Home /News /lifestyle /

ਕੀ ਭਾਰ ਨੂੰ ਘੱਟ ਕਰਦੇ ਹਨ ਆਰਟੀਫੀਸ਼ੀਅਲ ਸਵੀਟਨਰਸ, ਜਾਣੋ ਇਨ੍ਹਾਂ ਨੂੰ ਖਾਣ ਨਾਲ ਕੀ ਹੋ ਸਕਦੇ ਹਨ ਨੁਕਸਾਨ

ਕੀ ਭਾਰ ਨੂੰ ਘੱਟ ਕਰਦੇ ਹਨ ਆਰਟੀਫੀਸ਼ੀਅਲ ਸਵੀਟਨਰਸ, ਜਾਣੋ ਇਨ੍ਹਾਂ ਨੂੰ ਖਾਣ ਨਾਲ ਕੀ ਹੋ ਸਕਦੇ ਹਨ ਨੁਕਸਾਨ

ਕੀ ਭਾਰ ਨੂੰ ਘੱਟ ਕਰਦੇ ਹਨ ਆਰਟੀਫੀਸ਼ੀਅਲ ਸਵੀਟਨਰਸ, ਜਾਣੋ ਕੀ ਹੋ ਸਕਦੇ ਹਨ ਨੁਕਸਾਨ

ਕੀ ਭਾਰ ਨੂੰ ਘੱਟ ਕਰਦੇ ਹਨ ਆਰਟੀਫੀਸ਼ੀਅਲ ਸਵੀਟਨਰਸ, ਜਾਣੋ ਕੀ ਹੋ ਸਕਦੇ ਹਨ ਨੁਕਸਾਨ

ਲੋਕ ਮੋਟਾਪੇ ਤੋਂ ਬਚਣ ਲਈ ਮਿੱਠਾ ਖਾਣਾ ਵੀ ਛੱਡ ਦਿੰਦੇ ਹਨ। ਅਜਿਹੀ ਸਥਿਤੀ ਵਿੱਚ ਕੁਝ ਲੋਕ ਆਰਟੀਫੀਸ਼ੀਅਲ ਸਵੀਟਨਰਸ (Artificial Sweeteners) ਦਾ ਸਹਾਰਾ ਲੈਂਦੇ ਹਨ। ਕੀ ਆਰਟੀਫੀਸ਼ੀਅਲ ਸਵੀਟਨਰਸ ਤੁਹਾਡੀ ਸਿਹਤ ਲਈ ਚੰਗੇ ਹਨ?

  • Share this:

Harm from Artificial Sweetener: ਮੋਟਾਪਾ ਅੱਜ-ਕੱਲ੍ਹ ਬਹੁਤ ਸਾਰੇ ਲੋਕਾਂ ਲਈ ਸਮੱਸਿਆ ਬਣਿਆ ਹੋਇਆ ਹੈ। ਮੋਟਾਪਾ ਕਈ ਸਾਰੀਆਂ ਬਿਮਾਰੀਆਂ ਦਾ ਕਾਰਨ ਬਣਦਾ ਹੈ। ਇਸਨੂੰ ਕੰਟਰੌਲ ਕਰਨ ਲਈ ਲੋਕ ਕਈ ਤਰੀਕੇ ਅਪਣਾਉਂਦੇ ਹਨ। ਇਸਦੇ ਲਈ ਉਹ ਗਰੀਨ ਟੀ ਪੀਂਦੇ ਹਨ, ਜਿੰਮ ਜਾਂਦੇ ਹਨ, ਆਪਣੀ ਡਾਈਟ ਨੂੰ ਕੰਟਰੌਲ ਕਰਦੇ ਹਨ ਜਾਂ ਫਿਰ ਮਾਰਕਿਟ ਵਿੱਚੋਂ ਮਿਲਣ ਵਾਲੇ ਕਈ ਤਰ੍ਹਾਂ ਦੇ ਮਹਿੰਗੇ ਪਦਾਰਥ ਖਾਂਦੇ ਹਨ। ਇਸਦੇ ਨਾਲ ਹੀ ਤੁਸੀਂ ਅਕਸਰ ਹੀ ਸੁਣਿਆ ਹੋਵੇਗਾ ਕਿ ਮਿੱਠਾ ਮੋਟਾਪੇ ਨੂੰ ਵਧਾਉਣ ਵਿੱਚ ਮਦਦ ਕਰਦਾ ਹੈ। ਇਸ ਲਈ ਲੋਕ ਮੋਟਾਪੇ ਤੋਂ ਬਚਣ ਲਈ ਮਿੱਠਾ ਖਾਣਾ ਵੀ ਛੱਡ ਦਿੰਦੇ ਹਨ। ਅਜਿਹੀ ਸਥਿਤੀ ਵਿੱਚ ਕੁਝ ਲੋਕ ਆਰਟੀਫੀਸ਼ੀਅਲ ਸਵੀਟਨਰਸ (Artificial Sweeteners) ਦਾ ਸਹਾਰਾ ਲੈਂਦੇ ਹਨ। ਕੀ ਆਰਟੀਫੀਸ਼ੀਅਲ ਸਵੀਟਨਰਸ ਤੁਹਾਡੀ ਸਿਹਤ ਲਈ ਚੰਗੇ ਹਨ? ਮੋਟਾਪੇ ਨਾਲ ਇਨ੍ਹਾਂ ਦਾ ਕੀ ਸੰਬੰਧ ਹੈ, ਆਓ ਜਾਣਦੇ ਹਾਂ-

ਤੁਹਾਨੂੰ ਦੱਸ ਦੇਈਏ ਕਿ ਲੋਕਾਂ ਦੁਆਰਾ ਮਿੱਠਾ ਖਾਣ ਦੀ ਥਾਂ ਆਰਟੀਫੀਸ਼ੀਅਲ ਸਵੀਟਨਰਸ (Artificial Sweeteners) ਜਿਵੇਂ ਅਸਪਾਰਟੇਮ, ਸਟੀਵੀਓਸਾਈਡ ਅਤੇ ਸੁਕਰਾਲੋਜ਼ ਪ੍ਰਮੁੱਖ ਰੂਪ ਵਿੱਚ ਵਰਤੇ ਜਾਂਦੇ ਹਨ। ਵਿਸ਼ਵ ਪੱਧਰ ਉੱਤ ਇਨ੍ਹਾਂ ਦੇ ਵਰਤੋਕਾਰਾਂ ਦੀ ਗਿਣਤੀ ਆਏ ਦਿਨ ਵਧਦੀ ਜਾ ਰਹੀ ਹੈ।

ਕੀ ਆਰਟੀਫੀਸ਼ੀਅਲ ਸਵੀਟਨਰਸ ਭਾਰ ਘਟਾਉਂਦੇ ਹਨ

ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਕਈ ਖੋਜਾਂ ਤੋਂ ਇਹ ਪਤਾ ਲੱਗਿਆ ਹੈ ਕਿ ਆਰਟੀਫੀਸ਼ੀਅਲ ਸਵੀਟਨਰਸ ਵੀ ਮਿੱਠੇ ਦੀ ਤਰ੍ਹਾਂ ਸਿਹਤ ਲਈ ਚੰਗੇ ਨਹੀਂ ਹੁੰਦੇ। ਬਹੁਤ ਸਾਰੇ ਲੋਕ ਮਿੱਠਾ ਖਾਣ ਦੀ ਥਾਂ ਇਨ੍ਹਾਂ ਦੀ ਵਰਤੋਂ ਕਰਦੇ ਹਨ। ਸ਼ਾਇਦ ਉਨ੍ਹਾਂ ਨੂੰ ਇਹ ਲੱਗ ਸਕਦਾ ਹੈ ਕਿ ਇਹ ਭਾਰ ਘਟਾਉਣ ਵਿੱਚ ਮਦਦ ਕਰਦੇ ਹਨ। ਇਹ ਤੁਹਾਨੂੰ ਥੋੜੇ ਸਮੇਂ ਲਈ ਮੋਟਾਪਾ ਕੰਟਰੌਲ ਕਰਨ ਦਾ ਝਾਂਸਾ ਦੇ ਸਕਦੇ ਹਨ। ਪਰ ਲੰਮੇ ਸਮੇਂ ਲਈ ਅਜਿਹਾ ਨਹੀਂ ਹੁੰਦਾ। ਸਗੋਂ ਆਰਟੀਫੀਸ਼ੀਅਲ ਸਵੀਟਨਰਸ ਮੋਟਾਪੇ ਨੂੰ ਵਧਾਉਂਦੇ ਹਨ।

ਆਰਟੀਫੀਸ਼ੀਅਲ ਸਵੀਟਨਰਸ ਦੇ ਸਿਹਤ ਲਈ ਨੁਕਸਾਨ


  • ਮਾਹਿਰ ਡਾਕਟਰਾਂ ਮੁਤਾਬਿਕ ਆਰਟੀਫੀਸ਼ੀਅਲ ਸਵੀਟਨਰਸ ਸਾਡੀ ਸਿਹਤ ਲਈ ਕੋਈ ਚੰਗੇ ਵਿਕਲਪ ਨਹੀਂ ਹਨ। ਇਹ ਸਾਡੀ ਸਿਹਤ ਵਿੱਚ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਪੈਦਾ ਕਰਦੇ ਹਨ। ਇਸ ਲਈ ਇਨ੍ਹਾਂ ਦੀ ਵਰਤੋਂ ਤੋਂ ਪ੍ਰਹੇਜ਼ ਕਰਨਾ ਚਾਹੀਦਾ ਹੈ।

  • ਆਰਟੀਫੀਸ਼ੀਅਲ ਸਵੀਟਨਰਸ ਨੂੰ ਲਗਾਤਾਰ ਖਾਣ ਨਾਲ ਦਿਲ ਸੰਬੰਧੀ ਸਮੱਸਿਆਵਾਂ, ਹਾਈ ਬਲੱਡ ਪ੍ਰੈਸ਼ਰ ਤੇ ਸ਼ੂਗਰ ਆਦਿ ਬਿਮਾਰੀਆਂ ਵੀ ਹੋ ਸਕਦੀਆਂ ਹਨ।

  • ਆਰਟੀਫੀਸ਼ੀਅਲ ਸਵੀਟਨਰਸ ਨੂੰ ਖਾਣ ਨਾਲ ਅੰਤੜੀਆਂ ਦੇ ਬੈਕਟੀਰੀਆ ਲਈ ਸਮੱਸਿਆ ਪੈਦਾ ਹੋ ਸਕਦੀ ਹੈ। ਇਸ ਕਰਕੇ ਮੇਟਾਬੋਲਿਜ਼ਮ ਵਿਗੜਦਾ ਹੈ ਤੇ ਭੁੱਖ ਵਧੇਰੇ ਲੱਗਦੀ ਹੈ। ਜੋ ਕਿ ਮੋਟਾਪੇ ਦਾ ਕਾਰਨ ਬਣਦੀ ਹੈ।

  • ਗਰਭ ਅਵਸਥਾ ਦੌਰਾਨ ਮਾਂ ਦੁਆਰਾ ਆਰਟੀਫੀਸ਼ੀਅਲ ਸਵੀਟਨਰਸ ਦਾ ਸੇਵਨ ਕਰਨ ਨਾਲ ਬੱਚੇ ਦੀ ਸਿਹਤ ਉੱਤੇ ਵੀ ਮਾੜਾ ਅਸਰ ਪੈਂਦਾ ਹੈ। ਇਨ੍ਹਾਂ ਦੇ ਸੇਵਨ ਨਾਲ ਬੱਚੇ ਦਾ ਭਾਰ ਅਤੇ ਮੈਟਾਬੋਲਿਜ਼ਮ ਪ੍ਰਭਾਵਿਤ ਹੁੰਦਾ ਹੈ।

Published by:Tanya Chaudhary
First published:

Tags: Fat, Health tips, Obesity