Lauki Raita Recipe: ਲੌਕੀ ਰਾਇਤਾ ਢਿੱਡ ਲਈ ਹੈ ਵਰਦਾਨ, ਜਾਣੋ ਬਣਾਉਣ ਦੀ ਆਸਾਨ ਰੈਸਿਪੀ

Lauki Raita Recipe:  ਪੌਸ਼ਟਿਕ ਭੋਜਨ ਸਾਡੇ ਸਿਹਤਮੰਦ ਰਹਿਣ ਲਈ ਬਹੁਤ ਜ਼ਰੂਰੀ ਹੈ। ਲੌਕੀ ਵਿੱਚ ਭਰਪੂਰ ਮਾਤਰਾ ਵਿੱਚ ਪੌਸਟਿਕ ਤੱਤ ਪਾਏ ਜਾਂਦੇ ਹਨ। ਤੁਸੀਂ ਲੌਕੀ ਦੀ ਸਬਜ਼ੀ ਬਣਾਉਣ ਤੋਂ ਇਲਾਵਾ, ਲੌਕੀ ਦਾ ਰਾਇਤਾ ਵੀ ਬਣਾ ਸਕਦੇ ਹੋ। ਵਿਆਹਾਂ ਵਿੱਚ ਤੁਸੀਂ ਅਕਸਰ ਹੀ ਲੌਕੀ ਰਾਇਤਾ ਖਾਧਾ ਹੋਵੇਗਾ। ਇਹ ਖਾਣ ਵਿੱਚ ਬਹੁਤ ਹੀ ਸਵਾਦ ਹੁੰਦਾ ਹੈ। ਇਸਦੇ ਤੁਹਾਡੀ ਸਿਹਤ ਲਈ ਬਹੁਤ ਸਾਰੇ ਫ਼ਾਇਦੇ ਵੀ ਹਨ। ਇਸਨੂੰ ਸਾਡੇ ਪੇਟ ਲਈ ਵਰਦਾਨ ਮੰਨਿਆ ਜਾਂਦਾ ਹੈ। ਇਹ ਸਾਡੇ ਪਾਚਨ ਤੰਤਰ ਨੂੰ ਸਹੀ ਰੱਖਦਾ ਹੈ। ਤੁਸੀਂ ਘਰ ਵਿੱਚ ਬਹੁਤ ਹੀ ਆਸਾਨੀ ਨਾਲ ਲੌਕੀ ਰਾਇਤਾ ਤਿਆਰ ਕਰ ਸਕਦੇ ਹੋ। ਇਸਨੂੰ ਬਣਾਉਣ ਲਈ ਵੀ ਬਹੁਤ ਘੱਟ ਸਮਾਂ ਲੱਗਦਾ ਹੈ। ਆਓ ਜਾਣਦੇ ਹਾਂ ਕਿ ਲੌਕੀ ਰਾਇਤੇ ਦੀ ਰੈਸਿਪੀ ਕੀ ਹੈ।

ਲੌਕੀ ਰਾਇਤਾ ਬਣਾਉਣ ਲਈ ਲੋੜੀਂਦੀ ਸਮੱਗਰੀ

ਲੌਕੀ ਰਾਇਤਾ ਬਣਾਉਣ ਦੇ ਲਈ ਤੁਹਾਨੂੰ 250 ਗ੍ਰਾਮ ਲੌਕੀ, 2 ਕੱਪ ਦਹੀ, ਜੀਰਾ, ਹਰੀ ਮਿਰਚ, ਇੱਕ ਚੁਟਕੀ ਹਿੰਗ, 1 ਚਮਚ ਦੇਸੀ ਘਿਓ, ਹਰਾ ਧਨੀਆਂ, ਕਾਲੀ ਮਿਰਚ ਪਾਊਡਰ ਤੇ ਨਮਕ ਦੀ ਲੋੜ ਪਵੇਗੀ। ਇਨ੍ਹਾਂ ਕੁਝ ਚੀਜ਼ਾਂ ਦੀ ਮਦਦ ਨਾਲ ਤੁਸੀਂ ਸਵਾਦ ਭਰਪੂਰ ਤੇ ਪੌਸ਼ਟਿਕ ਰਾਇਤਾ ਤਿਆਰ ਕਰ ਸਕਦੇ ਹੋ।

ਲੌਕੀ ਰਾਇਤਾ ਬਣਾਉਣ ਦੀ ਰੈਸਿਪੀ

• ਲੌਕੀ ਰਾਇਤਾ ਬਣਾਉਣ ਲਈ ਸਭ ਤੋਂ ਪਹਿਲਾਂ ਲੌਕੀ ਨੂੰ ਚੰਗੀ ਤਰ੍ਹਾਂ ਛਿੱਲ ਕੇ ਕੱਦੂਕਸ਼ ਕਰ ਲਓ।


• ਇਸ ਤੋਂ ਬਾਅਦ ਲੌਕੀ ਨੂੰ ਨਰਮ ਹੋਣ ਤੱਕ ਉਬਾਲੋ। ਜਦੋਂ ਲੌਕੀ ਨਰਮ ਹੋ ਜਾਵੇ ਤਾਂ ਇਸਦਾ ਪਾਣੀ ਕੱਢ ਕੇ ਇਸਨੂੰ ਚੰਗੀ ਤਰ੍ਹਾਂ ਛਾਣ ਲਓ।


• ਫਿਰ ਦਹੀਂ ਲਓ ਤੇ ਇਸਨੂੰ ਚੰਗੀ ਤਰ੍ਹਾਂ ਮੈਸ਼ ਕਰ ਲਓ, ਤਾਂ ਜੋ ਦਹੀਂ ਵਿੱਚ ਕੋਈ ਵੀ ਗੱਠ ਨਾ ਰਹੇ।


• ਹੁਣ ਦਹੀਂ ਵਿੱਚ ਲੌਕੀ, ਹਰੀਆਂ ਮਿਰਚਾ, ਹਰਾ ਧਨੀਆਂ, ਕਾਲੀ ਮਿਰਚ ਪਾਊਡਰ ਤੇ ਨਮਕ ਪਾਓ।


• ਇਸ ਤੋਂ ਬਾਅਦ ਦੇਸੀ ਘਿਓ ਦੇ ਚਮਚ ਨੂੰ ਗਰਮ ਕਰੋ। ਜਦੋਂ ਘਿਓ ਗਰਮ ਹੋ ਜਾਵੇ ਤਾਂ ਇਸ ਵਿੱਚ ਜੀਰੇ ਨੂੰ ਚੰਗੀ ਤਰ੍ਹਾਂ ਭੁੰਨੋ। ਇਸ ਤੋਂ ਬਾਅਦ ਗੈਸ ਨੂੰ ਬੰਦ ਕਰੋ ਤੇ ਇਸ ਵਿੱਚ ਹਿੰਗ ਪਾਊਡਰ ਮਿਲਾਓ।


• ਹੁਣ ਇਸ ਤਿਆਰ ਤੜਕੇ ਨੂੰ ਦਹੀਂ ਮਿਸ਼ਰਨ ਵਿੱਚ ਚੰਗੀ ਤਰ੍ਹਾਂ ਮਿਕਸ ਕਰੋ। ਇਸ ਤਰ੍ਹਾਂ ਤੁਹਾਡਾ ਸਵਾਦੀ ਲੌਕੀ ਰਾਇਤਾ ਤਿਆਰ ਹੈ। ਤੁਸੀਂ ਇਸਨੂੰ ਰੋਟੀ ਜਾਂ ਪਰਾਠੇ ਨਾਲ ਸਰਵ ਕਰ ਸਕਦੇ ਹੋ। ਜੇਕਰ ਤੁਸੀਂ ਚਾਹੋ ਤਾਂ ਲੌਕੀ ਨੂੰ ਕੱਦੂਕਸ਼ ਕਰਨ ਦੀ ਬਜਾਇ ਕੱਟ ਵੀ ਉਬਾਲ ਸਕਦੇ ਹੋ।