Friday ke Upay: ਸ਼ੁੱਕਰਵਾਰ ਨੂੰ ਕਰੋ ਇਹ ਆਸਾਨ ਉਪਾਅ, ਮਿਲੇਗਾ ਦੇਵੀ ਲਕਸ਼ਮੀ ਦਾ ਅਸ਼ੀਰਵਾਦ

Shukarwar ke upaye: ਸ਼ੁੱਕਰਵਾਰ ਦਾ ਦਿਨ ਦੇਵੀ ਲਕਸ਼ਮੀ ਨੂੰ ਸਮਰਪਿਤ ਹੈ। ਇਸ ਦਿਨ ਸ਼ਰਧਾਲੂ ਮਾਂ ਲਕਸ਼ਮੀ ਨੂੰ ਖੁਸ਼ ਰੱਖਣ ਅਤੇ ਉਨ੍ਹਾਂ ਦਾ ਆਸ਼ੀਰਵਾਦ ਲੈਣ ਲਈ ਵਰਤ ਰੱਖਦੇ ਹਨ। ਇਸ ਦਿਨ ਮਾਂ ਲਕਸ਼ਮੀ ਦੀ ਪੂਜਾ ਪੂਰੇ ਰੀਤੀ-ਰਿਵਾਜਾਂ ਨਾਲ ਕੀਤੀ ਜਾਂਦੀ ਹੈ। ਮਾਂ ਲਕਸ਼ਮੀ ਧਨ ਦੀ ਦੇਵੀ ਹੈ ਅਤੇ ਜਿਸ ਨੂੰ ਵੀ ਉਨ੍ਹਾਂ ਦਾ ਆਸ਼ੀਰਵਾਦ ਮਿਲਦਾ ਹੈ, ਉਸ ਦੇ ਜੀਵਨ ਵਿੱਚ ਕਦੇ ਵੀ ਧਨ ਅਤੇ ਖੁਸ਼ਹਾਲੀ ਦੀ ਕਮੀ ਨਹੀਂ ਹੁੰਦੀ ਹੈ। ਸ਼ੁੱਕਰਵਾਰ ਨੂੰ ਸ਼ੁਕਰ ਗ੍ਰਹਿ ਜਾਂ ਸ਼ੁਕਰਦੇਵ ਨਾਲ ਸਬੰਧਤ ਮੰਨਿਆ ਜਾਂਦਾ ਹੈ।

ਸ਼ੁਕਰਦੇਵ ਨੂੰ ਖੁਸ਼ੀ, ਸੁੰਦਰਤਾ ਅਤੇ ਰੋਮਾਂਸ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਸ਼ੁੱਕਰਵਾਰ ਨੂੰ ਪੂਰੀ ਸ਼ਰਧਾ ਅਤੇ ਲਗਨ ਨਾਲ ਕੁਝ ਖਾਸ ਉਪਾਅ ਕਰਨ ਨਾਲ ਜੀਵਨ 'ਚ ਹਮੇਸ਼ਾ ਬਰਕਤ ਮਿਲਦੀ ਹੈ। ਸ਼ੁਕਰ ਦੇਵ ਦੀ ਕਿਰਪਾ ਨਾਲ ਜੀਵਨ ਵਿੱਚ ਕਿਸੇ ਕਿਸਮ ਦੀ ਕੋਈ ਕਮੀ ਨਹੀਂ ਰਹਿੰਦੀ। ਆਓ ਜਾਣਦੇ ਹਾਂ ਇਨ੍ਹਾਂ ਖਾਸ ਉਪਾਵਾਂ ਬਾਰੇ...

ਸ਼ੁਕਰਵਾਰ ਨੂੰ ਕੀਤੇ ਜਾਣ ਵਾਲੇ ਉਪਾਅ :

-ਸ਼ੁੱਕਰਵਾਰ ਨੂੰ, ਮੰਤਰਾਂ ਦਾ ਜਾਪ ਕਰੋ "ਓਮ ਸ਼ੁਮ ਸ਼ੁਕਰਾਯ ਨਮਹ" ਜਾਂ "ਓਮ ਹਿਮਕੁੰਡਮਰੁਣਾਲਾਭਨ ਦੈਤਯਾਨਨ ਪਰਮ ਗੁਰੂਮ ਸਰਵਸ਼ਾਸਤ੍ਰ ਪ੍ਰਵਕਤਾਰਮ ਭਾਰਗਵਮ ਪ੍ਰਣਾਮਯਾਹਮ"।

-ਹਿੰਦੂ ਮਿਥਿਹਾਸ ਦੇ ਮੁਤਾਬਕ ਦੇਵੀ ਲਕਸ਼ਮੀ ਨੂੰ ਸਫੇਦ ਰੰਗ ਬਹੁਤ ਪਸੰਦ ਹੈ। ਇਸ ਲਈ ਜੇਕਰ ਸੰਭਵ ਹੋਵੇ ਤਾਂ ਸ਼ੁੱਕਰਵਾਰ ਨੂੰ ਸਫੇਦ ਰੰਗ ਦੀਆਂ ਚੀਜ਼ਾਂ ਦਾ ਦਾਨ ਕਰਨਾ ਚਾਹੀਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਚਿੱਟੀ ਚੀਜ਼ ਦਾਨ ਕਰਨ ਨਾਲ ਜੀਵਨ ਵਿੱਚ ਖੁਸ਼ਹਾਲੀ ਆਉਂਦੀ ਹੈ।

-ਸ਼ੁੱਕਰਵਾਰ ਦੇ ਦਿਨ ਦੇਵੀ ਲਕਸ਼ਮੀ ਨੂੰ ਖੁਸ਼ ਕਰਨ ਲਈ ਸ਼ੁੱਧ ਘਿਓ ਦਾ ਦੀਵਾ ਜਗਾਉਣਾ ਚਾਹੀਦਾ ਹੈ ਅਤੇ ਤੁਲਸੀ ਦੇ ਪੌਦੇ ਦੀ ਪੂਜਾ ਕਰਕੇ ਦੇਵੀ ਲਕਸ਼ਮੀ ਦਾ ਆਸ਼ੀਰਵਾਦ ਲੈਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਸ਼ੁੱਕਰਵਾਰ ਨੂੰ ਕੀੜੀਆਂ ਅਤੇ ਗਾਵਾਂ ਨੂੰ ਆਟਾ ਖੁਆਉਣ ਨਾਲ ਚੰਗੀ ਕਿਸਮਤ ਦਾ ਲਾਭ ਮਿਲਦਾ ਹੈ।

-ਸ਼ੁੱਕਰਵਾਰ ਨੂੰ ਪੂਜਾ ਕਰਦੇ ਸਮੇਂ ਮਾਤਾ ਲਕਸ਼ਮੀ ਦੇ ਮੰਦਰ 'ਚ ਜਾ ਕੇ ਉਨ੍ਹਾਂ ਨੂੰ ਲਾਲ ਕੱਪੜਾ, ਬਿੰਦੀ, ਸਿੰਦੂਰ, ਚੁੰਨੀ ਅਤੇ ਚੂੜੀਆਂ ਚੜ੍ਹਾਓ। ਮਾਨਤਾ ਅਨੁਸਾਰ ਸ਼ੰਖ ਅਤੇ ਘੰਟੀ ਵਿੱਚ ਦੇਵੀ ਲਕਸ਼ਮੀ ਦਾ ਵਾਸ ਹੁੰਦਾ ਹੈ। ਅਜਿਹੀ ਸਥਿਤੀ ਵਿੱਚ ਪੂਜਾ ਦੇ ਦੌਰਾਨ ਸ਼ੰਖ ਅਤੇ ਘੰਟੀ ਦੀ ਵਰਤੋਂ ਕਰਨ ਨਾਲ ਦੇਵੀ ਲਕਸ਼ਮੀ ਜਲਦੀ ਪ੍ਰਸੰਨ ਹੋ ਜਾਂਦੀ ਹੈ।

-ਮਾਨਤਾਵਾਂ ਦੇ ਮੁਤਾਬਕ ਸ਼ੁੱਕਰਵਾਰ ਨੂੰ ਦੇਵੀ ਲਕਸ਼ਮੀ ਦਾ ਵਰਤ ਰੱਖਣ ਅਤੇ ਪੂਜਾ ਕਰਨ ਨਾਲ ਦੇਵੀ ਲਕਸ਼ਮੀ ਦਾ ਅਪਾਰ ਅਸ਼ੀਰਵਾਦ ਮਿਲਦਾ ਹੈ। ਇਸ ਦਿਨ ਸਵੇਰੇ-ਸ਼ਾਮ ਮਾਂ ਲਕਸ਼ਮੀ ਦੀ ਪੂਜਾ ਕਰਨੀ ਚਾਹੀਦੀ ਹੈ।

-ਸ਼ੁੱਕਰਵਾਰ ਨੂੰ ਘਰ 'ਚ ਪੂਜਾ ਕਰਦੇ ਸਮੇਂ ਲਕਸ਼ਮੀ ਨਾਰਾਇਣ ਦਾ ਜਾਪ ਕਰਨਾ ਚਾਹੀਦਾ ਹੈ। ਅਜਿਹਾ ਕਰਨ ਨਾਲ ਮਾਂ ਲਕਸ਼ਮੀ ਪ੍ਰਸੰਨ ਹੁੰਦੀ ਹੈ ਅਤੇ ਪੂਜਾ ਤੋਂ ਬਾਅਦ ਲਕਸ਼ਮੀ ਨਾਰਾਇਣ ਨੂੰ ਭੋਗ ਵਜੋਂ ਖੀਰ ਚੜ੍ਹਾਓ।