Fixed Deposit: Yes ਬੈਂਕ ਨੇ ਵਧਾਈਆਂ FD ਵਿਆਜ ਦਰਾਂ, ਹੁਣ ਮਿਲੇਗਾ 7% ਤੱਕ ਵਿਆਜ

ਰੇਪੋ ਰੇਟ (Repo Rate) ਵਿੱਚ ਵਾਧੇ ਦੇ ਅਸਰ ਦੇ ਚਲਦੇ ਹੋਏ ਲਗਭਗ ਸਾਰੀਆਂ ਸਰਕਾਰੀ (PNB, SBI ਆਦਿ) ਅਤੇ ਪ੍ਰਾਈਵੇਟ ਬੈਂਕਾਂ (ਆਰਬੀਐਲ ਬੈਂਕ, ਐਕਸਿਸ ਬੈਂਕ, ਸੀਐਸਬੀ ਬੈਂਕ ਲਿਮਿਟੇਡ, ਕੋਟਕ ਮਹਿੰਦਰਾ ਬੈਂਕ, ਕੇਨਰਾ ਬੈਂਕ, ਇੰਡੀਅਨ ਓਵਰਸੀਜ਼ ਬੈਂਕ ਆਦਿ) ਨੇ ਆਪਣੀ FD ਵਿਆਜ ਦਰਾਂ ਵਿੱਚ ਵਾਧਾ ਕਰਨਾ ਜਾਰੀ ਰੱਖਿਆ ਹੋਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਆਰਬੀਆਈ ਨੇ ਰੇਪੋ ਰੇਟ ਵਿੱਚ ਹੁਣ ਤੱਕ ਚਾਰ ਵਾਰ ਵਾਧਾ ਕੀਤਾ ਹੈ।

ਅੱਜ ਵੀ ਭਾਰਤ ਵਿੱਚ FD ਸਭ ਤੋਂ ਸੁਰੱਖਿਅਤ ਨਿਵੇਸ਼ ਮੰਨਿਆ ਜਾਂਦਾ ਹੈ ਅਤੇ ਲੋਕ ਇੱਥੇ ਨਿਵੇਸ਼ ਕਰਨਾ ਪਸੰਦ ਕਰਦੇ ਹਨ। ਵਧਦੀਆਂ FD ਵਿਆਜ ਦਰਾਂ ਲੋਕਾਂ ਨੂੰ ਨਿਵੇਸ਼ ਕਰਨ ਲਈ ਉਤਸ਼ਾਹਿਤ ਕਰ ਰਹੀਆਂ ਹਨ। ਹੁਣ ਪ੍ਰਾਈਵੇਟ ਸੈਕਟਰ ਦੇ ਵੱਡੇ ਬੈਂਕ Yes Bank ਨੇ ਵੀ ਆਪਣੀਆਂ FD ਵਿਆਜ ਦਰਾਂ ਵਿੱਚ ਵਾਧਾ ਕੀਤਾ ਹੈ ਅਤੇ ਇਹ ਵਾਧਾ 5 ਦਸੰਬਰ 2022 ਤੋਂ ਲਾਗੂ ਹੈ। ਇਹ ਜਾਣਕਾਰੀ ਬੈਂਕ ਦੀ ਅਧਿਕਾਰਿਤ ਵੈੱਬਸਾਈਟ ਤੋਂ ਪ੍ਰਾਪਤ ਹੋਈ ਹੈ।

ਤੁਹਾਡੀ ਜਾਣਕਾਰੀਲਈ ਦੱਸ ਦੇਈਏ ਕਿ ਬੈਂਕ ਨੇ 7 ਦਿਨਾਂ ਤੋਂ 120 ਮਹੀਨਿਆਂ ਯਾਨੀ 10 ਸਾਲ ਤੱਕ ਦੀਆਂ FD ਵਿਆਜ ਦਰਾਂ ਸੋਧਿਆ ਹੈ ਜਿਸ ਨਾਲ ਹੁਣ ਆਮ ਨਾਗਰਿਕਾਂ ਨੂੰ 3.25% ਤੋਂ ਲੈ ਕੇ 6.75% ਤੱਕ ਦਾ ਵਿਆਜ ਮਿਲੇਗਾ ਅਤੇ ਸੀਨੀਅਰ ਨਾਗਰਿਕਾਂ ਲਈ ਇਹ ਦਰਾਂ 3.75% ਤੋਂ 7.50% ਤੱਕ ਕਰ ਦਿੱਤੀਆਂ ਹਨ।

1 ਸਾਲ ਤੋਂ ਲੈ ਕੇ 3 ਸਾਲ ਤੱਕ ਦੀਆਂ FDs 'ਤੇ ਬੈਂਕ ਆਮ ਨਾਗਰਿਕਾਂ ਨੂੰ ਵੱਧ ਤੋਂ ਵੱਧ 7% ਦਾ ਵਿਆਜ ਦੇਵੇਗਾ।

ਇਹ ਹਨ ਬੈਂਕ ਦੀਆਂ ਵਿਆਜ ਦਰਾਂ:

• 7 ਦਿਨਾਂ ਤੋਂ 14 ਦਿਨ 3.25%


• 15 ਦਿਨਾਂ ਤੋਂ 45 ਦਿਨ 3.70%


• 46 ਦਿਨਾਂ ਤੋਂ 90 ਦਿਨ 4.10%


• 91 ਦਿਨਾਂ ਤੋਂ 180 ਦਿਨ 4.75%


• 181 ਦਿਨਾਂ ਤੋਂ 271 ਦਿਨ 5.50%


• 272 ਦਿਨਾਂ ਤੋਂ 1 ਸਾਲ 5.75%


• 1 ਸਾਲ ਤੋਂ 36 ਮਹੀਨੇ 7%


• 36 ਮਹੀਨੇ ਤੋਂ 120 ਮਹੀਨੇ 6.75%