ਇੱਕ ਦੂਜੇ ਨੂੰ ਸਮਾਂ ਨਾ ਦੇਣ ਕਾਰਨ ਰਿਸ਼ਤੇ 'ਚ ਆ ਜਾਂਦੀ ਹੈ ਦੂਰੀ, ਇਹ Tips ਕੰਮ ਆਉਣਗੇ

Relationship Tips: ਪਿਆਰ ਵਿੱਚ ਇੱਕ ਦੂਜੇ ਦਾ ਸਾਥ ਦੇਣਾ ਤੇ ਇਕੱਠੇ ਸਮਾਂ ਬਿਤਾਉਣਾ ਬਹੁਤ ਜ਼ਰੂਰੀ ਹੈ। ਕਈ ਵਾਰ ਅਸੀਂ ਨਾਲ ਰਹਿੰਦੇ ਹੋਏ ਵੀ ਇਕੱਠੇ ਸਮਾਂ ਨਹੀਂ ਬਿਤਾ ਪਾਉਂਦੇ, ਜਿਸ ਦੇ ਨਤੀਜੇ ਵਜੋਂ ਪਿਆਰ ਵਿੱਚ ਦੂਰੀ ਵੱਧ ਜਾਂਦੀ ਹੈ। ਅੱਜ ਦੇ ਸਮੇਂ ਵਿੱਚ ਜ਼ਿੰਦਗੀ ਦੇ ਰੁਝੇਵਿਆਂ ਕਾਰਨ ਅਜਿਹਾ ਹੋਣਾ ਆਮ ਜਿਹਾ ਲਗਦਾ ਹੈ। ਕਈ ਵਾਰ ਸਾਥੀ ਦਾ ਕੰਮ ਕਾਜ ਵਿੱਚ ਬਿਜ਼ੀ ਰਹਿਣਾ ਝਗੜੇ ਦਾ ਕਾਰਨ ਵੀ ਬਣ ਜਾਂਦਾ ਹੈ। ਪਰ ਜੇ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡਾ ਸਾਥੀ ਦੇ ਰੁਝੇਵੇਂ ਰਿਸ਼ਤੇ ਨੂੰ ਫਿੱਕਾ ਨਾ ਪਾਉਣ ਤਾਂ ਤੁਹਾਨੂੰ ਕੁੱਝ Tips ਅਪਣਾਉਣੇ ਪੈਣਗੇ। ਯਕੀਨ ਬਣਾਓ, ਇਨ੍ਹਾਂ ਟਿਪਸ ਦੀ ਮਦਦ ਨਾਲ ਤੁਹਾਡੇ ਵਿੱਚ ਨੇੜਤਾ ਆ ਜਾਵੇਗੀ।

ਹਰ ਗੱਲ ਖੁੱਲ੍ਹ ਕੇ ਕਹਿਣਾ ਸਿੱਖੋ : ਕਈ ਵਾਰ ਸਾਥੀ ਨੂੰ ਆਪਣੀ ਵਿਅਸਤਤਾ ਦਾ ਅਹਿਸਾਸ ਹੀ ਨਹੀਂ ਹੁੰਦਾ। ਇਸ ਲਈ ਖੁੱਲ੍ਹ ਕੇ ਆਪਣੀ ਗੱਲ ਦੱਸਣਾ ਸਿੱਖੋ। ਜੇ ਤੁਹਾਨੂੰ ਲਗਦਾ ਹੈ ਕਿ ਤੁਹਾਡਾ ਸਾਥੀ ਤੁਹਾਨੂੰ ਸਮਾਂ ਨਹੀਂ ਦੇ ਪਾ ਰਿਹਾ ਤਾਂ ਤੁਸੀਂ ਉਸ ਨਾਲ ਇਸ ਬਾਰੇ ਗੱਲ ਕਰ ਸਕਦੇ ਹੋ। ਇਸ ਨਾਲ ਤੁਸੀਂ ਦੋਵੇਂ ਇੱਕਦੂਜੇ ਨੂੰ ਸਮਝ ਪਾਓਗੇ ਤੇ ਇੱਕ ਦੂਜੇ ਦੀਆਂ ਲੋੜਾਂ ਨੂੰ ਵੀ ਜਾਣ ਪਾਓਗੇ। ਇਸ ਨਾਲ ਰਿਸ਼ਤਾ ਹੋਰ ਵੀ ਮਜ਼ਬੂਤ ਹੋਵੇਗਾ।

ਇੱਕ ਦੂਜੇ ਲਈ ਕੁੱਝ ਖਾਸ ਕਰਦੇ ਰਹੋ : ਰਿਸ਼ਤੇ ਨੂੰ ਖਾਸ ਬਣਾਉਣ ਲਈ ਸਮੇਂ-ਸਮੇਂ 'ਤੇ ਕੁਝ ਦਿਲਚਸਪ ਕਰਦੇ ਰਹਿਣਾ ਚਾਹੀਦਾ ਹੈ। ਅਜਿਹੇ 'ਚ ਜੇਕਰ ਪਾਰਟਨਰ ਕੋਲ ਸਮਾਂ ਨਹੀਂ ਹੈ ਤਾਂ ਤੁਸੀਂ ਉਸ ਲਈ ਸਰਪ੍ਰਾਈਜ਼ ਗਿਫਟ ਦੇਣ ਦੀ ਯੋਜਨਾ ਬਣਾ ਸਕਦੇ ਹੋ। ਦੂਜੇ ਪਾਸੇ, ਤੁਸੀਂ ਆਪਣੇ ਪਾਰਟਨਰ ਨੂੰ ਉਸ ਦੀ ਮਨਪਸੰਦ ਚੀਜ਼ ਗਿਫਟ ਕਰਕੇ ਇਸ ਪਲ ਨੂੰ ਖਾਸ ਬਣਾ ਸਕਦੇ ਹੋ।

ਇਕੱਠੇ ਪਲਾਨ ਬਣਾਉਣ ਦੀ ਕੋਸ਼ਿਸ਼ ਕਰੋ : ਕੰਮ ਦੇ ਰੁਝੇਵਿਆਂ ਕਾਰਨ ਇੱਕ ਦੂਜੇ ਨੂੰ ਸਮਾਂ ਨਾ ਦੇ ਸਕਣਾ ਅੱਜ ਕਲ ਦੇ ਰਿਸ਼ਤਿਆਂ ਦੀ ਮੁੱਖ ਸਮੱਸਿਆ ਬਣ ਗਈ ਹੈ। ਇਸ ਤੋਂ ਛੁਟਕਾਰਾ ਪਾਉਣ ਲਈ ਕੋਈ ਖਾਸ ਪਲਾਨ ਬਣਾਉਣ ਦੀ ਥਾਂ ਘਰ ਦੇ ਕੰਮ ਇਕੱਠੇ ਕਰਨ ਦੀ ਕੋਸ਼ਿਸ਼ ਕਰੋ। ਇਕੱਠੇ ਘਰ ਦਾ ਸਾਮਾਨ ਲੈਣ ਦੀ ਯੋਜਨਾ ਬਣਾਓ। ਇਸ ਨਾਲ ਤੁਸੀਂ ਜ਼ਿਆਦਾ ਤੋਂ ਜ਼ਿਆਦਾ ਸਮਾਂ ਇਕੱਠੇ ਬਿਤਾ ਸਕੋਗੇ।

ਇਸ ਤੋਂ ਇਲਾਵਾ ਆਪਣੇ ਸਾਥੀ ਵੱਲੋਂ ਸਮਾਂ ਨਾ ਦੇ ਸਕਣ ਕਾਰਨ ਉਦਾਸ ਨਾ ਹੋਵੋ। ਇਸ ਕਾਰਨ ਨਾ ਸਿਰਫ ਤੁਹਾਡਾ ਮੂਡ ਖਰਾਬ ਹੋਵੇਗਾ, ਸਗੋਂ ਪਾਰਟਨਰ ਨੂੰ ਵੀ ਠੀਕ ਤਰ੍ਹਾਂ ਨਾਲ ਕੰਮ ਕਰਨਾ ਔਖਾ ਹੋ ਜਾਵੇਗਾ। ਇਸ ਲਈ ਆਪਣੇ ਸਾਥੀ ਨੂੰ ਥੋੜ੍ਹਾ ਸਮਾਂ ਦਿਓ ਅਤੇ ਵੱਧ ਤੋਂ ਵੱਧ ਖੁਸ਼ ਰਹਿਣ ਦੀ ਕੋਸ਼ਿਸ਼ ਕਰੋ। ਇਸ ਨਾਲ ਤੁਹਾਡਾ ਰਿਸ਼ਤਾ ਵੀ ਮਜ਼ਬੂਤ ਹੋਵੇਗਾ।