Google Pixel 7 ਅਤੇ Pixel Pro ਨੇ ਮਚਾਈ ਧੂਮ, ਪਹਿਲੀ ਸੇਲ 'ਚ ਹੋਏ Out Of Stock

Google Pixel 7 ਅਤੇ Pixel 7 Pro ਵਿਕਰੀ ਸ਼ੁਰੂ ਹੋਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਫਲਿੱਪਕਾਰਟ 'ਤੇ ਸਟਾਕ ਤੋਂ ਬਾਹਰ ਹੋ ਗਏ ਸਨ। ਦੋਵਾਂ ਸਮਾਰਟਫੋਨਸ ਦੀ ਵਿਕਰੀ ਅੱਜ ਤੋਂ ਪਲੇਟਫਾਰਮ 'ਤੇ ਸ਼ੁਰੂ ਹੋ ਗਈ ਹੈ ਅਤੇ ਫਿਲਹਾਲ ਇਸ ਦਾ ਕੋਈ ਵੀ ਕਲਰ ਵੇਰੀਐਂਟ ਵਿਕਰੀ ਲਈ ਉਪਲਬਧ ਨਹੀਂ ਹੈ। ਫਿਲਹਾਲ ਗੂਗਲ ਨੇ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਫੋਨ ਦਾ ਅਗਲਾ ਸਟਾਕ ਭਾਰਤ 'ਚ ਕਦੋਂ ਆਵੇਗਾ। ਦੱਸ ਦੇਈਏ ਕਿ Pixel 7 ਸੀਰੀਜ਼ ਨੂੰ ਭਾਰਤ 'ਚ 59,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ਨਾਲ ਲਾਂਚ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ Pixel 7 Pro ਦੀ ਕੀਮਤ 84,999 ਰੁਪਏ ਹੈ।

ਦੋਵੇਂ ਡਿਵਾਈਸ ਸੀਮਤ ਪੇਸ਼ਕਸ਼ਾਂ ਦੇ ਨਾਲ ਫਲਿੱਪਕਾਰਟ 'ਤੇ ਵਿਕਰੀ ਲਈ ਉਪਲਬਧ ਸਨ। ਫਲਿੱਪਕਾਰਟ Pixel 7 'ਤੇ 6,000 ਰੁਪਏ ਦਾ ਕੈਸ਼ਬੈਕ ਅਤੇ Pixel 7 Pro 'ਤੇ 8,500 ਰੁਪਏ ਦਾ ਕੈਸ਼ਬੈਕ ਆਫਰ ਕਰ ਰਿਹਾ ਸੀ। ਇਸ ਤੋਂ ਇਲਾਵਾ ਦੋਵਾਂ ਫੋਨਾਂ 'ਤੇ ਹੋਰ ਡੀਲ ਅਤੇ ਐਕਸਚੇਂਜ ਆਫਰ ਵੀ ਮੌਜੂਦ ਸਨ।

 ਸਟਾਕ ਤੋਂ ਬਾਹਰ ਹੋਏ ਫ਼ੋਨ

ਟਵਿੱਟਰ ਪੋਸਟ ਦੇ ਅਨੁਸਾਰ, Pixel 7 ਅਤੇ 7 Pro ਫਲਿੱਪਕਾਰਟ 'ਤੇ ਸਵੇਰੇ 8 ਵਜੇ ਉਪਲਬਧ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਫੋਨ ਦੀ ਮੰਗ ਬਹੁਤ ਜ਼ਿਆਦਾ ਸੀ ਅਤੇ ਸਟਾਕ ਥੋੜ੍ਹੇ ਸਮੇਂ ਲਈ ਹੀ ਰਹਿ ਸਕਦਾ ਸੀ।

 ਫੋਨ 6 ਅਕਤੂਬਰ ਨੂੰ ਕੀਤੇ ਗਏ ਸਨ ਲਾਂਚ

ਤੁਹਾਨੂੰ ਦੱਸ ਦੇਈਏ ਕਿ ਜਦੋਂ ਗੂਗਲ ਨੇ ਮਈ 'ਚ IO 2022 ਈਵੈਂਟ 'ਚ ਪਹਿਲੀ ਵਾਰ ਫੋਨ ਨੂੰ ਟੀਜ਼ ਕੀਤਾ ਸੀ ਤਾਂ Pixel 7 ਫੋਨ ਨੂੰ ਕਾਫੀ ਹਾਈਪ ਮਿਲਿਆ ਸੀ। Pixel 7 ਅਤੇ 7 Pro ਨੂੰ ਅਧਿਕਾਰਤ ਤੌਰ 'ਤੇ 6 ਅਕਤੂਬਰ ਨੂੰ ਭਾਰਤ ਅਤੇ ਹੋਰ ਗਲੋਬਲ ਬਾਜ਼ਾਰਾਂ ਵਿੱਚ ਲਾਂਚ ਕੀਤਾ ਗਿਆ ਸੀ। ਗੂਗਲ ਦੀ ਇਹ ਪਹਿਲੀ ਸੀਰੀਜ਼ ਹੈ ਜੋ ਲਗਭਗ ਤਿੰਨ ਸਾਲ ਬਾਅਦ ਭਾਰਤ 'ਚ ਲਾਂਚ ਕੀਤੀ ਗਈ ਹੈ। ਕੁਝ ਮਹੀਨੇ ਪਹਿਲਾਂ, ਕੰਪਨੀ ਨੇ ਇੱਕ ਟੋਨ-ਡਾਊਨ Pixel 6a ਪੇਸ਼ ਕੀਤਾ ਸੀ, ਜੋ Flipkart 'ਤੇ ਲਗਭਗ 30,000 ਰੁਪਏ ਵਿੱਚ ਉਪਲਬਧ ਹੈ।