ਕ੍ਰਿਸਮਸ ਤੇ ਨਵੇਂ ਸਾਲ ਮੌਕੇ ਰੇਲਵੇ ਵਿਭਾਗ ਵੱਲੋਂ ਚਲਾਈਆਂ ਜਾਣਗੀਆਂ ਖ਼ਾਸ ਟਰੇਨਾਂ

ਭਾਰਤੀ ਰੇਲਵੇ ਕੈਟਰਿੰਗ ਐਂਡ ਟੂਰਿਜ਼ਮ ਕਾਰਪੋਰੇਸ਼ਨ (IRCTC) ਨੇ ਕ੍ਰਿਸਮਸ ਅਤੇ ਨਵੇਂ ਸਾਲ ਦੌਰਾਨ ਯਾਤਰੀਆਂ ਦੀ ਵਾਧੂ ਭੀੜ ਨੂੰ ਹਟਾਉਣ ਲਈ ਕਈ ਵਿਸ਼ੇਸ਼ ਰੇਲ ਗੱਡੀਆਂ ਚਲਾਉਣ ਦਾ ਐਲਾਨ ਕੀਤਾ ਹੈ। ਆਈਆਰਸੀਟੀਸੀ ਕੇਂਦਰੀ ਰੇਲਵੇ ਨਾਲ ਤਾਲਮੇਲ ਕਰਕੇ ਕਈ ਵਿਸ਼ੇਸ਼ ਰੇਲ ਗੱਡੀਆਂ ਚਲਾਉਣ ਜਾ ਰਿਹਾ ਹੈ। ਇਕ ਅਧਿਕਾਰਤ ਰਿਲੀਜ਼ ਅਨੁਸਾਰ ਰੇਲ ਗੱਡੀਆਂ ਲਈ ਬੁਕਿੰਗ 20 ਨਵੰਬਰ ਤੋਂ ਯਾਨੀ ਅੱਜ ਤੋਂ ਸ਼ੁਰੂ ਹੋਵੇਗੀ।

ਜੇ ਤੁਸੀਂ ਕ੍ਰਿਸਮਸ ਜਾਂ ਨਵੇਂ ਸਾਲ ਤੇ ਆਪਣੇ ਘਰ ਜਾਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਸੀਂ ਪੀਆਰਐਸ ਕਾਊਂਟਰਾਂ ਅਤੇ ਆਈਆਰਸੀਟੀਸੀ ਵੈੱਬਸਾਈਟ ਤੋਂ ਆਪਣੀ ਟਿਕਟ ਬੁੱਕ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਰੇਲ ਗੱਡੀਆਂ ਦੇ ਵੇਰਵੇ।

ਰੇਲ ਗੱਡੀ ਨੰਬਰ 01596 ਮਡਗਾਓਂ ਜੰਕਸ਼ਨ-ਪਨਵੇਲ ਸਪੈਸ਼ਲ 16:00ਵਜੇ ਮਡਗਾਓਂ ਜੰਕਸ਼ਨ ਤੋਂ ਰਵਾਨਾ ਹੋਵੇਗੀ। ਰੇਲ ਗੱਡੀ ਅਗਲੇ ਦਿਨ 03:15 ਵਜੇ ਪਨਵੇਲ ਪਹੁੰਚੇਗੀ। ਹਰ ਐਤਵਾਰ 21 ਨਵੰਬਰ 2021 ਤੋਂ 2 ਜਨਵਰੀ 2022 ਤੱਕ।

ਰੇਲ ਗੱਡੀ ਨੰਬਰ 01595 ਪਨਵੇਲ-ਮਡਗਾਓਂ ਜੰਕਸ਼ਨ ਸਪੈਸ਼ਲ 22 ਨਵੰਬਰ 2021 ਤੋਂ 3 ਜਨਵਰੀ 2022 ਤੱਕ ਹਰ ਸੋਮਵਾਰ ਸਵੇਰੇ 6ਵਜੇ ਪਨਵੇਲ ਤੋਂ ਰਵਾਨਾ ਹੋਵੇਗੀ।

ਰਿਲੀਜ਼ ਵਿੱਚ ਕਿਹਾ ਗਿਆ ਹੈ ਕਿ ਇਹ ਰੇਲ ਗੱਡੀ ਕਰਮਾਲੀ, ਤਿਵੀਮ, ਸਾਵੰਤਵਾੜੀ ਰੋਡ, ਕੁਡਾਲ, ਸਿੰਧੂਦੁਰਗ, ਕਾਂਕਾਾਵਲੀ, ਵੈਭਵਵਾਦੀ ਰੋਡ, ਰਾਜਾਪੁਰ ਰੋਡ, ਅਦਾਵਾਲੀ, ਰਤਨਾਗਿਰੀ, ਸੰਗਮੇਸ਼ਵਰ ਰੋਡ, ਸਾਵਰਦਾ, ਚਿਪਲੂਨ, ਖੇੜ , ਮਾਨਗਾਂਵ ਅਤੇ ਰੋਹਾ ਸਟੇਸ਼ਨਾਂ 'ਤੇ ਰੁਕੇਗੀ।

ਇਸ ਤਰ੍ਹਾਂ ਦੇ ਹੋਰ ਵੇਰਵੇ ਵੇਖੋ

ਭਾਰਤੀ ਰੇਲਵੇ ਦੀ ਟਿਕਟ ਸ਼ਾਖਾ ਤੋਂ ਜਾਰੀ ਇੱਕ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ, "ਕਿਰਪਾ ਕਰਕੇ ਉਪਰੋਕਤ ਰੇਲ ਗੱਡੀਆਂ ਬਾਰੇ ਵਿਸਤ੍ਰਿਤ ਜਾਣਕਾਰੀ ਲਈ www.enquiry.indianrail.gov.in ਦੇਖੋ ਜਾਂ ਐਨਟੀਈਐਸ ਐਪ ਡਾਊਨਲੋਡ ਕਰੋ।

ਕੋਵਿਡ ਸੇਧਾਂ ਦੀ ਪਾਲਣਾ ਕੀਤੀ ਜਾਵੇਗੀ

ਜਾਰੀ ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਕੋਵਿਡ -19 ਦੇ ਸਬੰਧ ਵਿੱਚ ਸਾਰੇ ਰਾਜ ਅਤੇ ਕੇਂਦਰ ਸਰਕਾਰ ਦੇ ਨਿਯਮਾਂ ਦੀ ਪਾਲਣਾ ਕੀਤੀ ਜਾਣੀ ਚਾਹੀਦੀ ਹੈ ਜਿਸ ਵਿੱਚ ਰੇਲ ਗੱਡੀਆਂ ਅਤੇ ਰੇਲਵੇ ਸਟੇਸ਼ਨਾਂ 'ਤੇ ਯਾਤਰੀਆਂ ਦੁਆਰਾ ਸੋਸ਼ਲ ਡਿਸਟੈਂਸੀਨਗ , ਸੈਨੀਟਾਈਜ਼ੇਸ਼ਨ ਅਤੇ ਮਾਸਕ ਸ਼ਾਮਲ ਹਨ ।