ਵੱਡੀ ਰਾਹਤ! ਹੁਣ ESI ਲਾਭਪਾਤਰੀ ਪ੍ਰਾਈਵੇਟ ਹਸਪਤਾਲ 'ਚ ਇਲਾਜ ਕਰਵਾ ਸਕਣਗੇ

ਸਰਕਾਰ ਨੇ ESI ਲਾਭਪਾਤਰੀਆਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਹੁਣ ਈਐਸਆਈ ਸਿਹਤ ਬੀਮਾ ਯੋਜਨਾ ਦੇ ਲਾਭਪਾਤਰੀਆਂ ਨੂੰ ਘਰ ਦੇ ਨਜ਼ਦੀਕ  ਨਿੱਜੀ ਹਸਪਤਾਲ ਵਿਚ ਇਲਾਜ ਦੀ ਸਹੂਲਤ  ਦਿੱਤੀ ਹੈ। ਕਿਰਤ ਮੰਤਰਾਲੇ ਨੇ ਵੀਰਵਾਰ ਨੂੰ ਆਪਣੇ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ ਲਾਭਪਾਤਰੀ ਜਿਨ੍ਹਾਂ ਕੋਲ ਨਿਵਾਸ ਦੇ 10 ਕਿਲੋਮੀਟਰ ਦੇ ਘੇਰੇ ਵਿੱਚ ਈਐਸਆਈਸੀ ਹਸਪਤਾਲ ਨਹੀਂ ਹੈ, ਉਹ ਈਐਸਆਈਸੀ ਪੈਨਲ ਵਿਚ ਸ਼ਾਮਿਲ ਨੇੜੇ ਦੇ ਨਿੱਜੀ ਹਸਪਤਾਲਾਂ ਵਿੱਚ ਇਲਾਜ ਕਰਵਾ ਸਕਦੇ ਹਨ। ਕਿਰਤ ਮੰਤਰਾਲੇ ਦੇ ਬਿਆਨ ਅਨੁਸਾਰ ਨਵੇਂ ਖੇਤਰਾਂ ਵਿੱਚ ਵੀ ਈਐਸਆਈ ਸਕੀਮ ਦੇ ਵਿਸਥਾਰ ਨਾਲ ਲਾਭਪਾਤਰੀਆਂ ਦੀ ਗਿਣਤੀ ਵਿੱਚ ਵੱਡਾ ਵਾਧਾ ਹੋਇਆ ਹੈ। ਅਜਿਹੀ ਸਥਿਤੀ ਵਿਚ, ਹੁਣ ਉਨ੍ਹਾਂ ਦੀ ਰਿਹਾਇਸ਼ ਦੇ ਨੇੜੇ ਡਾਕਟਰੀ ਸਹੂਲਤਾਂ ਪ੍ਰਦਾਨ ਕਰਨ ਲਈ ਬੁਨਿਆਦੀ ਢਾਂਚੇ ਦਾ ਨਿਰੰਤਰ ਵਿਸਥਾਰ ਕੀਤਾ ਜਾ ਰਿਹਾ ਹੈ।

ਕਿਰਤ ਮੰਤਰਾਲੇ ਨੇ ਕਿਹਾਹੈ ਕਿ ਇਸ ਸਮੇਂ ਲਾਭਪਾਤਰੀਆਂ ਨੂੰ ਈਐਸਆਈ ਹਸਪਤਾਲ, ਡਿਸਪੈਂਸਰੀ ਜਾਂ ਬੀਮਾਯੁਕਤ ਮੈਡੀਕਲ ਪ੍ਰੈਕਟੀਸ਼ਨਰ (ਆਈਐਮਪੀ) 10 ਕਿਲੋਮੀਟਰ ਦੇ ਘੇਰੇ ਵਿਚ ਨਾ ਹੋਣ ਕਾਰਨ ਕੁਝ ਖੇਤਰਾਂ ਵਿਚ ਡਾਕਟਰੀ ਸਹੂਲਤ ਪ੍ਰਾਪਤ ਕਰਨ ਵਿਚ ਮੁਸ਼ਕਲ ਪੇਸ਼ ਆ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ, ਈਐਸਆਈ ਲਾਭਪਾਤਰੀਆਂ ਨੂੰ ਹੁਣ ਦੇਸ਼ ਵਿੱਚ ਈਐਸਆਈਸੀ ਦੇ ਅਧਿਕਾਰਤ ਹਸਪਤਾਲਾਂ ਵਿੱਚ ਸਿਹਤ ਸੰਭਾਲ ਸਹੂਲਤਾਂ ਪ੍ਰਾਪਤ ਕਰਨ ਦਾ ਵਿਕਲਪ ਦਿੱਤਾ ਗਿਆ ਹੈ। ਇਸਦੇ ਲਈ ਲਾਭਪਾਤਰੀ ਨੂੰ ਕਿਸੇ ਈਐਸਆਈਸੀ ਹਸਪਤਾਲ ਤੋਂ ਮਨਜ਼ੂਰੀ ਲੈਣ ਦੀ ਜ਼ਰੂਰਤ ਨਹੀਂ ਹੋਏਗੀ।

ਕਿਰਤ ਮੰਤਰਾਲੇ  ਅਨੁਸਾਰ  ਅਜਿਹੇ ਖੇਤਰਾਂ ਵਿੱਚ ਲਾਭਪਾਤਰੀਆਂ ਨੂੰ ਓਪੀਡੀ ਸੇਵਾਵਾਂ ਮੁਫਤ ਵਿੱਚ ਪ੍ਰਾਪਤ ਕਰਨ ਅਤੇ ਆਪਣੇ ਈਐਸਆਈ ਸ਼ਨਾਖਤੀ ਕਾਰਡ ਜਾਂ ਸਿਹਤ ਪਾਸਬੁੱਕ ਦਿਖਾਉਣੀ ਹੋਵੇਗੀ।  ਇਸ ਤੋਂ ਇਲਾਵਾ ਆਧਾਰ ਕਾਰਡ ਲੈਕੇ ਜਾਣਾ ਵੀ ਜ਼ਰੂਰੀ ਹੋਏਗਾ। ਅਜਿਹੇ ਲਾਭਪਾਤਰੀ ਕੋਲ ਓਪੀਡੀ ਵਿਚ ਡਾਕਟਰ ਦੁਆਰਾ ਨਿਰਧਾਰਤ ਕੀਤੀਆਂ ਦਵਾਈਆਂ ਦੀ ਅਦਾਇਗੀ ਵਾਪਸ ਲੈਣ ਦੀ ਸਹੂਲਤ ਹੋਵੇਗੀ।ਲਾਭਪਾਤਰੀ ਨੂੰ ਇਹ ਸਹੂਲਤ  ਪ੍ਰਾਪਤ ਕਰਨ ਲਈ ਫਾਰਮੇਸੀ ਅਤੇ ਬ੍ਰਾਂਚ ਆਫ਼ਿਸ ਜਾਂ ਈਐਸਆਈਸੀ ਖੇਤਰੀ ਦਫਤਰ ਜਾਣਾ ਪਵੇਗਾ। ਜੇ ਲਾਭਪਾਤਰੀ ਨੂੰ ਹਸਪਤਾਲ ਵਿਚ ਦਾਖਲ ਹੋਣਾ ਪੈਂਦਾ ਹੈ, ਤਾਂ ਖਾਲੀ ਹਸਪਤਾਲ ਨੂੰ 24 ਘੰਟਿਆਂ ਦੇ ਅੰਦਰ, ਆਨਲਾਈਨ ਰਾਹੀ ਈਐਸਆਈ ਦੇ ਅਧਿਕਾਰਤ ਅਧਿਕਾਰੀ ਤੋਂ ਆਗਿਆ ਲੈਣੀ ਪਏਗੀ।