Coconut Milk Shampoo: ਘਰੇ ਆਸਾਨੀ ਨਾਲ ਬਣਾਓ ਕੋਕੋਨਟ ਮਿਲਕ ਸ਼ੈਂਪੂ, ਵਾਲ ਹੋ ਜਾਣਗੇ ਰੇਸ਼ਮੀ 'ਤੇ ਲੰਬੇ

Coconut Milk Shampoo:  ਨਾਰੀਅਲ ਦਾ ਦੁੱਧ ਸਕਿਨ ਲਈ ਬਹੁਤ ਸਿਹਤਮੰਦ ਹੋ ਸਕਦਾ ਹੈ। ਇਹ ਕੈਲੋਰੀ ਅਤੇ ਚਰਬੀ ਨਾਲ ਭਰਪੂਰ ਹੁੰਦਾ ਹੈ, ਜੋ ਬੁਢਾਪੇ ਦੀਆਂ ਸਮੱਸਿਆਵਾਂ ਨੂੰ ਦੂਰ ਕਰ ਸਕਦਾ ਹੈ। ਇਸ ਦੇ ਨਾਲ ਹੀ ਇਸ ਦੀ ਵਰਤੋਂ ਕਰਨ ਨਾਲ ਤੁਹਾਡੀ ਸਕਿਨ ਨੂੰ ਭਰਪੂਰ ਪੋਸ਼ਣ ਮਿਲਦਾ ਹੈ। ਚਿਹਰੇ 'ਤੇ ਨਿਯਮਤ ਤੌਰ 'ਤੇ ਨਾਰੀਅਲ ਦੇ ਦੁੱਧ ਨੂੰ ਲਗਾਉਣ ਨਾਲ, ਤੁਸੀਂ ਸਕਿਨ ਤੋਂ ਵਧਦੀ ਉਮਰ, ਮੁਹਾਸੇ,ਕਾਲੇ ਘੇਰੇ ਵਰਗੀਆਂ ਸਮੱਸਿਆਵਾਂ ਨੂੰ ਦੂਰ ਕਰ ਸਕਦੇ ਹੋ। ਵੈਸੇ ਸਕਿਨ ਤੋਂ ਇਲਾਵਾ ਨਾਰੀਅਲ ਦਾ ਦੁੱਧ ਵਾਲਾਂ ਲਈ ਵੀ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਸਰਦੀਆਂ ਵਿੱਚ ਸਾਡੇ ਵਾਲ ਕਾਫੀ ਖੁਸ਼ਕ ਹੋ ਜਾਂਦੇ ਹਨ ਪਰ ਇਸ ਤੋਂ ਆਸਾਨੀ ਨਾਲ ਨਿਜਾਤ ਪਾਈ ਜਾ ਸਕਦੀ ਹੈ।

ਨਾਰੀਅਲ ਦੇ ਦੁੱਧ ਦਾ ਸ਼ੈਂਪੂ ਵਾਲਾਂ ਨੂੰ ਜੜ੍ਹਾਂ ਤੋਂ ਮਜ਼ਬੂਤ ​​ਕਰਕੇ ਵਾਲਾਂ ਦੇ ਝੜਨ ਨੂੰ ਕੰਟਰੋਲ ਕਰਨ ਵਿੱਚ ਮਦਦਗਾਰ ਹੁੰਦਾ ਹੈ। ਇਸ ਦੇ ਨਾਲ ਹੀ ਨਾਰੀਅਲ ਦੇ ਦੁੱਧ ਦਾ ਸ਼ੈਂਪੂ ਨਿਯਮਤ ਤੌਰ 'ਤੇ ਲਗਾਉਣ ਨਾਲ ਵੀ ਸਪਲਿਟ ਐਂਡਸ ਤੋਂ ਛੁਟਕਾਰਾ ਮਿਲਦਾ ਹੈ। ਇਸ ਦੇ ਨਾਲ, ਨਾਰੀਅਲ ਸ਼ੈਂਪੂ ਵਾਲਾਂ ਦੀ ਨਮੀ ਨੂੰ ਬਣਾਈ ਰੱਖ ਕੇ ਵਾਲਾਂ ਨੂੰ ਨਰਮ, ਰੇਸ਼ਮੀ ਅਤੇ ਚਮਕਦਾਰ ਬਣਾਉਂਦਾ ਹੈ। ਨਾਰੀਅਲ ਦੇ ਦੁੱਧ ਤੋਂ ਬਣਿਆ ਘਰੇਲੂ ਸ਼ੈਂਪੂ ਵਾਲਾਂ ਦੀ ਖਾਸ ਦੇਖਭਾਲ ਕਰਨ ਦੇ ਨਾਲ-ਨਾਲ ਵਾਲਾਂ ਦੀਆਂ ਕਈ ਸਮੱਸਿਆਵਾਂ ਨੂੰ ਦੂਰ ਕਰਨ 'ਚ ਵੀ ਮਦਦਗਾਰ ਹੁੰਦਾ ਹੈ। ਤਾਂ ਆਓ ਜਾਣਦੇ ਹਾਂ ਘਰ ਵਿੱਚ ਨਾਰੀਅਲ ਦੇ ਦੁੱਧ ਦਾ ਸ਼ੈਂਪੂ ਬਣਾਉਣ ਦਾ ਤਰੀਕਾ...

ਨਾਰੀਅਲ ਦੇ ਦੁੱਧ ਦਾ ਸ਼ੈਂਪੂ ਬਣਾਉਣ ਲਈ ਸਮੱਗਰੀ :

-ਅੱਧਾ ਕੱਪ ਨਾਰੀਅਲ ਦਾ ਦੁੱਧ

-1 ਚਮਚ ਦਾਲਚੀਨੀ ਪਾਊਡਰ

-ਟੀ ​​ਟ੍ਰੀ ਆਇਲ ਦੀਆਂ 2 ਬੂੰਦਾਂ।

ਨਾਰੀਅਲ ਦੇ ਦੁੱਧ ਦਾ ਸ਼ੈਂਪੂ ਬਣਾਉਣ ਦੀ ਵਿਧੀ : ਕੋਕੋਨਟ ਮਿਲਕ ਸ਼ੈਂਪੂ ਬਣਾਉਣ ਲਈ ਸਭ ਤੋਂ ਪਹਿਲਾਂ ਨਾਰੀਅਲ ਦਾ ਦੁੱਧ ਅਤੇ ਦਾਲਚੀਨੀ ਪਾਊਡਰ ਨੂੰ ਗ੍ਰਾਈਂਡਰ 'ਚ ਮਿਲਾਓ। ਹੁਣ ਇਸ ਮਿਸ਼ਰਣ ਵਿੱਚ ਟੀ ਟ੍ਰੀ ਆਇਲ ਮਿਲਾਓ। ਇਸ ਸਾਰੀ ਸਮੱਗਰੀ ਨੂੰ ਚੰਗੀ ਤਰ੍ਹਾਂ ਮਿਕਸ ਕਰੋ। ਤੁਹਾਡਾ ਘਰੇਲੂ ਕੁਦਰਤੀ ਸ਼ੈਂਪੂ ਤਿਆਰ ਹੈ। ਹੁਣ ਇਸ ਸ਼ੈਂਪੂ ਨੂੰ ਏਅਰ ਟਾਈਟ ਕੰਟੇਨਰ ਵਿੱਚ ਭਰ ਕੇ ਸਟੋਰ ਕਰ ਲਓ। ਵਾਲਾਂ 'ਤੇ ਨਾਰੀਅਲ ਦੇ ਦੁੱਧ ਵਾਲੇ ਸ਼ੈਂਪੂ ਦੀ ਵਰਤੋਂ ਕਰਨ ਲਈ ਕੋਸੇ ਪਾਣੀ ਨਾਲ ਵਾਲਾਂ ਨੂੰ ਗਿੱਲਾ ਕਰੋ। ਹੁਣ ਸਕੈਲਪ ਤੋਂ ਲੈ ਕੇ ਵਾਲਾਂ ਦੇ ਸਿਰੇ ਤੱਕ ਨਾਰੀਅਲ ਦੇ ਦੁੱਧ ਦਾ ਸ਼ੈਂਪੂ ਲਗਾਓ ਅਤੇ ਫਿਰ 10 ਮਿੰਟ ਤੱਕ ਹਲਕੇ ਹੱਥਾਂ ਨਾਲ ਵਾਲਾਂ ਦੀ ਮਾਲਿਸ਼ ਕਰੋ। ਹੁਣ ਵਾਲਾਂ ਨੂੰ ਕੋਸੇ ਪਾਣੀ ਨਾਲ ਧੋ ਲਓ ਅਤੇ ਤੌਲੀਏ ਨਾਲ ਵਾਲਾਂ ਨੂੰ ਸੁਕਾ ਲਓ। ਬਿਹਤਰ ਨਤੀਜਿਆਂ ਲਈ, ਤੁਸੀਂ ਹਫ਼ਤੇ ਵਿੱਚ ਦੋ ਵਾਰ ਵਾਲਾਂ ਵਿੱਚ ਨਾਰੀਅਲ ਦੇ ਦੁੱਧ ਵਾਲੇ ਸ਼ੈਂਪੂ ਦੀ ਵਰਤੋਂ ਕਰ ਸਕਦੇ ਹੋ।