ਕੀ Monkeypox ਨੂੰ ਕਵਰ ਕਰਦਾ ਹੈ ਸਿਹਤ ਬੀਮਾ? ਪੜ੍ਹੋ ਇਸਦੀ ਮਹੱਤਤਾ

Monkeypox outbreak : ਕੋਵਿਡ-19 ਦਾ ਖਤਰਾ ਅਜੇ ਵੀ ਟਲਿਆ ਨਹੀਂ ਹੈ ਤੇ ਹੁਣ ਇੱਕ ਨਵੀਂ ਛੂਤ ਦੀ ਬਿਮਾਰੀ ਨੇ ਦਸਤਕ ਦੇ ਦਿੱਤੀ। ਵਿਸ਼ਵ ਸਿਹਤ ਸੰਗਠਨ (WHO) ਦੇ ਅਨੁਸਾਰ, 21 ਮਈ 2022 ਤੱਕ, 12 ਦੇਸ਼ਾਂ ਵਿੱਚ Monkeypox ਦੇ 92 ਮਾਮਲੇ ਦਰਜ ਕੀਤੇ ਗਏ ਹਨ। ਇਨ੍ਹਾਂ ਦੇਸ਼ਾਂ ਵਿਚ ਅਮਰੀਕਾ, ਬ੍ਰਿਟੇਨ, ਪੁਰਤਗਾਲ, ਸਪੇਨ ਅਤੇ ਆਸਟ੍ਰੇਲੀਆ ਵਰਗੇ ਦੇਸ਼ ਸ਼ਾਮਲ ਹਨ। ਬੇਸ਼ੱਕ ਇਹ ਬਿਮਾਰੀ ਕੋਵਿਡ-19 ਜਿੰਨੀ ਖ਼ਤਰਨਾਕ ਨਹੀਂ ਹੈ, ਪਰ ਫਿਰ ਜੇਕਰ ਤੁਸੀਂ ਦੇਸ਼ ਤੋਂ ਬਾਹਰ ਜਾ ਰਹੇ ਹੋ ਤਾਂ ਤੁਹਾਨੂੰ ਕਿਸੇ ਵੀ ਸਥਿਤੀ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਅਜਿਹੀ ਸਥਿਤੀ ਵਿੱਚ, ਤੁਹਾਡਾ ਟ੍ਰੈਵਲ ਅਤੇ ਸਿਹਤ ਬੀਮਾ ਇੱਥੇ ਇੱਕ ਮਹੱਤਵਪੂਰਣ ਭੂਮਿਕਾ ਨਿਭਾਉਂਦੇ ਹਨ। ਇਹ ਜਾਣਨਾ ਮਹੱਤਵਪੂਰਨ ਹੈ ਕਿ ਕੀ ਤੁਹਾਡਾ ਬੀਮਾ Monkeypox ਦੇ ਇਲਾਜ ਦੀ ਲਾਗਤ ਨੂੰ ਕਵਰ ਕਰਦਾ ਹੈ ਜਾਂ ਨਹੀਂ।

ਛੂਤ ਦੀਆਂ ਬਿਮਾਰੀਆਂ ਟ੍ਰੈਵਲ ਅਤੇ ਸਿਹਤ ਬੀਮੇ ਦੇ ਅਧੀਨ ਆਉਂਦੀਆਂ ਹਨਕਿਉਂਕਿ Monkeypox ਇੱਕ ਛੂਤ ਵਾਲੀ ਬਿਮਾਰੀ ਹੈ, ਤੁਹਾਡਾ ਆਮ ਬੀਮਾ ਇਸ ਦੇ ਇਲਾਜ ਲਈ ਹਸਪਤਾਲ ਵਿੱਚ ਦਾਖਲ ਹੋਣ ਦੀ ਲਾਗਤ ਨੂੰ ਕਵਰ ਕਰੇਗਾ।

ਮਨੀਕੰਟਰੋਲ ਦੇ ਇੱਕ ਲੇਖ ਵਿੱਚ, ICICI Lombard General Insurance ਦੇ ਸੰਜੇ ਦੱਤਾ ਨੇ ਕਿਹਾ, “ਜਦੋਂ ਕਿ ਜ਼ਿਆਦਾਤਰ ਟ੍ਰੈਵਲ ਬੀਮਾ ਪਾਲਿਸੀਆਂ Monkeypox ਦੇ ਇਲਾਜ ਦੀ ਲਾਗਤ ਨੂੰ ਕਵਰ ਕਰਨਗੀਆਂ, ਤੁਹਾਨੂੰ ਆਪਣੀ ਪਾਲਿਸੀ ਨੂੰ ਇੱਕ ਵਾਰ ਦੇਖਣਾ ਚਾਹੀਦਾ ਹੈ ਤਾਂ ਜੋ ਤੁਸੀਂ ਇਸ ਨੂੰ ਵਿਸਥਾਰ ਵਿੱਚ ਸਮਝ ਸਕੋ। ਇਸ ਕਾਰਨ ਲੋਕ ਬਿਮਾਰ ਹੋ ਰਹੇ ਹਨ ਪਰ ਹੁਣ ਤੱਕ ਹਸਪਤਾਲ 'ਚ ਦਾਖਲ ਹੋਣ ਦੇ ਬਹੁਤੇ ਮਾਮਲੇ ਸਾਹਮਣੇ ਨਹੀਂ ਆਏ ਹਨ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਅਸੀਂ ਇਲਾਜ ਦਾ ਖਰਚਾ ਚੁੱਕਾਂਗੇ।"

ਪ੍ਰਿਆ ਦੇਸ਼ਮੁਖ ਗਿਲਬਿਲੇ, ਸੀ.ਓ.ਓ., ਮਨੀਪਾਲ ਸਿਗਨਾ ਹੈਲਥ ਇੰਸ਼ੋਰੈਂਸ, (Manipal Signa Health Insurance) ਨੇ ਵੀ ਉਪਰੋਕਤ ਬਿਆਨ ਨੂੰ ਦੁਹਰਾਉਂਦੇ ਹੋਏ ਕਿਹਾ ਕਿ ਆਮ ਤੌਰ 'ਤੇ ਬੀਮਾ ਲੈਣ ਲਈ 24 ਘੰਟਿਆਂ ਲਈ ਹਸਪਤਾਲ ਵਿੱਚ ਭਰਤੀ ਹੋਣਾ ਪੈਂਦਾ ਹੈ। ਇਸ ਤੋਂ ਬਾਅਦ ਤੁਹਾਨੂੰ ਬੀਮੇ ਦਾ ਲਾਭ ਮਿਲਦਾ ਹੈ।

ਮੈਡੀਕਲ ਇਵੈਕਿਊਏਸ਼ਨ
ਦੱਸ ਦਈਏ ਕਿ ਇਸ ਦਾ ਮੁੱਖ ਪ੍ਰਭਾਵ ਯੂਰਪ, ਅਮਰੀਕਾ ਅਤੇ ਆਸਟ੍ਰੇਲੀਆ 'ਚ ਦੇਖਿਆ ਗਿਆ ਹੈ। ਭਾਰਤ ਵਿੱਚ ਅਜੇ ਤੱਕ ਅਜਿਹਾ ਕੋਈ ਮਾਮਲਾ ਸਾਹਮਣੇ ਨਹੀਂ ਆਇਆ ਹੈ। ਜੇਕਰ ਅਜਿਹੀ ਸਥਿਤੀ ਪੈਦਾ ਹੁੰਦੀ ਹੈ ਕਿ ਪਾਲਿਸੀ ਧਾਰਕ ਨੂੰ ਇਲਾਜ ਲਈ ਭਾਰਤ ਲਿਜਾਣਾ ਪੈਂਦਾ ਹੈ, ਤਾਂ ਟ੍ਰੈਵਲ ਨੀਤੀ ਇਸ ਦਾ ਖਰਚਾ ਸਹਿਣ ਕਰੇਗੀ। ਹਾਲਾਂਕਿ, ਜੇਕਰ ਤੁਸੀਂ ਇਲਾਜ ਲਈ ਭਾਰਤ ਆਉਣਾ ਚਾਹੁੰਦੇ ਹੋ, ਤਾਂ ਤੁਹਾਡੀ ਟ੍ਰੈਵਲ ਬੀਮਾ ਪਾਲਿਸੀ ਲਾਗਤ ਨੂੰ ਕਵਰ ਨਹੀਂ ਕਰੇਗੀ। ਇਸ ਦੇ ਲਈ ਤੁਹਾਨੂੰ ਸਿਰਫ ਜਨਰਲ ਇੰਸ਼ੋਰੈਂਸ ਦੇ ਤਹਿਤ ਕਲੇਮ ਕਰਨਾ ਹੋਵੇਗਾ।