Fruit Custard ਬੱਚਿਆਂ ਨੂੰ ਆਵੇਗਾ ਪਸੰਦ, ਜਾਣੋ ਇਸ ਨੂੰ ਬਣਾਉਣ ਦੀ ਆਸਾਨ ਵਿਧੀ

Fruit Custard Recipe: ਫਰੂਟ ਕਸਟਰਡ (Fruit Custard) ਕਿਸੇ ਖਾਸ ਮੌਕੇ ਉੱਤ ਬਣਾਉਣ ਵਾਲਾ ਮਿੱਠਾ ਪਕਵਾਨ ਹੈ। ਸਵਾਦ ਦੇ ਨਾਲ-ਨਾਲ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ। ਇਸਨੂੰ ਬਣਾਉਣਾ ਬਹੁਤ ਹੀ ਆਸਾਨ ਹੈ। ਤੁਸੀਂ ਅਕਸਰ ਪਾਰਟੀਆਂ ਜਾਂ ਫੰਕਸ਼ਨਾਂ ਵਿੱਚ ਫਰੂਟ ਕਸਟਰਡ (Fruit Custard) ਦੇਖਦੇ ਹੋਵੋਗੇ। ਜੇਕਰ ਤੁਸੀਂ ਵੀ ਇਸ ਸਵੀਟ ਡਿਸ਼ ਨੂੰ ਖਾਣਾ ਪਸੰਦ ਕਰਦੇ ਹੋ, ਤਾਂ ਇਸਨੂੰ ਘਰ ਵਿੱਚ ਵੀ ਆਸਾਨੀ ਨਾਲ ਬਣਾ ਸਕਦੇ ਹੋ। ਇਸਨੂੰ ਬਣਾਉਣ ਲਈ ਬਹੁਤ ਘੱਟ ਸਮਾਂ ਲੱਗਦਾ ਹੈ। ਆਓ ਜਾਣਦੇ ਹਾਂ ਕਿ ਫਰੂਟ ਕਸਟਰਡ ਨੂੰ (Fruit Custard Recipe) ਬਣਾਉਣ ਦੀ ਰੈਸਿਪੀ ਕੀ ਹੈ ਅਤੇ ਇਸਦੇ ਲਈ ਤੁਹਾਨੂੰ ਕਿਹੜੀ ਕਿਹੜੀ ਸਮੱਗਰੀ ਦੀ ਲੋੜ ਹੈ-

ਫਰੂਟ ਕਸਟਰਡ ਬਣਾਉਣ ਲਈ ਲੋੜੀਂਦੀ ਸਮੱਗਰੀ

ਦੁੱਧ - 1 ਲੀਟਰ

ਕਸਟਰਡ ਪਾਊਡਰ - 2 ਚਮਚ

ਸੇਬ - 1

ਅੰਗੂਰ - 1/2 ਕੱਪ

ਅਨਾਰ - 1

ਕੀਵੀ - 1

ਕਾਜੂ - 10-12

ਖੰਡ - ਸੁਆਦ ਅਨੁਸਾਰ

ਫਰੂਟ ਕਸਟਰਡ ਬਣਾਉਣ ਦੀ ਰੈਸਿਪੀ

ਕਿਸੇ ਖਾਸ ਮੌਕੇ ਨੂੰ ਧਿਆਨ 'ਚ ਰੱਖਦੇ ਹੋਏ ਜੇਕਰ ਤੁਸੀਂ ਫਰੂਟ ਕਸਟਰਡ ਬਣਾ ਰਹੇ ਹੋ ਤਾਂ ਸਭ ਤੋਂ ਪਹਿਲਾਂ ਕੀਵੀ, ਸੇਬ ਅਤੇ ਅੰਗੂਰ ਨੂੰ ਸਾਫ ਪਾਣੀ ਨਾਲ ਧੋ ਲਓ। ਇਸ ਤੋਂ ਬਾਅਦ ਕੀਵੀ ਅਤੇ ਸੇਬ ਨੂੰ ਪੂੰਝ ਕੇ ਛੋਟੇ-ਛੋਟੇ ਟੁਕੜਿਆਂ 'ਚ ਕੱਟ ਲਓ। ਇਸ ਤੋਂ ਬਾਅਦ ਅੰਗੂਰ ਨੂੰ ਦੋ ਟੁਕੜਿਆਂ 'ਚ ਕੱਟ ਲਓ। ਇਸ ਤੋਂ ਬਾਅਦ ਅਨਾਰ ਨੂੰ ਛਿੱਲ ਲਓ ਅਤੇ ਇਸ ਦੇ ਦਾਣਿਆਂ ਨੂੰ ਇਕ ਕਟੋਰੀ 'ਚ ਰੱਖ ਲਓ। ਇਨ੍ਹਾਂ ਫਲਾਂ ਤੋਂ ਇਲਾਵਾ ਤੁਸੀਂ ਫਰੂਟ ਕਸਟਾਰਡ ਬਣਾਉਣ ਲਈ ਹੋਰ ਮੌਸਮੀ ਫਲ ਵੀ ਲੈ ਸਕਦੇ ਹੋ।

ਇਸ ਤੋਂ ਬਾਅਦ ਇਕ ਲੀਟਰ ਦੁੱਧ 'ਚੋਂ ਅੱਧਾ ਕੱਪ ਠੰਡਾ ਦੁੱਧ ਕੱਢ ਲਓ ਅਤੇ ਬਾਕੀ ਦੁੱਧ ਨੂੰ ਇਕ ਬਰਤਨ 'ਚ ਪਾ ਕੇ ਗਰਮ ਕਰਨ ਲਈ ਰੱਖ ਦਿਓ। ਦੁੱਧ ਨੂੰ ਘੱਟ ਅੱਗ 'ਤੇ ਗਰਮ ਕਰੋ ਅਤੇ ਸੁਆਦ ਅਨੁਸਾਰ ਚੀਨੀ ਪਾਓ।

ਜਦੋਂ ਦੁੱਧ ਗਰਮ ਹੋ ਰਿਹਾ ਹੋਵੇ, ਅੱਧਾ ਕੱਪ ਠੰਡੇ ਦੁੱਧ ਵਿਚ ਕਸਟਾਰਡ ਪਾਊਡਰ ਪਾਓ ਜੋ ਪਹਿਲਾਂ ਹੀ ਕੱਢਿਆ ਜਾ ਚੁੱਕਾ ਹੈ ਅਤੇ ਇਸ ਨੂੰ ਚੰਗੀ ਤਰ੍ਹਾਂ ਮਿਲਾਓ।

ਜਦੋਂ ਦੁੱਧ ਉਬਾਲਣ 'ਤੇ ਆ ਜਾਵੇ, ਤਾਂ ਕਸਟਾਰਡ ਦੇ ਨਾਲ ਮਿਲਾਇਆ ਹੋਇਆ ਸਾਰਾ ਦੁੱਧ ਮਿਲਾ ਕੇ ਗਰਮ ਦੁੱਧ ਨੂੰ ਵੱਡੇ ਚਮਚ ਦੀ ਮਦਦ ਨਾਲ ਚੰਗੀ ਤਰ੍ਹਾਂ ਹਿਲਾਓ। ਸਾਨੂੰ ਦੁੱਧ ਨੂੰ ਚੰਗੀ ਤਰ੍ਹਾਂ ਗਾੜ੍ਹਾ ਹੋਣ ਤੱਕ ਉਬਾਲਣਾ ਚਾਹੀਦਾ ਹੈ। ਦੁੱਧ ਨੂੰ ਗਾੜ੍ਹਾ ਹੋਣ ਵਿੱਚ 5-6 ਮਿੰਟ ਲੱਗ ਸਕਦੇ ਹਨ।

ਜਦੋਂ ਦੁੱਧ ਉਬਲਣ ਦੇ ਦੌਰਾਨ ਗਾੜ੍ਹਾ ਹੋ ਜਾਵੇ ਤਾਂ ਗੈਸ ਬੰਦ ਕਰ ਦਿਓ ਅਤੇ ਦੁੱਧ ਨੂੰ ਇੱਕ ਵੱਡੇ ਕਟੋਰੇ ਵਿੱਚ ਪਾ ਦਿਓ। ਇਸ ਤੋਂ ਬਾਅਦ ਕਟੋਰੇ ਨੂੰ ਠੰਡੇ ਪਾਣੀ 'ਚ ਰੱਖੋ ਅਤੇ ਚਮਚ ਦੀ ਮਦਦ ਨਾਲ ਹਿਲਾਉਂਦੇ ਹੋਏ ਦੁੱਧ ਨੂੰ ਠੰਡਾ ਕਰੋ। ਅਜਿਹਾ ਕਰਨ ਨਾਲ ਦੁੱਧ ਵਿੱਚ ਮਲਾਈ ਨਹੀਂ ਬਣੇਗੀ।

ਦੁੱਧ ਠੰਡਾ ਹੋਣ ਤੋਂ ਬਾਅਦ, ਇਸ ਵਿਚ ਪਹਿਲਾਂ ਕੱਟੇ ਹੋਏ ਸਾਰੇ ਫਲ ਪਾ ਦਿਓ ਅਤੇ ਕਸਟਰਡ ਨੂੰ ਠੰਡਾ ਹੋਣ ਲਈ ਲਗਭਗ 1 ਘੰਟੇ ਲਈ ਫਰਿੱਜ ਵਿਚ ਰੱਖੋ। ਇਸ ਸਮੇਂ ਵਿੱਚ ਕਸਟਾਰਡ ਚੰਗੀ ਤਰ੍ਹਾਂ ਠੰਡਾ ਹੋ ਜਾਵੇਗਾ। ਫਰੂਟ ਕਸਟਾਰਡ ਪੂਰੀ ਤਰ੍ਹਾਂ ਤਿਆਰ ਹੈ। ਸਰਵ ਕਰਨ ਤੋਂ ਪਹਿਲਾਂ ਇਸ ਨੂੰ ਅਨਾਰ ਦੇ ਦਾਣਇਆਂ ਨਾਲ ਗਾਰਨਿਸ਼ ਕਰੋ।