ਵਾਲਾਂ ਦੀ ਕਰਨੀ ਹੈ ਬਿਹਤਰ ਦੇਖਭਾਲ ਤਾਂ ਲਗਾਓ ਇਹ ਔਰਗੈਨਿਕ ਤੇਲ, ਮਿਲਣਗੇ ਕਈ ਲਾਭ

"ਉਡੇਂ ਜਬ ਜਬ ਜੁਲਫ਼ੇ ਤੇਰੀ" ਕਈ ਵਾਰ ਸੁਣਿਆ ਹੋਵੇਗਾ। ਵਾਲਾਂ ਦਾ ਸਾਡੀ ਸੁੰਦਰਤਾ ਨਾਲ ਸਿੱਧਾ ਰਿਸ਼ਤਾ ਹੈ। ਪਰ ਅੱਜ-ਕੱਲ੍ਹ ਦੀ ਜੀਵਨਸ਼ੈਲੀ ਅਤੇ ਪ੍ਰਦੂਸ਼ਣ ਕਾਰਨ ਵਾਲਾਂ ਦਾ ਝੜਨਾ, ਜਲਦੀ ਸਫੈਦ ਹੋਣਾ, ਡੈਂਡ੍ਰਫ ਜਾਂ ਦੋ-ਮੂੰਹੇ ਵਾਲ ਬਹੁਤ ਲੋਕਾਂ ਦੀ ਵੱਡੀ ਸਮੱਸਿਆ ਹੈ। ਇਹਨਾਂ ਦੇ ਇਲਾਜ ਲਈ ਬਹੁਤ ਸਾਰੇ ਲੋਕ ਮਹਿੰਗੇ ਕੈਮੀਕਲ-ਯੁਕਤ ਪ੍ਰੋਡਕਟਸ ਦੀ ਵਰਤੋਂ ਕਰਦੇ ਹਨ। ਪਰ ਕੋਈ ਲਾਭ ਨਹੀਂ ਹੁੰਦਾ। ਅੱਜ ਅਸੀਂ ਤੁਹਾਨੂੰ ਵਾਲਾਂ ਦੀ ਦੇਖਭਾਲ ਲਈ ਵਧੀਆ ਅਤੇ ਕਾਰਗਰ ਔਰਗੈਨਿਕ ਤੇਲਾਂ ਬਾਰੇ ਦੱਸਾਂਗੇ ਜਿਸ ਨਾਲ ਤੁਹਾਡੇ ਵਾਲ ਸੋਹਣੇ ਅਤੇ ਚਮਕਦਾਰ ਬਣਨਗੇ। ਵਾਲਾਂ ਨੂੰ ਝੜਨ ਤੋਂ ਰੋਕਣ ਲਈ ਵਾਲਾਂ ਦੇ ਤੇਲ ਨਾਲ ਮਾਲਿਸ਼ ਕਰਨ ਨਾਲ ਬਹੁਤ ਲਾਭ ਮਿਲਦਾ ਹੈ।

ਆਰਗੈਨਿਕ ਵਾਲਾਂ ਦਾ ਤੇਲ ਨੂੰ ਤੁਸੀਂ ਘਰ 'ਚ ਹੀ ਬਣਾਏ ਸਕਦੇ ਹੋ। ਇਹ ਤੇਲ ਵਾਲਾਂ ਦੀ ਜੜਾਂ ਨੂੰ ਪੋਸ਼ਣ ਦਿੰਦੇ ਹਨ। ਆਓ ਜਾਣਦੇ ਹਾਂ ਔਰਗੈਨਿਕ ਤੇਲਾਂ ਬਾਰੇ:

ਨਾਰੀਅਲ ਦਾ ਤੇਲ ਅਤੇ ਲਵੈਂਡਰ ਆਇਲ: ਵਾਲਾਂ ਦੇ ਵਾਧੇ ਲਈ ਨਾਰੀਅਲ ਤੇਲ ਦੀ ਵਰਤੋਂ ਬਹੁਤ ਲੰਬੇ ਸਮੇਂ ਤੋਂ ਕੀਤੀ ਜਾ ਰਹੀ ਹੈ। ਜੇਕਰ ਵਾਲਾਂ ਲਈ ਨਾਰੀਅਲ ਦੇ ਤੇਲ ਵਿੱਚ ਲਵੈਂਡਰ ਆਇਲ ਮਿਲਾ ਲਿਆ ਜਾਵੇ ਤਾਂ ਇਹ ਆਰਗੈਨਿਕ ਬਣ ਜਾਂਦਾ ਹੈ। ਇਸ ਲਈ ਨਾਰੀਅਲ ਦੇ ਤੇਲ ਦੀਆਂ 10 ਬੂੰਦਾਂ ਵਿੱਚ ਇੱਕ ਬੂੰਦ ਲਵੈਂਡਰ ਆਇਲ ਮਿਲਾਓ ਅਤੇ ਇਸ ਤੇਲ ਨਾਲ 15 ਮਿੰਟ ਤੱਕ ਹਲਕੇ ਹੱਥਾਂ ਨਾਲ ਮਾਲਿਸ਼ ਕਰੋ ਅਤੇ ਅੱਧੇ ਘੰਟੇ ਬਾਅਦ ਸ਼ੈਂਪੂ ਨਾਲ ਵਾਲਾਂ ਨੂੰ ਧੋ ਲਓ।

ਬਦਾਮ ਅਤੇ ਪੁਦੀਨੇ ਦਾ ਤੇਲ: ਬਦਾਮ ਦਾ ਤੇਲ ਵਾਲਾਂ ਦੀ ਸਿਹਤ ਲਈ ਬਹੁਤ ਫੈਡਮੰਡ ਹੁੰਦਾ ਹੈ। ਜੇਕਰ ਤੁਸੀਂ ਇਸ ਵਿੱਚ ਪੁਦੀਨੇ ਦਾ ਤੇਲ ਮਿਲਾ ਲਿਆ ਜਾਵੇ ਤਾਂ ਇਹ ਆਰਗੈਨਿਕ ਤੇਲ ਬਣ ਜਾਂਦਾ ਹੈ। ਇਸ ਲਈ 10 ਬੂੰਦਾਂ ਬਦਾਮ ਤੇਲ ਦੀਆਂ ਅਤੇ ਇਕ ਬੂੰਦ ਪੁਦੀਨੇ ਦੇ ਤੇਲ ਦੀ ਮਿਲਾਓ। ਹਲਕੇ ਹੱਥਾਂ ਨਾਲ ਵਾਲਾਂ ਦੀ ਮਾਲਿਸ਼ ਕਰੋ ਅਤੇ ਥੋੜ੍ਹੀ ਦੇਰ ਬਾਅਦ ਵੱਲ ਧੋ ਲਓ। ਜੇਕਰ ਤੁਹਾਨੂੰ ਐਲਰਜੀ ਦੀ ਪ੍ਰੇਸ਼ਾਨੀ ਹੈ ਤਾਂ ਪੈਚ ਟੈਸਟ ਕਰਨ ਤੋਂ ਬਾਅਦ ਹੀ ਲਗਾਓ।

ਜੋਜੋਬਾ ਅਤੇ ਚਮੇਲੀ ਦਾ ਤੇਲ: ਜੇਕਰ ਤੁਸੀਂ ਆਪਣੇ ਸਿਰ ਤੇ ਜੋਜੋਬਾ ਅਤੇ ਚਮੇਲੀ ਦਾ ਤੇਲ ਲਗਾਉਂਦੇ ਹੋ ਤਾਂ ਇਸ ਨਾਲ ਵਾਲਾਂ ਦੀਆਂ ਕਈ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲਦਾ ਹੈ। ਇਸ ਲਈ 10 ਬੂੰਦਾਂ ਜੋਜੋਬਾ ਤੇਲ ਵਿੱਚ 1 ਬੂੰਦ ਚਮੇਲੀ ਦਾ ਤੇਲ ਮਿਲਾਓ। ਇਸ ਤੇਲ ਨਾਲ ਚੰਗੀ ਤਰ੍ਹਾਂ ਮਾਲਿਸ਼ ਕਰਨ ਤੋਂ ਬਾਅਦ 20 ਮਿੰਟਾਂ ਵਿੱਚ ਹਲਕੇ ਸ਼ੈਂਪੂ ਨਾਲ ਵਾਲ ਧੋ ਲਓ।