• Home
  • »
  • News
  • »
  • lifestyle
  • »
  • EPFO WILL CREDIT INTEREST FOR 2021 22 SOON DO YOU KNOW HOW TO CHECK YOUR BALANCE GH AP AS

EPFO Update: ਕਰਮਚਾਰੀਆਂ ਦੇ PF ਖਾਤੇ 'ਚ ਜਲਦ ਆਵੇਗਾ ਵਿਆਜ, ਜਾਣੋ ਬੈਲੇਂਸ ਚੈੱਕ ਕਰਨ ਦਾ ਤਰੀਕਾ

ਈਪੀਐਫਓ ਟਰੱਸਟ (EPFO Trust) ਨੇ ਮਾਰਚ ਵਿੱਚ ਹੋਈ ਆਪਣੀ ਮੀਟਿੰਗ ਵਿੱਚ ਵਿੱਤੀ ਸਾਲ 2021-22 ਲਈ ਪੀਐਫ ਖਾਤੇ 'ਤੇ 8.10 ਪ੍ਰਤੀਸ਼ਤ ਵਿਆਜ ਦੇਣ ਦਾ ਫੈਸਲਾ ਕੀਤਾ ਹੈ। ਫਿਲਹਾਲ ਇਹ ਪ੍ਰਸਤਾਵ ਮਨਜ਼ੂਰੀ ਲਈ ਵਿੱਤ ਮੰਤਰਾਲੇ ਨੂੰ ਭੇਜਿਆ ਗਿਆ ਹੈ ਪਰ ਸੂਤਰਾਂ ਦਾ ਕਹਿਣਾ ਹੈ ਕਿ ਮੰਤਰਾਲਾ ਇਸ ਦੀ ਹੋਰ ਸਮੀਖਿਆ ਕਰਨ ਦੀ ਬਜਾਏ ਜਲਦੀ ਹੀ ਇਸ ਨੂੰ ਮਨਜ਼ੂਰੀ ਦੇ ਦੇਵੇਗਾ।

  • Share this:
ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (Employee Provident Fund Organisation) ਇਸ ਸਾਲ ਆਪਣੇ ਕਰੋੜਾਂ ਗਾਹਕਾਂ ਨੂੰ ਵੱਡਾ ਤੋਹਫਾ ਦੇ ਸਕਦਾ ਹੈ। ਈਪੀਐਫਓ ਨਾਲ ਜੁੜੇ ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਸਾਲ ਪੀਐਫ ਖਾਤੇ ਵਿੱਚ ਵਿਆਜ ਦੀ ਰਕਮ ਜਲਦੀ ਆ ਜਾਵੇਗੀ।

ਦਰਅਸਲ, ਦੇਸ਼ ਭਰ ਦੇ ਸਾਰੇ ਕਰਮਚਾਰੀਆਂ ਦਾ ਰਿਕਾਰਡ EPFO ​​ਕੋਲ ਹੈ, ਜੋ ਕਰਮਚਾਰੀਆਂ ਦੀ ਤਨਖਾਹ ਵਿੱਚੋਂ ਹਰ ਮਹੀਨੇ ਇੱਕ ਨਿਸ਼ਚਿਤ ਰਕਮ ਕੱਟਦਾ ਹੈ ਅਤੇ ਸੇਵਾਮੁਕਤੀ 'ਤੇ ਮੋਟੀ ਰਕਮ ਵਜੋਂ ਕਰਮਚਾਰੀ ਨੂੰ ਵਾਪਸ ਕਰਦਾ ਹੈ। ਇਸ ਤੋਂ ਇਲਾਵਾ ਤਨਖ਼ਾਹ ਵਿੱਚੋਂ ਕੱਟੀ ਗਈ ਰਕਮ ਦੇ ਹਿਸਾਬ ਨਾਲ ਕਰਮਚਾਰੀ ਨੂੰ ਈਪੀਐਫਓ ਤੋਂ ਪੈਨਸ਼ਨ ਵੀ ਮਿਲਦੀ ਹੈ।

EPFO ਹਰ ਸਾਲ ਤਨਖ਼ਾਹ ਵਿੱਚੋਂ ਕੱਟੀ ਗਈ ਰਕਮ 'ਤੇ ਵਿਆਜ ਅਦਾ ਕਰਦਾ ਹੈ, ਜਿਸ ਦਾ ਫੈਸਲਾ ਉਸਦੇ ਟਰੱਸਟ ਦੁਆਰਾ ਕੀਤਾ ਜਾਂਦਾ ਹੈ ਅਤੇ ਵਿੱਤ ਮੰਤਰਾਲੇ ਦੀ ਮਨਜ਼ੂਰੀ ਤੋਂ ਬਾਅਦ, ਵਿਆਜ ਦੀ ਰਕਮ ਖਾਤੇ ਵਿੱਚ ਜਮ੍ਹਾ ਕਰ ਦਿੱਤੀ ਜਾਂਦੀ ਹੈ।

ਵਿੱਤ ਮੰਤਰਾਲੇ ਦੀ ਮਨਜ਼ੂਰੀ ਦੀ ਹੈ ਉਡੀਕ
ਈਪੀਐਫਓ ਟਰੱਸਟ (EPFO Trust) ਨੇ ਮਾਰਚ ਵਿੱਚ ਹੋਈ ਆਪਣੀ ਮੀਟਿੰਗ ਵਿੱਚ ਵਿੱਤੀ ਸਾਲ 2021-22 ਲਈ ਪੀਐਫ ਖਾਤੇ 'ਤੇ 8.10 ਪ੍ਰਤੀਸ਼ਤ ਵਿਆਜ ਦੇਣ ਦਾ ਫੈਸਲਾ ਕੀਤਾ ਹੈ। ਫਿਲਹਾਲ ਇਹ ਪ੍ਰਸਤਾਵ ਮਨਜ਼ੂਰੀ ਲਈ ਵਿੱਤ ਮੰਤਰਾਲੇ ਨੂੰ ਭੇਜਿਆ ਗਿਆ ਹੈ ਪਰ ਸੂਤਰਾਂ ਦਾ ਕਹਿਣਾ ਹੈ ਕਿ ਮੰਤਰਾਲਾ ਇਸ ਦੀ ਹੋਰ ਸਮੀਖਿਆ ਕਰਨ ਦੀ ਬਜਾਏ ਜਲਦੀ ਹੀ ਇਸ ਨੂੰ ਮਨਜ਼ੂਰੀ ਦੇ ਦੇਵੇਗਾ।

ਦਰਅਸਲ, ਇਸ ਵਾਰ ਦੀ ਪੇਸ਼ਕਸ਼ ਕੀਤੀ ਗਈ ਵਿਆਜ ਦਰ ਪਿਛਲੇ ਚਾਰ ਦਹਾਕਿਆਂ ਵਿੱਚ ਸਭ ਤੋਂ ਘੱਟ ਹੈ। ਇਸ ਲਈ ਕਿਆਸ ਲਗਾਏ ਜਾ ਰਹੇ ਹਨ ਕਿ ਇਸ ਸਾਲ ਜਲਦੀ ਹੀ ਵਿਆਜ ਦਾ ਪੈਸਾ ਖਾਤੇ ਵਿੱਚ ਆ ਜਾਵੇਗਾ।

ਕਦੋਂ ਆਵੇਗਾ ਪੈਸਾ
ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਸਾਲ ਦੁਸਹਿਰੇ ਜਾਂ ਦੀਵਾਲੀ ਤੱਕ ਵਿਆਜ ਦੀ ਰਕਮ ਗਾਹਕਾਂ ਦੇ ਖਾਤੇ ਵਿੱਚ ਭੇਜ ਦਿੱਤੀ ਜਾਵੇਗੀ। ਆਮ ਤੌਰ 'ਤੇ, ਇਸ ਵਿਆਜ ਦੇ ਪੈਸੇ ਨੂੰ ਆਉਣ ਲਈ ਦਸੰਬਰ ਤੱਕ ਦਾ ਸਮਾਂ ਲੱਗਦਾ ਹੈ। ਇਸ ਸਾਲ ਫਰਵਰੀ 'ਚ ਈਪੀਐੱਫਓ ਨੇ ਆਪਣੇ ਨਾਲ 12.37 ਲੱਖ ਨਵੇਂ ਖਾਤੇ ਜੋੜ ਲਏ ਹਨ। ਜੇਕਰ ਈ.ਪੀ.ਐੱਫ.ਓ. ਵਿਆਜ ਦਾ ਪੈਸਾ ਜਲਦੀ ਅਦਾ ਕਰਦਾ ਹੈ ਤਾਂ ਹੀ ਫਾਇਦਾ ਹੋਵੇਗਾ, ਕਿਉਂਕਿ ਹੁਣ ਹੋ ਰਹੇ ਸਾਰੇ ਸਮਝੌਤੇ ਪਿਛਲੇ ਸਾਲ ਦੀ ਵਿਆਜ ਦਰ 'ਤੇ ਹੀ ਕੀਤੇ ਜਾਣੇ ਹਨ, ਜੋ ਕਿ 8.5 ਫੀਸਦੀ ਸੀ। ਅਜਿਹੇ 'ਚ ਨਵੀਂ ਵਿਆਜ ਦਰ ਲਾਗੂ ਹੋਣ ਤੋਂ ਬਾਅਦ ਈਪੀਐੱਫਓ ਨੂੰ ਸੈਟਲਮੈਂਟ 'ਚ ਘੱਟ ਵਿਆਜ ਦੇਣਾ ਪਵੇਗਾ।

ਇਸ ਤਰ੍ਹਾਂ ਚੈੱਕ ਕਰੋ ਖਾਤੇ ਦਾ ਬੈਲੇਂਸ

  • ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ www.epfindia.gov.in 'ਤੇ ਜਾਓ ਅਤੇ For Employees ਚੁਣਨ ਤੋਂ ਬਾਅਦ Our Services ਦੀ ਚੋਣ ਕਰੋ

  • ਇੱਥੇ ਤੁਸੀਂ Member Passbook ਨੂੰ ਚੁਣ ਕੇ ਆਪਣਾ UAN ਅਤੇ ਪਾਸਵਰਡ ਦਰਜ ਕਰੋਗੇ

  • ਬੈਲੇਂਸ ਚੈੱਕ ਕਰਨ ਲਈ, ਇਹ ਜ਼ਰੂਰੀ ਹੈ ਕਿ ਤੁਹਾਡਾ UAN ਐਕਟੀਵੇਟ ਹੋਵੇ

  • ਜੇਕਰ ਤੁਹਾਡੇ ਕੋਲ UAN ਨਹੀਂ ਹੈ, ਤਾਂ ਸਭ ਤੋਂ ਪਹਿਲਾਂ epfoservices.in 'ਤੇ ਜਾਓ ਅਤੇ ਆਪਣਾ ਰਾਜ ਚੁਣੋ ਅਤੇ office link 'ਤੇ ਕਲਿੱਕ ਕਰੋ

  • ਇੱਥੇ ਆਪਣਾ ਪੀਐਫ ਖਾਤਾ ਨੰਬਰ, ਨਾਮ, ਰਜਿਸਟਰਡ ਮੋਬਾਈਲ ਨੰਬਰ ਦਰਜ ਕਰਕੇ ਇਸ ਨੂੰ ਜਮ੍ਹਾਂ ਕਰੋ, ਤਾਂ ਤੁਹਾਨੂੰ ਯੂ.ਏ.ਐਨ.

  • ਇਸ ਤੋਂ ਬਾਅਦ, ਤੁਸੀਂ ਉੱਪਰ ਦਿੱਤੀ ਪ੍ਰਕਿਰਿਆ ਦੁਆਰਾ ਆਸਾਨੀ ਨਾਲ ਆਪਣੇ ਪੀਐਫ ਖਾਤੇ ਦਾ ਬੈਲੇਂਸ ਚੈੱਕ ਕਰਨ ਦੇ ਯੋਗ ਹੋਵੋਗੇ

Published by:Amelia Punjabi
First published: