਾਰਜ ਕੀਤਾ ਜਾਂਦਾ ਹੈ। ਸੋਨਾ ਖਰੀਦਣ ਵੇਲੇ, ਕਿਸੇ ਨੂੰ ਪੀਲੀ ਧਾਤੂ ਦੀ ਮੌਜੂਦਾ ਕੀਮਤ ਬਾਰੇ ਸੁਚੇਤ ਹੋਣਾ ਚਾਹੀਦਾ ਹੈ ਕਿਉਂਕਿ ਇਹ ਮਾਰਕੀਟ ਰੇਟ ਦੇ ਅਧਾਰ 'ਤੇ ਹਰ ਰੋਜ਼ ਬਦਲਦੀ ਹੈ। ਸਾਰੇ ਗਹਿਣਿਆਂ ਦੇ ਸਟੋਰ ਖਪਤਕਾਰਾਂ ਲਈ ਰੋਜ਼ਾਨਾ ਸੋਨੇ ਦੀਆਂ ਦਰਾਂ ਪ੍ਰਦਰਸ਼ਿਤ ਕਰਦੇ ਹਨ।

ਮੇਕਿੰਗ ਚਾਰਜ ਦੀ ਜਾਂਚ ਵੀ ਜ਼ਰੂਰੀ ਹੈ : ਮੇਕਿੰਗ ਚਾਰਜ ਸੋਨੇ ਦੇ ਗਹਿਣਿਆਂ 'ਤੇ ਲਗਾਏ ਜਾਣ ਵਾਲੇ ਲੇਬਰ ਚਾਰਜ ਹਨ, ਜੋ ਕਿ ਕਿਸਮ ਅਤੇ ਡਿਜ਼ਾਈਨ 'ਤੇ ਨਿਰਭਰ ਕਰਦੇ ਹਨ। ਦੱਸ ਦੇਈਏ ਕਿ ਮਸ਼ੀਨ ਦੁਆਰਾ ਬਣਾਏ ਸੋਨੇ ਦੇ ਗਹਿਣੇ ਮਨੁੱਖ ਦੁਆਰਾ ਬਣਾਏ ਗਹਿਣਿਆਂ ਨਾਲੋਂ ਸਸਤੇ ਹੁੰਦੇ ਹਨ ਕਿਉਂਕਿ ਇਸ ਵਿੱਚ ਘੱਟ ਮਿਹਨਤ ਹੁੰਦੀ ਹੈ। ਜਦੋਂ ਕਿ ਬਹੁਤ ਸਾਰੇ ਗਹਿਣਿਆਂ ਦੇ ਸਟੋਰ ਮੇਕਿੰਗ ਚਾਰਜ 'ਤੇ ਕੁਝ ਛੋਟ ਦਿੰਦੇ ਹਨ। ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਗਹਿਣੇ ਖਰੀਦਣ ਤੋਂ ਪਹਿਲਾਂ ਇੱਕ ਵਾਰ ਆਫਰ, ਡਿਸਕਾਉਂਟ ਤੇ ਮੇਕਿੰਗ ਚਾਰਜ ਦੀ ਜਾਂਚ ਕਰੋ।

ਸ਼ੁੱਧਤਾ ਦੇ ਪੱਧਰ ਨੂੰ ਜਾਣੋ : ਸੋਨੇ ਦੀ ਸ਼ੁੱਧਤਾ ਨੂੰ ਕੈਰੇਟ ਵਿੱਚ ਦਰਸਾਇਆ ਗਿਆ ਹੈ, ਕਿਉਂਕਿ 24 ਕੈਰਟ ਸੋਨੇ ਨੂੰ 99.9% ਸ਼ੁੱਧ ਮੰਨਿਆ ਜਾਂਦਾ ਹੈ, ਜਦੋਂ ਕਿ 22 ਕੈਰਟ ਸੋਨਾ 92% ਸ਼ੁੱਧ ਹੁੰਦਾ ਹੈ। ਸੋਨਾ ਜਾਂ ਕੋਈ ਵੀ ਸੋਨੇ ਦਾ ਗਹਿਣਾ ਖਰੀਦਣ ਵੇਲੇ ਹਮੇਸ਼ਾ ਇਸ ਦੀ ਸ਼ੁੱਧਤਾ ਦੀ ਜਾਂਚ ਕਰੋ ਅਤੇ ਉਸ ਅਨੁਸਾਰ ਕੀਮਤ ਅਦਾ ਕਰੋ।

ਸਹੀ ਵਜ਼ਨ ਦੀ ਜਾਂਚ ਕਰੋ : ਭਾਰਤ ਵਿੱਚ ਜ਼ਿਆਦਾਤਰ ਸੋਨੇ ਦੇ ਗਹਿਣੇ ਭਾਰ ਦੁਆਰਾ ਵੇਚੇ ਜਾਂਦੇ ਹਨ, ਹਾਲਾਂਕਿ ਹੀਰੇ ਅਤੇ ਪੰਨੇ ਵਰਗੇ ਕੀਮਤੀ ਪੱਥਰ ਇਸ ਨੂੰ ਭਾਰੀ ਬਣਾਉਂਦੇ ਹਨ। ਇਸ ਲਈ, ਗਹਿਣਿਆਂ ਦੇ ਪੂਰੇ ਭਾਰ ਦੇ ਨਾਲ-ਨਾਲ ਸੋਨੇ ਦੇ ਸਹੀ ਵਜ਼ਨ ਦੀ ਜਾਂਚ ਕਰੋ। ਜਦੋਂ ਵੀ ਤੁਸੀਂ ਸੋਨਾ ਖਰੀਦ ਰਹੇ ਹੋ ਤਾਂ ਇਸ ਗੱਲ ਦਾ ਧਿਆਨ ਰੱਖੋ, ਫਿਰ ਇਸ ਦਾ ਵਜ਼ਨ ਜ਼ਰੂਰ ਦੇਖੋ। ਜੇਕਰ ਵਜ਼ਨ 'ਚ ਥੋੜ੍ਹਾ ਜਿਹਾ ਵੀ ਉਤਾਰ-ਚੜ੍ਹਾਅ ਆਉਂਦਾ ਹੈ ਤਾਂ ਇਸ ਨਾਲ ਕਈ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਹੋ ਸਕਦੀਆਂ ਹਨ।ਸੋਨਾ ਖਰੀਦਣਾ ਤੁਹਾਨੂੰ ਮਹਿੰਗਾ ਪੈ ਸਕਦਾ ਹੈ।
Published by:Amelia Punjabi
First published: