• Home
  • »
  • News
  • »
  • lifestyle
  • »
  • DIWALI RELIGION NARAK CHATURDASHI 2021 WHY DO ELDERS LIGHT NARAK CHATURDASHI DIYA KNOW WHAT IS RECOGNITION KS

Narak Chaturdashi 2021: ਨਰਕ ਚਤੁਦਰਸ਼ੀ ਨੂੰ ਬਜ਼ੁਰਗ ਕਿਉਂ ਜਗਾਉਂਦੇ ਹਨ ਦੀਵਾ, ਜਾਣੋ ਕੀ ਹੈ ਮਾਨਤਾ

Narak Chaturdashi 2021: ਨਰਕ ਚਤੁਰਦਸ਼ੀ ਯਾਨੀ ਕਿ ਛੋਟੀ ਦੀਵਾਲੀ (Diwali) ਦੀ ਸ਼ਾਮ ਨੂੰ ਘਰ ਦੇ ਬਜ਼ੁਰਗਾਂ ਵੱਲੋਂ ਦੀਵਾ ਜਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਦੀਵੇ ਨੂੰ ਜਗਾਉਣ ਤੋਂ ਬਾਅਦ ਇਸ ਨੂੰ ਪੂਰੇ ਘਰ ਵਿੱਚ ਘੁੰਮਾਇਆ ਜਾਂਦਾ ਹੈ।

  • Share this:

    Narak Chaturdashi 2021: ਨਰਕ ਚਤੁਦਰਸ਼ੀ (Narak Chaturdashi) ਭਾਵ ਛੋਟੀ ਦੀਵਾਲੀ (Diwali) ਦੀ ਸ਼ਾਮ ਨੂੰ ਘਰ ਦੇ ਬਾਹਰ ਇੱਕ ਦੀਵਾ ਜਗਾਇਆ ਜਾਂਦਾ ਹੈ, ਇਹ ਤਾਂ ਭਾਵੇਂ ਸਾਰੇ ਜਾਣਦੇ ਹੀ ਹੋਣ, ਪਰ ਕੀ ਤੁਸੀ ਜਾਣਦੇ ਹੋ ਕਿ ਇਸ ਪਿਛੇ ਮਾਨਤਾ ਕੀਤ ਹੈ? ਇਸ ਨਰਕ ਚਤੁਦਰਸ਼ੀ ਦੀ ਰਾਤ ਘਰ ਦੇ ਬਜ਼ੁਰਗ ਵੱਲੋਂ ਹੀ ਇਹ ਦੀਵਾ ਜਗਾਇਆ ਜਾਂਦਾ ਹੈ। ਆਓ, ਜਾਣਦੇ ਹਾਂ ਕੀ ਹਨ ਇਸ ਪਿਛੇ ਕਾਰਨ:


    ਦਰਅਸਲ, ਨਰਕ ਚਤੁਰਦਸ਼ੀ ਯਾਨੀ ਕਿ ਛੋਟੀ ਦੀਵਾਲੀ (Diwali) ਦੀ ਸ਼ਾਮ ਨੂੰ ਘਰ ਦੇ ਬਜ਼ੁਰਗਾਂ ਵੱਲੋਂ ਦੀਵਾ ਜਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਦੀਵੇ ਨੂੰ ਜਗਾਉਣ ਤੋਂ ਬਾਅਦ ਇਸ ਨੂੰ ਪੂਰੇ ਘਰ ਵਿੱਚ ਘੁੰਮਾਇਆ ਜਾਂਦਾ ਹੈ। ਉਦੋਂ ਹੀ ਬਜ਼ੁਰਗ, ਇਸ ਦੀਵੇ ਨੂੰ ਲੈ ਕੇ ਘਰੋਂ ਬਾਹਰ ਜਾਂਦੇ ਹਨ ਅਤੇ ਇਸ ਨੂੰ ਕਿਤੇ ਦੂਰ ਰੱਖ ਦਿੰਦੇ ਹਨ। ਅੱਜ ਦੇ ਯੁੱਗ ਵਿੱਚ ਇਸ ਪਰੰਪਰਾ ਦਾ ਕਈ ਥਾਈਂ ਪਾਲਣ ਕੀਤਾ ਜਾ ਰਿਹਾ ਹੈ। ਦੂਜੇ ਪਾਸੇ, ਜਿਨ੍ਹਾਂ ਲੋਕਾਂ ਲਈ ਅਜਿਹਾ ਕਰਨਾ ਸੰਭਵ ਨਹੀਂ ਹੈ, ਉਨ੍ਹਾਂ ਲਈ ਘਰ ਦੇ ਕਿਸੇ ਵੀ ਮੈਂਬਰ ਵੱਲੋਂ ਦੀਵਾ ਜਗਾਇਆ ਜਾਂਦਾ ਹੈ ਅਤੇ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਰੱਖਿਆ ਜਾਂਦਾ ਹੈ।

    ਬਜ਼ੁਰਗ ਇਹ ਦੀਵਾ ਕਿਉਂ ਜਗਾਉਂਦੇ ਹਨ


    ਨਰਕ ਚਤੁਰਦਸ਼ੀ 'ਤੇ ਯਮ ਦਾ ਦੀਵਾ ਜਗਾਉਣ ਦੇ ਪਿੱਛੇ ਦੀ ਕਥਾ ਅਨੁਸਾਰ, ਇੱਕ ਵਾਰੀ ਯਮਦੇਵ ਨੇ ਆਪਣੇ ਦੂਤਾਂ ਨੂੰ ਅਚਨਚੇਤੀ ਮੌਤ ਤੋਂ ਬਚਣ ਦਾ ਤਰੀਕਾ ਦੱਸਿਆ ਸੀ। ਉਨ੍ਹਾਂ ਕਿਹਾ ਸੀ ਕਿ ਜੋ ਵਿਅਕਤੀ ਕਾਰਤਿਕ ਮਹੀਨੇ ਕ੍ਰਿਸ਼ਨ ਪੱਖ (Krishna Paksh) ਦੀ ਚਤੁਰਦਸ਼ੀ ਤਿਥੀ ਨੂੰ ਸ਼ਾਮ ਨੂੰ ਦੀਵਾ ਜਗਾਉਂਦਾ ਹੈ, ਉਸ ਨੂੰ ਅਚਨਚੇਤੀ ਮੌਤ ਦਾ ਡਰ ਨਹੀਂ ਹੋਵੇਗਾ। ਇਸ ਕਾਰਨ ਨਰਕ ਚਤੁਦਸ਼ੀ ਦੀ ਰਾਤ ਨੂੰ ਯਮ ਦਾ ਦੀਵਾ ਜਗਾਉਣ ਦੀ ਪਰੰਪਰਾ ਹੈ।

    ਇਹ ਕਹਾਣੀ ਵੀ ਪ੍ਰਸਿੱਧ ਹੈ


    ਨਰਕ ਚਤੁਰਦਸ਼ੀ ਦੀ ਸ਼ਾਮ ਨੂੰ ਦੀਵੇ ਜਗਾਉਣ ਪਿੱਛੇ ਇੱਕ ਹੋਰ ਕਥਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਭਗਵਾਨ ਕ੍ਰਿਸ਼ਨ (Lord Krishna) ਨੇ ਨਰਕਾਸੁਰ ਨਾਮਕ ਦੈਂਤ ਨੂੰ ਮਾਰਿਆ ਸੀ ਅਤੇ 16 ਹਜ਼ਾਰ ਤੋਂ ਵੱਧ ਔਰਤਾਂ ਨੂੰ ਉਸ ਦੀ ਕੈਦ ਤੋਂ ਮੁਕਤ ਕੀਤਾ ਸੀ। ਇਸ ਕਾਰਨ ਲੋਕ ਉਸ ਦਿਨ ਖੁਸ਼ੀਆਂ ਦੇ ਦੀਵੇ ਜਗਾਉਂਦੇ ਹਨ ਅਤੇ ਇਹ ਪਰੰਪਰਾ ਅੱਜ ਵੀ ਜਾਰੀ ਹੈ।

    ਇਹ ਵੀ ਜੁੜੇ ਹੋਏ ਹਨ

    ਮਾਨਤਾ ਅਨੁਸਾਰ ਚਤੁਰਦਸ਼ੀ ਤਿਥੀ 'ਤੇ ਯਮ ਦੇ ਨਾਮ ਦਾ ਦੀਵਾ ਦੱਖਣ ਦਿਸ਼ਾ 'ਚ ਜਗਾਇਆ ਜਾਂਦਾ ਹੈ। ਅਜਿਹਾ ਇਸ ਲਈ ਕਿਉਂਕਿ ਧਾਰਮਿਕ ਗ੍ਰੰਥਾਂ (Hindhu Granth) ਅਨੁਸਾਰ ਦੱਖਣ ਦਿਸ਼ਾ ਨੂੰ ਯਮ ਦੇਵ ਦੀ ਦਿਸ਼ਾ ਮੰਨਿਆ ਜਾਂਦਾ ਹੈ। ਨਰਕ ਚਤੁਰਦਸ਼ੀ ਦੇ ਦਿਨ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਇਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਦੇ ਲਈ ਪੁਰਾਣੇ ਦੀਵੇ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਜੇਕਰ ਇਹ ਸੰਭਵ ਨਹੀਂ ਹੈ, ਤਾਂ ਤੁਸੀਂ ਇੱਕ ਨਵਾਂ ਦੀਵਾ ਵੀ ਜਗਾ ਸਕਦੇ ਹੋ। ਇਹ ਦੀਵਾ ਚੁਰਾਹੇ 'ਤੇ ਜਾਂ ਘਰ ਦੇ ਬਾਹਰ ਜਾਂ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਇਕਾਂਤ ਜਗ੍ਹਾ 'ਤੇ ਰੱਖਿਆ ਜਾਂਦਾ ਹੈ।

    (Disclaimer: ਇਸ ਲੇਖ ਵਿੱਚ ਦਿੱਤੀ ਗਈ ਜਾਣਕਾਰੀ ਅਤੇ ਜਾਣਕਾਰੀ ਆਮ ਧਾਰਨਾਵਾਂ 'ਤੇ ਅਧਾਰਤ ਹੈ। News18 ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ ਹੈ। ਕਿਰਪਾ ਕਰਕੇ ਲਾਗੂ ਕਰਨ ਤੋਂ ਪਹਿਲਾਂ ਸਬੰਧਤ ਮਾਹਿਰ ਨਾਲ ਸੰਪਰਕ ਕਰੋ।)
    Published by:Krishan Sharma
    First published:
    Advertisement
    Advertisement