Budget 2022: ਦੋ-ਪਹੀਆ ਵਾਹਨ ਹੋਣਗੇ ਸਸਤੇ, ਸਰਕਾਰ ਘਟਾ ਸਕਦੀ ਹੈ GST

ਕੋਰੋਨਾ ਮਹਾਂਮਾਰੀ ਮਾਰੀ ਦੇ ਵਿਚਕਾਰ ਅਗਲੇ ਮਹੀਨੇ ਪੇਸ਼ ਹੋਣ ਵਾਲੇ ਬਜਟ 2022 'ਚ ਫੈਡਰੇਸ਼ਨ ਆਫ ਆਟੋਮੋਬਾਈਲ ਡੀਲਰਜ਼ (FADA) ਨੇ ਦੋ ਪਹੀਆ ਵਾਹਨਾਂ 'ਤੇ GST ਦੀ ਦਰ ਘਟਾ ਕੇ 18 ਫੀਸਦੀ ਕਰਨ ਦੀ ਮੰਗ ਕੀਤੀ ਹੈ। ਸੰਗਠਨ ਦਾ ਕਹਿਣਾ ਹੈ ਕਿ ਕੋਰੋਨਾ ਦੇ ਦੌਰ 'ਚ ਵਾਹਨਾਂ ਦੀ ਮੰਗ 'ਚ ਭਾਰੀ ਗਿਰਾਵਟ ਆਈ ਹੈ। ਜੇਕਰ ਸਰਕਾਰ ਜੀਐਸਟੀ ਦੀ ਦਰ ਵਿੱਚ ਕਟੌਤੀ ਕਰਦੀ ਹੈ ਤਾਂ ਇਸ ਨਾਲ ਮੰਗ ਦੇ ਮੋਰਚੇ 'ਤੇ ਰਾਹਤ ਮਿਲੇਗੀ।

FADA ਨੇ ਕਿਹਾ ਕਿ ਦੋ ਪਹੀਆ ਵਾਹਨ ਲਗਜ਼ਰੀ ਉਤਪਾਦ ਨਹੀਂ ਹੈ। ਇਸ ਲਈ ਜੀਐਸਟੀ ਦਰਾਂ ਵਿੱਚ ਕਟੌਤੀ ਦੀ ਲੋੜ ਹੈ। ਦੇਸ਼ ਵਿੱਚ 15,000 ਤੋਂ ਵੱਧ ਆਟੋਮੋਬਾਈਲ ਡੀਲਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਐਸੋਸੀਏਸ਼ਨ ਨੇ ਵਿੱਤ ਮੰਤਰਾਲੇ ਨੂੰ ਦੋ-ਪਹੀਆ ਵਾਹਨਾਂ 'ਤੇ ਜੀਐਸਟੀ ਨੂੰ 18 ਪ੍ਰਤੀਸ਼ਤ ਤੱਕ ਘਟਾਉਣ ਦੀ ਅਪੀਲ ਕੀਤੀ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ 1 ਫਰਵਰੀ 2022 ਨੂੰ ਵਿੱਤੀ ਸਾਲ 2022-23 ਦਾ ਬਜਟ ਪੇਸ਼ ਕਰੇਗੀ।

ਜੀਐਸਟੀ ਵਿੱਚ ਕਟੌਤੀ ਕਾਰਨ ਵਧੇਗੀ ਦੋ-ਪਹੀਆ ਵਾਹਨਾਂ ਦੀ ਮੰਗ

FADA ਨੇ ਕਿਹਾ ਕਿ ਦੋ-ਪਹੀਆ ਵਾਹਨਾਂ ਦੀ ਵਰਤੋਂ ਲਗਜ਼ਰੀ ਵਸਤੂ ਵਜੋਂ ਨਹੀਂ ਕੀਤੀ ਜਾਂਦੀ। ਆਮ ਲੋਕ ਇਸ ਦੀ ਵਰਤੋਂ ਆਪਣੇ ਰੋਜ਼ਾਨਾ ਦੇ ਕੰਮ ਨਿਪਟਾਉਣ ਲਈ ਕਰਦੇ ਹਨ। ਇਸ ਲਈ 28 ਫੀਸਦੀ ਜੀਐਸਟੀ ਦੇ ਨਾਲ 2 ਫੀਸਦੀ ਸੈੱਸ ਲਗਾਉਣਾ ਸਹੀ ਨਹੀਂ ਹੈ। ਲਗਜ਼ਰੀ ਉਤਪਾਦਾਂ 'ਤੇ ਸੈੱਸ ਲਗਾਇਆ ਜਾਂਦਾ ਹੈ। ਐਸੋਸੀਏਸ਼ਨ ਨੇ ਕਿਹਾ ਕਿ ਕੱਚੇ ਮਾਲ ਦੀਆਂ ਕੀਮਤਾਂ ਵਿੱਚ ਵਾਧੇ ਕਾਰਨ ਵਾਹਨਾਂ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ, ਜੀਐਸਟੀ ਦਰਾਂ ਵਿੱਚ ਕਟੌਤੀ ਲਾਗਤ ਵਿੱਚ ਵਾਧੇ ਅਤੇ ਮੰਗ ਨੂੰ ਵਧਾਉਣ ਵਿੱਚ ਸਹਾਇਤਾ ਕਰੇਗੀ।

10 ਸਾਲਾਂ ਵਿੱਚ ਸਭ ਤੋਂ ਘੱਟ ਹੈ ਦੋ ਪਹੀਆ ਵਾਹਨਾਂ ਦੀ ਵਿਕਰੀ

ਸਿਆਮ ਦੁਆਰਾ ਹਾਲ ਹੀ ਵਿੱਚ ਜਾਰੀ ਕੀਤੇ ਗਏ ਅੰਕੜਿਆਂ ਦੇ ਅਨੁਸਾਰ, ਮੋਟਰਸਾਈਕਲ-ਸਕੂਟਰਾਂ ਅਤੇ ਮੋਪੇਡਾਂ ਦੀ ਵਿਕਰੀ ਵਿੱਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। ਅਪ੍ਰੈਲ 2021 ਤੋਂ ਦਸੰਬਰ ਦੇ ਵਿਚਕਾਰ, ਦੋ-ਪਹੀਆ ਵਾਹਨਾਂ ਦੀ ਵਿਕਰੀ ਪਿਛਲੇ ਦਹਾਕੇ ਦੇ ਸਭ ਤੋਂ ਹੇਠਲੇ ਪੱਧਰ 'ਤੇ ਪਹੁੰਚ ਗਈ ਹੈ। ਅਪ੍ਰੈਲ-ਦਸੰਬਰ 2021 ਵਿੱਚ 2020 ਦੇ ਮੁਕਾਬਲੇ ਘੱਟ ਵਾਹਨ ਵੇਚੇ ਗਏ। ਸਾਲ 2020 ਦੀ ਇਸੇ ਮਿਆਦ ਵਿੱਚ ਦੋ-ਪਹੀਆ ਵਾਹਨਾਂ ਦੀਆਂ ਇੱਕ ਕਰੋੜ ਯੂਨਿਟਾਂ ਵੇਚੀਆਂ ਗਈਆਂ ਸਨ। ਹਾਲਾਂਕਿ, ਇਸ ਸਮੇਂ ਦੌਰਾਨ ਯਾਤਰੀ ਕਾਰਾਂ ਅਤੇ ਪ੍ਰੀਮੀਅਮ ਕਾਰਾਂ ਦੀ ਵਿਕਰੀ ਵਿੱਚ ਤੇਜ਼ੀ ਆਈ ਹੈ।