Drinking Coffee Increase Weight: ਕੌਫੀ ਪੀਣ ਨਾਲ ਵੱਧ ਜਾਂਦਾ ਹੈ ਭਾਰ ? ਜਾਣੋ ਕੀ ਹੈ ਸੱਚ

Drinking Coffee Increase Weight:  ਬਹੁਤ ਸਾਰੇ ਲੋਕ ਆਪਣੀ ਸਵੇਰ ਦੀ ਸ਼ੁਰੂਆਤ ਕੌਫੀ ਨਾਲ ਕਰਦੇ ਹਨ। ਕੌਫੀ ਪੀਣ ਨਾਲ ਸਰੀਰ ਨੂੰ ਊਰਜਾ ਮਿਲਦੀ ਹੈ ਅਤੇ ਸਾਡੀ ਥਕਾਵਟ ਦੂਰ ਹੋ ਜਾਂਦੀ ਹੈ। ਜੇਕਰ ਰਾਤ ਨੂੰ ਕੋਈ ਕੰਮ ਕਰਨਾ ਹੈ ਅਤੇ ਤੁਹਾਨੂੰ ਨੀਂਦ ਆ ਰਹੀ ਹੈ ਤਾਂ ਕੌਫੀ ਪੀਣ ਨਾਲ ਨੀਂਦ ਵੀ ਦੂਰ ਹੋ ਸਕਦੀ ਹੈ। ਕੌਫੀ ਵਿੱਚ ਕੈਫੀਨ ਹੁੰਦਾ ਹੈ ਜੋ ਸਰੀਰ ਲਈ ਹਾਨੀਕਾਰਕ ਮੰਨਿਆ ਜਾਂਦਾ ਹੈ। ਹਾਲਾਂਕਿ, ਕੌਫੀ ਪੀਣ ਨਾਲ ਮੈਟਾਬੋਲਿਜ਼ਮ ਵਿੱਚ ਸੁਧਾਰ ਹੁੰਦਾ ਹੈ ਅਤੇ ਇਹ ਭੁੱਖ ਨੂੰ ਕੰਟਰੋਲ ਕਰਦੀ ਹੈ। ਜਿਸ ਕਾਰਨ ਇਹ ਭਾਰ ਨੂੰ ਕੰਟਰੋਲ ਕਰਨ 'ਚ ਵੀ ਮਦਦਗਾਰ ਹੈ। ਪਰ ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਇਸ ਤੱਤ ਦੇ ਕਾਰਨ ਕੌਫੀ ਪੀਣ ਨਾਲ ਸਾਡਾ ਭਾਰ ਵਧ ਸਕਦਾ ਹੈ। ਪਰ ਇਸ ਗੱਲ ਵਿੱਚ ਕਿੰਨੀ ਕੁ ਸੱਚਾਈ ਹੈ, ਆਓ ਜਾਣਦੇ ਹਾਂ...

ਮਾਹਿਰਾਂ ਦਾ ਮੰਨਣਾ ਹੈ ਕਿ ਕੌਫੀ ਪੀਣ ਨਾਲ ਭਾਰ ਵਧਣ ਦਾ ਇੱਕ ਕਾਰਨ ਕੌਫੀ ਦੇ ਨਾਲ ਪੇਸਟਰੀ ਜਾਂ ਕੋਈ ਮਿੱਠੀ ਚੀਜ਼ ਖਾਣਾ ਜਾਂ ਕੌਫੀ ਵਿੱਚ ਵਾਧੂ ਖੰਡ ਸ਼ਾਮਿਲ ਕਰਨਾ ਹੈ। ਜੇਕਰ ਕੌਫੀ ਦੇ ਨਾਲ ਬ੍ਰੈ਼ਡ ਟੋਸਟ ਜਾਂ ਅੰਡੇ ਵਰਗੀ ਪ੍ਰੋਟੀਨ ਵਾਲੀ ਖੁਰਾਕ ਲਈ ਜਾਵੇ ਤਾਂ ਵਜ਼ਨ ਕੰਟਰੋਲ ਰੱਖਿਆ ਜਾ ਸਕਦਾ ਹੈ। ਦੋਵੇਂ ਚੀਜ਼ਾਂ ਸ਼ੂਗਰ ਦੀ ਲਾਲਸਾ ਨੂੰ ਕੰਟਰੋਲ ਕਰ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਕਈ ਲੋਕ ਸ਼ਾਮ ਨੂੰ ਕੌਫੀ ਪੀਣ ਦੇ ਆਦੀ ਹੁੰਦੇ ਹਨ। ਅਜਿਹੇ 'ਚ ਸ਼ਾਮ ਨੂੰ ਘੱਟ ਤੋਂ ਘੱਟ 100 ਮਿਲੀਲੀਟਰ ਕੌਫੀ ਦਾ ਸੇਵਨ ਕੀਤਾ ਜਾ ਸਕਦਾ ਹੈ। ਨਹੀਂ ਤਾਂ ਇਸ ਦਾ ਨੀਂਦ 'ਤੇ ਬੁਰਾ ਪ੍ਰਭਾਵ ਪੈ ਸਕਦਾ ਹੈ।

ਕੁੱਝ ਗੱਲਾਂ ਨੂੰ ਧਿਆਨ ਵਿੱਚ ਰੱਖ ਕੇ ਤੁਸੀਂ ਆਪਣੇ ਭਾਰ ਨੂੰ ਕੰਟਰੋਲ ਵਿੱਚ ਰੱਖ ਸਕਦੇ ਹੋ : ਬਲੈਕ ਕੌਫੀ ਪੀਣ ਨਾਲ ਸਿਹਤ ਠੀਕ ਰਹਿੰਦੀ ਹੈ। ਦੂਜੇ ਪਾਸੇ, ਦੁੱਧ ਦੇ ਨਾਲ ਕੌਫੀ ਵਿੱਚ ਬਹੁਤ ਸਾਰੀਆਂ ਕੈਲੋਰੀਆਂ ਹੁੰਦੀਆਂ ਹਨ। ਜਿਸ ਕਾਰਨ ਭਾਰ ਵਧ ਸਕਦਾ ਹੈ। ਜੇ ਤੁਸੀਂ ਵਜ਼ਨ ਘਟਾਉਣ ਦੀ ਕੋਸ਼ਿਸ਼ ਕਰ ਰਹੇ ਹੋ ਤੇ ਕੌਫੀ ਪੀਂਦੇ ਹੋ ਤਾਂ ਆਪਣੀ ਕੌਫੀ 'ਚ ਚੀਨੀ ਨਾ ਪਾਓ। ਜੇਕਰ ਤੁਸੀਂ ਕੌਫੀ 'ਚ ਦੁੱਧ ਦੀ ਵਰਤੋਂ ਕਰ ਰਹੇ ਹੋ ਤਾਂ ਬਦਾਮ ਜਾਂ ਨਾਰੀਅਲ ਦੇ ਦੁੱਧ ਦੀ ਵਰਤੋਂ ਕਰੋ। ਕੌਫੀ ਵਿੱਚ ਵਨੀਲਾ ਐਬਸਟਰੈਕਟ ਦੀਆਂ ਕੁਝ ਬੂੰਦਾਂ ਪਾਓ। ਕੌਫੀ ਵਿੱਚ ਦਾਲਚੀਨੀ ਪਾਊਡਰ ਦੀ ਵਰਤੋਂ ਕਰੋ। ਇਸ ਨਾਲ ਮਿੱਠੇ ਦੀ ਲਾਲਸਾ ਘਟੇਗੀ ਤੇ ਤੁਸੀਂ ਭਾਰ ਨੂੰ ਕੰਟਰੋਲ ਵਿੱਚ ਰੱਖ ਸਕੋਗੇ।