Home /News /lifestyle /

Elon Musk ਦੇਣਗੇ ਟਵਿੱਟਰ ਨੂੰ ਟੱਕਰ, ਟਵੀਟ ਕਰ ਦਿੱਤਾ ਇਸ਼ਾਰਾ

Elon Musk ਦੇਣਗੇ ਟਵਿੱਟਰ ਨੂੰ ਟੱਕਰ, ਟਵੀਟ ਕਰ ਦਿੱਤਾ ਇਸ਼ਾਰਾ

twitter

twitter

ਟਵਿੱਟਰ ਦੇ ਖਿਲਾਫ ਚੱਲ ਰਹੀ ਕਾਨੂੰਨੀ ਲੜਾਈ ਦੇ ਵਿਚਕਾਰ ਐਲੋਨ ਮਸਕ ਨੇ ਟਵਿੱਟਰ ਦੇ ਕੰਪੀਟੀਟਰ ਦੇ ਵਜੋਂ ਆਪਣੀ ਖੁਦ ਦੀ ਸੋਸ਼ਲ ਮੀਡੀਆ ਸਾਈਟ X.com ਸ਼ੁਰੂ ਕਰਨ ਦਾ ਸੰਕੇਤ ਦਿੱਤਾ ਹੈ।

  • Share this:
ਟੇਸਲਾ ਦੇ ਸੀਈਓ ਐਲੋਨ ਮਸਕ (Tesla CEO Elon Musk) ਨੇ ਟਵਿੱਟਰ (Twitter) ਦੇ ਖਿਲਾਫ ਚੱਲ ਰਹੀ ਕਾਨੂੰਨੀ ਲੜਾਈ ਦੇ ਵਿਚਕਾਰ ਟਵਿੱਟਰ ਨਾਲ ਮੁਕਾਬਲਾ ਕਰਨ ਲਈ ਆਪਣੀ ਸੋਸ਼ਲ ਮੀਡੀਆ ਸਾਈਟ (social media site)ਲਾਂਚ ਕਰਨ ਦਾ ਸੰਕੇਤ ਦਿੱਤਾ ਹੈ। ਮਸਕ ਨੇ ਇੱਕ ਸੰਭਾਵਿਤ ਨਵੇਂ ਸੋਸ਼ਲ ਮੀਡੀਆ ਪਲੇਟਫਾਰਮ 'X.com' ਦਾ ਸੰਕੇਤ ਦਿੰਦੇ ਹੋਏ ਇੱਕ ਟਵੀਟ ਕੀਤਾ।

ਦੱਸ ਦੇਈਏ ਕਿ ਇੱਕ ਸੋਸ਼ਲ ਮੀਡੀਆ ਉਪਭੋਗਤਾ ਨੇ ਅਲੋਨ ਮਸਕ (Tesla CEO Elon Musk) ਨੂੰ ਪੁੱਛਿਆ ਸੀ ਕਿ ਕੀ ਉਸਨੇ ਆਪਣਾ ਸੋਸ਼ਲ ਪਲੇਟਫਾਰਮ ਬਣਾਉਣ ਬਾਰੇ ਸੋਚਿਆ ਹੈ? ਜਵਾਬ ਵਿੱਚ, ਮਸਕ ਨੇ ਸਿਰਫ਼ 'X.com' ਲਿਖ ਕੇ ਜਵਾਬ ਦਿੱਤਾ। ਉਨ੍ਹਾਂ ਦਾ ਇਹ ਟਵੀਟ ਅਜਿਹੇ ਸਮੇਂ 'ਚ ਸਾਹਮਣੇ ਆਇਆ ਹੈ ਜਦੋਂ ਮਸਕ ਟਵਿਟਰ ਨਾਲ ਕਾਨੂੰਨੀ ਲੜਾਈ ਲੜ ਰਹੇ ਹਨ।

ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ X.com ਦੋ ਦਹਾਕੇ ਪਹਿਲਾਂ ਇੱਕ ਸਟਾਰਟਅਪ ਮਸਕ ਦਾ ਡੋਮੇਨ ਨਾਮ ਹੁੰਦਾ ਸੀ, ਜਿਸਨੂੰ ਉਸਨੇ ਬਾਅਦ ਵਿੱਚ ਵਿੱਤੀ ਸੇਵਾ ਕੰਪਨੀ ਪੇਪਾਲ ਨਾਲ ਮਿਲਾਇਆ। ਧਿਆਨਯੋਗ ਹੈ ਕਿ ਮਸਕ ਨੇ ਪਿਛਲੇ ਹਫ਼ਤੇ ਟੇਸਲਾ ਦੀ ਸਾਲਾਨਾ ਸ਼ੇਅਰਹੋਲਡਰ ਮੀਟਿੰਗ ਦੌਰਾਨ ਵੀ ਵੈੱਬਸਾਈਟ ਬਾਰੇ ਗੱਲ ਕੀਤੀ ਸੀ। ਇਸ ਦੌਰਾਨ, ਮਸਕ ਨੇ ਕਥਿਤ ਤੌਰ 'ਤੇ ਕਿਹਾ, 'ਮੈਨੂੰ ਲਗਦਾ ਹੈ ਕਿ ਮੇਰੇ ਕੋਲ ਐਕਸ ਕਾਰਪੋਰੇਸ਼ਨ ਲਈ ਇੱਕ ਵੱਡਾ ਵਿਜ਼ਨ ਹੈ। ਇਹ ਇੱਕ ਬਹੁਤ ਹੀ ਸ਼ਾਨਦਾਰ ਦ੍ਰਿਸ਼ਟੀਕੋਣ ਹੈ ਅਤੇ ਨਿਸ਼ਚਿਤ ਤੌਰ 'ਤੇ, ਇਸ ਨੂੰ ਸਕ੍ਰੈਚ ਤੋਂ ਸ਼ੁਰੂ ਕੀਤਾ ਜਾ ਸਕਦਾ ਹੈ। ਇਸਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਮੈਨੂੰ ਲਗਦਾ ਹੈ ਕਿ ਟਵਿੱਟਰ ਤਿੰਨ ਤੋਂ ਪੰਜ ਸਾਲਾਂ ਵਿੱਚ ਤੇਜ਼ੀ ਲਿਆਵੇਗਾ।

ਟਵਿੱਟਰ ਨਾਲ ਐਲੋਨ ਮਸਕ ਦਾ ਝਗੜਾ

ਐਲੋਨ ਮਸਕ ਟਵਿਟਰ (Twitter) ਨਾਲ ਕਾਨੂੰਨੀ ਲੜਾਈ ਲੜ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਟਵਿਟਰ ਨੇ ਹਾਲ ਹੀ 'ਚ 44 ਅਰਬ ਅਮਰੀਕੀ ਡਾਲਰ ਦੇ ਐਕਵਾਇਰ ਡੀਲ ਤੋਂ ਹਟਣ ਤੋਂ ਬਾਅਦ ਮਸਕ 'ਤੇ ਮੁਕੱਦਮਾ ਕੀਤਾ ਸੀ। ਇਸ ਤੋਂ ਪਹਿਲਾਂ ਅਪ੍ਰੈਲ ਵਿੱਚ, ਮਸਕ ਨੇ ਟਵਿੱਟਰ (Twitter) ਦੇ ਨਾਲ ਲਗਭਗ 54.20 ਅਮਰੀਕੀ ਡਾਲਰ ਪ੍ਰਤੀ ਸ਼ੇਅਰ ਦੇ ਹਿਸਾਬ ਨਾਲ ਲਗਭਗ 44 ਅਰਬ ਡਾਲਰ ਦੇ ਹਿਸਾਬ ਨਾਲ ਇੱਕ ਐਕਵਾਇਰ ਸਮਝੌਤਾ ਕੀਤਾ ਸੀ।ਇੱਥੇ ਜ਼ਿਕਰਯੋਗ ਹੈ ਕਿ ਮਸਕ ਨੇ ਫਿਰ ਮਾਈਕ੍ਰੋਬਲਾਗਿੰਗ ਵੈੱਬਸਾਈਟ 'ਤੇ ਰਲੇਵੇਂ ਦੇ ਸਮਝੌਤੇ ਦੀ ਉਲੰਘਣਾ ਕਰਨ ਦਾ ਖੁੱਲ੍ਹੇਆਮ ਦੋਸ਼ ਲਗਾਇਆ।
Published by:Sarafraz Singh
First published:

ਅਗਲੀ ਖਬਰ