ਗਰੁੜ ਪੁਰਾਣ: ਇਨ੍ਹਾਂ ਆਦਤਾਂ ਕਾਰਨ ਵਿਅਕਤੀ ਦੀ ਕਦੇ ਨਹੀਂ ਹੋ ਸਕਦੀ ਤਰੱਕੀ, ਪੈਸਾ ਵੀ ਨਹੀਂ ਟਿਕਦਾ

ਕਈ ਵਾਰ ਸਖਤ ਮਿਹਨਤ ਕਰਨ ਦੇ ਬਾਵਜੂਦ ਸਾਨੂੰ ਸਫਲਤਾ ਨਹੀਂ ਮਿਲਦੀ। ਕਈ ਲੋਕ ਇਸ ਨੂੰ ਆਪਣੀ ਕਿਸਮਤ ਸਮਝ ਕੇ ਸਵੀਕਾਰ ਕਰ ਲੈਂਦੇ ਹਨ ਪਰ ਕਈ ਵਾਰ ਸਾਡੀ ਅਸਫਲਤਾ ਦਾ ਕਾਰਨ ਸਾਡੀ ਕਿਸਮਤ ਨਹੀਂ ਸਗੋਂ ਸਾਡੀਆਂ ਹੀ ਕੁੱਝ ਆਦਤਾਂ ਹੁੰਦੀਆਂ ਹਨ। ਇਨ੍ਹਾਂ ਆਦਤਾਂ ਦਾ ਸਾਨੂੰ ਪਤਾ ਕਿਵੇਂ ਲੱਗੇਗਾ, ਇਸ ਦਾ ਜਵਾਬ ਸਾਡੇ ਹਿੰਦੂ ਮਹਾਪੁਰਾਣ ਵਿੱਚ ਦਿੱਤਾ ਗਿਆ ਹੈ। ਹਿੰਦੂ ਧਰਮ ਵਿੱਚ ਕੁਲ 18 ਮਹਾਪੁਰਾਣ ਮੰਨੇ ਜਾਂਦੇ ਹਨ। ਇਨ੍ਹਾਂ ਸਾਰੇ ਮਹਾਂਪੁਰਾਣਾਂ ਵਿੱਚ ਗਰੁੜ ਪੁਰਾਣ ਨੂੰ ਬਹੁਤ ਮਹੱਤਵ ਦਿੱਤਾ ਗਿਆ ਹੈ। ਗਰੁੜ ਪੁਰਾਣ ਮਨੁੱਖ ਦੀ ਮੌਤ ਤੋਂ ਬਾਅਦ ਪੜ੍ਹਿਆ ਜਾਂਦਾ ਹੈ ਪਰ ਇਸ ਪੁਰਾਣ ਵਿੱਚ ਕਈ ਅਜਿਹੀਆਂ ਗੱਲਾਂ ਦੱਸੀਆਂ ਗਈਆਂ ਹਨ, ਜਿਨ੍ਹਾਂ ਦਾ ਮਨੁੱਖ ਦੇ ਰੋਜ਼ਾਨਾ ਜੀਵਨ ਨਾਲ ਡੂੰਘਾ ਸਬੰਧ ਹੈ। ਗਰੁੜ ਪੁਰਾਣ ਅਨੁਸਾਰ ਵਿਅਕਤੀ ਦੀਆਂ ਕੁਝ ਆਦਤਾਂ ਅਜਿਹੀਆਂ ਹੁੰਦੀਆਂ ਹਨ, ਜਿਸ ਕਾਰਨ ਉਹ ਅਸਫਲ, ਗਰੀਬ ਅਤੇ ਲਾਚਾਰ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਆਦਤਾਂ ਬਾਰੇ...

ਹਉਮੈ ਕਰਦੀ ਹੈ ਤਬਾਹ : ਗਰੁੜ ਪੁਰਾਣ ਦੇ ਅਨੁਸਾਰ, ਮਨੁੱਖ ਆਪਣੇ ਜੀਵਨ ਵਿੱਚ ਜਿੰਨੀ ਮਰਜ਼ੀ ਤਰੱਕੀ ਕਰ ਲਵੇ, ਜਿੰਨੀ ਮਰਜ਼ੀ ਸਫਲਤਾ ਪ੍ਰਾਪਤ ਕਰ ਲਵੇ, ਉਸ ਨੂੰ ਕਦੇ ਵੀ ਹੰਕਾਰੀ ਨਹੀਂ ਬਣਨਾ ਚਾਹੀਦਾ। ਹਉਮੈ ਮਨੁੱਖ ਦੀ ਅਕਲ ਨੂੰ ਭ੍ਰਿਸ਼ਟ ਕਰ ਦਿੰਦੀ ਹੈ ਅਤੇ ਉਸ ਨੂੰ ਸਾਰੇ ਲੋਕਾਂ ਤੋਂ ਦੂਰ ਵੀ ਕਰ ਦਿੰਦੀ ਹੈ। ਗਰੁੜ ਪੁਰਾਣ ਵਿਚ ਲਿਖਿਆ ਹੈ ਕਿ ਦੇਵੀ ਲਕਸ਼ਮੀ ਵੀ ਅਜਿਹੇ ਲੋਕਾਂ ਦੇ ਨਾਲ ਨਹੀਂ ਰਹਿੰਦੀ।

ਲਾਲਚੀ ਫਿਤਰਤ : ਗਰੁੜ ਪੁਰਾਣ ਵਿੱਚ ਦੱਸਿਆ ਗਿਆ ਹੈ ਕਿ ਲਾਲਚ ਬਹੁਤ ਬੁਰਾ ਹੈ। ਇਹ ਇੱਕ ਵਿਅਕਤੀ ਦੀ ਜ਼ਿੰਦਗੀ ਨੂੰ ਤਬਾਹ ਕਰ ਸਕਦਾ ਹੈ। ਲਾਲਚ ਕਿਸੇ ਵੀ ਵਿਅਕਤੀ ਲਈ ਚੰਗਾ ਨਹੀਂ ਹੁੰਦਾ, ਲਾਲਚੀ ਇਨਸਾਨ ਲਾਲਚ ਕਾਰਨ ਮਾੜੇ ਕੰਮ ਕਰਨਾ ਸ਼ੁਰੂ ਕਰ ਦਿੰਦਾ ਹੈ। ਅਜਿਹੇ ਲੋਕਾਂ ਦੀ ਕਮਾਈ ਬਹੁਤੀ ਦੇਰ ਤੱਕ ਨਹੀਂ ਰਹਿੰਦੀ। ਗਰੁੜ ਪੁਰਾਣ ਅਨੁਸਾਰ ਵਿਅਕਤੀ ਜਿੰਨਾ ਜ਼ਿਆਦਾ ਪੈਸੇ ਦਾ ਲਾਲਚੀ ਹੋਵੇਗਾ, ਦੇਵੀ ਲਕਸ਼ਮੀ ਓਨੀ ਹੀ ਜ਼ਿਆਦਾ ਉਸ ਤੋਂ ਦੂਰ ਜਾਵੇਗੀ।

ਦੂਜਿਆਂ ਦਾ ਸ਼ੋਸ਼ਣ ਕਰਨਾ : ਗਰੁੜ ਪੁਰਾਣ ਵਿੱਚ ਲਿਖਿਆ ਹੈ ਕਿ ਲੋਕਾਂ ਨੂੰ ਗਰੀਬਾਂ ਅਤੇ ਕਮਜ਼ੋਰਾਂ ਦੀ ਮਦਦ ਕਰਨੀ ਚਾਹੀਦੀ ਹੈ। ਜੋ ਵਿਅਕਤੀ ਆਪਣੇ ਨਾਲੋਂ ਗਰੀਬ ਜਾਂ ਕਮਜ਼ੋਰ ਲੋਕਾਂ ਦਾ ਸ਼ੋਸ਼ਣ ਕਰਦਾ ਹੈ, ਉਹ ਵਿਅਕਤੀ ਜੀਵਨ ਵਿੱਚ ਕਦੇ ਵੀ ਖੁਸ਼ ਨਹੀਂ ਹੋ ਸਕਦਾ। ਜਿਹੜੇ ਲੋਕ ਅਜਿਹੇ ਲੋਕਾਂ ਦਾ ਸ਼ੋਸ਼ਣ ਕਰਕੇ ਪੈਸਾ ਕਮਾਉਂਦੇ ਹਨ, ਉਨ੍ਹਾਂ ਦਾ ਪੈਸਾ ਬਰਬਾਦ ਹੋ ਜਾਂਦਾ ਹੈ।

ਗੰਦਗੀ ਵਿੱਚ ਰਹਿਣਾ : ਗਰੁੜ ਪੁਰਾਣ ਦੇ ਅਨੁਸਾਰ, ਦੇਵੀ ਲਕਸ਼ਮੀ ਕਦੇ ਵੀ ਉਸ ਘਰ ਵਿੱਚ ਨਹੀਂ ਆਉਂਦੀ ਜਿੱਥੇ ਗੰਦਗੀ ਹੁੰਦੀ ਹੈ। ਮਾਂ ਲਕਸ਼ਮੀ ਨੂੰ ਸਫ਼ਾਈ ਪਸੰਦ ਹੈ। ਗਰੁੜ ਪੁਰਾਣ ਅਨੁਸਾਰ ਗੰਦੇ ਕੱਪੜੇ ਗਰੀਬੀ ਲਿਆਉਂਦੇ ਹਨ। ਇਸ ਲਈ ਮਨੁੱਖ ਨੂੰ ਆਪਣੇ ਕੱਪੜੇ ਸਾਫ਼ ਰੱਖਣੇ ਚਾਹੀਦੇ ਹਨ। ਇਸ ਦੇ ਨਾਲ ਹੀ ਹਰ ਰੋਜ਼ ਇਸ਼ਨਾਨ ਕਰਨਾ ਚਾਹੀਦਾ ਹੈ।