ਆਧਾਰ ਨਾਲ ਲਿੰਕਡ ਨੰਬਰ ਨਹੀਂ ਰਿਹਾ ਯਾਦ! ਘਬਰਾਉਣ ਦੀ ਲੋੜ ਨਹੀਂ, ਇੱਥੇ ਹੈ ਇਸਦਾ ਹੱਲ

ਕੁਝ ਸਾਲ ਪਹਿਲਾਂ ਕਿਸੇ ਨੇ ਵੀ ਨਹੀਂ ਸੋਚਿਆ ਸੀ ਕਿ ਭਾਰਤ ਵਿਚ ਆਧਾਰ ਕਾਰਡ ਨਾਮ ਦੀ ਵੀ ਕੋਈ ਚੀਜ਼ ਆਵੇਗੀ ਅਤੇ ਉਹ ਹਰ ਦੇਸ਼ਵਾਸੀ ਲਈ ਇਕ ਜ਼਼ਰੂਰੀ ਚੀਜ਼ ਬਣ ਜਾਵੇਗੀ। ਪਰ ਅਜਕੱਲ੍ਹ ਇਹੀ ਸੱਚ ਹੈ ਕਿਉਂਕਿ ਆਧਾਰ ਕਾਰਡ ਬਹੁਤ ਸਾਰੀਆਂ ਸਹੂਲਤਾਂ ਲਈ ਬਹੁਤ ਮਹੱਤਵਪੂਰਨ ਦਸਤਾਵੇਜ਼ ਬਣ ਗਿਆ ਹੈ। ਦੇਸ਼ ਦੀਆਂ ਕਈ ਸਰਕਾਰੀ ਯੋਜਨਾਵਾਂ ਦੀ ਸਹੂਲਤ ਪ੍ਰਾਪਤ ਕਰਨ ਅਤੇ ਇਨਕਮ ਟੈਕਸ ਰਿਟਰਨ ਭਰਨ ਲਈ ਤੁਹਾਡੇ ਕੋਲ ਆਧਾਰ ਕਾਰਡ ਹੋਣਾ ਜ਼ਰੂਰੀ ਹੈ, ਜੋ ਤੁਹਾਡੇ ਮੋਬਾਈਲ ਨੰਬਰ ਨਾਲ ਲਿੰਕ ਹੋਣਾ ਚਾਹੀਦਾ ਹੈ।

ਇਸ ਦਾ ਕਾਰਨ ਇਹ ਹੈ ਕਿ ਜਦੋਂ ਵੀ ਤੁਸੀਂ ਆਪਣੇ ਆਧਾਰ ਨੰਬਰ ਦੀ ਮਦਦ ਨਾਲ ਕੋਈ ਕੰਮ ਕਰਨਾ ਚਾਹੁੰਦੇ ਹੋ ਤਾਂ ਉਸ ਦੀ ਵੈਰੀਫਿਕੇਸ਼ਨ ਲਈ ਇੱਕ OTP ਆਉਂਦਾ ਹੈ। ਇਹ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ ਜਾਂ ਈਮੇਲ ਆਈਡੀ 'ਤੇ ਆਉਂਦਾ ਹੈ। ਜੇਕਰ ਤੁਹਾਡਾ ਮੋਬਾਈਲ ਨੰਬਰ ਬਦਲ ਗਿਆ ਹੈ, ਤਾਂ ਤੁਹਾਡੇ ਆਧਾਰ ਨੂੰ ਪ੍ਰਮਾਣਿਤ ਕਰਨ ਲਈ ਓਟੀਪੀ ਤੁਹਾਡੇ ਪੁਰਾਣੇ ਨੰਬਰ 'ਤੇ ਆਵੇਗਾ ਅਤੇ ਤੁਹਾਨੂੰ OTP ਨਹੀਂ ਮਿਲ ਸਕੇਗਾ। ਪਰ ਜੇਕਰ ਤੁਸੀਂ mAadhaar ਐਪ ਦੀ ਵਰਤੋਂ ਕਰਨਾ ਚਾਹੁੰਦੇ ਹੋ, ਤਾਂ ਉਸ ਲਈ ਵੀ ਆਪਣੇ ਮੋਬਾਈਲ ਨੰਬਰ ਨੂੰ ਆਧਾਰ ਨਾਲ ਲਿੰਕ ਕਰਨਾ ਲਾਜ਼ਮੀ ਹੈ

ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਆਧਾਰ 'ਚ ਨਵਾਂ ਨੰਬਰ ਕਿਵੇਂ ਅਪਡੇਟ ਕੀਤਾ ਜਾ ਸਕਦਾ ਹੈ।

1. ਸਭ ਤੋਂ ਪਹਿਲਾਂ ਆਧਾਰ ਰਜਿਸਟ੍ਰੇਸ਼ਨ ਸੈਂਟਰ 'ਤੇ ਜਾਓ।
2. ਹੁਣ ਇੱਥੋਂ ਫ਼ੋਨ ਨੰਬਰ ਲਿੰਕ ਕਰਨ ਲਈ ਇੱਕ ਫਾਰਮ ਲਓ। ਇਸ ਨੂੰ ਆਧਾਰ ਸੁਧਾਰ ਫਾਰਮ ਕਿਹਾ ਜਾਂਦਾ ਹੈ।
3. ਇਸ ਫਾਰਮ ਨੂੰ ਸਹੀ ਜਾਣਕਾਰੀ ਨਾਲ ਭਰੋ।
4. ਭਰਿਆ ਹੋਇਆ ਫਾਰਮ 25 ਰੁਪਏ ਦੀ ਫੀਸ ਸਮੇਤ ਅਧਿਕਾਰੀ ਕੋਲ ਜਮ੍ਹਾਂ ਕਰਵਾਓ।
5. ਫਾਰਮ ਜਮ੍ਹਾ ਕਰਨ ਤੋਂ ਬਾਅਦ, ਤੁਹਾਨੂੰ ਇਸਦੀ ਰਸੀਦ ਦਿੱਤੀ ਜਾਵੇਗੀ। ਇਸ ਰਸੀਦ ਵਿੱਚ ਅੱਪਡੇਟ ਬੇਨਤੀ ਨੰਬਰ ਸ਼ਾਮਲ ਹੋਵੇਗਾ।
6. ਇਸ ਬੇਨਤੀ ਨੰਬਰ ਦੇ ਨਾਲ, ਤੁਸੀਂ ਜਾਂਚ ਕਰ ਸਕਦੇ ਹੋ ਕਿ ਨਵਾਂ ਫ਼ੋਨ ਨੰਬਰ ਤੁਹਾਡੇ ਆਧਾਰ ਨਾਲ ਲਿੰਕ ਹੈ ਜਾਂ ਨਹੀਂ।
7. ਤਿੰਨ ਮਹੀਨਿਆਂ ਵਿੱਚ ਤੁਹਾਡਾ ਆਧਾਰ ਨਵੇਂ ਮੋਬਾਈਲ ਨੰਬਰ ਨਾਲ ਲਿੰਕ ਹੋ ਜਾਵੇਗਾ।
8. ਜਦੋਂ ਤੁਹਾਡਾ ਆਧਾਰ ਨਵੇਂ ਮੋਬਾਈਲ ਨੰਬਰ ਨਾਲ ਲਿੰਕ ਹੁੰਦਾ ਹੈ, ਤਾਂ ਤੁਹਾਡੇ ਉਸੇ ਨੰਬਰ 'ਤੇ OTP ਆਵੇਗਾ।
9. ਉਸ OTP ਦੀ ਵਰਤੋਂ ਕਰਕੇ ਤੁਸੀਂ ਆਪਣਾ ਆਧਾਰ ਕਾਰਡ ਆਨਲਾਈਨ ਡਾਊਨਲੋਡ ਕਰ ਸਕਦੇ ਹੋ।
10. ਤੁਸੀਂ UIDAI ਦੇ ਟੋਲ ਫ੍ਰੀ ਨੰਬਰ 1947 'ਤੇ ਕਾਲ ਕਰਕੇ ਵੀ ਨਵੇਂ ਮੋਬਾਈਲ ਨੰਬਰ ਨੂੰ ਆਧਾਰ ਨਾਲ ਲਿੰਕ ਕਰਨ ਦੀ ਸਥਿਤੀ ਜਾਣ ਸਕਦੇ ਹੋ।

PVC ਕਾਰਡ ਲਈ ਅਰਜ਼ੀ ਕਿਵੇਂ ਦੇਣੀ ਹੈ

UIDAI ਨੇ PVC ਕਾਰਡ ਦੇ ਨਾਲ ਆਧਾਰ ਕਾਰਡ ਲਾਂਚ ਕੀਤਾ ਹੈ। ਇਸ ਨੂੰ ਕੋਈ ਵੀ ਆਧਾਰ ਕਾਰਡ ਧਾਰਕ 50 ਰੁਪਏ ਦੀ ਫੀਸ ਦੇ ਕੇ ਬਣਵਾ ਸਕਦਾ ਹੈ। ਇਸ ਦੇ ਲਈ ਸਭ ਤੋਂ ਪਹਿਲਾਂ UIDAI ਦੀ ਅਧਿਕਾਰਤ ਵੈੱਬਸਾਈਟ (https://uidai.gov.in) 'ਤੇ ਜਾਓ। ਇਸ ਤੋਂ ਬਾਅਦ My Aadhaar ਭਾਗ ਵਿੱਚ Order Aadhaar PVC ਕਾਰਡ 'ਤੇ ਕਲਿੱਕ ਕਰੋ। ਜਿਵੇਂ ਹੀ ਤੁਸੀਂ ਆਰਡਰ ਆਧਾਰ ਪੀਵੀਸੀ ਕਾਰਡ 'ਤੇ ਕਲਿੱਕ ਕਰਦੇ ਹੋ, ਤੁਹਾਨੂੰ 12 ਅੰਕਾਂ ਦਾ ਆਧਾਰ ਨੰਬਰ ਜਾਂ 16 ਅੰਕਾਂ ਦੀ ਵਰਚੁਅਲ ਆਈਡੀ ਜਾਂ 28 ਅੰਕਾਂ ਦੀ ਈਆਈਡੀ, ਇਹਨਾਂ ਤਿੰਨਾਂ ਵਿੱਚੋਂ ਕੋਈ ਵੀ ਇੱਕ ਦਰਜ ਕਰਨਾ ਹੋਵੇਗਾ।