ਅੱਜ ਤੋਂ ਪੂਰੇ ਦੇਸ਼ ਵਿਚ ਬਿਜਲੀ ਬਿੱਲ ਮੁਆਫ ਹੋਣ ਵਾਲੇ ਹਨ? ਜਾਣੋ ਖਬਰ ਨਾਲ ਜੁੜੀ ਸਚਾਈ...

ਸੋਸ਼ਲ ਮੀਡੀਆ ਦੇ ਜ਼ਮਾਨੇ ਵਿਚ ਕਦੇ ਵੀ ਕੋਈ ਖਬਰ ਵਾਇਰਲ ਹੋਣ ਲੱਗਦੀ ਹੈ। ਫਿਲਹਾਲ ਜੋ ਖ਼ਬਰ ਵਾਇਰਲ ਹੋ ਰਹੀ ਹੈ, ਉਹ ਬਿਜਲੀ ਦੇ ਬਿੱਲ ਨੂੰ ਮੁਆਫ (Electricity Bill Waiver) ਕਰਨ ਬਾਰੇ ਹੈ। ਜੇ ਤੁਸੀਂ 1 ਸਤੰਬਰ ਤੋਂ ਬਿਜਲੀ ਬਿੱਲ ਮੁਆਫੀ ਬਾਰੇ ਕੋਈ ਖ਼ਬਰ ਪੜ੍ਹੀ ਜਾਂ ਸੁਣੀ ਹੈ, ਤਾਂ ਤੁਹਾਨੂੰ ਦੱਸ ਦਈਏ ਕਿ ਇਹ ਪੂਰੀ ਤਰ੍ਹਾਂ ਝੂਠੀ ਹੈ।

ਪਿਛਲੇ ਕੁਝ ਦਿਨਾਂ ਤੋਂ ਸੋਸ਼ਲ ਮੀਡੀਆ ਪਲੇਟਫਾਰਮ ਯੂ-ਟਿਊਬ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਦੱਸਿਆ ਜਾ ਰਿਹਾ ਹੈ ਕਿ ਸਰਕਾਰ ਬਿਜਲੀ ਬਿੱਲ ਮੁਆਫੀ ਸਕੀਮ 2020 ਲਿਆ ਰਹੀ ਹੈ। ਇਸ ਦੇ ਤਹਿਤ ਸਤੰਬਰ ਤੋਂ ਪੂਰੇ ਦੇਸ਼ ਵਿੱਚ ਹਰ ਕਿਸੇ ਦਾ ਬਿਜਲੀ ਬਿੱਲ ਮੁਆਫ ਕਰ ਦਿੱਤਾ ਜਾਵੇਗਾ। PIB Fact Check ਕਹਿੰਦੀ ਹੈ ਕਿ ਇਹ ਦਾਅਵਾ ਝੂਠਾ ਹੈ। ਸਰਕਾਰ ਵੱਲੋਂ ਅਜਿਹੀ ਕੋਈ ਯੋਜਨਾ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ।

एक #Youtube वीडियो में यह दावा किया जा रहा है कि बिजली बिल माफी योजना 2020 के तहत 1 सितंबर से पूरे देश मे सबका बिजली बिल माफ होगा। #PIBFactCheck: यह दावा फर्जी है। सरकार द्वारा ऐसी किसी योजना की घोषणा नहीं की गई है pic.twitter.com/sKt7yljiJr

— PIB Fact Check (@PIBFactCheck) August 28, 2020

PIB Fact Check ਕਹਿੰਦਾ ਹੈ ਕਿ ਫਰਜ਼ੀ ਵੀਡੀਓ ਵਿਚ ਕੀਤਾ ਜਾ ਰਿਹਾ ਦਾਅਵਾ ਬਿਲਕੁਲ ਝੂਠਾ ਹੈ। ਸਰਕਾਰ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਅਜਿਹੀ ਕੋਈ ਯੋਜਨਾ ਨਹੀਂ ਲਿਆਉਣ ਜਾ ਰਹੀ ਹੈ। ਪੀਆਈਬੀ ਤੱਥ ਜਾਂਚ ਲੋਕਾਂ ਨੂੰ ਅਜਿਹੀਆਂ ਗਲਤ ਖ਼ਬਰਾਂ ਤੋਂ ਸਾਵਧਾਨ ਰਹਿਣ ਦੀ ਚੇਤਾਵਨੀ ਦਿੰਦੀ ਹੈ।

PIB Fact Check

PIB Fact Check ਕੇਂਦਰ ਸਰਕਾਰ ਦੀਆਂ ਨੀਤੀਆਂ/ਯੋਜਨਾਵਾਂ/ਵਿਭਾਗਾਂ/ਮੰਤਰਾਲਿਆਂ ਬਾਰੇ ਗਲਤ ਜਾਣਕਾਰੀ ਫੈਲਣ ਤੋਂ ਰੋਕਣ ਲਈ ਕੰਮ ਕਰਦੀ ਹੈ। ਇਹ ਜਾਣਨ ਲਈ ਕਿ ਸਰਕਾਰ ਨਾਲ ਜੁੜੀ ਕੋਈ ਖਬਰ ਸਹੀ ਹੈ ਜਾਂ ਝੂਠੀ, ਪੀਆਈਬੀ ਫੈਕਟ ਚੈੱਕ ਦੀ ਮਦਦ ਲਈ ਜਾ ਸਕਦੀ ਹੈ। ਕੋਈ ਵੀ ਸਕ੍ਰੀਨ ਸ਼ਾਟ, ਟਵੀਟ, ਫੇਸਬੁੱਕ ਪੋਸਟ ਜਾਂ ਯੂਐਸਐਲ ਨੂੰ ਪੀਆਈਬੀ ਫੈਕਟ ਚੈੱਕ 'ਤੇ ਵਟਸਐਪ ਨੰਬਰ 918799711259' ਤੇ ਭੇਜ ਸਕਦਾ ਹੈ ਜਾਂ pibfactcheck@gmail.com 'ਤੇ ਮੇਲ ਕਰ ਸਕਦਾ ਹੈ।