Foods For Pregnancy: ਗਰਭ 'ਚ ਬੱਚੇ ਦੇ ਸਹੀ ਵਿਕਾਸ ਲਈ ਫੋਲੇਟ ਜ਼ਰੂਰੀ, ਇਨ੍ਹਾਂ ਭੋਜਨਾਂ 'ਚ ਹੈ ਭਰਪੂਰ

ਕਿਹਾ ਜਾਂਦਾ ਹੈ ਕਿ ਜੇਕਰ ਕਿਸੇ ਵੀ ਕੰਮ ਦੀ ਨੀਂਹ ਮਜ਼ਬੂਤ ​​ਹੋਵੇ ਤਾਂ ਉਸ ਦਾ ਭਵਿੱਖ ਚੰਗਾ ਹੁੰਦਾ ਹੈ। ਹੁਣ ਗਰਭ ਅਵਸਥਾ ਦੇ ਨਾਲ ਵੀ ਕੁਝ ਅਜਿਹਾ ਹੀ ਹੈ, ਕਿਉਂਕਿ ਇਹ 9 ਮਹੀਨਿਆਂ ਦਾ ਸਮਾਂ ਵੀ ਅਜਿਹਾ ਹੀ ਹੁੰਦਾ ਹੈ। ਦਰਅਸਲ, ਗਰਭ ਅਵਸਥਾ ਦੇ ਸ਼ੁਰੂ ਤੋਂ ਹੀ, ਇੱਕ ਗਰਭਵਤੀ ਔਰਤ ਨੂੰ ਆਪਣਾ ਖਾਸ ਧਿਆਨ ਰੱਖਣਾ ਪੈਂਦਾ ਹੈ, ਤਾਂ ਜੋ ਉਹ ਅਤੇ ਉਸ ਦਾ ਬੱਚਾ ਦੋਵੇਂ ਤੰਦਰੁਸਤ ਰਹਿਣ। ਗਰਭ ਅਵਸਥਾ ਦੌਰਾਨ ਫੋਲਿਕ ਐਸਿਡ ਗਰਭਵਤੀ ਔਰਤ ਅਤੇ ਭਰੂਣ ਦੋਵਾਂ ਲਈ ਬਹੁਤ ਮਹੱਤਵਪੂਰਨ ਹੈ। ਇਸ ਲਈ ਗਰਭ ਅਵਸਥਾ ਦੇ ਪਹਿਲੇ ਤਿਮਾਹੀ ਵਿੱਚ ਫੋਲੇਟ ਨਾਲ ਭਰਪੂਰ ਭੋਜਨ ਦਾ ਸੇਵਨ ਕਰਨਾ ਬਹੁਤ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ। ਅੱਜ ਅਸੀਂ ਤੁਹਾਨੂੰ ਗਰਭਵਤੀ ਔਰਤਾਂ ਲਈ ਫੋਲੇਟ ਨਾਲ ਭਰਪੂਰ ਭੋਜਨ ਨਾਲ ਸਬੰਧਤ ਜਾਣਕਾਰੀ ਦਿਆਂਗੇ।

ਤੁਹਾਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਗਰਭ ਧਾਰਨ ਕਰਨ ਲਈ ਸਰੀਰ ਨੂੰ ਪਹਿਲਾਂ ਤੋਂ ਤਿਆਰ ਕਰਨਾ ਪੈਂਦਾ ਹੈ। ਜੇਕਰ ਤੁਹਾਡਾ ਸਰੀਰ ਸਿਹਤਮੰਦ ਰਹਿੰਦਾ ਹੈ ਅਤੇ ਸਰੀਰ 'ਚ ਪੋਸ਼ਕ ਤੱਤ ਕਾਫੀ ਮਾਤਰਾ 'ਚ ਮੌਜੂਦ ਹੁੰਦੇ ਹਨ ਤਾਂ ਤੁਸੀਂ ਆਸਾਨੀ ਨਾਲ ਗਰਭ ਧਾਰਨ ਕਰ ਸਕੋਗੇ। ਗਰਭ ਧਾਰਨ ਕਰਨ ਲਈ ਔਰਤਾਂ ਨੂੰ ਕੁਝ ਵਿਟਾਮਿਨ ਜਿਵੇਂ ਕਿ ਫੋਲਿਕ ਐਸਿਡ ਲੈਣਾ ਪੈਂਦਾ ਹੈ। ਗਰਭਵਤੀ ਹੋਣ ਲਈ, ਵੈਸੇ ਤਾਂ ਤੁਹਾਨੂੰ 3 ਮਹੀਨੇ ਪਹਿਲਾਂ ਫੋਲਿਕ ਐਸਿਡ ਲੈਣਾ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ। ਫੋਲਿਕ ਐਸਿਡ ਨਿਊਟਰਲ ਟਿਊਬ ਦੇ ਨੁਕਸ ਜਾਂ ਸਪਾਈਨਾ ਬਿਫਿਡਾ ਨੂੰ ਰੋਕਣ ਵਿੱਚ ਮਦਦ ਕਰਦੇ ਹਨ। ਸਪਾਈਨਾ ਬਿਫਿਡਾ ਸਭ ਤੋਂ ਆਮ ਬਰਥ ਡਿਫੈਕਟਸ ਵਿੱਚੋਂ ਇੱਕ ਹੈ। ਇਹ ਸਮੱਸਿਆ ਗਰਭ ਅਵਸਥਾ ਦੇ ਸ਼ੁਰੂਆਤੀ ਹਫ਼ਤਿਆਂ ਵਿੱਚ ਹੁੰਦੀ ਹੈ, ਜਦੋਂ ਬੱਚੇ ਦਾ ਦਿਮਾਗ ਅਤੇ ਰੀੜ੍ਹ ਦੀ ਹੱਡੀ ਬਣ ਰਹੀ ਹੁੰਦੀ ਹੈ। ਨਿਊਰਲ ਟਿਊਬ ਦੇ ਡਿਫੈਕਟ ਦੇ ਜ਼ਿਆਦਾਤਰ ਕੇਸਾਂ ਨੂੰ ਰੋਕਿਆ ਜਾ ਸਕਦਾ ਹੈ ਜੇਕਰ ਅਸੀਂ ਗਰਭ ਅਵਸਥਾ ਤੋਂ ਪਹਿਲਾਂ ਜਾਂ ਸ਼ੁਰੂਆਤੀ ਸਮੇਂ ਵਿੱਚ ਸਹੀ ਮਾਤਰਾ ਵਿੱਚ ਫੋਲੇਟ ਲੈਂਦੇ ਹਾਂ। ਜੇਕਰ ਤੁਸੀਂ ਵੀ ਗਰਭਵਤੀ ਹੋਣਾ ਚਾਹੁੰਦੇ ਹੋ ਤਾਂ ਆਪਣੇ ਭੋਜਨ 'ਚ ਫੋਲਿਕ ਐਸਿਡ ਦੀ ਮਾਤਰਾ ਵਧਾਓ। ਇੱਥੇ ਅਸੀਂ ਤੁਹਾਨੂੰ ਕੁਝ ਅਜਿਹੇ ਫੂਡਸ ਬਾਰੇ ਦੱਸ ਰਹੇ ਹਾਂ, ਜਿਨ੍ਹਾਂ 'ਚ ਫੋਲਿਕ ਐਸਿਡ ਜ਼ਿਆਦਾ ਮਾਤਰਾ 'ਚ ਮੌਜੂਦ ਹੁੰਦਾ ਹੈ।

ਇਨ੍ਹਾਂ ਭੋਜਨ ਪਦਾਰਥਾਂ ਵਿੱਚ ਹੁੰਦਾ ਹੈ ਫੋਲੇਟ: ਬਹੁਤ ਸਾਰੇ ਭੋਜਨਾਂ ਵਿੱਚ ਕੁਦਰਤੀ ਤੌਰ 'ਤੇ ਫੋਲੇਟ ਹੁੰਦਾ ਹੈ। ਹਾਲਾਂਕਿ, ਫੋਲੇਟ ਪਾਣੀ ਵਿੱਚ ਘੁਲ ਜਾਂਦਾ ਹੈ ਅਤੇ ਖਾਣਾ ਪਕਾਉਣ ਵੇਲੇ ਨਸ਼ਟ ਹੋ ਸਕਦਾ ਹੈ। ਇਸ ਲਈ ਸਬਜ਼ੀਆਂ ਨੂੰ ਘੱਟ ਪਕਾਉਣਾ ਚਾਹੀਦਾ ਹੈ ਜਾਂ ਫਿਰ ਕੱਚਾ ਖਾਣਾ ਚਾਹੀਦਾ ਹੈ। ਫੋਲੇਟ ਕੁਦਰਤੀ ਤੌਰ 'ਤੇ ਕਈ ਚੀਜ਼ਾਂ ਵਿੱਚ ਪਾਇਆ ਜਾਂਦਾ ਹੈ। ਸਬਜ਼ੀਆਂ ਜਿਵੇਂ ਬਰੋਕਲੀ, ਗੋਭੀ, ਪਾਲਕ, ਬੀਨਜ਼, ਮਸ਼ਰੂਮ, ਜੁਚੀਨੀ ​​ਆਦਿ ਫੋਲੇਟ ਨਾਲ ਭਰਪੂਰ ਹੁੰਦੇ ਹਨ। ਐਵੋਕਾਡੋ, ਸੰਤਰਾ, ਬੇਰੀਆਂ, ਕੇਲੇ, ਛੋਲੇ, ਸੋਇਆਬੀਨ, ਕਿਡਨੀ ਬੀਨਜ਼, ਅੰਡੇ ਅਤੇ ਅਖਰੋਟ ਵਿੱਚ ਵੀ ਚੰਗੀ ਮਾਤਰਾ ਵਿੱਚ ਫੋਲੇਟ ਹੁੰਦਾ ਹੈ, ਜੋ ਬਹੁਤ ਫਾਇਦੇਮੰਦ ਹੋ ਸਕਦਾ ਹੈ।