ਗੁਜਰਾਤ ਦੀ ਕੁੜੀ ਖੁਦ ਨਾਲ ਕਰੇਗੀ ਵਿਆਹ! ਕੀ ਇਸਨੂੰ ਮਾਨਤਾ ਦਿੰਦਾ ਹੈ ਭਾਰਤ ਦਾ ਕਾਨੂੰਨ ?

ਜਦੋਂ ਤੋਂ ਲਾਕਡਾਊਨ ਸ਼ੁਰੂ ਹੋਇਆ ਹੈ, ਉਸ ਤੋਂ ਬਾਅਦ ਵਿਦੇਸ਼ਾਂ ਤੋਂ ਅਜਿਹੇ ਕਈ ਮਾਮਲੇ ਆਉਣੇ ਸ਼ੁਰੂ ਹੋ ਗਏ ਹਨ, ਜਿੱਥੇ ਲੋਕ ਆਪਣੇ-ਆਪ ਨਾਲ ਵਿਆਹ ਕਰਵਾਉਣ ਲੱਗੇ ਹਨ। ਪਹਿਲਾਂ ਹਰ ਕੋਈ ਸਮਝਦਾ ਸੀ ਕਿ ਇਹ ਸਭ ਵਿਦੇਸ਼ੀਆਂ ਦੇ ਕਾਰਨਾਮੇ ਹਨ ਅਤੇ ਸਾਡੇ ਦੇਸ਼ ਭਾਰਤ ਵਿੱਚ ਅਜਿਹਾ ਨਹੀਂ ਹੋ ਸਕਦਾ। ਪਰ ਪਿਛਲੇ ਦਿਨੀਂ ਗੁਜਰਾਤ ਦੀ ਇੱਕ ਲੜਕੀ ਨੇ ਆਪਣੇ-ਆਪ ਨਾਲ ਵਿਆਹ ਕਰਨ ਦਾ ਐਲਾਨ ਕਰ ਕੇ ਸਨਸਨੀ ਮਚਾ ਦਿੱਤੀ ਸੀ। ਕਸ਼ਮਾ ਬਿੰਦੂ 11 ਜੂਨ ਨੂੰ ਇੱਕ ਸਮਾਰੋਹ ਵਿੱਚ ਖੁਦ ਨਾਲ ਵਿਆਹ ਕਰਨ ਜਾ ਰਹੀ ਹੈ।

ਆਪਣੇ ਆਪ ਨਾਲ ਵਿਆਹ ਕਰਨ ਨੂੰ ਸੋਲੋਗਾਮੀ ਕਿਹਾ ਜਾਂਦਾ ਹੈ। ਇਸ ਵਿੱਚ ਵਿਅਕਤੀ ਨੂੰ ਕਿਸੇ ਹੋਰ ਸਾਥੀ ਦੀ ਲੋੜ ਨਹੀਂ ਹੁੰਦੀ। ਉਹ ਆਪਣੇ-ਆਪ ਨਾਲ ਹੀ ਵਿਆਹ ਕਰਦਾ ਹੈ। ਕਸ਼ਮਾ ਨੇ ਦੱਸਿਆ ਕਿ 11 ਜੂਨ ਨੂੰ ਉਸ ਦੇ ਸਾਰੇ ਰਿਸ਼ਤੇਦਾਰ ਅਤੇ ਦੋਸਤ ਉਸ ਦੇ ਵਿਆਹ ਵਿੱਚ ਸ਼ਾਮਲ ਹੋਣਗੇ। ਇਸ ਵਿੱਚ ਨੱਚਣਾ, ਗਾਉਣਾ, ਪਾਰਟੀਆਂ, ਮੰਤਰਾਂ ਦਾ ਪਾਠ ਕੀਤਾ ਜਾਵੇਗਾ। ਸਿਰਫ਼ ਇਸ ਵਿਆਹ ਵਿੱਚ ਕੋਈ ਲਾੜਾ ਨਹੀਂ ਹੋਵੇਗਾ। ਕਸ਼ਮਾ ਇਸ ਦਾ ਆਪਣੇ-ਆਪ ਨਾਲ ਹੀ ਵਿਆਹ ਕਰੇਗੀ। ਇਸ ਵਿਆਹ ਨੇ ਜਿੱਥੇ ਖਲਬਲੀ ਮਚਾ ਦਿੱਤੀ ਹੈ, ਉੱਥੇ ਹੀ ਕਈ ਲੋਕ ਇਸ ਦਾ ਵਿਰੋਧ ਵੀ ਕਰ ਰਹੇ ਹਨ। ਕਈਆਂ ਨੇ ਇਸ ਦਾ ਸਪਸ਼ਟ ਤੌਰ 'ਤੇ ਵਿਰੋਧ ਕਰਦਿਆਂ ਕਿਹਾ ਕਿ ਇਹ ਹਿੰਦੂ ਧਰਮ ਦਾ ਮਜ਼ਾਕ ਹੈ। ਪਰ ਇਹ ਲੋਕਾਂ ਦੀ ਰਾਏ ਸੀ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕਾਨੂੰਨ ਅਜਿਹੇ ਵਿਆਹਾਂ ਨੂੰ ਕਿਵੇਂ ਦੇਖਦਾ ਹੈ।

ਅਜਿਹੇ ਵਿਆਹ ਨੂੰ ਨਹੀਂ ਮਿਲਦੀ ਮਾਨਤਾ : ਭਾਰਤ ਵਿੱਚ, ਜਦੋਂ ਇੱਕ ਲੜਕਾ ਅਤੇ ਇੱਕ ਲੜਕੀ ਵਿਆਹ ਕਰਦੇ ਹਨ, ਤਾਂ ਉਹਨਾਂ ਨੂੰ ਵਿਆਹ ਦਾ ਸਰਟੀਫਿਕੇਟ ਲੈਣਾ ਪੈਂਦਾ ਹੈ। ਇਸ ਤੋਂ ਬਾਅਦ ਹੁਣ ਕਈ ਦੇਸ਼ਾਂ ਵਿੱਚ ਸਮਲਿੰਗੀ ਵਿਆਹ ਨੂੰ ਕਾਨੂੰਨੀ ਮਾਨਤਾ ਵੀ ਮਿਲ ਗਈ ਹੈ। ਹਾਲਾਂਕਿ ਭਾਰਤ ਵਿੱਚ ਅਜੇ ਤੱਕ ਅਜਿਹਾ ਨਹੀਂ ਹੋਇਆ ਹੈ। ਦੂਜੇ ਪਾਸੇ, ਜੇਕਰ ਅਸੀਂ ਸੋਲੋਗਾਮੀ ਕਰਦੇ ਹਾਂ, ਤਾਂ ਕਾਨੂੰਨ ਭਾਰਤ ਵਿੱਚ ਅਜਿਹੇ ਵਿਆਹਾਂ ਨੂੰ ਮਾਨਤਾ ਨਹੀਂ ਦਿੰਦਾ। ਵਿਆਹ ਦਾ ਇਹ ਰੁਝਾਨ ਕਰੀਬ ਦੋ ਦਹਾਕੇ ਪਹਿਲਾਂ ਸ਼ੁਰੂ ਹੋਇਆ ਸੀ। ਉਸ ਸਮੇਂ, ਮਸ਼ਹੂਰ ਨਾਇਕ ਕੈਰੀ ਬ੍ਰੈਡਸ਼ੌ ਨੇ ਘੋਸ਼ਣਾ ਕੀਤੀ ਕਿ ਉਹ ਆਪਣੇ ਆਪ ਨਾਲ ਵਿਆਹ ਕਰਨ ਜਾ ਰਹੀ ਹੈ। ਇਸ ਤੋਂ ਬਾਅਦ ਲਾਕਡਾਊਨ 'ਚ ਅਜਿਹੇ ਮਾਮਲਿਆਂ 'ਚ ਭਾਰੀ ਵਾਧਾ ਹੋਇਆ ਹੈ।

ਕਸ਼ਮਾ ਖੁਦ ਨਾਲ ਵਿਆਹ ਕਰਵਾ ਕੇ ਹਨੀਮੂਨ 'ਤੇ ਵੀ ਜਾਵੇਗੀ : ਇਹ ਭਾਰਤ ਵਿੱਚ ਆਤਮ-ਵਿਆਹ ਦਾ ਪਹਿਲਾ ਮਾਮਲਾ ਦੱਸਿਆ ਜਾ ਰਿਹਾ ਹੈ। ਕਸ਼ਮਾ ਮੁਤਾਬਕ ਉਹ ਕਦੇ ਵੀ ਵਿਆਹ ਨਹੀਂ ਕਰਵਾਉਣਾ ਚਾਹੁੰਦੀ ਸੀ। ਉਹ ਨੂੰ ਸਿਰਫ ਦੁਲਹਨ ਬਣਨ ਦਾ ਸ਼ੌਕ ਹੈ। ਇਸ ਲਈ ਉਹ ਖੁਦ ਨਾਲ ਹੀ ਵਿਆਹ ਕਰਨ ਜਾ ਰਹੀ ਹੈ। ਇਸ ਵਿਆਹ ਤੋਂ ਬਾਅਦ ਉਸ ਨੇ ਗੋਆ 'ਚ ਆਪਣਾ ਦੋ ਹਫਤੇ ਦਾ ਹਨੀਮੂਨ ਵੀ ਪਲਾਨ ਕੀਤਾ ਹੈ। ਕਸ਼ਮਾ ਇਸ ਸਵੈ-ਵਿਆਹ ਨੂੰ ਆਪਣੇ ਆਪ ਨੂੰ ਪਿਆਰ ਜ਼ਾਹਰ ਕਰਨ ਦਾ ਇੱਕ ਤਰੀਕਾ ਮੰਨਦੀ ਹੈ। ਉਹ ਇਸ ਫੈਸਲੇ ਤੋਂ ਕਾਫੀ ਖੁਸ਼ ਹੈ।